প্রধান মন্ত্রী শ্রী নরেন্দ্র মোদীনা ঙসি ভিদিও কনফরেন্সিংগী খুত্থাংদা অন্দমান অমসুং নিকোবার ইথৎশিং য়ৌবা সমুদ্র মনুংদা পুবা ওপ্তিকেল ফাইবর কেবল (ও.এফ.সি.) শঙ্গাদুনা লৈবাক্তা খুৎশিন্নখ্রে। প্রধান মন্ত্রীনা দিসেম্বর ৩০, ২০১৮দা পোর্ত ব্লেয়ারদা প্রোজেক্ত অসিগী উরেপ উয়ুং তমখিবনি।

প্রধান মন্ত্রীনা শ্রী নরেন্দ্র মোদীনা ঙসিগী কনেক্তিবিতী পীবগী থৌওং অসিনা ইথৎশিং অসিদা লোয়বা নাইদ্রবা খুদোংচাবা কয়া পীরগনি হায়খ্রে। সমুদ্র মনুংদা কিলোমীতর ২৩০০ শাংবা পুবগী থৌওংবু হায়নখিবা মতমগী মাংওইননা লোয়শিনবা ঙম্বা অসি য়াম্না থাগৎনিংঙাইনি হায়খি।

প্রধান মন্ত্রীনা সেবা অসি ঙসিদগী হৌনা ইথৎশিং অসিদা চেন্নইদগী পোর্ত ব্লেয়ার ফাওবদা, পোর্ত ব্লেয়ারদগী লিত্তল অন্দমান ফাওবা অমসুং পোর্ত ব্লেয়ারদগী স্বরাজ ইথৎ ফাওবগী মনুংদা থবক তৌবা হৌখ্রে হায়খি।

প্রধান মন্ত্রীনা সমুদ্রগী মনুংদা কিলোমীতর ২৩০০ শাংবা কেবল পুবগী থৌওং অসিবু থাগৎপা ফোঙদোকখি মরমদি অরুবা সমুদ্র সর্বে তৌবা, কেবলগী মগুন কায়হন্দনা থম্বা অমসুং অখন্নবা বেসেল শিজিন্নন্দুনা ঈশিং মনুংদা কেবল পুবা অসি অরায়বা থবক নত্তে হায়না হায়খি। প্রোজেক্ত অসিনা অৱাংবা ইথক-ইপোম, নোংলৈ-নুংশিৎ অমসুং মোন্সুন অমসুং কোরোনা লায়চৎনা ওইহনবা অরুবা মতম কয়াগী খুদোংচাদবশিং থেংনখি।

অন্দমান অমসুং নিকোবার ইথৎশিংদা হায়রিবা সেবা অসি তঙাই ফরক্তবা য়াম্না কুইরবনি অমসুং মসিগী মতাংদা থবক অমত্তনা পায়খত্তনা লাকখি হায়না প্রধান মন্ত্রীনা হায়খি। মথক্তা পনখ্রিবা খুদোংচাদবা কয়া অসি থেংনজরবসু প্রোজেক্ত অসি লোইশিনবা ঙমখিবা অসিদা প্রধান মন্ত্রীনা হরাওবা ফোঙদোকখি।

প্রধান মন্ত্রীনা অন্দমান অমসুং নিকোবার ইথৎশিংদা অফবা অমসুং অহোঙবা কনেক্তিবিতী পীবা অসি লৈবাক অসিগী তৌফম থোকপা থৌদাং অমনি হায়খি। মহাক্না প্রোজেক্ত অসিগা মরী লৈনবা মীওই খুদিংমকপু থাগৎপা ফোঙদোকখি। শ্রী মোদীনা সবমেরিন কেবল অসিনা এ. অমসুং এন. ইথৎশিং অসি দিল্লীদগী অমসুং লৈবাক্কী মপুং ওইবা লমদমশিংদগী য়াম্না লাপ্না লৈবা নত্তে হায়বা অসি খুদম ওইনা উৎপা থৌওং অমনি হায়খি।

মীয়াম খুদিংবু নুংঙাইনা হিংহনবা

শ্রী মোদীনা সরকারনা মীয়াম অমসুং সেক্তর খুদিংদা মতমগা চান্নবা ফেসিলিতীশিং ফংহন্দুনা মখোয়গী পুন্সিবু নুংঙাইবা পুন্সি অমা ওইহন্নবগীদমক্তা খোঙফম চেৎনা লেপ্লি হায়খি। অমসুং মসিগী ৱাখল্লোন অসিগী খুদমদি লৈবাক্কী মফম অতোপ্পশিংগা অন্দমান অমসুং নিকোবার ইথৎশিংবু ওপ্তিকেল ফাইবর প্রোজেক্ত অসিনা শম্নহনবা অসিনি। সরকারনা লৈবাক্কী ঙাক-শেনবগা মরী লৈনবা ঙমখৈগী মফমশিং অমসুং ইথৎশিংদা খোঙজেল থুবা চাউখৎপা পুরক্নবা হোৎনবা অসিদা অকনবা মিৎয়েং চংলি হায়না মহাক্না হায়খি।

