মাইক্রো, স্মোল অমসুং মেদিয়ম ইন্তর্প্রাইজেস (এম.এস.এম.ই.) মন্ত্রালয়, ভারত সরকারনা জুলাই ৩০, ২০২০দা ধুপ শারিবা মীওইশিংদা কান্নবা পীন্ননবগীদমক অমসুং 'গ্রামোদোগ বিকাস য়োজনা'গী খুঙ্গংগী ইন্দস্ত্রীশিংবু চাউখৎপা পুরক্নবগীদমক হৌদোকখ্রে। থৌরাং অসিগী মখাদা, অহানবগী ওইনা চাংয়েং ওইনা প্রোজেক্ত মরি হান্না হৌদোক্কনি, মসিদা লৈবাক অসিগী অৱাং নোংপোক থংবা লমগী অমা য়াওরি। ধুপ শারিবা কান্নবা ফংগদবা মীওইশিংগী ক্লস্তর খুদিংমক্না ধুপ শানবা ওতোমেতিক মেচিন ৫০ অমসুং মিক্সিং মেচিন ১০ থাদগনি। মসিগী মতুং ইন্না, ধুপ শারিবা মীওইশিংগী মফমদা অপুনবা ওইনা ধুপ শানবা ওতোমেতিক মেচিন ২০০ অমসুং মিক্সিং মেচিন ৪০ থাদগনি।

ভারত সরকারনা লৌরকপা মরুওইবা ৱারেপ ১) 'ধুপ'কী পোৎলমশিংবু ইম্পোর্ত পোলিসীদা "ফ্রী" ত্রেদ ওইরম্বদগী "রেস্ত্রিক্তেদ" ত্রেদ ওইহনবা অমসুং ২) ধুপ শাবদা চঙবা 'অকোইবা ৱাগী মচৈ' ইম্পোর্ত দ্যুতীদা চাদা ১০দগী ২৫দা হেনগৎহনবা হায়রিবা ৱারেপ অনী অসিনা ধুপপু লমদম অসিদা শাজরিবশিংদা মতেং পাংলগনি অমসুং মসিনা খুঙ্গংদা থবক পীবগী চাং হেনগৎলগনি। মসিনা লমদম অসিগী পোত্থোক 'পুথোকপা অমসুং দিমান্দ'গী মরক্তা লৈরম্বা অহোবসু মেনশিনলগনি অমসুং মসিনা লৈবাক অসিদা মপান্দগী 'ধুপ' পুশিনলকপা হন্থরগনি।

মিসন অসিগী মখাদা, এম./ও. এম.এস.এম.ই.গী মখাদা লৈবা স্তেত্যুতোরী ওর্গনাইজেসন অমা ওইরিবা খাদি অমসুং ভিলেজ ইন্দস্ত্রীজ কম্মিসন (কে.ভি.আই.সি.)না ত্রেনিং পীরগনি অমসুং ধুপ শানবা মেচিন শীজিন্নরিবা অমসুং হীরম অসিদা থবক পায়রিবা মীওইশিংবু ত্রেনিং পীরগনি। কে.ভি.আই.সি.না লৈবাক অসিদা লৈরিবা খাদি ইন্সতিত্যুসন/ নীংথীনা ধুপ শাবগী রেকোর্দ লৈবা কম্পেনীশিংগা পুন্দুনা 'ধুপ শারিবা মীওইশিংদা' থবক অমসুং রো মতিরিএল পীনবা হোৎনগনি।

প্রোগ্রাম অসিনা খুঙ্গং অমসুং অপীকপা খুনশিংদা খুদক্তগী হৌদুনা অহেনবা থবক ৫০০ রোম পীদুনা ধুপ শাবগী থবক হিংগৎহল্লগনি।

প্রোগ্রাম অসিনা লৈবাক অসিদা ধুপ পুথোকপা হেনগৎনবা হোৎনবদা অমসুং মহৌশাদগী হৌনা ধুপ শাজরকপা মীওইশিংদা রিগুলার ইমপ্লোইমেন্ত পীদুনা অমসুং মখোয়গী খুৎশুমল হেনগৎহন্দুনা তুং কোইনা চৎপা থবক পীরগনি। মসিনা লমদম অসিদা লৈরিবা ধুপ শাবা ইন্দস্ত্রীশিংদা মপাঙ্গল হাপ্লগনি অমসুং মপানলমদগী ধুপ পুশিনলকপা হন্থরগনি।

******