লৌউ-শিংউগী এক্সপোর্ত থৌগৎতুনা অমদি ইম্পোর্ত চাং ৱাংনা তৌরিবা অসি মহুৎশিন্নবা মহৈ মরোং পুথোকপা হেনগৎহন্নবা রাজ্যশিংগী খোঙথাংশিং লৌখৎপা হেনগৎনবা তরামঙাশুবা ফাইনান্স কম্মিসন্না লিংখৎখিবা লৌউ-শিংউগী এক্সপোর্তশিংগী মতাংদা হাই লেবেল গ্রুপ (ঐচ.এল.ই.জি.)না ঙসি কম্মিসনদা মখোয়গী রিপোর্ত পীখৎলকখ্রে।

কুপ্না খন্নরবা মতুংদা স্তেকহোল্দরশিং অমসুং লনাই সেক্তরদগী লাকপা ইনপুৎশিং অমদি কুপ্না থিজিল্লবা অমসুং খন্ন-ন্নৈরবা মতুংদা ঐচ.এল.ই.জি.না মখোয়গী রিকমেন্দেসনশিং পীখ্রে, মখোয়গী মরক্তা মরু ওইবশিং অদুদি:

১. ক্রোপ ভেল্যু চেন ২২দা মীৎয়েং চংবা – দিমান্দগী মতুং ইন্না পায়খৎপা.

২. ভেল্যু চেন ক্লস্তরশিং (ভি.সি.সি) অচান মীরান নাইদনা ভেল্যু এদিসনদা মীৎয়েং চংবগা লোয়ননা ৱারোইশিন পুরকপা।

৩. স্তেকহোল্দরশিং য়াওনা শরুক য়াদুনা রাজ্যনা চল্লাইগদবা এক্সপোর্ত প্লান শেম্বা।

৪. লনাই সেক্তরনা মরু ওইবা থৌদাং অমা লৌবা।

৫. সেন্তরশিং অসি ইনেব্লর অমা ওইহনবা।

৬. ইমপ্লিমেন্তেসনদা ফন্দ অমসুং তেংবাং পীনবা ইন্সতিত্যুস্নেল মেকানিজম কনখৎহনবা।

গ্রুপ অসিনা মখোয়গী রিপোর্ত্তা রাজ্যনা শেমজবা এক্সপোর্ত প্লান অমা পাম্বগী অপাম্বা ফোঙদোকখি – পাম্লিবা ভেল্যু চেন এক্সপোর্ত অদু য়ৌবা ঙম্নবা খুদোংচাবা, তেংবাং অমসুং ইনবেসমেন্ত ফংহনগদবা মহৈ মরোংগী ভেল্যূ চেন ক্লস্তর অমগী ললোন ইতিক্কী প্লান অমা। প্লানশিং অসি থবক্তা য়ুম্ফম ওইবা, অককনবা মতম ওইবা অমসুং ফলশিংদা মীৎয়েং চংবা ওইগনি। গ্রুপ অসিনা হায় মদুদি রাজ্যনা শেমজবা এক্সপোর্ত প্লান অসি মায় পাক্নবা মখাগী ৱাফমশিং অসি ঙাক্না চৎপা মথৌ তাই:-

• প্লানশিং অসি লনাই সেক্তর প্লেয়রশিং অমসুং কম্মোদিতী বোর্দশিংগা লোয়ননা পুন্না শেমগনি।
• রাজ্যগী প্লান গাইদ চাউথোকহনবা অমসুং ভেল্যু চেন কুপ্না য়েংশিনবা
• থবক পাঙথোকপা অমসুং কন্নবা ফলশিং পুরকপদা লনাই সেক্তরনা মরু ওইবা থৌদাং অমা লৌবা।
• কেন্দ্রনা রাজ্যনা শেমজবা প্লানদা অয়াবা পীবা
• রাজ্য অমসুং কেন্দ্র শিনবা থুংনা ইন্সতিত্যুস্নেল গোভর্নান্স লৈহনবা।
• হৌজিক লৈরিবা স্কিমশিং, ফাইনান্স কম্মিসনগী এলোকেসন অমসুং লনাই সেক্তর ইনবেসমেন্তগী খুত্থাংদা ফন্দ থাদবা।

লনাই সেক্তর প্লেয়রশিংনা অপাম্বগী মতুং ইন্না চৎপা অমসুং ভেল্যু এদিসন্দা মীৎয়েং চংবা ঙমহনবদা; প্রোজেক্ত প্লানশিং ওইথোকপা য়াবা, কান্নবা, ইমপ্লিমেন্ত তৌবা য়াবা অমসুং ফন্দ থাদবা য়াবা ওইহনবদা; ললোন ইতিক্কী মওংদা য়ুম্ফম ওইবা তেক্নোলোজীগী ফন্দ থাদহনবদা অমসুং প্রোজেক্ত ইমপ্লিমেন্ত তৌনবা মথৌ তাবশিং অমসুং কাংলোনশিং ঙাক্না চৎহনবদা লনাই সেক্তরশিংনা মরু ওইবা থৌদাং অমা লৌগদবনি হায়না গ্রুপ অসিনা খল্লি।

