এজুকেসন মন্ত্রালয়না শিনবা সিক্সা পর্ব ২০২০গী শরুক ওইনা “২১শুবা চহিচাদা স্কুল এজুকেসন” হায়বা অসিদা নুমিৎ নিনিগী কনক্লেব ঙসি ভর্চ্যুল ওইনা হৌখ্রে। প্রধান মন্ত্রী নরেন্দ্র মোদীনা নেস্নেল এজুকেসন পোলিসী -২০২০ (এন.ই.পি.-২০২০)গী কনক্লেব অসিদা হয়েং ভিদিও কনফরেন্সকী খুত্থাংদা অয়ুক পুং ১১ তাবা মতমদা ৱা ঙাংগনি। থৌরম অসিদা কেন্দ্রগী মন্ত্রী শ্রী রামেশ পোখ্রিয়ল ‘নিশঙ্ক’ অমসুং এজুকেসনগী রাজ্যগী মন্ত্রী শ্রী সঞ্জে ধোত্রেসু শরুক য়াগনি। ওজাশিংবু ওকনবা অমসুং অনৌবা নেস্নেল এজুকেসন পিলিসি ২০২০বু মাংলোমদা পুখৎনবা সিক্সা পর্ব অসি সেপ্তেম্বর ৮ – সেপ্তেম্বর ২৫, ২০ ফাওবা পাঙথোক্কনি।

স্কুল এজুকেসন অমসুং লিতরেসী বিভাগকী সেক্রেতরী শ্রীমতি অনিতা কর্ৱালনা ঙসি কোনক্লেব অসি হৌদোকখি। অনৌবা এজুকেসন পোলিসী ২০২০গী হীরম তরুক্তা তেক্নিনিকেল সেসন অনি পাঙথোক্তুনা খন্ন-নৈনখি। প্রিন্সিপল অমসুং ওজাগী প্রেক্তিসনরশিংনা এন.ই.পি.গী থিম অসি অনৌবা মওংশিংদা হান্না করম্না ইমপ্লিমেন্ত তৌখিবগে হায়বগী মতাংদা খন্নখি।

অহানবা তেক্নিকেল সেসন অসি ‘ফাউন্দেস্নেল লিতরেসী এন্দ ন্যুমরেসী’গী হীরমদা প্রেক্তিসনরশিংগী ওইবা ৱাখল্লোনগী মতাংদা খন্ন-নৈনবা অমগা লোয়ননা পুং ১০দগী ঙসি হৌখি। শ্রী রাকেশ গুপ্তা, আই.এ.এস., নোদেল ওফিসর-সকশম হরিয়ানা; শ্রী সতিন্দর কুমার সোরৎ, প্রিন্সিপল, গভর্নমেন্ত সিনিয়র সেকেন্দরী স্কুল, ফরিদবাদ, হরিয়ানা অমসুং শ্রী সর্ভিশ কুমার, প্রিন্সিপল, বস্তি, য়ু.পি., (নেস্নেল এৱার্দ ফোর তীচর্স ২০১৮গী মনা ফংখ্রবা) হায়রিবশিং অসি সেসন অসিদা মরু ওইবা ৱা ঙাংলোয়শিং ওইখি।

খন্ন-নৈনবা অসি শ্রী রাকেশ গুপ্তানা এন.ই.পি.: ২০২০দা য়াওরিবা ফাউন্দেস্নেল লিতরেসী অমসুং ন্যুমরেসীগী কান্নবশিংদা মীৎয়েং থমদুনা হৌদোকপগী ৱারোলশিং পীখি। রাজ্য অনি, য়ু.পি. অমদি হরিয়ানানা থেংনখিবা অদু ফোঙদোক্লদুনা অঙাংশিংবু অনৌবা ৱাখল পুথোকপা ঙম্নবা, ইশাদা থাজবা থম্বা ঙমজনবা অমসুং ২১শুবা চহিচাগী শীংনবশিং অসি মায়োক্নবা ঙম্নবা শেম-শানবা থৱায় য়াওনা কন্না হোৎনগদবনি হায়না মহাক্না হায়খি।

