প্রধান মন্ত্রী শ্রী নরেন্দ্র মোদীনা ময়াই তাংবল লৌদুনা ঙসি ফমখিবা কেন্দ্রগী মন্ত্রী মন্দল মীফম্না নেস্নেল এজুকেসন পোলিসী ২০২০ অয়াবা পীখিবগা লোইননা স্কুল অমসুং হাইয়র এদজুকেসনেল সেক্তরদা চাউনা অহোংবা অমা পুরক্নবা লম্বী য়াৎখ্রে। মসিনা ২১শুবা চহী চাগী ওইনা অহানবা এজুকেসনগী মতাংদা শেম্বা পোলিসী ওইগদৌরি অমসুং মসিনা চহী কুনথ্রামরি শুরবা নেস্নেল এদজুকেসনেল পোলিসী (এন.পি.ই.), ১৯৮৬কী মহুৎ শিল্লগনি। এক্সেস, ইক্বিতী, ক্বালিতী, এফোর্দেবিলিতী অমসুং একাউন্তেবিলিতী হায়বা য়ুম্বীশিং অসিদা শেম্লদুনা, হায়রিবা পোলিসী অসি তুং কোইনা চৎকদবা চাউখৎ থৌরাং ২০৩০গী এজেন্দাগসু মান্ননা চৎমিন্নরি অমসুং মসিনা স্কুল অমসুং কোলেজ এজুকেসনবু হেন্না হোলিস্তিক, ফ্লেক্সিবল, মলতিদিসিপ্লিনরী ওইহন্দুনা ২১শুবা চহী চাগা চান্নহন্দুনা ভারতপু ৱাখল লৌশিং চাউবা খুন্নাই অমা অমসুং নোলেজগী সুপরপাৱর ওইহন্নবা হোৎনরি অমসুং মসিনা মহৈরোই খুদিংমক্তা য়াওরিবা তোঙান-তোঙানবা হৈশিংবশিংবু পুথোক্নবা হোৎনরগনি।

মরুওইবা মশকশিং

স্কুল এজুকেসন

এন.ই.পি. ২০২০না স্কুল এজুকেসনবু তাংকক খুদিংমক্তা ফংহন্নবা হোৎনরি – প্রি স্কুলদগীনা সেকেন্দরী ফাওবা। ইনফ্রাস্ত্রকচরগী ওইবা মতেং, অনৌবা মহৈগী লোইশঙনা স্কুল কাবা লেপখ্রবশিংবু নৌনা অমুক পুশিনবীরক্লগনি, মহৈরোইশিংবু থিদোকপা অমসুং মখোয়গী থাক খঙদোকপীনবা হোৎনরগনি, ফোর্মেল অমসুং নন-ফোর্মেল এজুকেসনগী মওং মতৌ য়াওবা তোঙান-তোঙানবা মহৈ তম্বগী লম্বীশিং পীবা, কাউন্সেলর নত্ত্রগা মতীক চানা ত্রেনিং ফংলবা সোসিএল ৱার্করশিংনা স্কুলশিংগা মরী লৈনহনবা, ক্লাস ৩,৫ অমসুং ৮পু এন.আই.আই.ও.এস. অমসুং স্তেৎ ওপন স্কুলগী মখাদা ওপন লর্নিং ওইহনবা, গ্রেদ ১০ অমসুং ১২গা মান্নবা সেকেন্দরী এজুকেসন প্রোগ্রাম, ভোকেসনেল কোর্সশিং, এদল লিতরেসী অমসুং লাইফ এনরিচমেন্ত প্রোগ্রামশিংনা হায়রিবসিবু ফংহন্নবা হোৎনবদা মতেং পাংলগনি। মহৈ তমদ্রবা অঙাং কোতি ২রোম্বুসু মেন স্ত্রিমদা এন.ই.পি.গী মখাদা মহৈলোইশঙদা পুশিনবীরক্লগনি।

অনৌবা করিক্যুলার অমসুং পেদাগোজিকেল স্ত্রকচরগা লোইননা অর্লী চাইল্দহুদ কেয়র অমসুং এজুকেসন

