লৈবাক্কী অমসুং রাজ্যশিংগী চাংচত্তগী মশিং হেন্না কোবিদ-১৯না মীওই কয়া শিহল্লিবা জিলাশিংগী ফিবম নুংনাংনিঙাই ওইরে। কোবিদ-১৯ লাকশিন্নবা অমসুং লায়েংনবা কেন্দ্র অমসুং রাজ্যশিংনা পু্ন্না পায়খৎলিবা থবকশিংগী শরুক অমা ওইনা, হায়রিবা জিলাশিং অসিদা কোবিদ-১৯না মী য়াম্না শিহনবগী মরমশিং নৈন্নবা অমসুং শিবগী চাং হন্থহন্নবা পাম্বৈশিং পুথোক্নবা হেল্থ সেক্রেতরি, রাজেস বুসান্না লুচিংদুনা জিলা অমসুং রাজ্যগী লৈঙাকশিংগা লোয়ননা অৱাংবা থাক্কী মীফম অমা ভর্চুএল ওইনা পাংথোকখ্রে।

ফিবম শোক্লবা রাজ্য ৪গী জিলা ১৬ অদুদি; গুজরাতকী অহমেদবাদ অমসুং সুরত; কর্নাতাকাগী বেলাগাবি, বেঙ্গালুরু অরবান, কালাবুরাগি অমসুং উদুপী; তামিল নাদুগী চেন্নাই, কাঞ্চিপুরম, রানিপেত, থেনি, থিরুবাল্লুর, তিরুচিরাপালি, তুতিকোরিন অমসুং বিরুধনাগর; তেলাঙ্গানাগী হায়দ্রাবাদ অমসুং মেদচালমালকাজগিরিনি। শিবগী চাং ৱাংবগী মথক্তা, হায়রিবা জিলাশিং অসিদা ভারতকী অপুনবা এক্তিব কেসকী চাদা ১৭ লৈরি, নোংমগী অনৌবা কেস মশিং য়াম্না হেনগৎলকপা, মিল্লিয়ন অমদা তেস্ত তৌবগী চাং নেম্বা অমসুং লায়না লৌনবগী চাং য়াম্না ৱাংবা থেংনরি।রাজ্য মরিগী প্রিন্সিপাল সেক্রেতরি(হেল্থ) অমসুং এম.দি(এন ঐচ এম)গা লোয়ননা দিস্ত্রিক সর্ভেলিয়েন্স ওফিসারশিং, দিস্ত্রিক কল্লেক্তরশিং, মিউনিসিপাল কোরপোরেসনশিংগী কমিসন্নরশিং, চীফ মেদিকেল ওফিসারশিং অমসুং মেদিকেল কোলেজশিংগী এম.এসশিং মীফম অদুদা শরুক য়াখি।

কোবিদ-১৯ অনাবা মীওইশিং শিবগী চাং হন্থহন্নবা অমসুং শিবদগী মাংজৌননা কনবা য়াবা অতোপ্পা অনাবা লৈবা মীওইশিং,মীরোনবীশিং, অহলশিং অমসুং অঙাংশিং কন্নবা হেল্থ মিনিস্ত্রিনা পীবা চেকশিনৱারোলশিং,চৎন-কাংলোনশিং অমসুং লায়েংবগী চৎন-পথাপশিং ইন্নবা হায়রিবা জিলাশিং অসিদা পাউতাক পীখ্রে।

মতম চানা এম্বুলেন্সশিং ফংহন্নবা হোৎনবগী মথক্তা, তেস্ত তৌনবা লেবশিং ফজনা শীজিন্ননবা, অপুনবা মীশিং মিল্লিয়ন অমদা তেস্ত তৌবগী চাং হেনগৎহন্নবা অমসুং লায়না লৌনবগী চাং হন্থহন্নবা থবকশিং পায়খৎনবা হায়রিবা রাজ্যশিং অসিদা পাউতাকশিং পীখ্রে। হৌজিক লৈরিবা অমসুং তুংদা দরকার ওইরক্কদবা ফমুং অমসুং ওক্সিজেন খঙদোক্নবা অমসুং মতম চানা থৌরাং তৌনবা রাজ্যশিংদা খঙহনখ্রে। হকশেলগী মীওইশিংগী মরক্তা লায়না লৌনদনবা মাংজৌননা ঙাকথোক্নবা থবক পায়খৎপা অসি মরুওইবা অমনি হায়না মখোয়দা খঙহনখ্রে।

কোবিদ-১৯গা মরী লৈনবা তেক্নিকেল ওইবা ৱাফমশিং, চৎন-কাংলোনশিং অমসুং চেকশিনৱাশিংগী অচুম্বা অমসুং অনৌবা পাউগীদমক চাংনাইনা https://www.mohfw.gov.in দা চংবীয়ু ।

কোবিদ-১৯গা মরী লৈনবা তেক্নিকেল ওইবা ৱাহংশিংগীদমক technicalquery.covid19[at]gov[dot]in দা ইমেল থাবা য়াই অমসুং অতোপ্পা ৱাহংশিংগী ওইনা ncov2019[at]gov[dot]in অমসুং ত্বুইতশিংগী ওইনা @CovidIndiaSeva শীজিন্নবা য়াগনি ।

কোবিদ-১৯গী মতাংদা ৱাহং অমা হেক্ত হংনিংবা লৈরবদি হেল্থ অমসুং ফেমিলি ৱেলফিয়ার মিনিস্ত্রিগী হেল্পলাইন নম্বর : +৯১-১১-২৩৯৭৮০৪৬ নৎত্রগা ১০৭৫(তোল ফ্রি)দা কোল তৌবীয়ু । কোবিদ-১৯গী মতাংদা রাজ্যশিং/য়ুতিশিংগী হেল্পলাইন নম্বরশিং https://www.mohfw.gov.in/pdf/coronvavirushelplinenumber.pdf দা ফংগনি ।

*******