শ্রী সোরৎনা হায়খি সকশম হরিয়ানা অসি হরিয়ানাগী সরকারগ স্কুলগী মহৈরোয়শিংগী মহৈ তম্বগী থাকশিং অসি ফগৎহন্নবা হরিয়ানা সরকারনা লৌখৎখিবা খোঙথাং অমনি। মহাক্না চিনফা পুদুনা মহৈ তম্বগী মহুত্তা মপুং ফানা খঙহৈবদা য়ুম্ফম ওইরগা মহৈ তম্নবা মীৎয়েং চিংশিনখি। মহাক্না মহৈ তম্বগী মওং ফগৎহন্নবগী প্রোগ্রামশিং অমসুং ফাউন্দেস্নেল স্কিলশিংদা থর্দ পার্তীগী এসেসমেন্ত মথৌ তাবগী মতাংদসু ৱা ঙাংখি।

শ্রী সর্ভেশ কুমারনা হায়খি মিসন প্রের্না অসি রাজ্য শিনবা থুংনা তঙাই ফদবা সিক্সা বিভাগকী মখাদা লৈবা স্কুল লাখ ১.৬গী ক্বালিতী এজুকেসন ফগৎহন্নবা উত্তর প্রদেশ সরকারগী অচৌবা প্রোগ্রাম অমনি। পেদাগোজিগী খোঙথাংশিংগী মখাদা, ক্লাস অমমমগী করিকুলমগা মরী লৈনবা আউৎকমশিংদা ওজাশিংদা ময়েক শেংনা খঙহন্নবা হিন্দী অমসুং অঙ্কগী ওইনা ক্লাস ১-৫ ফাওবগী কম্পিতেন্সীশিংগা লোয়ননা লর্নিং আউৎকমশিং য়াওবা লিস্ত, ‘প্রের্নাসুচি’ অসি শেমখি। আউৎকমশিং অসি থা অহুম খুদিংক্কী য়েংশিল্লি অমসুং মহৈরোয়গী রিপোর্ত কার্দকী খুত্থাংদা মমা-মপাশিংদা রিপোর্ত তৌই। শ্রী কুমরনা হায় এসেসমেন্তগী মওং মতৌশিং অসিদা অহোংবা পুরকপা মথৌ তাই, মহাক্না হায় এসেসমেন্ত অসি একাদেমিক্কী ওইবা লৌশিং খক্তদা য়ুম্ফম ওইরোইদবনি অদুবু মসিদা মহৈরোয়শিংগী কোগনিতিব, সাইকোমোতর তৌবা ঙম্বশিংসু য়াওহনগদবনি।

‘আর্ত ইন্তিগ্রেতেদ এন্দ তোই ইন্তিগ্রেতেদ পেদাগোজী’গী হীরমদা প্রেক্তিসনরশিংগী ওইবা ৱাখল্লোনগী মতাংদা ঙসি পুং ১০.৫০দা খন্ন-নৈনবা পাঙথোকখি। সেসন অসি এন.সি.ই.আর.তি.গী দা পৱন সুধিরনা কো-ওর্দিনেৎ তৌখি। শ্রীমতি সুনিতা এস রাও, প্রিন্সিপল, দিল্লী পব্লিক স্কুল, সিকন্দ্রবাদ অমসুং দা অঞ্জু কৌর চাজোৎ, মহাত্মা গান্ধী ইন্তর্নেস্নেল স্কুল (এম.জি.আই.এস.)কী ফাউন্দর, গান্ধী নগর, গুজরাত অসিনা ৱা ঙাংলোয় ওইখি

মহাক্কী হৌদোকপগী ৱারোলদা দা পৱন সুধিরনা হায়খি অনৌবা এজুকেস্নেল পোলিসী, (এন.ই.পি.) ২০২০না অমত্তা ওইবা, অপুনবা, নুংঙাইবা, লৌশিং ফংনবা অমসুং মহৈ তম্বগী মথৌ তাবা অদু য়াওরি। মহাক্না এন.ই.পি.গী চেপ্তর ৪ অমসুং ২২গী প্রোবিজনশিংদা মরু ওইনা মীৎয়েং থমদুনা হায়, মসিনা তাঙ্কক পুম্নমক্তা লৌশিং ফংনবা মওংদা লৌখৎকদবনি, মসিদা আর্ত-ইন্তিগ্রেতেদ ওইবা পেদাগোজী য়াওনা অতোপ্পা কয়াগা লোয়ননা সবজেক্ত খুদিংমক্কী সেন্দর্দ পেদাগোজী ওইহনগদবনি অমসুং অতোপ্পা তোঙান তোঙানবা সবজেক্তশিংগা লৈনরিবা মরীশিং অদুসু খঙদোক্কদবনি হায়না পীরি। লৌশিং ফংনবা হৌৎনবগী শরুক অমা ওইনা আর্ত-ইন্তিগ্রেতেদ এজুকেসন অসি ক্লাসরুমদা নুংঙাইনা মহৈ তম্বা খক্তদা মহৈ তম্বীবদা শীজিন্নবতা নত্তনা তাঙ্কক খুদিংমক্কী তাকপী-তম্বীবগী প্রোসেস অসিদা ভারতকী কলা অমসুং নাৎ য়াওনবগী খুত্থাংদা ভারতকী চৎনবী অদু লৌশিনহনগদবনি। মসিগী আর্ত-ইন্তিগ্রেতেদ এপ্রোচ অসিনা এজুকেসন অমদি নাৎকী মরক্তা লৈরিবা মরী অদু কনখৎহনগনি।

