হৌজিক লৈরিবা ইন্তর্নেস্নেলগী মরীশিং, লম কয়াদা খ্বাইদগী ফাবা খোঙথাংশিংগী মতাংদা খঙমিন্নবা অমসুং সরকার অমদি লোয়শঙশিংদা নৌনা চুংশিন্ননবা থবক লৌখৎপগী মপাঙ্গল কনখৎহন্দুনা ভারত-কানাদা আই.সি.-ইম্পেক্তস এন্যুল রিসর্স কনফেরেন্সতা লৈবাকশিং অসিগী মরক্তা অনৌবা থাক অমদা পুন্না চৎমিন্নবা পাম্বৈশিং খন্নখ্রে।

ইন্দো কেনেদিয়ন এস এন্দ তি কোওপরেসন সোসাইতীগী কান্নবশিং অদু থম্লদুনা, সাইন্স এন্দ তেক্নোলোজী বিভাগ (দি.এস.তি.)গী প্রোফেসর অশুতোশ শর্মানা হায়, “লৈবাক অনিগী পুন্না চৎমিন্নবা অসি অনৌবা থাক অমদা পুখৎনবা পাম্বৈশিং পুথোকপা। আর্তিফিসিএল ইন্তেলিজেন্স, ক্বান্তম সাইন্সশিং অমসুং ইলেক্তিক মোবিলিতীদা অনৌবা রিসর্স তৌবগী মথক্তা সাইন্সকী লমশিংদা নুপীগী মফম, তেক্নোলোজী দিপ্লোইমেন্ত, সাইন্সকী হীরমশিং, অমসুং স্কুমশিংগী স্তেমগী খ্বাইদগী ফবা খোঙথাংশিং মখোয়গা তান্নবা।”

কনফরেন্স অসিদা মহাক্না ভারতকী অনৌবা এস.তি.আই. পোলিসীগী মতাংদা ফোঙদোকখি অমসুং মরু ওইবা স্তেকহোল্দরশিংগী মরক্তা ইন্তর্নেস্নেল মরীশিংনা লৌরিবা থৌদাং অদুসু থমখি। অসিগুম্বা মরীশিং অসি ফগৎহন্নবা কেনেদিয়নগী ৱাখল্লোনশিং অমসুং ইনপুৎশিং মহাক্না তরাম্না ওকখি।

কনফরেন্স অসি ওগস্ত ৬, ২০২০দা ইন্দিয়া-কেনেদা সেন্তর ফোর ইন্নোবেতিব মল্তিদিসিপ্লিনরী পার্তনরশিপ তু এসলরেৎ কম্ম্যুনিতী ত্রান্সফোর্মেসন এন্দ সস্তেনেবিলিতী (আই.সি.-ইম্পেক্তস)না ভর্চ্যুল ওইনা শিনখি।

আই.সি.-ইম্পেক্তসগী সি.ই.ও. অমদি সাইন্তিফিক দিরেক্তর প্রোফেসর নেমী বন্থিয়ানা হায় আই.সি.-ইম্পেক্তনা মরম ওইদুনা পব্লিকেসন ১,১২৯, লৈবাক অনিগী রিসর্স প্রোজেক্ত ৬৩, তেক্নোলোজী দিপ্লোইমেন্ত ২৪, পার্তনর্শিপ ৩৫২ অমসুং পেতেন্ত অমসুং তেক্নোলোজী দিসক্লোজর ২৯ পাঙথোকপা ঙমখ্রে। মহাক্না হায় চাউরাক্না মহৈ মতিক চানা হৈরবা ভারতকী মহৈরোয় ২০০ অমসুং মশিং য়াম্লবা কেনেদিয়ন মহৈরোয়শিং অয়াম্বনা মাস্তর তম্লিবা, পিঐচ.দি., অমসুং পোস্ত দোক্তরেল ফেলোশিং আই.সি.-ইম্পেক্তকী মখাদা ত্রেন তৌরি। পার্তনরশিপ অসিগী মখাদা লৌখৎলিবা প্রোজেক্তশিং অসি হকথেংননা স্তার্ত-অপ ৭ অমসুং ঐখোয়গী নহাশিংদা থবক কয়া পীবা ঙমখ্রে।