অর্লী চাইল্দহুদ কেয়র অমসুং এদজুকেসন্দা মীৎয়েং থম্বগা লোইননা, ১০+২ গী স্ত্রকচর ওইরবা স্কুলগী করিক্যুলা অসি ৫+৩+৩+৪ করিক্যুলার স্ত্রকচরদা মথংশিৎনা চহী ৩-৮, ৮-১১, ১১-১৪, অমসুং ১৪-১৮দা হোংদোক্লগনি। মসিনা মালেম পুম্বনা অঙাং অমগী পুন্সিদা ৱাখল লৌশিং শাগৎপদা খ্বাইদগী মরুওইবা মতম্নি হায়না পানরিবা চহী ৩-৬ ফাওবগী কাংলুপ অসিবু স্কুলগী করিক্যুলমদা পুশিনলগনি। অনৌবা সিস্তেম অসিনা স্কুলদা চহী ১২ লৈরগনি অমসুং অঙ্গনৱাদীদা চহী অহুম লৈহল্লগনি।

এন.সি.ই.আর.তি.না নেস্নেল করিক্যুলার অমসুং পেদাগোজিকেল ফ্রেমৱার্ক অমা অর্লি চাইল্দহুদ কেয়র অমসুং এজুকেসন হায়বসিদা চহী ৮ ফাওবগী অঙাংশিংগীদমক শেম্বীরগনি। ই.সি.সি.ই. অসি মশক থোক্না পাকথোক চাউথোক্লবা অমসুং মপাঙ্গল লৈহল্লবা ইন্সতিত্যুসনেল সিস্তেম অসিদা অঙ্গনৱাদী অমসুং প্রি স্কুলদা ই.সি.সি.ই. পেদাগোজী অমসুং করিক্যুলম প্রোগ্রামদা শরুক য়ারবা ওজা অমসুং অঙ্গনৱাদী ৱার্করশিং লৈহনগনি। ই.সি.সি.ই.গী প্লান তৌবা অমসুং থবক ওইনা পায়খৎপা হায়বসি ঐচ.আর.দি. মন্ত্রালয়, নুপী অঙাং চাউখৎ থৌরাং, হকশেল অমসুং য়াইফ-য়ুম্বাল, অমসুং ত্রাইবেল এফিয়র্স মন্ত্রালয়না খুৎশম্নদুনা পায়খৎকনি।

ফাউন্দেসনেল লিতরেসী অমসুং ন্যুমরেসী ফংহনবা

মহৈ তম্বীবা মতমদা ফাউন্দেসনেল লিতরেসী অমসুং ন্যুমরেসী ফংহনবা হায়ববু খ্বাইদগী অথুবা অমসুং তঙাইফদবা হীরম্নি হায়না লৌরদুনা এন.ই.পি. ২০২০না নেস্নেল মিসন ওন ফাউন্দেসনেল লিতরেসী অমসুং ন্যুমরেসী অমা এম.ঐচ.আর.দি.না শেমগৎনবা খঙহনখ্রে। ২০২৫ ফাওবদা প্রাইমরী স্কুলশিংদা গ্রেদ ৩ ফাওবগী লর্নরশিংগীদমক ফাউন্দেসনেল লিতরেসী অমসুং ন্যুমরেসীগী থবক ওইনা পায়খৎনবা প্লানগীদমক রাজ্যশিংনা শেম-শাগনি। নেস্নেল বুক প্রোমোসন পোলিসীসু শেম্লগনি।

স্কুল করিক্যুলা অমসুং পেদাগোজীদা শেমদোক শাদোকপা

স্কুল করিক্যুলা অমসুং পেদাগোজীনা মহৈ তম্লিবা খদিংমক্তা ২১শুবা চহী চাগী হৈশিংবশিং পুম্নমক পীবীবা, তঙাইফদবা হীরমশিংদা তমশিনবগী মতম ফংনবা অমসুং অরুবা মতাংদা ৱাখল খনবা তমশিন্নবা অমসুং হৈশিং হেনগদবা হীরমশিংদা মীৎয়েং থম্নবগীদমক করিক্যুলার কন্তেন্তশিং হন্থহন্দুনা অপুনবা ওইনা চাউখৎপা পুরকপদা পান্দম থম্লি। মহৈরোইশিংদা কোম্থোকপা হেনহল্লগনি অমসুং অপাম্বা পরা তম্বা ফংজরগনি। আর্তস অমসুং সাইন্স, করিক্যুলার অমসুং এক্সত্রা করিক্যুলার এক্তিবিতী, ভোকেসনেল অমসুং একাদেমিক স্ত্রিমশিংগী মরক্তা তংখাই খাইদোক্তুনা থম্লিবসি লৌথোক্লগনি।

