নুপী অমসুং অঙাংশিংগী চাউখৎ থৌরাং মন্ত্রালয়

মিনিস্ত্রী ওফ ৱুমেন এন্দ চাইল্দ দিবলপমেন্তনা প্রধান মন্ত্রী রাস্ত্রিয় বাল পুরস্কার ২০২১গী নোমিনেসনগীদমক কৌখ্রে

Posted On: 26 AUG 2020 5:06PM by PIB Imphal

মিনিস্ত্রী ওফ ৱুমেন এন্দ চাইল্দ দিবলপমেন্তনা প্রধান মন্ত্রী রাস্ত্রিয়া বাল পুরস্কার ২০২১গী নোমিনেসনগীদমক অঙাংশিং, মী অমতগী ওইবা অমসুং ইন্সতিত্যুসনশিং কৌখ্রে। প্রধান মন্ত্রী রাস্ত্রিয়া বাল পুরস্কারনা লৈবাক অসিগী অফবা অঙাংশিং মী অমতগী ওইবা অমসুং ইন্সতিত্যুসনশিং মনা পীবনি। মনা অসি মখল অনি থোক্না পীরি –বাল শক্তি পুরস্কার অমসুং বাল কালয়ান পুরস্কার অসিনি।

মনা অসি ইকাই খুম্নরিবা ইন্দিয়াগী রাস্ত্রপতিনা রাস্ত্রপতি ভবনগী দর্বার হোলদা চহি খুদিংগী রিপব্লিক দেগী মাংওইনবা চয়োল অদুদা পীবনি। ইকাই খুম্নরিবা ভারতকী প্রধান মন্ত্রীনশু মনা অসি য়েন্থোকই। বাল শক্তি পুরস্কার মনা ফংখ্রবশিংনা নই দিল্লীগী রাজপাথতা জানুৱারিগী ২৬, রিপব্লিক দেগী থৌরমগী পেরেদতা শরুক য়াই। 

মরক অসিদা বাল শক্তি পুরস্কারনা পান্দম থম্লিবা অসি মায়কৈ খুদিংদা অথোইবা পুরকপা ঙম্বা অঙাংশিং হায়বদি অনৌবা পুথোকপা, লাইরিক্কী ওইবা, শান্ন খোৎনবা, কলা অমসুং চৎনবি, মীয়াম্গী ওইবা থবক অমসুং থৌনা ফবা অদুগা বাল কালয়ান পুরস্কার অসিনা মীওই অমগী ওইবা নত্ত্রগা ইন্সতিত্যুসন্দা মখোয়গী অমত্তা ঙাইরবা অঙাংশিংগীদমক কৎথোক্লিবা থবক হায়বদি অঙাংশিংগী চাওখৎনবা, অঙাংশিংবু কনবা অমসুং অঙাংশিবু য়াইফনবা তৌবা থবকশিংবা পীবনি।

হায়রিবা অসিগী মরিক চুম্বা পোরমগীদমক পোর্তেল/ৱেবসাইত www.nca-wcd.nic.in অসিদা য়েংবা য়াগনি। ওনলাইন এপ্লিকেসন ফোর্ম থাজিনব খক লৌসিনগনি। অতৈ অতোপ্পা মওংদা ফোর্ম থাজিনলকপশিং মনা লৌবগীদমক অয়াবা পীদ্রি। করিগুম্বা পোর্তেল অসিদা খুদোংচাদবা লৈরবদি, মিনিস্ত্রী অসিদা খংহনগদবনি। হন্দক্কী চহিগী ওইনা ফোর্ম লৌশিনবগী অরোইবা নুমিৎ ১৫.০৯.২০২০ ফাওবা শাংদোক্লি।

মিনিস্ত্রী ওফ ৱুমেন এন্দ চাইল্দ দিবলপমেন্তনা শেংদোরক্লি মদুদি আই.সি.সি.দবল্যু. নেস্নেল ব্রেবরি এৱার্দগী মিংদা লনাই ওর্গানাইজেসন্না মনা খর পীরিবা অসি মিনিস্ত্রীনা মশক খংদ্রি অমসুং হায়রিবসিং অসি মখোয়গা মরী অমত্তা লৈনদে।

****



(Release ID: 1648807) Visitor Counter : 39