দিজিতেল ইন্দিয়াগী খুত্থাংদা খুদোংচাবা পীবা হেনগৎপা

প্রধান মন্ত্রীনা সবমেরিন কেবল অসিনা এ. অমসুং এন.দা অফবা অমসুং অহোঙবা কনেক্তিবিতী ফংহনবা অমসুং মরু ওইবা ওইনা ওনলাইন এজুকেসন, তেলি-মেদিসিন, বেঙ্কিংগী পথাপ, ওনলাইন ত্রেদিং ফগৎহনবা অমসুং লম-কোয়বা লাকপশিং হেনগৎহনবনচিংবা দিজিতেল ইন্দিয়াগী খুদোংচাবশিং ফগৎহনবদা তেংবাংগনি হায়খি।

ইন্দিয়ন ওসীন অসিনা চহি লিশিং কয়াদগী ভারতকী ললোন-ইতিক অমসুং স্ত্রেতজিক ওইবা শক্তিশিংগী মরু ওইবা মফম অমা ওইদুনা লাক্লি অমসুং অন্দমান অমসুং নিকোবার অসি ভারতকী ইকোনোমিক স্ত্রেতজিক কো-ওপরেসনগী মরু ওইবা মফম অমনি হায়না পি.এম.না হায়খি।

ভারতকী ইন্দো-পেসিফিক মফমশিংগী ওইবা অনৌবা ললোন-ইতিক্কী থৌশিল কয়াগী মখাদা ভারতকী ইথৎশিং অসিনা মরু ওইবা থৌদাং য়াগনি হায়না মহাক্না হায়খি।

শ্রী মোদীনা এক্ত-ইস্ত পোলিসীগী মখাদা সমুদ্রগা শম্নবা লৈবাকশিং অমসুং নোঙপোক এসিয়াগী লৈবাকশিংগা ভারতকা লৈনরিবা মরীদা অন্দমান অমসুং নিকোবারগী থৌদাং য়াম্না চাওই অমসুং থৌদাংশিং অসি হেনগৎলকখিগনি হায়খি।

হায়রিবা থৌদাং অসি ফগৎহন্নবা হায়দুনা চহি ৩গী মমাংদা আইলেন্দ দিবেলপমেন্ত এজেন্সী শেমখ্রে হায়না মহাক্না হায়খি। চহি কয়াদগী হৌনা অন্দমান অমসুং নিকোবারদা লোইশিন্দনা লৈবা প্রোজেক্ত কয়া অমসু হৌজিক য়াম্না থুনা লোইশিল্লক্লি হায়না মহাক্না হায়খি।

ইম্পেক্ত ৱাংবা প্রোজেক্তশিং অমসুং লমগী, নোঙথক্কী অমসুং ঈশিংগী লম্বীশিং

পি.এম.না ইম্পেক্ত ৱাংবা প্রোজেক্ত কয়া অমা অন্দমান অমসুং নিকোবারগী ইথৎ ১২দা পাক চাউথোকহনখ্রে হায়না হায়খি। অফবা ইন্তর্নেত অমসুং মোবাইল কনেক্তিবিতী পীবতা নত্তনা  শোরোক্কী, নোঙথক্কী অমসুং ঈশিংগী লম্বীশিংগী খুত্থাংদা লমদম অসিবু শম্নহন্নবা থবকসু কন্না পায়খৎলি হায়না মহাক্না হায়খি।

প্রধান মন্ত্রীনা অচৌবা থোং অনি শাবগী  অমসুং অৱাং অমসুং ময়ায় থংবা অন্দমানগী মফমশিং শোরোক্কী খুত্থাংদা শম্নহন্নবা  এন.ঐচ.-৪ শেম্বগী  থবক চত্থরিবা অসিগী মরমদসু পনখি।

পোর্ত ব্লেয়ার এয়রপোর্ত অসি পেসেঞ্জর ১২০০ শেন্নবা ঙমহন্নবা চাউথোকপগী থবক চত্থরি হায়না মহাক্না হায়খি। মসিগা লোয়ননা দিগ্লিপুর, কার নিকোবার অমসুং কেম্পবেল-বেগী এয়রপোর্তশিংসু থবক তৌবা হৌবগী শেম-শাবা লোয়রে হায়খি।

