পঞ্চায়তী রাজগী মন্ত্রালয়

পঞ্চয়াতি রাজ অমসুং রুরেল দিবলপমেন্তগী য়ুনিয়ন মিনিস্তর নরেন্দ্র সিংহ তোমারনা নেসনেল পঞ্চয়াত এৱার্দস ২০২০ য়েন্থোকখ্রে

খুঙ্গংশিং অত্মানির্ভর ভারত অভিয়ানগী থৱায়নি, খুঙ্গং চাউখৎহন্নবা পঞ্চয়াতকী মীহুৎশিং অমসুং সরপঞ্চশিংগী অচৌবা থৌদাং অমা লৈ- শ্রী তোমার

Posted On: 07 AUG 2020 7:48PM by PIB Imphal

পঞ্চয়াতি রাজ, রুরেল দিবলপমেন্ত অমসুং এগ্রিকলচর অমসুং ফার্মরস ৱেলফিয়ারগী য়ুনিয়ন মিনিস্তর নরেন্দ্র সিংহ তোমারনা হায়খি খুঙ্গং চাউখৎহন্নবা সরপঞ্জশিং অমসুং পঞ্চয়াতশিংগী মীয়ামগী মীহুৎশিংনা মখোয়গী থৌদাং পাংথোক্কদবনি। লৈবাক অসিগী খুঙ্গং খুদিংমক মপুংফানা চাউখৎপগী লম্বীদা লাক্নবা পঞ্চয়াতগী মীহুৎশিংনা লাইরিক তম্বা, হকশেল অমসুং মচি ওইবা চিঞ্জাক্কী মতাংদা থবক তৌগদবনি।

ঙসি নিউ দিল্লিদা ভর্চুএল ওইনা নেসনেল পঞ্চয়াত এৱার্দ য়েন্থোকপগী থৌরমদা মনা ফংলবা পঞ্চয়াতগী মীহুৎশিং থাগৎলদুনা য়ুনিয়ন মিনিস্তরনা হায়খি, মাইপাক্লবা পঞ্চয়াতশিংগী মতৌ তমদুনা মথং চহিদা মনাশিং অসি ফংনবা অতোপ্পা পঞ্চয়াতশিংনা থবক ফজনা তৌগদবনি। ২০২০গী এ্রপ্রিল ২৪দা পাংথোকখিবা নেসনেল পঞ্চয়াতি রাজ নুমিৎতা ৱেবকাস্তকী খুৎথাংদা প্রধান মন্ত্রী নরেন্দ্র মোদীনা লৈবাক অসিগী পঞ্চয়াতকী মীহুৎশিংগা ৱারি শানখি। নেসনেল পঞ্চয়াত এৱার্দকী কাংলুপ অহুমদা মাইপাক্লবশিং - নানাজি দেসমুখ রাস্ত্রিয়া গৌরব গ্রাম সভা পুরুস্কার চাইল্দ ফ্রেন্দলি গ্রাম পঞ্চয়াত এৱার্দ অমসুং গ্রাম পঞ্চয়াত দিবলপমেন্ত প্লান পুরুস্কার ঙসি লাউথোকখি।

মিনিস্তর তোমারনা হায়খি, কোবিদ লাইচৎকী অৱাবা থেংনরিঙৈ চৈরক অসিদা লৈবাক অসিদা অনৌবা মাইওন অমা পীনবা প্রধান মন্ত্রী নরেন্দ্র মোদীনা অত্মানির্ভর ভারত অভিয়ান হৌদোক্লে। মশাগী ওক্নবা পুথোকপা ভারত অমগী ময়াইদা খুঙ্গং অমসুং লৌউ-শিংউদা য়ুম্ফম ওইবা শেন্মিৎলোন অমা লৈরি। অসিগুম্বা ফিবম অসিদা, প্রধান মন্ত্রীগী মঙলানশিং মঙফাউন্নবা পঞ্চয়াতশিংগী মীয়ামগী মীহুৎশিংগী থৌদাং হেনগৎলক্লি। খুঙ্গং খুদিংমক্কী অঙাংশিং স্কুল কাগদবনি, তিকা থাবা অমসুং মচি ওইবা চিঞ্জাক পীজবগী থবক ফজনা চৎথগদবনি, লৌমীশিং লৌউ-শিংউগী মতাংদা ই-পাউ লৌগদবনি, মসি থবক ওইনা পাংথোক্নবা সরপঞ্চশিংনা থবক পায়খৎকদবনি। খুঞ্জাশিংনা সরকারগী স্কিমশিংগী কান্নবা ফংলিবরা হায়বদু সরপঞ্চশিংনা য়েংশিনগদবনি।

পঞ্চয়াতি রাজ মিনিস্ত্রিগী সভামিতবা য়োজনাগী মতাংদা য়ুনিয়ন মিনিস্তরনা হায়খি, স্কিম অসিনা খুঙ্গংগী মীয়ামদা মখোয়না য়ুমদা লৈরিবা লন-থুমশিংগী আইনগী ওইবা চে-চাংশিং পীগনি। য়ুনিয়ন মিনিস্তরনা পঞ্চয়াতি রাজ মিনিস্ত্রিগী মেগাজিন গ্রামোদে সনকাল্প ফোঙখি। মেগাজিন অসিদা পঞ্চয়াতশিংগী অফবা থবকশিং, মাইপাকপগী ৱারিশিং অমসুং দিপার্তমেন্তশিংগী থৌরাংশিংগী মতাংদা মরুওইবা ই-পাউশিং য়াওরি।

ৱেবকাস্তকী খুৎথাংদা পাংথোকপা থৌরম অদুদা উত্তর প্রদেসকী পঞ্চয়াতি অমসুং রুরেল দিবলপমেন্ত মিনিস্তর ভুপেন্দ্র সিংহ চৌধুরি, হিমাচল প্রদেসকী পঞ্চয়াতি অমসুং রুরেল দিবলপমেন্ত মিনিস্তর বিরেন্দ্র কনৱার অমসুং পঞ্চয়াতি রাজ মিনিস্ত্রিগী সেক্রেতরি রাজ শ্রী সুনিল কুমারসু শরুক য়াখি। রাস্ত্রিয়া পঞ্চয়াত এৱার্দকী কাংলুপ অনি হায়বদি-পন্দিৎ দিনদায়াল উপধ্যা পঞ্চয়াত সাসাতিকারন পুরুস্কার অমসুং ই-পঞ্চয়াত পুরুস্কারসু লাউথোকখি। মনা ফংলবা পঞ্চয়াতশিংগী মীয়ামগী মীহুৎশিংনা মখোয়গী পঞ্চয়াতশিংদা পাংথোকখিবা মশক নাইবা থবকশিং খঙহনখি।

**********



(Release ID: 1644323) Visitor Counter : 24


Read this release in: English , Hindi , Tamil