গ্রেদ ৬তগী হৌদুনা ভোকেসনেল এজুকেসন পীরগনি অমসুং মসিদা ইন্তর্নশিপসু হাপ্লগনি।

অনৌবা অমসুং মপুং ফারবা নেস্নেল করিক্যুলার ফ্রেমৱার্ক ফোর স্কুল এজুকেসন, এন.সি.এফ.এস.ই. ২০২০-২১ অসি এন.সি.ই.আর.তি.না শেমগনি।

মলতিলিঙ্গুৱেলিজম অমসুং লোলগী শক্তি

পোলিসী অসিনা মমা লোল/লমদমদুগী লোল/রিজনেলগী লোলবু গ্রেদ ৫ ফাওবদগী গ্রেদ ৮ ফয়াবা য়ারবদি তাকপী তম্বীবদা শীজিন্ননবা খঙহল্লি। সঙ্কৃৎসু স্কুলগী থাক অমসুং হাইয়র এজুকেসনগী থাক খুদিংমক্তা মহৈরোইশিংগী ওপসন অমা ওইনা লোল অহুমগী ফোর্মুলাগা লোইননা তম্বীগনি। অতোপ্পা ভারতকী  ক্লাসিকেল লোল অমসুং খোরিলোলসু ওপসন অমা ওইনা হাপকনি। মহৈরোই অমত্তদা লোল অমত্তা নমদনা তমহল্লোই। মহৈরোইশিংনা নুংঙাইবা প্রোজেক্ত ওইনা 'ভারতকী লোলশিং' হায়বা থৌরম অসিদা শরুক য়াহনগনি, মরক মরক্তা গ্রেদ ৬-৮ ফাওবদা 'এক ভারত শ্রেস্থা ভারত'কী মখাদা শরুক য়াহনগনি। তোঙান-তোঙানবা ফোরেনগী লোলশিংসু সেকেন্দরী লেবেলদা পীগনি। তাবগী পাঙ্গল লৈত্রবা মহৈরোইশিংনা শীজিন্ননবা ইন্দিয়ন সাইন লেঙ্গুৱেজ (আই.এস.এল.)সু লৈবাক শীনবা থুনা চৎনহনগনি, অমসুং জাতি অমসুং রাজ্যগী করিক্যুলমসু ফগৎহনলগনি।

এসেস্মেন্ত রিফোর্মশিং

এন.ই.পি. ২০২০না সম্মেতিব এসেস্মেন্তকী মহুত্তা হেন্না কম্পিতেন্সীদা য়ুম্ফম ওইবা, তম্বা অমসুং চাউখৎপদা হেন্না মীৎয়েং চঙবা, অমসুং নৈনবা, হেন্না মনুং হঞ্জিন্না খনবা অমসুং হায়রিবদু খঙনবা হোৎনগদবা হাইয়র ওর্দর স্কিলগুম্বদা মীৎয়েং থম্বা রিগ্যুলার নত্ত্রগা ফোরমেতিব এসেস্মেন্ততা ওন্থোক্লগনি। মহৈরোই খুদিংমক্না চুন্নবা ওথোরিতী অমনা লৌবা পরিখাদা গ্রেদ ৩,৫, অমসুং ৮দা থাগনি। গ্রেদ ১০ অমসুং ১২কী বোর্দ একজামদি মখা চত্থখিগনি অদুবু অপুনবা ওইনা চাউখৎপা পুরক্নবগী পান্দমদা শেমদোক্লগা। অনৌবা নেস্নেল এসেস্মেন্ত সেন্তর, পারখ (পারফোর্মেন্স এসেস্মেন্ত, রিভ্যু, অমসুং এনালাইসিস ওব নোলেজ ফোর হোলিস্তিক দিবেলপমেন্ত) সু স্তেন্দার্দ সেত্তিং বোদী ওইনা শেমগৎলগনি।