শ্রীমতি সুনিতা এস রাওনা আর্ত ইন্তিগ্রেতেদ লর্নিংগী মতাংদা প্রজেন্তেসন অমা পীখি। মহাক্না হায় আর্ত ইন্তিগ্রেসন লর্নিংনা খঙনিংবশিং অমসুং এসথেতিক স্কিলশিংগী লৌশিং ফংহন্নবা অমসুং নুংঙাইনা মহৈ তম্নবগী লম্বী অমা পীগনি। আর্ত ইন্তিগ্রেতেদ লর্নিংনা ন্যুমরেসী, শেপশিং খঙনবা, মরম চাবা স্কিলশিং খঙনবা, মহৌশাগী ওইবা এৱের্নেস, অনৌবা ৱাখল পুথোকপা হেনগৎহনবা, ফাইন মোতোর স্কিলশিংগী ৱাখল শাগৎপা হেনগৎহনবা অমসুং কোগনিতিব স্কিলশিং অমসুং লোলগী লৌশিং লৈবা হেগৎহনবা অসিনচিংবদা মতেং পাংলি। মহাক্না হায় এন.সি.এফ. ২০০৫না আর্ত অসি ম্যুজিক, দান্স, ভিজ্যুল আর্ত অমসুং থিএতর, মরু ওইবালম মরি অসি য়াওবা সবজেক্ত অমা ওইনা স্তেজ খুদিংমক্তা হাপনবা রিকম্মেন্দ তৌরকখি অমসুং সি.বি.এস.ই.না ভারতকী পাক চাউরবা অমদি মখল কয়াগী কলা অমসুং নাৎকী ওইবা এৱের্নেস পীনবা এজুকেসনদা আর্ত ইন্তিগ্রেসন শোইদনা হাপখ্রে।

দা অঞ্জু কৌর চাজোৎনা তোই ইন্তিগ্রেতেদ পেদাগোজীগী মতাংদা প্রজেন্তেসন অমা পীখি। মআক্না শান্নপোৎশিংগা লোয়বননা লৌশিং ফংনবা মওংদা মহৈ তম্বগী কান্নবা অদু থমখি। মহাক্না শান্নপোৎশিংগা লোয়ননা মহৈ তম্বগী তাঙ্কক মরি লৈ হায়না তাকখি, মদুদি (i) লমদম অসিগী লৈজরিবা শান্নপোৎশিং থিদোকপা অমসুং খঙদোকপা (ii) পেদাগোজীগী ওইনা শীজিন্নবা (iii) অনৌবা শান্নপোৎশিং শাবা (ফিজিকেল অমসুং দিজিতেল) (iv) অনৌবা শান্নপোৎশিং ইশাগী অমসুং অতোপ্পগী ওইনা শীজিন্নবা। মহাক্না ক্লাস ৪গী মহৈরোয়শিংনা তৌবা ম্যুজিয়ম প্রোজেক্ত অমগী মতাংদা শন্দোক্না তাকখি, মখোয়না মখোয়গী মপু-মবেনশিংনা শীজিন্নরম্বা শান্নপোৎশিং খোমজিনখি অমসুং হায়রিবা শান্নপোৎশিং অদু শাবদা শীজিন্নরিবা মচাকশিং, মখোয়গী মওংশিং অমসুং চাউবগী মতুং ইন্না মখোয়বু খায়দোকই।মসিনা মখোয়গী হিস্তরী অমসুং জিওগ্রাফীগী লৌশিং, দেতা কল্লেক্সনশিং, পোৎশিংগী তোঙান তোঙান্না খায়দোকপা, ফজবগী ৱাখল্লোন অদু লৈহনবদা মতেং পাংখি।

