গ্লোবুলর ক্লস্তরশিং অসি চপ মান্নবা গ্যাসকী ওইবা লৈচিলশিংদগী শেম্বা থৱান্মিচাক মিলিয়ন কয়া য়াওবা থৱান্মিচাক্কী চবুনগী সিস্তেম্নি। মরম অসিনা শেম্লক্লিবা থৱান্মিচাকশিং অসি মখোয়গী ইলিমেন্তশিং মরাং কাইনা য়াওরিবা কেমিকেল কম্পোজিসন অসি অনম্বনা হোমোজিনস ওইগনি। তৌইগুম্বসুং মসিগী কাংলোন অসিদগী মমাই থৈনবা ক্লস্তরশিং য়াওরি। মসিগী মনুংদগী অমা ওইনা ওমেগা সেন্তৌরী অসি ঐখোয়গী শৌর্য়জগৎ মিল্কী ৱেদা খ্বাইদগী অরংবা অমদি খ্বাইদগী চাউবা গ্লোবুলর ক্লস্তর ওই।

ওমেগা সেন্তৌরীগী তোঙান-তোলংবা থৱান্মিচাকশিং অসি চপ মান্ননা মাগী চহি তাকপা অদুবু মসিদা অচৌবা রেঞ্জগী ওইবা পেরামিতরগী ধাতু য়াওবা উত্তে। এনোমলস ওইবা ইলিমেন্তকী মওং ওইবশিং মরাং কাইনা য়াওবা মরম্না, শেম্লকপগী উরিবা শক্তম অসি ময়ামদগী তোলংবা য়াই। মহৌশাগী ওইনা, মরাং কাইবা অসি হিলিয়ম অসি হাইদ্রোজেন-মরাং কাইনা য়াওবগী শরুক তরা থোকপগী অমা লৌশিন্দুনা শিজিন্নরগা পুথোকরকপনি।

ভারত সরকারগী সাইন্স অমসুং তেক্নোলোজী বিভাগকী ওতোনোমস ইন্সতিত্যুত অমা ওইরিবা ইন্দিয়ন ইন্সতিত্যুত ওফ এস্ত্রোফিজিক্স(আই.আই.এ.)গী বৈজাঞানিকশিংনা ক্লস্তর অসিগী মখল-মখা কয়াগী থৱান্মিচাকশিং নৈনদুনা ওমেগা সেন্তৌরীগী ধাতু য়াম্না য়াওবা সেম্পলগী মরক্তগী হিলিয়ম মরাং কাইনা য়াওবা ইংনা লংবা থৱান্মিচাকশিং পুথোকখ্রে। মসিগী ক্লস্তর অসিগী পাংথোকখিবা স্পেক্তোক্রোপিক সর্ভেগী রিজল্ত অমা ওইনা থবক অসি থৱান্মিচাকশিং অসিদা হিলিয়ম মরাং কাইনা য়াওবা অসি অহানবা ওইনা অরেপ্পা মওংদা খংবা ঙমখ্রে অমসুং ‘দি এস্ত্রোফিজিকেল জর্নেল’দা ফোংখ্রে।

অদুম ওইনমক হিলিয়মগী কোরদা চাকপা ওমেগা সেন্তৌরীগী মরু ওইবা মথং-মনাওগী ওইবা (নুমিৎকুম্বা)থৱান্মিচাকশিংদা হিলিয়ম-মরাং কাইনা য়াওবা অসিগী চাওরাক্না হোত্তুনা য়েংবশিং লৈ।  নৈনবা অসিনা থৱান্মিচাক্কী অহানবা জনেরেসন্দগী ধাতু-য়াম্না য়াওবা অমসুং হিলিয়ম-মরাং কাইহনবা পোৎচাক্তগী শেম্বা থৱান্মিচাক্কী অনিশুবা জেনেরেসন্দা হিলিয়ম-মরাং কাইবা মশিং অসি হেনগৎন্না থম্বদা মরুওইবা হৌরকফমগী লিখুন অমা ফংহল্লি।  অমসুং, মসিসু ঐখোয়গী থৌরম অসি হৌরকপগা হিলিয়ম-মরাং কাইহনবগী মরুওইবা মথং-মনাও নাইনা লৈরিবা থৱান্মিচাকশিং অসি ধাতুনা মরাং কাইনা য়াওবা হিলিয়ম-মরাং কাইবা ইংনা লংবা থৱান্মিচাকশিং ওইনা থোরকই। 

