দোনরগী রাজ্য মন্ত্রী(মনিংতম্বা), পি.এম.ও, পর্সোনেল, পব্লিক গ্রিভান্সেস, পেন্সন্স, এতোমিক ইনর্জি অমসুং স্পেসকী রাজ্য মন্ত্রী দোক্তর জিতেন্দ্র সিংহনা হায়খি কেন্দ্রগী মন্ত্রীমন্দলনা অয়াব পীরবা মিসন কর্মায়োগী-নেসনেল প্রোগ্রাম ফোর সিবিল সর্বিসেস কেপাসিতি বিল্দিং(এন পি সি এস সি বি)না অনৌবা ভারত অমগী তুংগী শেম-শারবা সিবিল সর্বিস অমা শেমগনি। সিবিল সর্বিসশিং তুংগী শিংনবশিং থেংন্নবা অফবা, কান্নবা, থবক পাংথোকপা ঙম্বা অমসুং তেক্নিকেলগী লৌশিং লৈরবা অশেংবা কর্মায়োগী অমা ওইহন্নবা পায়খৎপা থৌরাং অমনি। মসিনা থবক তৌমিন্নবদা পাউ ফাওনদবগী চৎনবী মুৎথৎনবা পান্দম থম্লি ।

দোক্তর জিতেন্দ্রনা হায়খি প্রধান মন্ত্রী নরেন্দ্র মোদীগী লুচিংবা মখাদা হৌখিবা চহি ৬ অসিদা লৈবাক ঙাকপগী লমদা অওনবশিং পুরকখ্রে। ২০২০গী অগস্ত ১৯দা পুৱারি ওইনা নেসনেল রিক্রুইতমেন্ত এজেন্সি অয়াবা পীখ্রবা মতুংদা, পাক-চাউনা পাংথোকপদা মিসন কর্মায়োগীনা মালেমদা খ্বাইদগী চাওবা সিবিল সর্বিসশিংগী অওনবা ওইরগনি। থাক খুদিংমক্কী সর্বিসশিংগী থবক ময়াই চল্লকপগী ত্রেনিং লোন খুদিংমক্তা পাংথোক্কনি অমসুং মসিনা ভারত সরকারগী থাক খুদিংমক্তা ফজনা থবকশিং পাংথোকপা ঙমহনগনি।

মহাক্না হায়খি মসিগী অওনবশিংগী মরুওইবা থবকশিংদা অকক্নবা থবকশিংগী অকক্নবা নিয়ম, ত্রেনিং পীবা,লেপ্তনা হৈশিংবা হেনগৎহনবা, পাউ ফাওনদবগী চৎনবী মুৎথৎপা য়াওরি।

য়ুনিয়ন মিনিস্তরনা হায়খি মিসন কর্মায়োগীগী পান্দমদি মীচম মীয়াম হিংবদা লাইহনবা, ললোন-ইতিক তৌবা নুংঙাইহনবা অমসুং সরকার অমসুং মীয়ামগী মরক্তা লৈরিবা অহোবা মেনখৎপনি। চুনবা থবক্কী চুনবা মীওই খন্নবা থবক হাপকদৌরিবা ওথোরিতিশিংনা শেম-শারবা দেতা লৈগদবনি। লৈবাক ঙাকপদা মরম চানা অমসুং অরোন-অথুপ লৈতনা থবক পাংথোক্নবা মতম মতমগী য়েংশিনগনি।

Click here to see the detailed note on Mission Karmayogi in English

Click here to see the detailed note on Mission Karmayogi in Hindi

*****