‘অর্লী চাইল্দহুদ ক্যের এন্দ এজুকেসন’গী হীরমদা প্রেক্তিসনরশিংগী ওইবা ৱাখল্লোনগী মতাংদা ঙসি পুং ১১.৫০দা খন্ন-নৈনবা পাঙথোকখি। ই.সি.সি.ই.গী সেসন অসি হীরম অসিদা এক্সপর্ত ওইরিবা  দা বিনিতা কৌলনা মোদরেতর ওইখি। সেসন অসিদা ৱাঙাংলোয় অনি – শিম্লাগী কোৎখাইগী ওজা, শ্রীমতি নিশা শর্মা অমসুং রাইপুরগী এন ঐচ গোইল ৱার্ল্দস্কুলগী প্রিন্সিপল শ্রীমতি কলপনা চৌধুরীনা হীরম অসিগী মতাংদা ৱা ঙাংখি অমদি মখোয় মশা মশাগী ওইবা প্রজেন্তেসনশিং পীখি।

হৌদোকপগী ৱারোলদা, দা কৌল, সেসন অসিগী কো-ওর্দিনেতরনা হায়খি ই.সি.সি.ই. অসি এজুকেসন মন্ত্রালয়না শেম্বা অনৌবা এজুকেসন পোলিসী ২০২০দা মপুং ফানা য়াওরি, মসিনা ই.সি.সি.ই. অসি ফগৎহন্দুনা কান্নবা ফংহল্লগনি। সেসন অসিগী মরু ওইবা মরমদি অনৌবা এজুকেসন পোলিসী ২০২০দা ই.সি.সি.ই.গী ওইবা ৱাখল্লোনশিং, পান্দমশিং অমসুং রিকম্মেন্দেসনশিং খঙহন্নবনি। মখোয় মশাগী খঙজ-হৈজবদা য়ুম্ফম ওইরগা ৱাঙাংলোয়শিংনা হীরম অসিগী তোঙান তোঙানবা মরু ওইবা সমস্যাশিংগী মতাংদা ৱা ঙাংখি। লৌশিং লৈরবা ৱাঙাংলোয় অনি অসিনা অঙাংশিংগী মরক্তা লর্নিং আউৎকমশিং হেনগৎহন্নবা স্কুল এজুকেসন্দা ই.সি.সি.ই.গী ক্বালিতীগী কান্নবা অদু থমখি। শন্দোকনা তাকপা মওং অমদা তাকপী-তম্বীবগী প্রোসেস অসিদা ঙল্লিঙৈ মতমদা লৌশিং য়াম্না হেনগৎহনবগী কান্নবা অমসুং চান্নবা পেদাগোজী করম্না শীজিন্নগনি হায়বা অদু থমখি।

খন্ন-নৈনবা অসিদা অঙাংশিংগী মরক্তা স্কুল রেদিনেস দিবেলপ তৌবা, রেদিনেসকী দাইমেন্সন অহুম মমিং ওইনা পল্লবদা স্কুল রেদিনেস, চিলদ্রেন রেদিনেস অমসুং ফেমিলী রেদিনেসগী মতাংদা তৌগদবা মথৌ তাবা অদু তৌনবদা মীৎয়েং চিংশিনখি। অঙাংশিং প্রি-স্কুলদগী প্রাইমরী এজুকেসন্দা হোংলকপা মতমদা লায়নবা ইমুং-মনুংশিং, মমা-মপাশিং অমসুং খুন্নাইগী ওইবা অপুনবা থৌদাং অদুসু খন্নখি। অঙাংগী অপুনবগী দিবেলপমেন্ত ফগৎহন্নবা হোলিস্তিক এপ্রোচ শীজিন্নদুনা ই.সি.সি.ই. ফংহন্নবগী কান্নবশিং অদু সেসন অসি লোয়শিনবদা থমখি। মরু ওইনা ঙল্লিঙৈগী এজুকেসন অমসুং মপুং ফাবা মওং অমদা অঙাংশিং শেম্বীবগী হীরমদা সেসন অসি য়াম্না কান্নখি অমসুং লৌশিং ফংহনখি। সেসন অসি সোসিএল মীদিয়াদা য়াম্না থাগৎনরকখি।

