রোদ ত্রান্সপোর্ত অমসুং হাইৱেজগী মখাদা থবক পায়খৎনবা পব্লিক সেক্তর অমা ওইরিবা নেস্নেল হাইৱে ওথোরিতী ওফ ইন্দিয়া(এন.ঐচ.এ.আই.)পাম্বি থানবগী প্রোজেকশিংগী মখাদা পাম্বি থাবা খুদিংমক্কী ওইনা মাগী ফীল্দ য়ুনিৎ খুদিংনা  মফম, চাউখৎপা, পাম্বি মখলগী মরোলশিং, নিংথিনা য়েংশিনবগী থবকশিং, পান্দমশিং অমসুং মায় পাকপশিং য়েংশিন্নবা ‘হরিত পাথ’ কৌবা মোবাইল এপ হৌদোকখ্রে। এপ অসি ঙসি আর.তি.ঐচ.কী কেন্দ্র মন্ত্রী শ্রী নীতিন গদকরীনা হৌদোকখি।

এন.ঐচ.এ.আই.না থাদোরকখিবগী মতুং ইন্না, লৈবাক অসিদা মহাক্কী থবক তৌবা অসি চহি ২৫ মপুং ফারকপা অসি নিংশিংনবা ওইনা হন্দক্তা অকোয়বগী ফীভম ঙাক-শেনবা অমসুং তুং-কোইনা অদুম্মক লৈহনবদা শৌগৎনবা ৱাশক্কা লোয়নবা পরিংদা লৈবাক শিন-থুংনা খোংথাং ওইরিবা  ‘হরিত ভারত সঙ্কল্প’ অসি হন্দক্তা থবক পায়খৎখ্রে।

মসিগী খোংথাং অসিদা এন.ঐচ.এ.আই.না জুলাই ২১দগী অগস্ত ১৫, ২০২০ ফাওবদা নুমিৎ২৫নিদা নেস্নেল হাইৱেশিংদা পাম্বি লাক্ষ ২৫গী মথক্তা থাখি। খোংথাং অসিদা হৌজিক্কী চৎলিবা চহিসিদা অপুনবা ওইনা পাম্বি লাক্ষ ৩৫.২২ থাখি।   এন.ঐচ.এ.আই.গী রিজনেল ওফিসতগী লৌখৎলিবা লৈবাক পুম্বগী ওইবা নিংথিনা চংশিল্লিবা খোংথাং অসিলৈবাক পুম্বগী হাইৱে পুম্নমক অসি পুমশং শংহন্নবনি। খ্বাইদগী মশিং য়াম্না পাম্বিশিং থাখিবা ওইনা উত্তর প্রদেশতা পাম্বি লাক্ষ ৫.০ থাখিবা অসিদা রাজস্থান্দা পাম্বি লাক্ষ ৩.০ অমসুং মধ্য প্রদেশতা পাম্বি লাক্ষ ২.৬৭ থাদুনা মতুং ইনখি। পাম্বিশিং অসি চাদা ১০০ হিংহন্নবা হাইৱেশিংদা য়ামদ্রবদা মিতর ১.৫ ৱাংবা লমশিংদা পাম্বিশিং থাবদা অকনবা মীৎয়েং থমখি।  এন.ঐচ.এ.আই.না ফোংখিবা ৱাফমদা পাম্বিশিং অসি চাউবা হেনগৎহন্নবা অমসুং মশা ফবা অসি ত্রেক তৌনবা হরিথ পাথ অসি শিজিন্নদুনা দেতাশিংগা কোন্নবা পাম্বিশিং ফোতোগ্রাফ অসি এন.ঐচ.এ.আই.গী এ.আই.না পাৱর্দ বিগ দেতা এনালাইতিক প্লেৎফোর্ম-দেতা লেক্তা থা ৩ খুদিং অপলোদ তৌগনি হায়না হায়রি। মাংখ্রবা/শিখ্রবা পাম্বিশিং অসি শিন্দোক্নবগীদমক্তা চপ-চানা নিংথিনা থম্নবা অমসুং য়েংশিন্নবগীদমক্তা হাইৱেগী কন্ত্রেক্তরশিং লৈগনি। পাম্বিশিং অসি ফনা উহন্নবা অমসুং চাউখৎহন্ননবগী থবক অসিগীদমক্তা কন্ত্রেক্তরশিং অসি পেমেন্তকা মরি লৈনহনগনি। এপ অসি হৌদোক্লবা মতুংদা এন.ঐচ.এ.আই. আর.ও.শিং/পি.দি.শিং/হোর্তিকলচরগী খং-হৈরবশিংগী ওইনা য়ুজর আই.দি. ১৫০গী মথক্তা শেমখ্রে। মসিদা নত্তনা তোদা অসি শিজিন্নদুনা চাউরাক্না পাম্বি ৭৮০০রোম জিও-তেগ তৌখ্রে।

এন.ঐচ.এ.আই.না মতম-মতমগী ওইনা মহৌশাগা চান্নবা মওংগী নেস্নেল হাইৱেশিং অসি শেমগৎনবা পাম্বি থাবগী খোংথাং অসি চংশিনখি অমসুং অকোয়বগী ফীভমগা চান্নবা থবক-থৌওংশিং শিজিন্নদুনা অকোয়বগী ফীভমগা মরি লৈনবা লেংদনা ৱাফমশিং থমখি। ইং কুমজা ২০২০দা এন.ঐচ.এ.আই.না তুং-কোইনা পাম্বি তাবগী খোংথাং অসি পায়খৎনবা থৌরাং তৌরি। মসিগী মীৎয়েং অসি এন.ঐচ.কী মফমশিংদা অপুনবা ওইনা পাম্বি লাক্ষ ৭২ থানবগী কন্সেসন পীরিবশিং, রাজ্য সরকারগী এজেন্সিশিং অমসুং লন্নাই পাম্বি থাবগী এজেন্সিশিং পুনশিন্নহল্লক্নবনি। মসিগী মখা তানা এন.ঐচ.এ.আই.না পাক-চাউনা হিরমগী অখং-অহেশিংগা কোন্ননা পাম্বি থাবগী, ফোরেস্ত্রী, এগ্রিকলচর, হোর্তিকলচরগী অখং-অহৈশিংগা থবক পায়হনখ্রে। চান্নবা বেকগ্রাউন অমসুং খং-হৈরবা প্রোফেস্নেল অনিগা রিজনেল ওফিসশিং খুদিংগী ওইনা থবক শিন্নখ্রে। প্রোজেক খুদিংগী ওইনা নিংথিনা মীরয়েং থম্নবা হোর্তিকলচরগী অখং-অহৈশিংদা থবক  পায়হনখ্রে। পাম্বি থাবদা নত্তনা এন.ঐচ.এ.আই. হাইৱেগী প্রোজেকশিং চাউখৎনবগীদমক্তা পাম্বি অসি শিন্দোক্তুনা থাবগী মথৌ তাবদসু মীৎয়েং থম্লি।  এন.ঐচ.এ.আই. এন.ঐচ.কী স্ত্রেতচশিং মশক খংদোকখ্রে অমসুং স্ত্রেতচশিং অসিদা হান্না পাম্বি থাখ্রবশিং অমসুং থাগদৌরিবশিং পুমনমক্কী দেতা শেম্লি। ‘হরিত পাথ’ মোবাইল এপ অসি হৌদোকপা অসিনা মখা তানা লৈবাক অসিগী অশংবা হাইৱেশিং শেম্বদা খুদোং চাবা পীগনি।

*****