বাইওতেক্নোলোজী বিভাগকী (দি.বি.তি.) সেক্রেতরী, দা রেনু স্বরুপনা কেনেদিয়ন সরকার অমসুং লোয়শঙশিংগা লোয়ননা নৌনা চুংশিন্নবা অমসুং নেৎৱার্কিংগী খোঙথাং লৌখৎপা মথৌ তাবগী মতাংদা থমখি। নেচরেল সাইন্সেস এন্দ ইঞ্জিনীয়রিং রিসর্স কাউন্সিল ওফ কানাদাগী প্রসিদেন্ত প্রোফেসর এলেজেন্দ্রো এদেমনা ক্বান্তম সাইন্স, আর্তিফিসিএল ইন্তেলিজেন্সতগী হেল্থ সাইন্সেস ফাওবগী এপ্লিকেসনশিংদা পুন্না চুংশিন্নবগী অপাম্বা মহাক্না উৎখি।

হৌদোকপগী মতুং তারকপদা রাউন্দ তেবলদা দি.এস.তি.-দি.বি.তি.-আই.সি.-ইম্পেক্তস প্রোগ্রামগী মখাদা লৈবাক অনিনা পুন্না তৌমীন্নখিবা থবক থৌরমশিংগী অকুপ্পা ৱারোলগী পরজেন্তেসনশিং পীখি। দা. এস.কে. ভার্শনী, এদভাইজর & হেদ, ইন্তরনেস্নেল কো-ওপরেসন দি.এস.তি.না রিসর্স অসি সমাজগা মরী লৈনবা কৈথেলদা ফংহনবা য়াবা এপ্লিকেসনশিংদা ওন্থোকপা য়াবা লৈবা ইমর্জিং সাইন্সেসকী অপুনবা রিসর্সকী মতাংদা ফোঙদোকখি। পুন্না চৎমিন্নবগী অকক্নবা হীরম খরা নাকল অনীমক্না য়ানরগনি। পুন্না চৎমিন্নবা য়াবা ভারতকী প্রোগ্রামশিং সাইন্সতা জেন্দরগী খেন্নবা থমদবা, সাইন্সতা ওন্তপ্রিনোর্শীপ প্রোগ্রামশিংগী মরমদসু পনখি।

মিস্তর বর্জ ধহান, বোর্দ চিয়র্মেন, আই.সি.-ইম্পেক্তস, মিস্তর অজয় বিসারিয়া, কানাদাগী ভারতকী, হায় কম্মিস্নর, প্রোফ. অশুতোশ শর্ম, সেক্রেতরী, দি.এস.তি, দা. রেনু স্বারুপ, সেক্রেতরী, দিপার্তমেন্ত ওফ বাইওতেক্নোলোজী, প্রোফ. সান্ত ওনো, প্রসিদেন্ত, য়ুনিভর্সিতী ওফ ব্রিতিশ কলম্বীয়া, প্রোফ. নেমী বন্থীয়া, সাইন্তিফিক দিরেক্তর অমসুং সি.ই.ও., আই.সি.ইম্পেক্তস অমসুং প্রোফ. অলেজেন্দ্রো অদেম, প্রসিদেন্ত, নেচরেল সাইন্সেস এন্দ ইঞ্জিনিয়রিং রিসর্স কাউন্সিল ওফ কানাদানা কনফরেন্সকী হৌদোকপগী সেসন্দা শরুক য়াখি। কনফরেন্স অদুদা ভারত অমসুং কানাদাগী চাওরাক্না মীওই ২০০মুক শরুক য়াখি। 

দি এস.তি.না ২০১৩দগী আই.সি.-ইম্পেক্তসকা লোয়ননা রিসর্স পার্নরশীপশিংগী পুন্না থবক তৌমিন্নরক্লি। মসিগী পার্নরশীপ অসিনা অথুবদা মথৌ তাবশিংগী কম্ম্যুনিতীদা য়ুম্ফম ওইবা সোলুসনশিং পুথোক্নবা লৈবাক অনিদা কম্ম্যুনিতীশিংগা লোয়ননা পুন্না খুৎশম্নরগা থবক তৌমিন্নবদা পান্দম থম্লি।  

আই.সি.-ইম্পেক্তকী মখাদা রিসর্স কো-ওপরেসনগী মরুওইনা মীৎয়েং চংগদবা হীরমশিংদি গ্রীন বিল্দিংশিং অমসুং স্মার্ত সিতীশিংনি; মৈহৌ লাংপোক্কী মতমদা বিল্দিংশিংদা লৈরিবা মীওইশিংনা হিংনবা পাম্বৈ; ইন্তিগ্রেতেদ ৱাতর মেনেজমেন্ত অমসুং শাফগদবা অমসুং সস্তেনেবল ইনফ্রাস্ত্রকচর; অমসুং ঈশিংদগী অমসুং লৌনগনবা লায়নাশিংদগী থোরকপা হকশেলগী সমস্যশিং।

******