মীয়ামগী অপাম্বা হেনগৎলকপনা মরম ওইদুনা চয়োল অমদা অনিরক চেল্লম্বা দেবলালি-মুজাফরপুর কিসান রেল অসি ৮/৯/২০২০দগী চয়োলদা অহুম্লক চেল্লগনি হায়না রেলৱেনা  লাউথোকখ্রে। প্রেস্তা পাউদম্বগী থৌরম অমদা ৱাফম অসিগী মতাংদা লাউথোক্লদুনা সেন্ত্রেল রেলৱেগী পব্লিক রিলেসন্স বিভাগনা সঙ্গোলা অমসুং মনমাদকী মরক্তা চয়োল অমদা অনিরক চেল্লম্বা লিঙ্ক কিসান রেলসু চয়োলদা অহুম্লক চেল্লগনি অমসুং মনমাদতা দেবলালি-মুজাফরপুর কিসান রেল অসিসু মসিদা শম্নহনবা/লৌথোকপগী থৌওং পাঙথোক্কনি হায়না সেন্ত্রেল রেলৱেনা লাউথোকখ্রে। অকুপ্পা মরোলশিং মখাদা পীরিঃ

ক) ০০১০৭/০০১০৮ দেবলালি – মুজাফরপুর – দেবলালি – কিসান রেল (চয়োলদা অহুম্লক)

হৌজিক্কী ওইনা ৮/৯/২০২০দগী ২৫/৯/২০২০ ফাওবগী মনুংদা ত্রেন মশিং ০০১০৭, কিসান রেল অসিনা লৈবাকপোকপা, শগোলশেল অমসুং থাংজ নুমিৎ খুদিংগী পুং ১৮.০০দা দেবলালি থাদোক্কনি অমসুং হুম্নিশুবা নুমিৎকী পুং ৪.৪৫দা মুজাফরপুর য়ৌগনি।

ত্রেন মশিং ০০১০৮, কিসান রেলনা  ১০/৯/২০২০দগী ২৭/৯/২০২০ ফাওবগী মনুংদা শগোলশেল, থাংজ অমসুং নিংথৌকাবা নুমিৎ খুদিংগী পুং ৮.০০দা মুজাফরপুর থাদোক্কনি অমসুং মথংগী নুমিৎকী পুং ১৩.০০দা মনমাদতা য়ৌগনি।

খামগদবা মফমশিং- নাশিক লম্বী (০০১০৭ খক্কী), মনমাদ, জলগাউ (০০১০৭ খক্কী), ভুসাবল, বুরহানপুর, খন্দ্বা, হরদা, ইতারসি, পিপারিয়া (০০১০৭ খক্কী), গরদরৱারা (০০১০৭ খক্কী), নরশিংপুর (০০১০৭ খক্কী), জবলপুর, কাত্নি, সত্না, মনিকপুর, প্রয়াগরাজ ছিওকি, পন্দিৎ দীন দয়াল উপাধ্যায় জঙ্কসন, বুক্সার অমসুং দানাপুর।

ত্রেন অসিদা য়াওগদবশিং- ত্রেন অসিদা দেবলালিদগী পার্সেল বান ৫ হাপ্পক্কনি।

খ) ০০১০৯/০০১১০ সঙ্গোলা – মনমাদ – দাউন্দ (চয়োলদা অহুম্লক) লিঙ্ক কিসান রেল

ত্রেন মশিং ০০১০৯, লিঙ্ক কিসান রেলনা  ৮/৯/২০২০দগী ২৫/৯/২০২০ ফাওবগী মনুংদা নিংথৌকাবা, শগোলশেল অমসুং থাংজ নুমিৎ খুদিংগী পুং ৮.০০দা সঙ্গোলা থাদোক্কনি অমসুং নুমিত্তুমক্কী পুং ১৮.৩০দা মনমাদতা য়ৌগনি।

ত্রেন মশিং ০০১১০, লিঙ্ক কিসান রেলনা  ১১/৯/২০২০দগী ২৮/৯/২০২০ ফাওবগী মনুংদা ইরায়, নোংমাইজিং অমসুং লৈবাকপোকপা নুমিৎ খুদিংগী পুং ১৪.০০দা মনমাদ থাদোক্কনি অমসুং নুমিত্তুমক্কী পুং ১৮.১৫দা দাউন্দ য়ৌগনি।

খামগদবা মফমশিং- ০০১০৯গী –পন্ধারপুর, কুরদুৱারি, দাউন্দ, বেলবন্দি, অহমেদনগর, বেলাপুর, কোপরগাও অমসুং ০০১১০গী ওইনা অহমেদনগর।

কিসান রেল শঙ্গাখিবা নুমিত্তা (৭/৮/২০২০) হাপখিবা অপুনবা পোৎ অসি তোন ৯০.৯২নি, ১৪/৮/২০২০গীনা তোন ৯৯.৯১নি অমসুং ২১/৮/২০২০গীনা তোন ২৩৫.৪৪নি। ত্রেন চেনবগী চাং অসি ২৫/৮/২০২০দগী চয়োলদা অনিরক চেনখি অমসুং নুমিত্তুদা তোন ২৭৩.৭৪গী পোৎ, ২৮/৮/২০২০দা তোন ২৭৭.৬৪গী পোৎ অমসুং ১/৯/২০২০দনা তোন ৩৫৪.২৯গী পোৎ হাপখি। হৌজিক ত্রেন চেনবগী চাং অমুক্কা হেনগৎলকপা অসিগা লোয়ননা পোৎ হাপ্পদসু হেনগৎলক্কনি হায়না থাজনরি।

*****