অচৎ-চত্ত তাইবংপাল অসিদ লৈরিবা গেলেক্সি বিলিয়ন কয়াশিং অসিগী মরক্তা ঐখোয়গী মিল্কী ৱে অসিদা লৈরিবা শরুক ১০০ হেন্না পিকপা মশিং য়াম্লবা চবুন কয়া অমা লৈরি। অসিগুম্বা থিক নেম্বা গেলেক্সী কৌবা অপিকপশিং অসিনা চবুনশিং অসিদগী চাং তপথবা থৱান্মিচাকশিং অসি শেম্মি, থিক নেম্লা গেলেক্সী খরদি মিলকী ৱে গেলেক্সীদগী শরুক ১০-১০০দগী অসি  মান্নবা মওংদা ওইরবা অনৌবা থৱান্মিচাকশিং ওইনা শেম্বা উই।  অদুম ওইনমক মসিগী থবক-থৌওংশিং অসি গেলেক্সীশিং-চহি বিলিয়ন খরগী ওইবা মপুন্সিদগী হেন্না হন্থবা চহি মিলিয়ন তরামুক্তগী হেন্না লৈবা ঙমদে।

ভারতকী তেলেস্কোপ অনি শিজিন্নদুনা অসিগুম্বা গেলেক্সী পুংবা কয়াশিং অসি য়েংশিল্লিবা বৈজ্ঞানিকশিংনা গেলেক্সীশিংদা অসিগুম্বা অঙকপা মওং অসিগী লিখুন অসি গেলেক্সীশিং অসিদা অকায়বা পীবা হাইদ্রোজেনশিং য়েন্থোকখিবদা থোকপনি অমসুং হন্দক্তা গেলেক্সী অনি থেঙ্গায়নবদসুনি হায়বসি খংবা ঙমখি।  

থিক নেম্বা গেলেক্সীদা থৱান্মিচাক শেম্লকপগী মওং অসি খংদোক্নবা ভারত সরকারগী সাইন্স অমসুং তেক্নোলোজী(দি.এস.তি.) বিভাগকী ওতোনোমস ইন্সতিত্যুত অমা ওইরিবা আর্যভত্তা রিসর্চ ইন্সতিত্যুত ওফ ওবজর্বেস্নেল সাইন্সেস(এ.আর.আই.ই.এস.)কী এস্ত্রোনোমর দা.অমিতেশ ওমার অমসুং মহাক্কী হান্নগী মহৈরোই দা. সুমিৎ জৈসৱালনা নেনিতালগী মনাক্তা লৈবা মিতর ১.৩ গী দেবস্থল ফাস্ত ওপ্তিকেল তেলেস্কোপ(দি.এফ.ও.তি.) অমসুং জাইন্তা মিতর ৱেব রেদিও তেলেস্কোপ(জি.এম.আর.তি.) অসি শিজিন্নদুনা অসিগুম্বা গেলেক্সীশিং অসি য়েংশিনখি। হান্নগী ওপ্তিকেল ৱেবলেঙ্থশিংদা তৌখিবশিং অসি আইওনাইজ তৌরবা হাইদ্রোজেনশিংদগী থোরকপা ওপ্তিকেল রেদিএসন পরিং অসি খংদোক্নবা তৌখিবনি, মসিগী মথংদা মিতর 45দগী মিতর 30গী দা খুদিংমক্না অমমতা ওইনা মাংজিল থাবা তান্নদুনা থবক তৌই  অমসুং গেলেক্সীশিংদা ময়ায়দা লৈবা হাইদ্রোজেন্দগী থোরকপা মেগাহর্তজ 1420.40দা স্পেক্ত্রেল লাইন রেদিএসন্দগী অয়াংবা ইন্তর্ফরোমেত্রিক মমিংশিং থোরকই।