ইক্বিতেবল অমসুং ইনক্লুসিব এজুকেসন

এন.ই.পি. ২০২০না অঙাং অমত্তা পোক্লকপদা নত্ত্রগা লেপ্পীনবা লৈতবনা মহৈ তম্বা অমসুং মীকোক থোংবা ওইনবগী খুদোংচাবা অমত্তা মাংহন্দনবা হোৎনরি। জেন্দর, সোসিও-কলচরেল, অমসুং জিওগ্রাফিকেল আইদেন্তিতীশিং অমসুং দিসএবিলিতীশিং য়াওনা সোসিএল্লী অমসুং ইকোনোমিকেল্লী দিসএদবান্তেজ গ্রুপ (এস.ই.দি.জি.)শিংদা অখন্নবা মীৎয়েং থম্লি। মসিদা খুদোংচাবা ফংদ্রবা মফমশিং অমসুং কাংবুশিংগীদমক জেন্দর ইনক্লিজন ফন্দ অমসুং স্পিসিএল এজুকেসন জোনশিং শেমগৎপা য়াওরি। নাম্ম শোইরবা অঙাংশিংবু মহৌশাগী স্কুলগী পথাপশিংদা মপুং ফানা ফাউন্দেসনেল স্তেজদগী হাইয়র এজুকেসন ফাওবা ক্রোস দিসএবিলিতী ত্রেনিং য়াওরবা এদজুকেতর, রিসোর্স সেন্তরশিং, একোমোদেসনশিং, এসিস্তিব দিবাইস, চুন্নবা খুৎলাই অমসুং অতোপ্পা মখোয়গা চান্ননবা শেম্লবা মেকানিজমশিং শীজিন্নদুনা শরুক য়াহনগনি। রাজ্য/জিল্লা খুদিংমকপু নুংথিলগী মতমগী বোর্দিং স্কুল ওইনা কলা, কেরিয়র, শান্ন-খোৎনবগা মরী লৈনবা থবকশিংগী "বাল ভাবন"  অমা হাংদোক্নবা পুক্নিং থৌগৎকনি। শেল তিংদবা স্কুল ইনফ্রাস্ত্রকচরবুসু সমাজিক চেৎনা কেন্দ্রশিং ওইনা শীজিন্নবা য়াগনি।

মশীং য়াম্লবা ওজা কয়া থবক লৌবা অমসুং কেরিয়রগী লম্বী পীবা

ওজা লৌবগী থবক অসি মপাঙ্গল লৈহনবগা লোইননা মনুং মপান ফাওনা উহন্দুনা পাঙথোক্কনি। ফম কাবগী থবকসু সোর্স য়াম্বা চয়োলগী ওইনা পারফোর্মেন্সতা য়েংদুনা হৈবগী চাংদা য়েংদুনা অমসুং অরৈবা এদজুকেসনেল এদমিনিস্ত্রেতর নত্ত্রগা তিচর এদজুকেতর ওইনা পীবা য়াবা ফমদা পীগনি। কম্মন ওইবা নেস্নেল প্রোফেসনেল স্তেন্দার্দ ফোর তিচরস (এন.পি.এস.তি.)সু নেস্নেল কাউন্সিল ফোর তিচর এদজুকেসন্না ২০২২ ফাওবগী মনুংদা এন.সি.ই.আর.তি., এস.সি.ই.আর.তি., ওজাশিং, অমসুং তোঙান-তোঙানবা থাক অমসুং মফমশিংদা লৈবা এক্সপর্ত ওর্গনাইজেসনশিংগা তান্নদুনা শেমগনি।

স্কুল গবর্নান্স

স্কুলশিং অসি কমপ্লেক্স নত্ত্রগা ক্লস্তর ওইনা গবর্নান্স তৌবদা খ্বাইদগী তঙাইফদবা য়ুনিৎ ওইনা অমসুং ইনফ্রাস্ত্রকচর, একাদেমিক লাইব্রারী অমসুং মতীক চারবা ওজাশিংগী কম্ম্যুনিতী লৈহন্নবগীদমক শেমগনি।

