লৈবাক অমগী হেল্থক্যেরনা লায়চৎ অমগী অঙনবা তাঙ্কক্তা কেতচ-২২গী ফীভম অমা মায়োক্নৈ – লায়না শন্দোক্লিবা অসি খঙদোক্নবা অমদি তোঙান্না থম্নবা অককনবা অমসুং অচুম্বা তেস্তশিং তৌবা মথৌ তাই, অমসুং নোবেল তেস্ত তৌবগী চাং হেনগৎনবা কনাগুম্বনা লায়না অসিনা শন্দোরকপা য়াবা মশিং অদু চয়োল নত্রগা থাদা মাংজৌননা  হোত্তোকপা মথৌ তাই। মসিগী মতুংদা, মশিং অদুগী মতুং ইন্না লৈবাক অসিদা লৈরিবা জিলা খুদিংমক্তা হেল্থক্যেরগী পুথোকপা মথৌ তারিবশিং অদু খঙদোকপদা শীজিন্নগনি। হায়রিবশিং অসি হোৎনবা মোদেলশিং অসিগী ইনপুৎশিং অদু খঙবা ঙমদবা পেরামিতরশিংনা হেনগৎহনবা য়ারবদা মোদেলশিং অসি কনাগুম্বনা করম্না শীজিন্নগনি?

ভারত সরকারগী সাইন্স অমসুং তেক্নোলোজী বিভাগ অমসুং ইন্দিয়ন ইন্সতিত্যুৎ ওফ সাইন্স (আই.আই.এসসি.)গী মখাদা লৈরিবা ওতোনোমস ইন্সতিত্যুৎ অমা ওইরিবা জৱাহর্লাল নেহরু সেন্তর ফোর এদভান্স সাইন্তিফিক রিসর্চ (জে.এন.সি.এ.এস.আর.)গী বৈজ্ঞানিকশিংনা এদাপ্তিব স্ত্রেতেজী অমা অমসুং কোবিদ-১৯গী অঙনবা তাঙ্কক্কী মতম অদু খুদম ওইনা শীজিন্নদুনা সমস্যা অসি কোকহন্নবা মোদেল অমা পুথোকখ্রে।

মেদিকেল ইনবেন্তরীগী মথৌ তারিবশিংগী হীরমশিং হায়বদি শীবগী চাং অসি হন্থহনবদা তঙাই ফদবা তেস্ত তৌবগী চাংশিং অমসুং ক্রিতিকেল ক্যের ফেসিলিতীশিং হেনগৎহনবদা মথৌ তারিবা কেলকুলেসন অমা ওইরিবা অদু হোৎবদা মোদেল অসি শীজিন্নবা য়ারগনি। হায়রিবা অসি কোবিদ-১৯গা য়াম্না চান্নরগনি মরমদি লায়না অসিগী মওং অমসুং মীয়ামগী লমচৎ শাজৎকী ওইবা মওং মতৌশিংগী অহোংবা অমসুং সেকেন্দ –ৱেফ অমা থোক্লক্তুনা লায়না অসি শন্দোরকপা অমসুং লাকশিনবদা খোঙথাংদা অকায়বা থোকহনবা য়াই অদুনা মাংজৌননা খঙদোকপা ঙম্বশিংনা লেপ্তনা চেকশিনবা মথৌ তারি।

মোদেল অসি ‘ফিজিকেল রিভ্যু ই’গী জর্নেলদা ফোঙবগী অয়াবা পীখিবা হন্দক্কী তিম অমগী থবক্তা য়ুম্ফম ওইবনি মসিদা পেরিমেতরশিং খঙদোকপা ঙমদবা অমসুং লায়না নারে হায়না রিপোর্ত তৌরকখিবশিং অদু (ফেস—স্পেস) রিপর্জেন্তেসনশিং শীজিন্নদুনা পুথোকখিবা অদু উৎখি। মসিনা শোইবগী চাং হন্থহল্লি, মসিগা মান্নবা মওং মতৌ উৎলিবা জিওগ্রাফীশিংগী য়ুনিভর্সেলিতীশিং অমত্তা লৈহন্দে অমসুং থা অমগী ওইনা ওইরকপা য়াবা অদু মাংজৌননা খঙদোকপগা লোয়ননা চাং নাইনা চয়োলগী ওইনা অপদেৎ তৌরি। মখা তানা রিপোর্ত তৌরকখিবা শীখিবশিং অমসুং নারিবশিংবু তোঙান তোঙানবা ওইনা অনি অসি থমদুনা কনাগুম্বনা নাহল্লকপা য়াবগী চাংগী খেৎনবশিং অদু হেন্না খঙবদা মতেং ওইবা য়াই।

তিম অসিনা উৎখি মদুদি পাম্বৈ অসিগা লোয়ননা লৈবাক কয়াদা থোক্লকপা য়াবা লায়নগী ওইবা থাজবা য়াবা মওংদা মাংজৌননা খঙদোকবদা শীজিন্নবা য়াবা য়ুনিভর্সেলিতী অমা লৈরে। মসিগী পাম্বৈ অসিনা আই.সি.য়ু.শিং, পি.পি.ই.শিংগুম্বা ক্রিতিকেল রিসোর্সশিং লায়চৎ মনুংদা মথৌ তারকপা য়াবা অদু হান্না শেম শাদুনা থম্বা য়াহল্লি। পাম্বৈ অসি লায়না খঙগদবা অমসুং মতমগা চান্নবা মওংদা দিজাইন তৌরি।

জে.এন.সি.এ.এস.আর.না লুচিংবা মল্তি-ইন্সতিত্যুসন্না মোদেল অসি চাংয়েং তৌরদুনা মমাংদা ফংখিবা দেতা শীজিন্নদুবা এদাপ্তিব এলগোরিথমদা বেজ তৌরগা ইতালী অমসুং ন্যু য়োর্ককী লায়না নারিবশিং অমসুং শীখিবগী মশিং খঙদোক্নবা ঙমখি অমসুং মখোয়না ওইরকপা য়াই হায়না ফংলিবা ফল অদুগী তশেংনা ওইরিবা মশিং অদুগা য়াম্না নকনখি। মখোয়না হায়রিবা অসি ভারতকীসু চপ মান্ননা তৌখি, মফম অমদা নারকপা য়াবা অমসুং শীরকপা য়াবগী মশিং পুথোকপগী মথক্তা মখোয়না মথৌ তারকপা য়াবা ক্রিতিকেল রিসোর্সকী চাং অদুসু য়াওনা পুথোকখি।

 “কোবিদ-১৯গী মতম অসিদা খঙজিন্নবা, প্লান তৌনবা অমসুং ৱারেপ লৌবদা মরু ওইবা তুল খরা লৈ মখোয় অদুদি মেথমেতিকেল মোদেলিং অমসুং সিমুলেতনশিংনি। খুদম অসিনা খ্বাইদগী ফবা রিসর্চ কাংলুপশিংগী মরক্তা চাংদম্নবগী মহুত্তা মখোয়না হৈরিবশিং অদু চংশিন্নহল্লি,” হায়না দি.এস.তি.গী সেক্রেতরী প্রোফেসর অসুতোশ শর্মনা ফোঙদোকখি।

(অয়াবা পীরবা থবক্কী ফোঙনবগী লিঙ্ক:

https://journals.aps.org/pre/accepted/af070R4dEddE8a1a91d51021b998187c4d3f3e4b0

অহেনবা ৱারোলগীদমক, প্রোফেসর সন্তোশ অন্সুমলি (ansumali@jncasr.ac.in, ০৯৪৪৯৭৯৯৮০১) দা পাও ফাওবা য়াগনি.)

******