২০২০গী সেপ্তেম্বর ১০দা পাংথোকপা ১৭সুবা সংহাই কোরপোরেসন ওর্গনাইজেসন(এস সি ও) কলচর মিনিস্তরশিংগী মীফমদা কলচর অমসুং তুরিজমগী রাজ্য মন্ত্রী(মনিংতম্বা) শ্রী প্রাহলাদ সিংহ পতেল শরুক য়াখ্রে।

মালেমগী লাইচৎকী অৱাবা মনুংদা কলচরগী থৌদাং অমসুং এস.সি.ও লৈবাকশিংগী মনুংদা কলচরগী লমদা মতেং পাংনবা হেনগৎহন্নবা খন্নখি। দিজিতেল তেক্নোলোজিনা চৎনবীশিং অমসুং কলচর খঙহন্নবা পাম্বৈ অমা ওইনা শীজিন্নদুনা এস.সি.ও মনুংদা কলচরগী লমদা মতেং পাংনবা হেনগৎহনবা ভারতনা পাম্লিবা অদু মিনিস্তরনা ফোঙদোকখি।

মহাক্কী ৱারোলদা ভারতকী কলচর মিনিস্তরনা হায়খি অসিগুম্বা লায়নাগী মতম অসিদা ঐখোয়না অৱাবা কয়া মায়োক্নবা মতমদা , মতম অমতদা ঐখোয় মীফম পাংথোকপা অসিনা ঐখোয়গী অশেংবা ৱাখল্লোনশিংগী পান্দম অদু উৎলে।

কলচর মিনিস্তরনা হায়খি এস.সি.ও লৈবাকশিংগী মনুংদা মরী লৈনবগী মরুওইবা মরমদি বুধিস্ত ফিলোসোফি অমসুং আর্তকী হেরিতেচ শরুক য়ামিন্নবা অসিনি। লৈবাকশিংগী মরক্তা লৈনরিবা মরী চেৎশিনহন্নবা, চহি অসিদা বুধিস্ত হেরিতেচগী মতাংদা অহানবা এস.সি.ও একজিবিসন পাংথোক্নবা নেসনেল মিউজম ওফ ইন্দিয়ানা থৌরাং তৌরি। চহি অসিদা লৈবাকশিংগী লুচিংবশিংগী কাউন্সিলদা ভারতনা চিয়রপর্সন ওইবা অসিগী শরুক অমা ওইনা একজিবিসন পাংথোক্নবা থৌরাং তৌবনি। হৌজিক ওইরিবা ফিবম অসিদগী একজিবিসন অসি দিজিতেল ওইনা পাংথোক্লগনি। একজিবিসন অসি য়াম্না ফবা অমা ওইগনি হায়না ঐনা থাজবা থম্লি।

মহাক্না হায়খি এস.সি.ও লৈবাকশিংদা ভারতকী সাহিত্য খঙহন্নবা পান্দমদা সাহিত্য একাদেমীনা ভারতকী সাহিত্যগী লাইরিক ১০ রুসিয়ান অমসুং চাইনিজ লোলশিংদা হন্দোক্লি। হন্দোক্লিবা লাইরিকশিং অসিদা ২০২০দা ভারতনা য়ুম্বু ওইদুনা পাংথোক্কদৌরিবা সরকারগী লুচিংবশিংগী মীফমদা ফোঙগনি। নেসনেল গেল্লরি ওফ মোদর্ন আর্তসনা ভর্চুএল একজিবিসনশিং, ওনলাইন আর্ত ৱার্কসোপশিং অমসুং মিউজমগী অখঙ-অহৈশিং অমসুং কলাকারশিংগী মরক্তা ৱারি শান্নবগী থৌরম কয়া পাংথোক্নবা হোৎনরি।

কলচর মিনিস্তরনা হায়খি ২০২১ অসি মসিগী লুপ অসি লিংখৎখিবগী ২০সুবা চহিগী থৌরম থোক্লি অমসুং ২০২১ অসি এস.সি.ওগী কলচরগী চহি ওইনা লাউথোক্নবা পুখৎলকপা ৱাফম ভারতনা শৌগৎলি। ভারতকী কলচরগী থৌরম, সেমিনারশিং অমসুং কনফরেন্সশিং এস.সি.ও মেম্বর লৈবাকশিংদা পাংথোক্তুনা এস.সি.ওগী কলচরগী চহি শরুক য়ানবা আই.সি.সি.আরনা থৌরাং তৌরি। থৌরম অসিদা ফিল্ম ফেস্তিবেল অমা শীল্লবদি ঐখোয় য়াম্না হরাওগনি।

লৈবাকশিংগী মরক্তা লৈনরিবা মরী ফগৎহন্নবা অমসুং হৌজিক ওইরিবা ফিবম অসিদা থাজবা অমসুং অমতা ওইবগী পাউজেল শন্দোক্নবা ঐখোয় ঐখোয়গী লৈবাকশিংদা কলচরগী লমদা পায়খৎনরিবা থবকশিং শরুক য়ামিন্নবা দরকার ওই। মসি ই-জর্নেল, ই-পেরিওদিকেল, ই-বুককী খুৎথাংদা পাংথোক্কদবনি । এস.সি.ও লৈবাকশিংগী কললচরগী ইন্সতিতুৎশিংগী মরক্তা থিয়েতর অমসুং মসিগা চৎমিন্নবা কলাশিং অমসুং সাহিত্য অমসুং অতোপ্পা থৌরমশিং পীথোক-পীশিন তৌনগদবনি।

মীফমগী অরোইবদা এস.সি.ও কলচর মিনিস্তরগী ১৭সুবা মীফমগী প্রোতোকোল য়ানখি অমসুং মেম্বর লৈবাকশিংগী মীহুৎশিংনা খুৎয়েক পীনখি।

*****