ভারত অসি লৈবাক অসিগী ঙমখৈগী ৱাংমদা কম্পেনীশিংনা মালেমগী তঙাইফদবশিং পীবদা মতেং পাংবা কয়া লৈবা মালেমগী আই.ও.তি. ইকোসিস্তেম লিংবা লৈবাকশিংগী মনুংদা অমনি। ভারত সরকারনা হীরম কয়াদা হায়রিবা আই.ও. তেক্নোলোজীশিং অসিগী কান্নবা লৌনবা তোঙান-তোঙানবা পোলিসী অমসুং খোংথাং কয়া লৌখৎখ্রে। আত্মনির্ভর ভারত, দিজিতেল ইন্দিয়া অমসুং মেক ইন ইন্দিয়াগী থৌরাংশিংগী কান্নবা লৌনবগীদমক জল জীবন মিসন্না খুঙ্গংগী লমশিংদা থারিবা থক্নবা ঈশিংশিং ওন্নবা অমসুং য়েংশিন্নবগীদমক স্মার্ত রুরেল ৱাতর সপ্লাই ইকো সিস্তেম অমা লিংখৎলগনি।

কেন্দ্র সরকারগী মরুওইবা থৌরাং অমা ওইরিবা জল জীবন মিসন (জে.জে.এম.) অসি রাজ্যশিংগা খুৎশম্নদুনা ফংসনেল হাউসহোল্দ তেপ কন্নেক্সন (এফ.ঐচ.তি.সি.) খুঙ্গংগী ইমুং খুদিংদা ২০২৪ ফাওবা লৈবাক শীনবা থুংনা পীনবগীদমক পান্দম থম্লি। থৌরাং অসিনা ইমুং খুদিংগী থাক্তা হায়বদি ঈশিং এল.পি.সি.দি. ৫৫, চেনগদবা মগুন চপ চানা চাং নাইনা অমসুং তুং কোইনা পীনবা পান্দম থম্লি। মিসন অসিনা ইনফ্রাস্ত্রকচর খক্তা নত্তনা 'সর্বিস দেলিবরী'দসু মীৎয়েং থম্লি।

৭৩শুবা সংবিধান শেমদোকপগা চুন্ননা, খুঙ্গংগী থাক্তা লৈবা গ্রাম পঞ্চায়ৎনা থক্নবা ঈশিং য়েংশিনগনি। অসুম্না গ্রাম পঞ্চায়ৎনা নত্ত্রগা মখোয়গী সব কম্মিতীনা হায়বদি ভিলিজ ৱাতর অমসুং সেনিতেসন কম্মিতী/ পানি সমিতিনা থক্নবা ঈশিং য়েংশিন্নবগীদমক, ঈশিং পীনবগীদমক, গ্রে ৱাতর ত্রিৎমেন্ত অমসুং রিয়ুজ অমসুং থবক পায়খৎপা অমসুং খুঙ্গংদা লৈবা ৱাতর সপ্লাইগী ইনফ্রাস্ত্রকচর শেমজি শাজিনবা য়েংশিন্দুনা চাইনা নাইনা থক্নবা ঈশিং পীনবা, থক্নবা ঈশিং পীরিবদুগী শেল খোম্নবগীদমক 'লোকেল পব্লিক য়ুতিলিতী'গী মথৌ তৌগনি। রাজ্যশিং অমসুং গ্রাম পঞ্চায়ৎশিং নত্ত্রগা মাগী সব-কম্মিতী হায়বদি পানিসমিতীবু মথৌ তৌহন্নবগীদমক ঈশিং পীবা ওন্নবা অমসুং য়েংশিন্নবগী ওতোমেতেদ সিস্তেম অমা চঙই। মসিনা ঈশিং পীবা ওনবা অমসুং য়েংশিনবদা অনৌবা তেক্নোলোজী শীজিন্নবা য়াহল্লি অমসুং থবকশিং মতীক চানা পায়খৎলিব্রা হায়বা খঙনবগীদমক খোমজিন্দুনা দেতা থাবদা মতেং পাংই।

