সেন্ত্রেল ইনফোরমেসন কমিসন য়াওনা ভারত সরকারগী তোঙান-তোঙানবা কমিসনশিং কোবিদ লাইচৎনা থবক তৌহন্দ্রে হায়না কংগ্রেসগী লুচিংবা খর অমসুং অতোপ্পা লুচিংবশিংনা মরাল শীরকপা অদু পাউখুম পীরদুনা দোনরগী রাজ্য মন্ত্রী(মনিংতম্বা), পি.এম.ও, পর্সোনেল, পব্লিক গ্রিভান্সেস, পেন্সন্স, এতোমিক ইনর্জি অমসুং স্পেসকী রাজ্য মন্ত্রী দোক্তর জিতেন্দ্র সিংহনা হায়খি, লাইচৎনা মনুংদা আই.তি.আই কেস লোইশিনবা মশিংদা অকাইবা পীদে, কেস লোইশিনবা মশিং হান্নদগী হেন্না ফিবম ফগৎলে।

ভারতকী চীফ ইনফোরমেসন কমিসন্নরগা লোয়ন্না সেন্ত্রেল ইনফোরমেসন কমিসনগী থবকশিং হন্না য়েংশিল্লবা মতুংদা দোক্তর জিতেন্দ্রনা হায়খি,লাইচৎ মনুংদা নোংমা খক ফাওবা কমিনস থবক তৌবদা অকায়বা পীদে।মসি লাইচৎ মনুংদা কমিসন অমসুং মসিগী স্তাফশিংনা থবক পাংথোকপদগী ওইবনি অমসুং লাইচৎ মনুংদা চহি অসিগী মে ১৫দা কমিসন্না নৌনা শেম্লবা য়ুনিয়ন তেরিতোরি জম্মু অমসুং কাস্মিরদগী আই.তি কেসশিং হিয়ারিং অমসুং দিপোসগী থবকশিং ভর্চুএল ওইনা পাংথোকখি।

মহাক্না হায়খি, ওফিসারশিংগী য়ুমগী কম্পুতরশিংদা ই-ওফিস হাংদোক্লে অমসুং কেসশিং লোইশিন্নবা তেক্নোলোজি শীজিন্নরে। মমাং চহিগী চপ মান্নবা থাশিংদা লোইশিনখিবা কেস মশিংগা লাইচৎ মনুংগী থাশিংদা লোইনশিনবা কেস মশিংগা চাংদম্নবদা , ২০১৯গী জুন থাদা কমিসন্না কেস ১২৯৭ লোইশিনবদা ২০২০গী জুন থাদা কেস ১৭৮৫ লোইশিনখি। মসিনা কোবিদ-১৯ লাইচৎ মনুংদা অথিংবা কয়া লৈরবসু কেস মশিং য়াম্না লোইশিল্লে হায়বা উৎলে।

কমিসন্নর জুলকানা হায়খি, ভিদিও কনফরেন্স পাংথোকপা, ওদিও কনফরেন্স, ৱেবসাইত্তা দিপুতি রেজিস্তারশিংগা পাউ ফাওন্নবা অকুপ্পা মরোলশিং থাগৎতুনা, দরকার লৈবা নোতিসশিং ই-পোস্তনা পীদুনা অমসুং অনৌবা কেসশিং নুমিৎ অদুমক্তদা ওনলাইন রেজিস্তার তৌদুনা অমসুং স্ক্রুতিনি পাংথোকপা য়াওনা লোকদাউন মনুংদা সি.আই.সি হিয়ারিং পাংথোক্নবা তোঙান-তোঙানবা থবকশিং পায়খৎলে।

কমিসন্নরনা হায়খি, কমিসন্না মসিগী মীয়ামগা উনবগী থবকশিং মখা তানা পাংথোক্লি। মীয়ামগী লুপশিংগী মীহুৎশিংগা ভিদিও কনফরেন্স অমসুং নেসনেল ফেদেরেসন ওফ ইনফোরমেসন কমিসনস ইন ইন্দিয়া(এন এফ আই সি আই)গী মেম্বরশিংগা ভিদিও কনফরেন্স পাংথোক্লি।

*****