অহানবা ৱর্ল্দ সোলর তেক্নোলোজী সবমিত হৌদোকপগী অহানবা সেসেন্দা ইন্তর্নেস্নেল সোলর এলাইএন্স(আই.এস.এ.) এসেম্ব্লীগী অধ্যক্ষ অমসুং পাৱর অমসুং ন্যু এন্দ রিন্যুএবল ইনর্জীগী রাজ্য মন্ত্রী(মনিংতম্বা ফম পুবা) শ্রী আর.কে. সিংহনা পাথোকখিবা প্রধান মন্ত্রী শ্রী নরেন্দ্র মোদীগী পাউজেল অমদা সোলর ইনর্জী শিজিন্নবগী থাক হেনগৎহনবা অসিদা তেক্নোলোজীগী মরুওইবা থৌদাং লৈ হায়না ফোংদোকখ্রে। তেক্নোলোজীনা মায় পাক্না থবক পাংথোকপশিং অসিনা সোলর পাৱরদা অখন্নবা মওংদা মমল হন্থহনখ্রে। মখা তানা মমল হন্থহনবা অসিনা রিন্যুএবল ইনর্জী অসি পাকথোক-শন্দোকহনবদা অচৌবা পাঙ্গল অমা ফংহল্লগনি। সবমিৎ অসিনা অনৌবা তেক্নোলোজীশিং চাউখৎহনবদা মতেং পাংদুনা মীপুম খুদিংমক্তা শোইদনা ফংহন্নবা তৌরগনি।

আই.এস.এ. অমসুং এফ.আই.সি.সি.আই.না ঙসি পাংথোকখিবা ৱর্ল্দ সোলর তেক্নোলোজী সবমিৎ(দব্লয়ু.এস.তি.এস.) অসিনা সোলর তেক্নোলোজীশিং, মমল-মমলগী ওইনা; তেক্নোলোজী-তেক্নোলোজীগী ওইনা, তেক্নোলোজী ত্রান্সফরশিং, লম অসিদা লৈরিবা শিংনবশিং অমদি মরি লৈনবশিংগী ইকুই-কুইদ্রিবা হাইলাইতশিং অদু  পুথোরক্নবা অমদি খন্ন-নৈননবগীদমক্তা মরুওইনা থবক পাংলিবা স্তেকহোল্দরশিং-এতাদমিক সাইন্তিস্তশিং, তেক্নোলোজী দিভেলপরশিং অমসুং ইনোবেতরশিং অসি পুনশিন্নরক্নবা পান্দম থমখি। দব্লয়ু.এস.তি.এস.গী মরুওইবা পান্দম অসি স্তেত ওফ আর্ত অমসুং নেক্স-জেনেরেসন সোলর তেক্নোলোজীশিং অসি মালেম পুম্বগী ওইনা উহন্দুনা খংহনবনি অমসুং ৱারেপ লৌবা ঙম্বা অমসুং স্তেকহোল্দরশিং উন্ননবা হেন্না চাউনা পুনশিন্নবদা মখোয়গী ওইবা হান্না মরুওইবশিং অমসুং স্ত্রেতিজিক এজেন্দাশিংগী মায়কৈরোমদা খন্ননবদা খুদোংচাবা অমা পীননবনি।

প্রধান মন্ত্রীনা চহি মঙাগী মমাংদা ফোশিল ফ্যুএলশিংগী মপান তাংবা অসি মথং-মথং হন্থহন্দুনা মালেমগী অইং-অশা অসি হেনগৎলকপা অসি থিংনবা মালেম অসিগী লুচিংবশিংনা ৱাশকমিন্নখিবা অদু নিংশিংহনখি।  কার্বোনগী খোঙ্গুল অসি নেমথহন্দুনা ভারতকী ৱাশক অদু থোইদোকপা মওংদা পল্লদুনা ভারত অসি মালেমদা কার্বোন থোকহনবা অসি পর-কেপিতাদা খ্বাইদগী হন্থবা লম্নি অদুবু হৌজিকফাওবা রিন্যুএবল ইনর্জী অসিদা থবক পাংথোকহনবগী মওং অসি ইপা-পাখৎনবগী মওং অমদা লৈরি” হায়না মহাক্না ফোংদোকখি।