খুঙ্গং খুন্দিংমক্তা ওপ্তিক ফাইবর নেৎৱার্ক য়ৌহনবা হায়বসি কেন্দ্র সরকারগী পান্দম অমা ওইরি। মসিগা ইরোইননা, ইকাইখুম্নজরিবা প্রধান মন্ত্রীনা মথংগী নুমিৎ ১০০০গী মনুংদা খুঙ্গং খুদিংমক ফাইবর ওপ্তিক নেৎৱার্কনা শম্নহল্লগনি। লৈবাক পুম্বদা তেলিকোম কন্নেক্তিবিতী ফংহনখ্রে। আই.ও.তি.গী থৌরাং অসি ঈশিংগী চাং অমসুং মগুন ওন্নবগীদমক পাক শন্না শীজিন্নরক্লি। অনৌবা তেক্নোলোজী চাউখৎলকপনা (আই.ও.তি., বিগ দেতা ইনালাইতেক, এ.আই./এম.এল., ক্লাউদকুম্বা) অমসুং মোবাইল দেতাগী মমল হন্থরকপা, হার্দৱেয়র (সেন্সর) অমসুং সোফৱেয়র চাউখৎলকপনা ভারতকী খুঙ্গংগী লমশিংদা লৈবা ৱাতর সপ্লাই ইনফ্রাস্ত্রকচরশিংবু দিজিতাইজ তৌবদা মতেং পাংলি। দিজিতেল ওইহল্লবা ৱাতর সপ্লাই ইনফ্রাস্ত্রকচরনা গ্রাম পঞ্চায়ৎশিংনা 'লোকেল পব্লিক য়ুতিলিতী' ওইহন্নবা হোৎনবদা মতেং পাংবা ঙম্বগী ওইথোকপা লৈ। মসিগী মথক্তা, হায়রিবসিনা তুংদা লাক্কদবা শিংনবা কয়াবুসু মতীক চানা কোকহনবদা মতেং পাংগনি।

নেসনেল জল জীবন মিসন্না খুঙ্গংশিংদা পীনবা ঈশিং ওন্নবা অমসুং য়েংশিন্নবগী মতাংদা লম্বী অমা য়াত্থোক্নবগীদমক তেক্নিকেল এক্সপর্ত কম্মিতী অমা শেমখ্রে। কম্মিতী অসিদা ৱাতর সপ্লাই সেক্তরগী  একাদেমিয়া, এদমিনিস্ত্রেসন, তেক্নোলোজী অমসুং স্পিসিএলিস্ত কয়া অমা য়াওরি।

নেসনেল জল জীবন মিসন অমসুং ইলেক্ত্রোনিক অমসুং ইনফোর্মেসন তেক্নোলোজী মন্ত্রালয়না আই.সি.তি. গ্রান্দ চেলেঞ্জ অমা পাঙথোক্নবা শেম শারি। আই.সি.তি. গ্রান্দ চেলেঞ্জ অসি পাঙথোকপগী মরমদি খুঙ্গংগী থাক্তা থাদনবা অনৌবা, মোদ্যুলার ওইবা, অমসুং মমল চঙদবা 'স্মার্ত ৱাতর সপ্লাই মিজর্মেন্ত এন্দ মোনিতরিং সিস্তেম' অমা শাগৎনবগীদমক্তনি। আই.সি.তি. গ্রান্দ চেলেঞ্জ অসিদা ইন্দিয়ন তেক স্তার্ত-অপ, এম.এস.এম.ই., ইন্দিয়ন কম্পেনী, ইন্দিয়ন এল.এল.পি.শিংদগী অয়াবা কৌগনি।

মিসন অসিনা রাজ্য সরকার অমসুং সেক্তর পার্তনরশিংগা পুন্দুনা তোঙান-তোঙানবা খুঙ্গংশিংদা অহৌবগী ওইনা সেন্সর য়াওরবা ৱাতর সপ্লাই সিস্তেম পীবা হৌখ্রে। গুজরাৎকী জিল্লা মঙাদা লৈবা খুঙ্গং ১,০০০দা সেন্সর য়াওবা ৱাতর সপ্লাই সিস্তেম শীজিন্নবা হৌখ্রে। অতোপ্পা রাজ্যশিংদসু অহৌবগী ওইনা প্রোজেক্ত পায়খৎপা হৌখ্রে। খিল্লিবা মফমশিং অসিদগী খোমগৎলকপা দেতাশিং অসি রাজ্য অমসুং কেন্দ্রগী সর্বরশিংদা থাগনি অমসুং হায়রিবসিনা রাজ্য অমসুং কেন্দ্রগী থাক্তা কয়া য়াম্না থবক্তা ওন্থোক্লিবগে (ঈশিংগী চাং, মগুন, অমসুং চাং নাইবগী চাং) হায়বদু য়েংগনি। মসিনা ঈশিং থাবদা মাঙবগী চাং অমসুং ঈশিংগী চাং অমসুং মগুন তুং কোইনা য়েংশিনবদা মতেং পাংগনি। মসিগী অহেনবা খুদোংচাবশিংদি শীজিন্নরিবশিংগী মতম মতমগী ওইনা লাকপা দিমান্দগী মওং মতৌ নৈনগনি অমসুং হায়রিবসি অপুনবা ওইনা দিমান্দ মেনেজমেন্ত তৌবা, শেল ওইনা কারক্ত্রবা ঈশিং মাংবা হন্থহনবা, মতীক চানা চলাইবা  অমসুং কান্নবা ফংনা চলাইবা অমসুং খুঙ্গংশিংদা ৱাতর সপ্লাই সিস্তেম য়েংশিনবদা শীজিন্নগনি।

*****