অনিশুবা তেক্নিকেল সেসন অসি অমত্তা ওইবা রিপোর্ত কার্দকী মতাংদা খন্ন-নৈনবা অমগা লোয়ননা হৌখি। সেসন অসিদা শ্রীমতি অঞ্জু কৌর চাজোৎনা ময়াই তাংবল লৌখি অমসুং সিক্কিম, দুগাগী রাঙপোগী সরকারগী সিনিয়র সেকেন্দরী স্কুলগী প্রিন্সিপল দা হন্না য়োঞ্জন অমসুং বেঙ্গুলুরু জেন ইন্তর্নেস্নেলগী চ্যের্মেন শ্রী চেনরাজ রোইচান্দনা সেসনগী ৱাঙাংলোয় ওইখি। র্দকি হগী অনা মপুং ফাবা মওং া স তেদ ওইবা পেদাগোজ

শ্রীমতি অঞ্জু কৌর চাজোৎনা শরুক য়ারিবা পুম্নমক তরাম্না ওকখ্রে অমসুং অফবা এজুকেসন পুরক্নবা এসেসমেন্ত অসি মরু ওই হায়না থমখি। ঐখোয়গী তাকপী-তম্বীবগী প্রোসেস অসিদা ইভাল্যুএসন অসি য়াম্না মরু ওইবা ফেক্তর অমা ওই অমসুং অনৌবা এজুকেসন পোলিসী ২০২০দা এসেসমেন্তনা লৌরিবা মরু ওইবা থৌদাং অদু থাগৎখি।

দা. হন্না য়োঞ্জন্না হোলিস্তিক ওইবা রিপোর্ত কার্দ অমগী মতাংদা প্রজেন্তেসন অমা উৎখি। মহাক্না মহাক্কী স্কুলদা ইমপ্লিমেন্ত তৌখ্রবা মহৈরোয়শিংগী দিবেলপমেন্ত, ২১শুবা চহিচাগী স্কিলশিং, ৩৬০ দিগ্রী হোলিস্তিক প্রোগ্রেস কার্দ, এসেসমেন্তগী অহোংবশিং, বোর্দ একজামশিং নৌনা শেমদোকপা অমসুং পর্ফোরমেন্স চার্ত উৎপাগী এসেসমেন্ত অসিদা অওনবা পুরক্নবগী মতাংদা শন্দোক্না তাকখি। মহাক্না পীর-এসেসমেন্ত, সেল্ফ-এসেসমেন্ত অমসুং তীচর এসেসমেন্ত অসি কয়াম মরু ওই অমদি মসিগী কান্নবা অদু ফোঙদোকখি। ক্লাস ১দগী ২ ফাওবদা ক্লাস অমদা মহৈরোয় মশিং ২৫ দগী মহৈরোয় ২০ ওইহনবা , ইশাগী, মশুং-মমান্নবগী অমসুং ওজাগী এসেসমেন্তগী রিসোর্স হেনগৎহনবা, ব্লেন্দেদ লর্নিং/ইন্তিগ্রেতেদ তীচিং-লর্নিং অসি শোইদনা য়াওহনবা, প্রি-সর্ভিসকী তঙাই ফদবা কম্প্যুতরগী লৌশিং অমসুং ইন-সর্ভিসকী তঙাই ফদবা কম্প্যুতরগী ত্রেনিং অসি শোইদনা লৈহনগদবনি হায়না মহাক্না অপাম্বা ফোঙদোকখি। চেনরাজ রোইচান্দনা মরু ওইবা পেরামিতর মাপলগী মতাংদা তেনতক্না থমখি, মহাক্না মদুবু ‘নবরত্না’ হায়না মিংথোনখি মসিদা পুম্নমক য়াওবা, মান্নবা মীৎয়েং, অফবা, মতম শাংনা মহৈ তম্বা, চেকশিনবা, অপুনবা, ইন্তর্দিসসিপ্লিনরী, মরা চেৎপা অমসুং শেমদোক-শেমজিন য়াবা অসি য়াওরি।

‘তিচিং ইন মদর তঙ’  হায়বা সবজেক্ততা খন্ন-নৈনবা অদু দা. শাকীলা তি. শামসুনা কোওর্দিনেৎ তৌখি। ৱাঙাংলোয় অনি অদুদি দা. অশোক কুমার পান্দে, দিরেক্তর অহকোন গ্রুপ ওফ স্কুলস অমসুং শ্রীমতী সন্ধ্য প্রধান আই/সি হেদমিস্ত্রেস, এম.এস. অদিত্যপুর ঝারখন্দনি।

