লৈবাক অসিদা শান্ন-খোৎনবগী অকনবা ফিবম অমা শেমগৎপদা খ্বাইদগী মরুওইবশিংগী মনুংদা স্পোর্তস কোচিং অমনি। হৌগৎলক্লিবা শান্নরোইশিং অমসুং মমিং লৈরবা শান্নরোইশিং অনিমক্তা স্পোর্তস কোচিং মখা তানা ফগৎহন্নবা , স্পোর্তস ওথোরিতি ওফ ইন্দিয়াগী ২৭সুবা একাদেমিক কাউন্সিলনা হন্দক পাংথোকখিবা কাউন্সিলগী মীফমদা মরুওইবা ৱারেপ খর লৌখ্রে।

লৌখিবা ৱারেপশিং অদুনা নেসনেল সেন্তর ফোর স্পোর্তস কোচিং ফগৎহন্নবা অমসুং শান্নরোইশিংগী দরকার ওইরকপা মতুংইন্না কোচশিংদা অনৌবা লৌশিং পীনবা পান্দম থমখি।

কাউন্সিলনা লৌখিবা মরুওইবা ৱারেপশিং মখাদা লৈরে :

১). মালেমগী শান্নবগী থাক অসিগা মান্নবা ঙম্নবা অমসুং মালেমগী থাক্তা শান্নরোইশিং ত্রেনিং পীনবা ভারতকী কোচশিং মতিক চানা শেমগৎনবা, এন.এস.এন.আই পতিয়ালাদা হাংদোক্লিবা স্পোর্তস কোচিংগী কোর্সকী সেল্লেবস মরী লৈনবশিং হায়বদি মশান্না কয়াগী নেসনেল ফেদেরেসনশিংগা তান্দুনা খন্নরবা মতুংদা শেমদোকলে। কোবিদ লাইচৎ অসিনা মরম ওইদুনা দিপ্লোমা কোর্সকী অহানবা সেমিস্তর ওইনলাইন্দা পাংথোক্নবা কাউন্সিলনা ৱারেপ লৌরে। 

২). পতিয়ালা, কোলকাতা, বেঙ্গালুরু অমসুং ত্রিবানদ্রমদা লৈরিবা সাইগী নেসনেল ইন্সতিতুৎ ওফ স্পোর্তসকী ফেকলতি মগুন লৈহন্নবা থবকশিং পায়খৎনবা অখঙ-অহৈশিংগী সব-কমিতি অমা শেম্লে। অখঙ-অহৈশিংগী কমিতি অসিনা হৌজিক লৈরিবা হৌজিক লৈরিবা ফেকলতি অসি য়েংশিনগনি অমসুং অনৌবা অমসুং তুংগী ফেকলতি অমসুং গেস্ত ওজাশিং লৌনবা হায়গনি অমসুং মসিনা মতিক চারবা ওজাশিং কাংবু অমা শেমগৎপা ঙমগনি অমসুং লৈবাক অসিগী খ্বাইদগী ফরবা ফেকলতিশিংদগী ত্রেনিশিং মরুওইনা নৌনা ওনলাইন্দা তমগদৌরিবা ত্রেনিশিং কান্নবা ফংগনি।

৩). কোবিদ-১৯গী হৌজিক ওইরিবা ফিবম অসি য়েংলগা, অনৌবা অমসুং শেমগৎলকলিবা কোচশিং চয়োল ৬গী সর্তিফিকেত কোর্স অসি ওনলাইন্দা পাংথোকপা হায়না ৱারেপ অমা লৌরে।

থৌরম অদুদা সাইগী সেনিয়র ইজুকিউতিপ দিরেক্তর(একাদেমিক্স) কর্নেল আর.এস বিসনোইনা হায়খি, কাউন্সিলগী মরুওইবা থবক্তি সাইগী হৌজিক লৈরিবা তাকপী-তম্বীবগী থবকশিং অসি হৌজিক শান্ন-খোৎনবগী হোংলক্লিবা ফিবমশিংগা চুন্নবা হোৎনবনি। স্পোর্তস কোচিংগী দিপ্লোমাগীদমক লৈবাক অসিগী মফম কয়াগী খ্বাইদগী ফবা ফেকলতি খনবা অসি মরুওইবা ৱারেপ অমা ওইনা লৌরে। হায়রিবা ৱারেপশিং অসিনা ভারত্তা স্পোর্তস কোচিংগী থবকশিং মতম কুইনা পাংথোক্তুনা থাক খুদিংমক্কী শান্নবদা মাংজিল থাবা ঙমহনগনি।

******