শ্রী মোদীনা স্বরাজ দ্বীপ, শহীদ দ্বীপ অমসুং লোং-আইলেন্দগী পেসেঞ্জর তর্মিনেল অমসুং ফ্লোতিং জেত্তীগুম্বা এরোদ্রোম ইনফ্রাস্ত্রকচরশিংসু লাক্লিবা থা খরা অসিদা শেম-শাবা লোয়রগনি হায়খি।

ইথৎশিং অসিগা লৈবাক মপুমগা শম্নহন্নবা ঈশিংগী লম্বী ফগৎহন্নবা কোচিগী হি শাফমদা শারিবা জহাজ ৪ অসিসু অথুবা মতমদা খুৎশিন্নরগনি হায়খ্রে।

পোর্ত লেদ দিবেলপমেন্ত

অন্দমান অমসুং নিকোবার অসি মালেমগী হিথাংফম কয়াদগী চাংদম্নবা য়াবা অরাপ্পদা লৈবনা মফম অসি পোর্ত লেদ দিবেলপমেন্তশিংগী হব অমা ওইনা শেমগৎলগনি হায়না মহাক্না হায়খি।

অফবা হিথাংফমগী নেৎৱর্ক অমসুং কনেক্তিবিতী লৈবা লৈবাক অমনা ২১শুবা চহি চাদা ললোন ইতিক্কী হীরমশিংদা হেন্না খুমাং চাউশিলহনবা ঙমগনি হায়না প্রধান মন্ত্রীনা হায়খি।

ঙসি ভারতনা মরোমদোম লেপচবা ঙম্নবগী পান্দমদা তুং-লমচৎকীদমক চৎলিবা অমসুং মালেমগী ওইবা সপ্লাই অমসুং বেল্যু চেনগী মরু ওইবা থৌপুবা অমা ওইনা শেমজরক্লিবা অসিদা ঈশিং লম্বী অমসুং হিথাংফমগী নেৎৱর্ক ফগৎহনবা অসি য়াম্না মরু ওইবা হীরম অমনি হায়না মহাক্না হায়খি। শ্রী মোদীনা হিথাংফমগী ইনফ্রাস্ত্রকচরশিং চাউখৎহনবদা থেংনবা আইনগী ওইবা খুদোংচাদবা খুদিং অসিসু লেপ্তনা লৌথোক্লি হায়খি।

মালেমগী মেরিতাইম ত্রেদ

পি.এম.না সমুদ্র লম্বীদা কারবার তৌবদা নুংঙাইহনবা অমসুং মেরিতাইম লোজিস্তিক্সপু লায়থোকহনবদা হৌজিক হৌজিক সরকারনা অকনবা মিৎয়েং চংলি হায়খি। মহাক্না হীরম অসিগা মরী লৈননা দীপ দ্রাফৎ ইন্নর হার্বর অমসুং লুপা কোতি লিশিং ১০ চংনা গ্রেৎ নিকোবারদা ত্রান্সশিপমেন্ত অমা শানবা হৌদোকখ্রবা ৱাফমশিংগী মতাংদা পনখি। হায়রিবা থৌশিল অসিনা মফমসিদা অচৌবা জহাজ খামহনবা ঙমগনি অমসুং মসিনা অনৌবা থবক কয়া পীবগী খুদোংচাবা পীবতা নত্তনা মেরিতাইম ত্রেদতা ভারতকী ওইবা শরুকসু য়াম্না হেনগৎহল্লগনি হায়না শ্রী মোদীনা হায়খি।

ইথৎশিং অসিদা ঙা-য়োকপা/ফাবা, এক্বাকলচর অমসুং সী-ৱীদ ফার্মিং তৌবনচিংবা ব্লু ইকোনোমী অসিনা অন্দমান অমসুং নিকোবারদা হৌজিক শেমগৎ-শাগৎলিবা মতমগা চানবা ইনফ্রাস্ত্রকচরশিং অসি চাননা চৎপা ঙমহনগনি হায়না মহাক্না হায়খি। সরকারনা হৌজিক পায়খৎলিবা থৌওংশিং অসিনা অন্দমান অমসুং নিকোবারদা অনৌবা খুদোংচাবা কয়া পীবতা নত্তনা মালেমগী লম-কোয়বগী মেপ্তসু মশক থোকপা মফম অমা কনবা ঙম্লগনি হায়রদুনা মহাক্না য়াইফ পাউজেলসু পীখি।

*****