দা. অশোক কুমার পান্দেনা প্রাইমরীগী থাক্তা লৈবা মহৈরোয়শিংদা য়ুমদা শিজিন্নবা লোল/মমা লোল/লোকেল/রিজনেল লোলদা মহৈ তম্বীনবা পোলিসীগী ৱারেপ অদুবু তরাম্না ওকখি মরমদি মসিনা অঙাংশিংনা য়ুমদা শিজিন্নবা লোল/মমা লোন্দনা হেন্না থুনা কন্সেপ্তশিং খংবা অমসুং লৌশিনবা ঙম্মি। মহাক্না মখা তারদুনা মসি সরকারগী স্কুলশিংদা অপনবা লৈতনা ইমপ্লিমেন্ত তৌবা য়ারবসু লনাইগী স্কুলশিংদদি চয়েৎনবা খরা থোক্কনি মরম অদুনা মসিগী রিকমেন্দেসন অসি ইমপ্লিমেন্ত তৌদ্রিঙৈদা ৱারেপ অমা লৌবা মথৌ তাই।

শ্রীমতী সন্ধ্য প্রধান্না হায় ত্রাইবেল এরিয়াশিংদা অহানবা চহি অনিগী অঙাংশিংগী মহৈ তম্বা অসি মখোয়গী লোকেল ত্রাইবেল লোন্দা তম্বীগদবনি। মহাক্না মখা তারদুনা লোকেল লোল অমদগী হেন্না লৈবা রাজ্য কয়ামরুম লৈ হায়খি। মরম অদুনা কন্সতিত্যুসনগী VIII সেদ্যুলদা পীরিবা অতোপ্পা ভারতকী লোলশিং প্রমোৎ তৌনবা মল্তিলিংগ্বেলিজম শিজিন্নগদবনি। মহাক্না মখাতানা অহৌবগী মহৈ তম্বা অসি মমা লোল/লোকেল লোন্দা তম্বীরগা মখাতাবা চহিশিংদা ইংলিশ নত্রগা অতোপ্পা লোলশিংদা ওন্থগদবনি হায়না ফোঙদোকখি।

‘নো হার্দ সেপেরেসন’ হায়বা লমদা খন্ন-নৈনবা অদু প্রোফ. মঞ্জুল ভার্গৱানা কোওর্দিনেৎ তৌখি। ৱাঙাংলয় অনি অদুদি শ্রী মনু গুলাতী, দিল্লীগী ওজা, অমসুং শ্রী রেম্যা পরমেশ্বর আইয়র, পি.জি.তি., কে.ভি., আই.আই.তি. গুৱাহাতীনি। 

ৱাঙাংলোয়শিংনা ওবজর্বেসন খরা পুথোকখি মদুদি পোলিসী অসিগী মনুংদা করিকুলম অমসুং সবজেক্তশিং হোংদোক- হোংজিন য়াবা অসিনা মীওই অমমমগী ক্রিএতিব ওইবা তৌবা ঙম্বশিং শেমগৎপা ঙমহনবনা অফবা খোঙথাং অমনি। মখোয়না হায় পোলিসী অসিনা স্কুলগী থাক খক্তা নত্তনা কোলেজগী থাক্তসু সবজেক্তশিং অমসুং কোর্সশিং হোংদোক-হোংজিন য়াবদা অহেনবা মীৎয়েং চংলি। স্ত্রীমশিং, সবজেক্তশিং, করিকুলর অমসুং কো-করিকুলর এক্তিবিতীশিংগী মরক্তা তশেং-তশেংনা খেন্নবা থম্লরোই অমসুং মহৈরোয়শিংনা মখোয়গী অপাম্বা, মথৌ তাবা অমসুং তম্নিংবা সবজেক্তশিং খনবা য়াবগী অচৌবা খুদোংচাবশিং পীরগনি। বোর্দ একজামিনেসন্দা অনিরক শরুক য়াবা য়াবগী অয়াবা পীবা অসিনা মহৈরোয়শিংগী অৱাবা চাউনা কোকহল্লগনি হায়নসু ফোঙদোকখি।

*****

(Release ID: 1653241) Visitor Counter : 115