ভারত্তা রিন্যুএবল ইনর্জী অসি থুনা-য়াংনা চাউখৎলকপা অসিগী মতাংদা পল্লদুনা ইন্সতোল রিন্যুএবল কেপাসিতী শরুক ২.৫ অমসুং সোলর ইন্সতোল কেপাসিতীনা শরুক ১৩ হেন্না হেনগৎহনখ্রে হায়না মহাক্না মখা তানা ফোংদোকখি। "রিন্যুএবল পাৱরগী ওইনা ভারত অসি মালেমগী ওইনা ৪শুবা রেঙ্কতা লৈ,” হায়না শ্রী মোদীনা হায়খি।

ঐখোয়না ফোশিল ফ্যুএলগী নত্তবদা য়ুম্ফম ওইরগা ঐখোয়গী অপুনবা পাৱর পুথোকপগী চাদা ৩৫ ওইগদবা  পাৱর পুথোকপা অসি গিগাৱাত ১৩৪দা হেনগৎলে হায়না পাউদমখি।  ২০২২ ফাওবদা মসিদা গিগাৱাত ২২০ হেনগৎহনবা ঙমগনি হায়না ঐহাক্না থাজৈ।  "ঐখোয়না লৈবাক অসিগ খুঙ্গং খুদিংদা রিন্যুএবল ইনর্জী অসি পুরকপা পাম্মি। ঐখোয়গী সরকারনা ঐকোয়গী ফার্ম সেক্তরদা দিজল শিজিন্নবা অসি সোলর ইনর্জীনা মহুৎ শিন্দোক্নবা কুসুম কৌবা স্কীম অমা চৎনহনখ্রে। স্কীম অসিগী মখাদা ইথৈ-লৌখোং শেম্বগী পম্পা মিলিয়ন ২.৮ অসি সোলরাইজেসন তৌনবা পান্দম থমখ্রে। অসিগুম্বা স্কীম অসিনা অকোইবগী ফীভম অসিদা কান্নহনবদা নত্তনা লৌমীশিংগী শেন্মিৎলোন হেনগৎহনগনি।” হায়না মহাক্না হায়খি।

ভারতনা আই.এস.এ.গী মীহুৎ ওইরিবা লৈবাকশিংদা শৌগৎপগা মরি লৈননা মহাক্না হায়খি, ”ভারতনা আই.এস.এ.গী মীহুৎ ওইবা লৈবাকশিংদা আই.তি.ই.সি. ত্রেনিং প্রোগ্রামশিংদগী তেংবাং শেমগৎপা ঙম্বগী মতেং পীরি। ই.এক্স.আই.এম. বেঙ্কা মতেংনা আই.এস.এ.গী মীহুৎ ওইরিবা লৈবাকশিংদা বেঙ্কী মওংদা শিজিন্নবা য়াবা সোলর ইনর্জী প্রোজেকশিং চাউখৎহন্নবা প্রোজেক প্রিপেরেসন ফেসিলিতী অমসু শেমগৎখ্রে।” ২০১৮দা ঐখোয়গী সরকারনা লৈবাক ১৫দা সোলর প্রোজেক ২৭ য়ৌহন্নবা য়ু.এস.দোল্লর বিলিয়ন ১.৪ চংগদবা লাইন্স ওফ ক্রেদিৎ(এল.ও.সি.) শিং লাউথোকখি। প্রোজেকশিং অসি থবক পাংথোকহন্নবগী তোঙান-তোঙানবা থাক্তা লৈরে।

