نئی دہلی،  13/ستمبر 2020 ۔ کیمیا اور کیمیاوی کھادوں کے وزیر مملکت جناب من سکھ منڈاویا نے آج نیشنل فرٹیلائزرس لمیٹڈ – این ایف ایل نانگل پلانٹ کا دورہ کیا۔ انھوں نے کمپنی کی پیش رفت کا جائزہ لیا اور ملک کی کھاد سے متعلق ضرورتوں کی تکمیل کے لئے افسروں کے ذریعے کئے گئے اقدامات کا جائزہ لیا۔

دورے کے دوران جناب منڈاویا نے پروڈکشن سے متعلق کاموں میں گہری دلچسپی لی۔ وزیر موصوف نے کنٹرول رومس کے دورے کے دوران ملازمین کے ساتھ تبادلہ خیال کیا۔ کیمیا کے وزیر نے 40 سال پرانے نانگل پلانٹ کی پروڈکشن سے متعلق شاندار کارکردگی کی ستائش کی۔

جناب منڈاویا نے ایس ایف ایل نانگل یونٹ کے ریسرچ اینڈ ڈیولپمنٹ فارم کا بھی دورہ کیا، جہاں کسانوں کے لئے مٹی کی جانچ سے متعلق سہولتوں کو وسعت دینے کے علاوہ کمپنی کے ذریعے اعلیٰ معیار والے بیج تیار کئے جاتے ہیں۔ انھوں نے آر اینڈ ڈی فارم میں ترقی پسند کسانوں کے ایک گروپ کے ساتھ گہرائی کے ساتھ صلاح و مشورہ کیا اور کچھ کسانوں کے مابین مٹی صحت کارڈ  بھی تقسیم کئے۔

جناب من سکھ منڈاویا نے اپنے دورے کو یادگار بنانے کے لئے اس اکائی میں ایک پودا بھی لگایا۔

جناب منڈاویا کے دورے کے دوران رسمی طور پر گارڈ آف آنر کے ساتھ ان کا گرم جوشی کے ساتھ خیرمقدم کیا گیا۔ چیئرمین اور مینیجنگ ڈائریکٹر جناب وی این دت، ڈائریکٹر (تکنیکی) جناب نرلپ سنگھ رائے اور جی ایم انچارج نانگل اکائی جناب راکیش مارکن نے جناب منڈاویا کا خیرمقدم کیا۔

این ایف ایل نانگل اکائی مختلف قسم کی صنعتی مصنوعات جیسے سوڈیم نائٹریٹ، سوڈیم نائٹرائٹ، نائٹرک ایسڈ کے علاوہ سالانہ تقریباً 5 لاکھ میٹرک ٹن یوریا کی پیداوار کرتی ہے۔ نانگل پلانٹ ملک کے سب سے پرانے فرٹیلائزر پلانٹ میں سے ایک ہے۔

******

م ن۔ م م۔ م ر

U-NO. 5345

13.09.2020