নিয়মশিং লৌথোক্নবা অমসুং মদুনা য়াম্না লাইনা ললোন-ইতিক্কী থবক অমা হৌবা য়ানবা সরকারনা রাজ্যশিং অমসুং লোকেল বোদিশিংগা লোয়ন্না থবক পায়খৎলে। ঙসি ভর্চুএল ওইনা ইন্দিয়ান ইন্সতিতুৎ ওফ ফোরেন ত্রেদকী মহৈরোইশিংদা ৱা ঙাংবদা কমর্স অমসুং ইন্দস্ত্রিগী য়ুনিয়ন মিনিস্তর পিয়ুস গোয়ালনা হায়খি চহি ৫ অসিদা ভারত মশাগী ওইবা ললোন-ইতিক পাংথোকপা নুংঙাইবগী রেঙ্কিং ফিবম ফগৎলে।

ভারত্তা ফংলিবা য়াম্লবা খুদোংচাবশিংগী মতাংদা মহাক্না হায়খি ভারতনা ময়ামদগী হেন্না খুদোংচাবগী মরমদি য়াম্না ফবা, অফবা থবক অমসুং মমল হোংবা অসিনি। লৈবাক অসিগী মগুন লৈবা  পোৎথোক অমসুং চাংদম্না ঙম্বা অসিগীদমক মালেমদা ভারত মশক তাক্কদবনি। তুংগী থৌরাং তৌবদা মগুন লৈহনবা অসি তঙাইফদবা শরুক অমা ওইহনগদবনি। মমল লেপ্পদা অরোনবা লৈতবা, ললোন-ইতিক্কী থবক্তা অরোনবা লৈতবা, মনিং তম্বা কৈথেল, য়োন্নিংবা মমলদা য়োনবা য়াবা অমসুং নারোন্দা সবসিদি পীদবা অসিদা ঐখোয়না থাজবা থম্লি। অত্মানির্ভর ভারতকী ৱাখল্লোনদি মালেমগী ললোন-ইতিক্কী থবকশিং ভারতনা থোঙ লোনশিনবা অদু নত্তে। মসিগী পান্দমদি মালেমগী ললোন-ইতিক্কী থবকশিংদা হেন্না শরুক য়াবনি। শেন য়াম্না চঙহন্দনা য়াম্না মগুন লৈবা পোৎথোকশিং পুথোক্তুনা হৌজিক ভারতনা মালেমগী ইকোনোমিশিংগা থবক তৌমিন্নরি।

পাক-চাউরবা ভারতকী কৈথেলগী মতাংদা মিনিস্তরনা হায়খি ভারতকী কৈথেল অসি মালেমগী ললোন-ইতিকশিংনা পাম্নবা কৈথেল অমনি। চাউরবা ভারতকী কৈথল অমা ফংবা খক নত্তনা শেন-থুমগী থবকশিং পাকথোক-চাউথোকহন্নবা মসিগী কৈথেল অসি শীজিন্নবা য়াগনি। লৈবাক ২গী মরক্তা ললোন-ইতিক পাংথোকপা অসি অমনা অমদা খুদোংচাবা পীনবগী মখা য়াম্না পোল্লি। লৈবাক কয়া থোঙমান্নবা ললোন-ইতিক্কী থবকশিংদা চঙশিন্নরক্লি। ভারতনসু অতোপ্পা লৈবাকশিংদা ঐখোয়গী ললোন-ইতিক্কী মরী পাংথোক-চাউথোকহনগনি। করিগুম্বা অতোপ্পা লৈবাকশিংনা ভারতমচা করোর ১৩০গী কৈথেলদা চঙলকপা পাম্লবদি, মখোয়গী কৈথেলশিংদা চঙনবগী মান্নবা খুদোংচাবা মখোয়না ঐখোয়দা পীগদবনি। ভারতনা নিয়ম চুমদবা ললোন-ইতিক্কী থবকশিং পাংথোকফম অনাবা অমা ওইরোই।

হৌখিবা এফ.তি.এদা ভারতনা খুদোংচাবা অমতা ফংখিদবগী মতাংদা মিনিস্তরনা হায়খি পুৱারিগী অরানবা অদু ঐখোয়গী মীরোন্না চুমথোক্কদবনি। ভারতনা পাম্লিবশিং ফজনা খন্নদবদগী লৈবাক অসিনা আর.সি.ই.পি খুৎয়েক পীখিদবনি। ভারত, জপান অমসুং অস্ত্রেলিয়া অহুম অসি অশেংবা গনতন্ত্র চৎপা লৈবাকশিংনি, থাজবা মরুপশিংনি অমসুং নিয়মগী মতুংইন্না ললোন-ইতিক পাংথোকপদা থাজবা ঙাক্তনি অমসুং সপ্লাই চেন অমা শেমগৎপা হন্দক য়ানরে।  