প্রধান মন্ত্রীনা মসিমসু হায়খি, “আই.এস.এ. অসি “ৱাহৈ অমা নুমিৎ অমা গ্রীদ অমা” প্রজেক্কী শরুক অমনি, মসিগী প্রোজেক অসিন মীওইবা পুম্বগী ওইনা অওনবা পুরক্নিংঙাই ওইবা মওংগী কান্নবশিং অদু পুরকপা ঙমগনি হায়না চেৎনা থাজৈ।

আই.এস.এ.গী মীহুৎ ওইরিবা লৈবাকশিংগী মন্ত্রীশিংনা অৱাংবা থাক্কী অচৌ-অশাংশিং, নেস্নেল ফোকেল পোইন্তশিং অমসুং মকোক থোংবা সরকারগী থবক পায়রিবশিং, দিপ্লোমেতিক মিশনশিংগী মীহুৎশিং, আই.এস.এ.গী খোংবুরোইশিং, লল্লোন-ইতিক্কী অমদি ইন্দস্ত্রীগী লুচিংবশিং, সোলর প্রোজেক দিভেলপ্পরশিং, আর.অমসুং দি.গী ইন্সতিত্যুসনশিং, একাদমিশিং অমসুং থিঙ্ক তেঙ্কশিং, সিভিল সোসাইতী, ইন্তর্নেস্নেল ওর্গনাইজেসনশিং অমসুং দোনরশিং, সরকারগী নত্তবা অমদি কাংলুপকী ওইবা ওর্গনাইজেসনশিং, একাদমিকশিং, রিসিরচ অমসুং ত্রেনিং ইন্সতিত্যুতশিং, ইন্তর্নেস্নেল মেদিয়া, মল্তিলেতরেল অমসুং বাইলেতরেল এজেন্সীশিংগী মীহুৎশিংসু য়াওখি।

২০১৯দা লিথিয়ম আইওন বেতরীশিংগী অওনবা পুরকপা মওংদা পুথোকখিবা কেমিস্ত্রীদা নোবেল প্রাইজ ফংখিবা নোবেল লাউরেত দা. এম.স্তেনলী অমসুং সোলর ইম্পল্স ফাউন্দেসন স্বীতজর্লেন্দগী ফাউন্দর অমসুং চেয়রমেন শ্রী বর্নার্দ পিক্কার্দনা সবমিৎ অদুদা ভর্চুএল ওইনা য়াওখি।  

ভারতকী পেত্রোলিয়ম অমসুং নেচরেল গ্যাসকী মন্ত্রী শ্রী ধর্মেন্দ্র প্রধান্নসু শঙ্গাবা অদুদা পেত্রোলিয়ম অমসুং নেচরেল গ্যাসকী মন্ত্রালয়গী মখাদা তেংবাংনবগী খুৎশম্নবা ওইনা  পব্লিক সেক্তর অন্দরতেকিং(পি.এস.য়ু.) মঙানা ইন্তর্নেস্নেল সোলর এলাইএন্স(আই.এস.এ.) ফোর সস্তেনেবল ক্লাইমেৎ এক্সন(আই.এস.এ.-সি.এস.সি.এ.)দা য়াওরগনি হায়না লাউথোকখি হায়না পোংদোকখি। ওইল এন্দ নেচরেল গ্যাস কোর্পোরেসন লিমিতেদ(ও.এন.জি.সি.), ইন্দিয়ন ওইল কোর্পোরেসন লিমিতেদ(আই.ও.সি.এল.), হিন্দুস্তান পেত্রোলিয়ম কোর্পোরেসন লিমিতেদ(ঐচ.পি.সি.এল.) অমসুং জি.এ.আই.এল.(ভারত) লিমিতেদনা আই.এস.এ.গী কোর্পস ফন্দ অসিদা শেন হাপকনি হায়না মহাক্না হায়খি।