অয়াম্বা থৱান্মিচাকশিংদা হাইদ্রোজেন অসি খ্বাইদগী মরাং কাইনা য়াওবা ইলিমেন্তনি, করিগুম্বা হাইদ্রোজেন অসি হন্থরক্লবদি মদুগী মতুং ইন্না হিলিয়ম অসি হাইদ্রোজেন অমসুং হিলিয়মগী অপুনবা অসি লেংদনা লৈবনা হিলিয়ম অসি মরাং কাইবা হেনগৎলক্কনি অমসুং অতোপ্পা খরা য়াম্না য়াওবা ইলিমেন্ত অসি ত্রেসশিংদা লৈ। তীম IIAনা হাইদ্রোজেন-ৱাৎনা য়াওবা/হিলিয়ম-মরাং কাইবা থৱান্মিচাকশিং মশক খংদোক্নবা ভারতকী কবলপুরগী ভাইনু বাপ্পু  ওবজর্বেতরীগী ভাইনু বাপ্পু  তেলেসকোপ য়াওরবা ওপ্তোমেত্রিক মেদিয়ম রিজোলুসন স্পেক্তোগ্রাফ(ও.এম.আর.এস.)তগী ফংবা রিজোলুসন নেম্বা স্পেক্ত্রা শিজিন্নদুনা মখোয়গী নৈনবা অসি  চত্থবা হৌখি।  

অদুম ওইনমক, হাইদ্রোজেন-এতোমিক স্পেক্ত্রেলগী লাইনশিং অসি থৱান্মিচাকশিংগী স্পেক্ত্রাদা য়াম্না মপাহ্গল কন্না য়াওই অমসুং মরাং কাইবা অসি থাজনিংঙাই ওইবা মওংদা ওনবা অসি অসিগুম্বা লাইনশিং অসিদা পাংথোকপা হায়বদু ওইথোক্লমদে। মরম অসিনা তীম IIAনা হিলিয়ম/হাইদ্রোজেনগী রেসিও খেৎনহনবা মোদেলগী এতমোসফেয়রশিং য়োকখৎপা নোভেল তেক্নিক শিজিন্নখি অমদি মসিগী মোদেলশিং অসিদগী প্রেদিক তৌখিবা মঙাল অদু ওবজর্ব তৌরবা মঙালগা ন্য়ুত্রেল ওইবা মেগ্নেসিযম(Mg) এতোমিক্কী লাইন্দা চান্নব্রা হায়না য়েংনখি অমসুং মদু MgHমোলিকুলর বেন্দা ওবজর্ব তৌরবা রিজোলুসন ৱাংবা স্পেক্ত্রাদা  হিলিয়মগী চাং ওনবা হিলিয়ম/হাইদ্রোজেনগী অশেংবা রেসিও অদু পুরক্নবা শিজিন্নখি। মমাংগী নৈনরিবা পুম্নমক অসিদা এনালাইসিসশিং অসি মহৌশাগী ওইবা নুমিৎকুম্বা (He/H=0.1) (হাইদ্রোজেন –মরাং কাইনা য়াওবা অসি লৌশিন্দুনা পাংথোকখি।

মসিগী ওমেগা সেন্তৌরীগী ইংনা লংবা থৱান্মিচাক্কী হিলিয়ম অসি ওন্ননবা সাউদর্ন অফ্রিকান লার্জ তেলেস্তকোপ(এস.এ.এল.তি.)দগী দা. হেমা বি.পি. অমসুং বেঙ্গলোরগী ইন্দিয়ন ইন্তিত্যুত ওফ এস্ত্রোফিজিক্সকী প্রোফেসর গজেন্দ্র পান্দেনা য়ু.এস.এ.গী কেম্ব্রিজগী হবর্দ-স্মিথসোনিয়ন সেন্তর ফোর এস্ত্রোফিজিক্সকী প্রোফেসর এল. কুরুকজ অমসুং তেনেরিফকী য়ুনিভর্সিদেদ দে লা লাগুনাগী ইন্সতিত্যুতো দে এস্ত্রোফিজিকা দে কেনারিএস অমসুং দিপার্মেন্তো দে এস্ত্রোফিজিকা পুন্না খুৎশম্নদুনা ফংবা রিজোলুসন ৱাংবা স্পেক্ত্রা অসি শিজিন্নদুনা পুন্না থবক তৌমিন্নখ্রে।

ফিগর 2. LEID 34225 গী ওইনা ওবজর্ব তৌরবা অমসুং সিন্থেসাইজ তৌরবা MgH বেন্দশিং অসি উৎলি। Mg I গী লাইনশিংদগী ফংবা Mg মরাং কাইনা য়াওবগীদমক্তা এনালাইসিস তৌরবা স্পেক্ত্রা অমসুং He / H গী রেসিও অসি খ্বাইদগী ফবা-ফিত ভেল্যু অসি অঙাংবনা খংয়ৈ য়ৈশিল্লকপা-দোতকী লাইনশিং ওইনা উৎলি।  He/H গী ভেল্যু অনি সিন্থেসিস অসিসু উৎলি।

[পব্লিকেসনগী লিঙ্ক: https://doi.org/10.3847/1538-4357/ab93bd ]

******