দলাই লামানা হায়খিবা ৱাফম,“অহোংবা পুরক্নবা নহাক্কী খুৎশিং থাংগৎলু অদুবু নহাক্কী মগুনশিং মাঙহনগনু” পল্লদুনা মিনিস্তরনা হায়খি মসিগী ৱাখল্লোন অসিদা মালেমগী লৈবাকশিংগা থবক তৌমিন্নবা ভারতনা পাম্লি। চাউখৎলবা লৈবাকশিং হায়বদি য়ু.এস, য়ু.কে অমসুং ই.য়ুগা এফ.তি.এ পাংথোকপা ভারতনা পাম্লি। অথুবদা য়ু.এস.এগা লোয়ন্না অকক্নবা ললোন-ইতিক্কী য়ানচে অমা খুৎয়েক পীন্নবা ভারতনা থৌরাং তৌরে।তুংদা খুৎয়েক পীনগদবা ললোন-ইতিক্কি য়ানচে খুদিংমক মরী লৈনবশিংগা খন্নরবা মতুংদা পাংথোক্কনি। দাইরি, লৌউ-শিংউ, এম.এস.এম.ইশিং অমসুং লৈবাক অসিগী মেনুফেকচররশিং য়াইফনবা থবক পায়খৎকনি। য়ু.এসগা লোয়্ন্না ললোন-ইতিক্কী থবক হেনগৎলকলি অমসুং য়ু.এসনা জি.এস.পি লৌথোকখিবদা অকায়বা অমতা পীদে।

মিনিস্তরনা হায়খি অনৌবা পোৎথোকশিং মশক খঙদোকপা অমসুং মপান্দা থাদোকপা য়াবা পোৎথোকশিং খঙদোকপদা ইন্দিয়ান ইন্সতিতুৎ ওফ ফোরেন ত্রেদকী মহৈরোইশিংনা মতেং পাংগদবনি। ভারত অমসুং মসিগী মীয়ামগী তুংগী য়াইফনবা অমসুং মালেমদা চৎনরিবা খ্বাইদগী ফবা থবকশিংদগী থৌশিল শেম্বশিংনা তম্বা য়ানবা মহৈরোইশিংনা থিজিনগদবনি অমসুং দেতা খোমজিনগদবনি। ঐখোয়গী ললোন-ইতিক্কী থৌশিলশিং মহৈরোইশিংনা খন্নগদবনি, মরৈ য়েৎনগদবনি অমসুং হন্না য়েংশিনগদবনি। কমদৌনা ঐখোয়না কোবিদ লাইচৎ মরক্তা হিংগনি হায়বা অমসুং ভারতকী তুংগী ললোন-ইতিক্কী থৌশিলগী মতাংদা মহৈরোইশিংনা খন্নগনি হায়বগী থাজবা ঐনা থম্লি।

শ্রী গোয়ালনা হায়খি ঐখোয়না শান্নপোৎশিংগী ক্বালিতি কন্ত্রোল ওর্দর হৌদোক্লে অমসুং বি.এস.আই চৎনরে। ঐখোয়না মফম অসিগী শান্নপোৎশিং মগুন হেনগৎহল্লবা আমসুং মশিং য়াম্না পুথোকপা মতমদা মশা মরোমদোম লৈবাক অসিগা চুনবা শান্নপোৎশিং মীয়াম্না পাম্নগনি। দিজিতেল তেক্নোলোজিশিং অমসুং স্তার্দঅপশিংনা অনৌবা শান্নপোৎশিং পুথোকপা ঙমহল্লে অমসুং ভারতনা লৈবাক অমগা হেক্তা লাম্বা তৌনবা ঙম্লগনি।

মিনিস্তরনা হায়খি ভারতনা মপান্দা থাদোকপা হেনগৎলকপা উরে।কোবিদ-১৯গী লোকদাউনশিং লৈরবসু মমাং চহিগী মতম অসিগা চাংদম্নবদা চহি অসিগী সেপ্তেম্বরগী অহানবা চয়োলদা ঐখোয়না মপান্দা থাদোকপা চাদা ১৩ হেনগৎখি। ঐখোয়গী মপানদা পোৎ-চৈ থাদোকপগী থবকশিং ফগৎলে । লৈবাক অসিদা পোৎ-চৈ পুথোকপা অমসুং মপান্দা থাদোকপা হেনগৎহন্নবা সরকারনা সেক্তরশিং মশক খঙদোক্লে অমসুং মখোয়না থেংনরিবা খুদোংচাদবশিং কোকহন্নবা ইন্দস্ত্রিশিংগা থবক তৌমিন্নরি।

শুপ্নগী থা ৫গী মনুংদা ভারতনা মশাগী ওক্নবা পি.পি.ই কিৎশিং অমসুং মাক্সশিং পুথোকপা ঙম্লে। হায়রিবা পোৎথোকশিং অসি ভারতনা মশাগী ওক্নবা পুথোকপা খক নত্তনা মশিং য়াম্না মপান্দা থাদোকলে হায়না মহাক্না মখা তাখি।

*****