ঐচ.এল.ই.জি.না ফাওই মদুদি-

• ভারতকী লৌউ-শিংউগী এক্সপোর্ত অসি চহি খরা অসিদা য়ু.এস.দি. বিলিয়ন ৪০দগী য়ু.এস.দি. বিলিয়ন ৭০ ফাওবদা হেনগৎপা ঙমগনি।
• ইনপুৎশিং, ইনফ্রাস্ত্রকচর, প্রোসেসিং অমসুং দিমান্দ ইনেব্লরদা লৌউ-শিংউগী এক্সপোর্তকী চাওরাকপা ইনবেসমেন্ত অসি য়ু.এস.দি. বিলিয়ন৮-১০ য়ৌবা য়াই।
• অহেনবা এক্সপোর্তন থবক মিলিয়ন ৭-১০ ফাওবা পীরবা য়াই।
• মসিনা ফার্মগী পোত্থোক অমসুং লৌমীগী ইনকম হেন্না হেনগৎহনবা ঙমগনি।

ঐচ.এল.ই.জি.গী মেম্বরশিং অদুদি আই.তি.সি.গী চ্যেরমেন অমসুং মেনেজিং দিরেক্তর শ্রী সঞ্জিব পুরি; হান্নগী লৌউ-শিংউগী সেক্রেতরী কুমারি রাধা সিংহ; ফুদ প্রোসেসিং ইন্দস্ত্রীস মন্ত্রালয়গী মীহুৎ শ্রী মনোজ জোশি; এ.পি.ই.দি.এ.গী চ্যেরমেন শ্রী দিৱাকর নাথ মিসরা অমসুং হান্নগী চ্যেরমেন শ্রী পবন কুমার বোর্থাকুর; নেস্লে ইন্দিয়াগী সি.এম.দি. শ্রী সুরেশ নরায়নন; য়ু.পি.এল. লিমিতেদকী সি.ই.ও. শ্রী জাই শ্রোফ; ওলাম এগ্রো ইন্দিয়া লিমিতেদকী কাউন্ত্রী হেদ ইন্দিয়া শ্রী সঞ্জে সচেতি; চাউখৎত্রিবা লৈবাকশিংগী রিসর্চ এন্দ ইনফোর্মেসনওবা পা মত সিস্তেম (আর.আই.এস)কী দিরেক্তর জেনরেল দা. সচিন চতুর্বেদি।

ঐচ.এল.ই.জি.গী তর্ম ওফ রেফরেন্সতা য়াওরিবশিং:

• হোংবা নাইরিবা ইন্তর্নেস্নেলগী ত্রেদকী ফীভম অসিদা ভারতকী লৌউ-শিংউগী পোত্থোকশিং (কম্মোদিতীশিং, সিমি-প্রোসেস তৌরবা অমসুং প্রোসেস তৌরবা)অসিগী এক্সপোর্ত অমসুং ইম্পোর্তকী মহুৎ শিন্নবা খুদোংচাবশিং ফংহনবা অমসুং এক্সপোর্তশিং হেনগৎনবা অমদি ইম্পোর্ত তৌরগা মীপাল তাংবা হন্থহনবা
• রতকী লৌউ-শিংউগা মরী লৈনবা ফার্মগী পোত্থোক হেনগৎহনবা, ভেল্যু এদিসন ৱাংখৎহনবা, ৱেস্ত রিদক্সন ঙমহনবা, লোজিস্তিক্সকী ইনফ্রাস্ত্রকচরগী মপঙ্গল কনখৎহনবা অসিনচিংবগী লালোংশিং অমসুং খোঙথাংশিং লৌখৎহনবা অমসুং সেক্তর অসিগী মালেমগী ওইবা চাংদম্নবদা য়াওনবা ফগৎহনবা।
• লৌউ-শিংউগী ভেল্যু চেন য়াওনা লনাই সেক্তরগী ইনবেসমেন্তগী অপনবা অয়েৎপা খঙদোকপা অমসুং পোলিসীগী খোঙথাং অমসুং অহোংনা ৩ পুথোক্তুনা মথৌ তাবা ইনবেসমেন্ত ফংহন্নবা হোৎনবা।
• লৌউ-শিংউগী সেক্তরদা অহোংবা পুরক্নবা লোয়ননা হীরম অসিদা অতোপ্পা পোলিসীগী পাম্বৈশিং লৌখৎনবা ,২০২১-২২দগী ২০২৫-২৬কী মতমগী ওইবা পর্ফোর্মেন্সতা বেজ তৌবা চান্নবা খোঙথাংশিং রাজ্য সরকারদা লৌখৎনবা হায়বা।

কম্মিসন্না গ্রুপ অসিনা হোৎনরিবশিং অসিবু থাগৎখি অমসুং মখোয়গীরিপোর্ত অসি ভারত সরকারদা পীখৎনবা রিকম্মেন্দেসনশিং অদু অরোইবা ওইনা লেপথোক্লগনি।

*****