ঙসি নই দিল্লীদা নেস্নেল কাউন্সিল ফোর প্রোমোসন ওফ উর্দু লেঙ্গোইজ(এন সি পি য়ু এল)না শীনবা নুমিৎ নিনিগী ৱাল্দ উর্দু কনফরেন্স হৌদোকপা থৌরমদা য়ুনিয়ন এজুকেসন মিনিস্তর রামেস পোখ্রিয়াল ‘নিসান’না ভর্চুএল ওইনা ৱা ঙাংখ্রে।

থৌরম অদুদা য়ুনিয়ন এজুকেসন মিনিস্তরনা হায়খি উর্দু অসি অপুনবা কলচরগী লোন অমা ওইবতা নত্তনা মীওইবগী ওইবা অমসুং থম্মোয় অমসুং থৱায়গী লিপুন অমনি। উর্দুগী ফজবা অমসুং অঙকপা মগুনশিং শিংথানবা মসিগী ৱেবিনার অসি পাংথোকপনি। ঙসিদি মালেমদা এন.সি.পি.য়ু.এল অসি উর্দুগী খ্বাইদগী চাউবা মফম অমা ওইরে। প্রধান মন্ত্রী নরেন্দ্র মোদী মশামক ভারতকী কলচরগী হেরিতেচশিং নুংশিজবা মীশক অমনি অমসুং হৌজিক মালেম অসি চাউখৎলকলি অমসুং মসিগী ফিবম অসিদা অনৌবা তেক্নোলোজিগী মতেং য়াওদনা লোন অমতনা লোন অদু পারিবশিংগা অচেৎপা মরী থম্নবা ঙম্লোই। লোন অসি মখা তানা মীয়াম্না পাম্ননবা হোৎনরিবা অদু উর্দু ৱেবাসাইদশিংনা খুদমনি।

এজুকেসন মিনিস্তরনা হায়খি উর্দু অইবশিং পুক্নিং থৌগৎনবা মথং চহিদগী মমিং লৈরবা উর্দু অইবশিং হায়বদি অমির খুসরো, মিরজা গালিব, অগা হাসার, রাম বাবু সক্সেনা অমসুং দয়া সনকার নাসিমগী মিংদা উর্দু অইবশিংদা মনা অমসুং মিংথোলশিং পীদুনা ইকায়খুম্নবা উৎলগনি।

এন.সি.পি.য়ু.এলগী ভাইস চেয়রমেন প্রোফেসার সাহিদ অখতারনা হায়খি হৌজিক্কী মতম অসিদা সোসিএল নেতৱার্কিংগী খুৎথাংদা ৱেবিনারশিং অমসুং ৱাই-ফাই তেক্নোলোজি স্মার্দ ফোন অমদা পুন্না য়াওরে অমসুং অতোপ্পা লোনশিংগা চাংদম্নবা ঙম্নবা উর্দুসু তেক্নোলোজি শীজিন্নগদবনি।

এন.সি.পি.য়ু.এলগী দিরেক্তর, দোক্তর অকুইল অহমদনা হায়খি মোদীনা লুচিংবা সরকারগী মখাদা এন.সি.পি.য়ু.এলগী বজেৎ শরুক অনিদা হেনগৎলে। ভারতকী অমসুং মালেমগী লোনশিংগী পান্দমদি মরুপ-মপাং ওইবা অমসুং নুংশিনবগী ৱাখল্লোন লৈহনবনি। অৱাং থংবা ভারত্তা লোন অসি ফগৎনবা মতেং পাংবগীদমক মহাক্না প্রধান মন্ত্রী অমসুং এজুকেসন মিনিস্ত্রি থাগৎখি।

শক্নাইরবা উর্দু প্রোফেসার, জমান অজুরদাহনা হায়খি অইবশিং, কবিশিং খুন্নাই অমগী , লাইনিংগী অমসুং রাজনিতিগী মিৎশিংনি অমসুং লোন অমদা মখোয়গী অচৌবা থৌদাং লৈ অমসুং লোন অমসুং সাহিত্য নুংশিবশিংনা অফবা থবক তৌগদবনি।

উর্দুনা ভারতকী চৎনবীশিং অমসুং কলচরগী অপুনবা লোন অমা ওইগদবনি হায়না শরুক য়াখিবশিংনা ফোংদোকখি অমসুং খানগাশিংনা লোন অসি ঙাংখিবদগী মহৈ লোইশঙশিং অমসুং ওফিসিএল অমসুং কৈথেলগী লোন অমা ওইরকখি।

এন.সি.পি.য়ু.এলগী মাইকৈদগী তেহসিন মুনাৱার, অজমল সায়িদ অমসুং দোক্তর কালিমুলানা সেসন অদু মপুংফানা পাংথোকখি। এন.সি.পি.য়ু.এলগী একাদেমিক ইন চার্জনা শরুক য়াখিবশিং থাগৎলদুনা হায়খি উর্দু অসি থম্মোয়গী ওইবা লোন অমা ওইবতা নত্তনা তুংগী লোন অমনি।

*****

(Release ID: 1649106) Visitor Counter : 194