অৱাং নোংপোক লমদমগী চাউখৎ-থৌরাং মন্ত্রালয়
মেঘালয়গী মুখ্য মন্ত্রী শ্রী কোনরাদ সঙমানা নই দিল্লীদা কেন্দ্রগী দোনর মন্ত্রী দা জিতেন্দ্র সিংহগা উনদুনা তোঙান তোঙানবা কেন্দ্রগী স্কিমশিং খুমাং চাউশিনবগী মতাংদা খন্নখ্রে
Posted On:
10 SEP 2020 6:08PM by PIB Imphal
মেঘালয়গী মুখ্য মন্ত্রী শ্রী কোনরাদ সঙমানা উপ মুখ্য মন্ত্রী প্রেস্তন তিনসোং অমদি মকোক থোংবা মন্ত্রীগী তিম অমগা লোয়ননা ঙসি কেন্দ্রগী দিবেলপমেন্ত ওফ নোর্থ ইস্তর্ন রিজন (দোনর) মন্ত্রী উনদুনা রাজ্য অসিদা কেন্দ্রনা শেন্থং পীথবা তোঙান তোঙানবা প্রোজেক্তশিং খুমাং চাউশিনবগী মতাংদা খন্নখ্রে।
দা জিতেন্দ্র সিংহনা শ্রী সংমা অমসুং মহাক্কী তিমদা হায়খি মদুদি মোদী সরকারনা অৱাং নোংপোক লমদমবু খ্বাইদগী মরু ওইনা লৌরি অমদি মেঘালয়দসু মহাক্কী ফংফম থোকপা অনৌবা প্রোজেক্তশিংগী শেন্থংগী শরুক অদু পীরি অমসুং শেল কায়থরি। খুদক্তা মহাক্না নীংশিংলকখি মদুদি লোকদাউন মমাংদা মহাক্না মেঘালয় অসি অহানবা ওইনা চৎখিবা অৱাং নোংপোক্কী রাজ্য ওইরি।
![https://static.pib.gov.in/WriteReadData/userfiles/image/image001HZFO.jpg](https://static.pib.gov.in/WriteReadData/userfiles/image/image001HZFO.jpg)
দা জিতেন্দ্র সিংহনা মুখ্য মন্ত্রীদা হায়খি মহাক্না হায়জবদগী রাজ্য সরকারনা অপাম্বা ফোঙদোকখিবা প্রোজেক্তশিং অদু মরু ওইবগী মতুং ইন্না খন্দোকখ্রে।
দোনর মন্ত্রীনা হায়, মহাক্না জল শক্তি মন্ত্রালয়গা লোয়ননা পুন্না থবক তৌমিন্নদুনা “জল অভিয়ান”গী মখাদা খুমথোং খুদিংদা থক্নবা অফবা ঈশিং ফংহন্নবা পান্দমশিং মাই পাক্নবা হোৎনরি।
শ্রী সঙমানা রাজ্য সরকার অসিনা থংগৎলকপা অপাম্বশিংদা মতম পুম্বদা শৌগৎপীবগীদমক্তা দা জিতেন্দ্র সিংহবু থাগৎখি। মহাক্না হৌজিক চত্থরিবা প্রোজেক্তশিং অসিদা অহেনবা শেন্থং কায়থবীনবা মন্ত্রীগী পুক্নিং চিংশিনখি।
শ্রী সঙমানা মহাক্কী মন্ত্রীশিংগী তিমগা লোয়ননা শিল্লোং ইন্তর্নেস্নেল সেন্তর ফোর পর্ফোর্মিং আর্ত অমসুং কলচর শাবগী ইনফ্রাস্ত্রকচরগী মচাক মথুমশিংগী ওইনা এন.এল.সি.পি.আর.গী মখাদা অহেনবা শেল কায়থবীনবা দা জিতেন্দ্র সিংহদা মেমোরেন্দম অমা পীশিনখি।
দা জিতেন্দ্র সিংহনা শ্রী সঙমাদা প্রপোজেল অসি য়েংশিল্লকখিগে হায়না থাজবা পীরকখি। অদুম ওইনমক চৎলিবা শেনবা চহি অসিগী ওইনা দোনর মন্ত্রালয় অমসুং নোর্থ ইস্তর্ন কাউন্সিলগী মেঘালয়গী অয়াম্বা শেন্থংশিং রাজ্য অসিদা হান্না ফংহনখ্রে হায়না মহাক্না হায়রকখি।
দা জিতেন্দ্র সিংহনা মুখ্য মন্ত্রীগা লোয়ননা শিল্লোং এয়রপোর্ত চাউথোকহনবগী হীরমদসু ৱা তান্নখি। মহাক্না হায়খি, ফজরবা লমকোয়বশিংগী লমথুংফমশিং ওইরিবা অসি মপুং ফানা শীজিন্নবা য়াম্না মরু ওই হায়না ফোঙদোকখি।
*****
(Release ID: 1653141)
Visitor Counter : 103