ইকাই খুম্নরবা প্রধান মন্ত্রী অমসুং মতমদুগী ফ্রেঞ্চকী রাস্ত্রপতি শ্রী প্রধান্না নবেম্বর ৩০, ২০১৫দা পেরিসতা পাংথোকখিবা য়ু.এন. ক্লাইমেৎ চেঞ্জ কনফরেন্সতা লাউথোকখিবা খোংজেল য়াংবা হেনগৎহন্নবা আই.এস.এ.গী থৌদাং অসিদা অকনবা মিৎয়েং থম্লদুনা ভারত্তা খ্বাইদগী নৌবা ইন্তর-গবর্নমেন্তেল ইন্তর্নেস্নেল ওর্গনাইজেসনগী ময়ায় লোইসঙ ওইরিবা আই.এস.এ. অসি  তোঙান-তোঙানবা লমশিংগী ওইবদা ভারতকী লোইনাইদ্রবা থাজবগী উইল ওইবদা নত্তনা অফবা, তুং-কাইবা অমদি হেন্না শংবা তুংগী মতম অমা ওইহন্নবসুনি হায়না ফোংদোকখি। নুমিৎ অসিগী কান্নবা অসিনা ঐখোয়দা মথৌ তাবা ইনর্জীশিং অদু ফংহন্নবা সোলুসনগীদমক্তা মসিগী গ্রহদা লৈরিব মীশিং অসিনা অমত্তা ওইনা পুনশিন্নরক্তুনা শিজিন্নবা য়াই হায়বগী এলাইএন্স অসিগী ভিজন অমসুং অহকপা থাজবা  অদু উবা ফংহল্লি হায়না মহাক্না ফোংদোকখি।

ইন্তর্নেস্নেল সোলর এলাইএন্স(আই.এস.এ.) অসি য়াশিন্নবদা য়ুম্ফম ওইবা ইন্তর্নেস্নেল ইন্তরগবর্নমেন্তেল ওর্গনাইজেসন অমনি। আই.এস.এ. অসিনা ভারত অমসুং ফ্রাঞ্চনা সি.ও.পি.২১গী মতমদা য়ু.এন.গী সেক্রতরী জেনরেল য়াওনা পুন্না হৌদোকমিন্নখি। পেরিস দিক্লেরেসননা আই.এস.এ. অসি মীহুৎ ওইরিবা লৈবাকশিংদা সোলর ইনর্জী শৌগৎনবদা কত্থোক্লবা এলাইএন্স ওইনা লিংখৎখি। ওর্গনাইজেসন অসিগী অচৌবা পান্দমদি ২০৩০দা সোলর কেপাসিতী গিগাৱাত ১০০০দা থবক পাংথোকহনবা য়াওনা সোলর ইনর্জী সেক্তরদা য়ু.এস.দোলর বিবিয়ন ১০০০রোম ইনভেস্ত তৌবা অসি মীয়ামদা শন্দোকপনি।  থবক্তা য়ুম্ফম ওইবা ওর্গনাইজেসনগী মওংদা আই.এস.এ.গী মীহুৎ ওইরিবা লৈবাকশিং অসি পুনশিন্নরকহনবা অমসুং অচৌবা মওংদা শেন্মিৎলোন অসি ফগৎহন্নবগী পান্দম থম্মি, মসিদগী সোলর শিজিন্নবশিংদা চংবামমল অদু হন্থহনবা, লৈরিবা সোলর তেক্নোলোজীশিং অসি থাক অমদা থবক পাংথোকহন্নবগী খুদোংচানবা তৌবা, অমসুং  তেংবাংনবগী ওইবা আর. অমসুং দি. অমসুং দিভেলপমেন্ত অমসুং মঙম অদু শৌগৎপনি। জুন ২৬, ২০২০ ফাওবদা রেতিফিকেসন তৌনবগী খুৎলাইশিং থমজিনখিদুনা  আই.এস.এ.গী ফ্রেমৱর্ক এগ্রীমেন্ত অসিদা লৈবাক ৮৬না খুৎয়েক পীনখ্রে। আই.এস.এ.গী ময়ায় লোয়শঙ অসি ভারতকী হরিয়ানাদা ময়াই লোইশঙ ওইরি। শ্রী উপেন্দ্র ত্রিপাথীনা মসিগী দিরেক্তর জেনরেলনি।

*****