থৱান্মিচাকশিং শেম্লকপা অসি গেলেক্সীশিংদা হাইদ্রোজেনগী দেন্সিতী অসি চাং ৱাংনা লৈবগী মথৌ তাই। এ.আর.আই.ই.এস.কী তীম্না পাংথোকখিবা থিজিনবা অসিগী মতুং ইন্না অয়াংবা থৱান্মিচাকশিং শেম্লিবা থিক নেম্বা গেলেক্সীশিংগী মেগাহর্তজ ১৪২০.৪০গী মমিশিংনা গেলেক্সীশিং অসিদা হাইদ্রোজেন অসি য়াম্না অকায়বা পী হায়বা তাকই। অদুবু অমনা গেলেক্সীশিং অসিদা নিংথিনা ময়েক শেংলবা ওর্বিৎশিংদা  হাইদ্রোজেন অসি চাউরাক্না মান্নবা চাইখাইদুনা লৈরকপা য়াই, মসিগী থিক নেম্বা গেলেক্সীশিং অসিদা হাইদ্রোজেন অসি চৎন-কাংলোন নাইদবা অমসুং মরক-মরক্তা নিংথিজবা ওর্বিত্তা চত্তে। মসিগী গেলেক্সীশিং অসিগী অকোয়বদা লৈরিবা হাইদ্রোজেন অসি তোখাইনা লৈবা লৈচিলশিং, প্ল্যুম অমসুং মমৈশিংগী মওংদসু হন্দক্তা অতোপ্পা গেলেক্সীশিংগা থেঙ্গাইনবা নত্রগা মসিগী গেলেক্সীশিংদগী লাপথোকখ্রবগুম অমসুং গ্যাস অসি গেলেক্সীশিং অসিদা মায়কৈ মরীদা অকায়-অতোই ওইনা চাইথোক্তুনা লৈবগী মওং ওইনা খংদোকপা ঙম্মি। ময়ায় থংবা মফমদা করিগুম্বা মতমদা ওপ্তিকেল মোর্ফোলোজীশিং অসি ন্যুক্লিয়সশিংদা অমসুং আইয়োনিক হাইদ্রোজেনগী চাং ৱাংনা কুংনা লৈবা মফমদা খংবা ঙম্মি। অদুম ওইনমক গেলেক্সী-গেলেক্সী থেঙ্গাইনবা অসি হকতেংননা খংদোকপা ঙমখিদে, অদুবু মসিগী তোঙান-তোঙানবা খুৎয়েকশিং অসি রেদিও অমসুং ওপ্তিকেল ইমেজিংদগী মমাংদা থোরকখি অমসুং মসি অনৌবা ৱারী অমা শেম্বদা মতেং পাংলি। মরম অসিনা থিজিনবা অসিদগী হন্দক্তা গেলেক্সী অনি থেঙ্গাইনবদা অয়াংবা থৱান্মিচাক অসি শেম্মি হায়বসি খংবা ঙম্মি।

মরিক চুম্বা গেলেক্সী ১৩ য়াওবা থিজিনবা অসিদা পুথোকখিবশিং অসি য়ু.কে.গী রোয়েল এস্ত্রোনোমিকেল সোসাইতীনা ফোংবা মন্থলি নোতিস ওফ রোয়েল এস্ত্রোনোমিকেল সোসাইতী(এম.এন.আর.এস.)গী লাক্কদৌরিবা চেফোং অসিদা থোরক্লগনি। মসিনা এসত্রোনোমরশিংদা থৱান্মিচাকশিং শেম্লকপা অমসুং অচৎ-চত্ত তাইবংপাল অসিদা গেলেক্সীগী হন্থবা চবুনশিং মথং-মথং ওইরকপদা মতেং পাংগনি।

[পব্লিকেসন লিঙ্ক : http://arxiv.org/abs/2008.04528.

অহেনবা ৱারোলশিংগীদমক্তা aomar@aries.res.in দা দা. অমিতেশ ওমারদা পাও ফাওনবা য়াগনি]

********