ਭਾਰਤੀ ਮੌਸਮ ਵਿਗਿਆਨ ਮਹਿਕਮੇ ਦੇ ਕੌਮੀ ਮੌਸਮ ਭਵਿੱਖਬਾਣੀ ਕੇਂਦਰ ਤੇ ਖੇਤਰੀ ਮੌਸਮ ਵਿਗਿਆਨ ਕੇਂਦਰ ਵੱਲੋਂ ਜਾਰੀ ਜਾਣਕਾਰੀ ਮੁਤਾਬਿਕ 25 ਤੇ 26 ਅਗਸਤ 2020 ਨੂੰ ਓੜੀਸ਼ਾ ਤੇ 27 ਅਗਸਤ 2020 ਨੂੰ ਛੱਤੀਸਗੜ ਦੇ ਕੁੱਝ ਇਲਾਕਿਆਂ ਵਿੱਚ  ਬਹੁਤ ਭਾਰੀ ਮੀਂਹ ਪੈਣ ਦੀ ਸੰਭਾਵਨਾ ਹੈ। ਓੜੀਸ਼ਾ, ਗੰਗਾਈ ਪੱਛਮੀ ਬੰਗਾਲ ਤੇ ਝਾਰਖੰਡ ਵਿੱਚ 28 ਅਗਸਤ ਤੱਕ ਕੁੱਝ ਥਾਵਾਂ ਤੇ ਭਾਰੀ ਤੋਂ ਬਹੁਤ ਭਾਰੀ ਮੀਂਹ ਪੈ ਸਕਦਾ ਹੈ। 26 ਤੋਂ 28 ਅਗਸਤ 2020 ਦੇ ਸਮੇਂ ਦੌਰਾਨ ਛੱਤੀਸਗੜ, ਮੱਧ ਪ੍ਰਦੇਸ਼ ਤੇ ਪੱਛਮੀ ਰਾਜਸਥਾਨ ਦੀਆਂ ਕੁੱਝ ਥਾਵਾਂ ਤੇ ਵੀ ਭਾਰੀ ਵਰਖਾ ਹੋ ਸਕਦੀ ਹੈ। ਉੱਤਰ ਪੱਛਮੀ ਭਾਰਤ ਵਿੱਚ 28 ਅਗਸਤ 2020 ਤੱਕ ਕਈ ਥਾਵਾਂ ਤੇ ਭਾਰੀ ਤੋਂ ਬਹੁਤ ਭਾਰੀ ਬਰਸਾਤ ਹੋ ਸਕਦੀ ਹੈ। ਮੌਸਮ ਮਹਿਕਮੇ ਦੀ ਜਾਣਕਾਰੀ ਮੁਤਾਬਿਕ  ਉੱਤਰੀ ਬੰਗਾਲ ਦੀ ਖਾੜੀ ਤੇ ਉਸ ਦੇ ਆਸ ਪਾਸ ਦੇ ਖੇਤਰਾਂ ਵਿੱਚ ਹਵਾ ਦੇ ਘੱਟ ਦਬਾਅ ਦਾ ਮਾਹੌਲ ਬਣਿਆ ਹੋਇਆ ਹੈ। ਹਵਾਅ ਦੇ ਘੱਟ ਦਬਾਅ ਦਾ ਇਹ ਮਾਹੌਲ ਅਗਲੇ 4-5 ਦਿਨਾਂ ਦੌਰਾਨ ਪੱਛਮ, ਉੱਤਰ ਪੱਛਮੀ ਇਲਾਕਿਆਂ ਵੱਲ ਵਧ ਸਕਦਾ ਹੈ। 

ਐੱਨਬੀ/ਕੇਜੀਐੱਸ