স্কুল এজুকেসনগী স্তেন্দার্দ সেতিং অমসুং এক্রিদিতেসন

এন.ই.পি. ২০২০না রিগুলেসন, ওপরেসন অমসুং একাদেমিক্কী ওইবা হীরমশিংগী ময়েক শেংবা, পোলিসী শেম্বগী তোখাইবা সিস্তেম অমগী মংলান শাগৎলি। রাজ্য/য়ু.তি.শিংনা ইন্দিপেন্দেন্ত ওইবা স্তেৎ স্কুল স্তেন্দার্দ ওথোরিতী (এস.এস.এস.এ.) শেমগৎচগনি। এস.এস.এস.এ.না শেম্বা ত্রান্সপরেন্ত পব্লিক সেল্ফ দিস্ক্লোজরবু মীয়াম্না ভাপ তান্নবগীদমক অমসুং থাজবা হেনগৎনবগীদমক হীরম খুদিংমক্তা শীজিন্নগনি। এস
সি.ই.আর.তি.না স্তেকহোল্দর খুদিংমক্কা তান্নদুনা স্কুল এসেস্মেন্ত এন্দ এক্রিদিতেসন ফ্রেমৱার্ক শেমগনি।

হাইয়র এজুকেসন

ইং ২০৩৫ ফাওবগী মনুংদা জি.ই.আর. ৫০%দা হেনগৎহনবা

এন.ই.পি. ২০২০না বোকেস্নেল এজুকেসন য়াওনা গ্রোস এনরোলমেন্ত রেসিও অসি ২৬.৩% (২০১৮)দগী ২০৩৫ ফাওবদা ৫০% হেনগৎনবা পান্দম থম্লি। হাইয়র এজুকেসন ইন্সতিত্যুসনশিংদা অনৌবা সিৎ কোতি ৩.৫ হাপ্লগনি।

হোলিস্তিক মলতিদিসিপ্লিনরী এজুকেসন

পোলিসী অসিনা গ্রেজুএৎ এজুকেসনগী মখাদা তানবা নুংঙাইবা করিক্যুলা, অনৌবা মওংদা সবজেক্তশিং পুন্সিন্নবা, বোকেস্নেল এজুকেসন য়াওহনবা অমসুং মতিক চাবা শকখঙবগা লোয়ননা মলতিপল এন্ত্রী অমসুং এগজিৎ পোইন্ত লৈহনবগা লোয়ননা এজুকেসনগী পথাপ অসিবু পাকথোকপা, মলতি-দিসিপ্লিনরী অমসুং হোলিস্তিক ওইহন্নবা পান্দম থম্লি। য়ু.জি. এজুকেসন অসি এগজিৎ তৌবগী অপাম্বা কয়া লৈহন্দুনা চহি ৩ নত্ত্রগা ৪গী ওইবা য়াই অমসুং মতম অসিগী মনুংদা মতি চাবা সর্তিফিকেসন পীগনি। খুদম ওইনা হায়রবদা, চহি ১গী মতুংদা সর্তিফিকেৎ, চহি ২গী মতুংদা এদবান্সদ দিপ্লোমা, চহি ৩গী মতুংদা বেচলরগী দিগ্রী অমসুং চহি ৪গী মতুংদা রিসর্চকা লোয়নবা বেচলরগী দিগ্রীনি।

একাদমিক বেঙ্ক ওফ ক্রেদিৎ অমসু তোঙানব তোঙানবা ঐচ.ই.আই.শিংদগী ফংলকপা একাদমিক ক্রেদিৎশিং অসি দিজিতেলগী মওংদা থমদুনা অরোয়বা দিগ্রী ফংনবগীদমক্তা থাদোক থাজিন তৌবা অমসুং মশিং থীনবা শেমখ্রে।

আই.আই.তি.শিং, আই.আই.এম.শিংগা থাক মান্নবা মলতিদিসিপ্লিনরী এজুকেসন অমসুং রিসর্চ য়ুনিবর্সিতী (এম.ই.আর.য়ু.)সু লৈবাক অসিগী খ্বাইদগী ফবা অমসুং মালেমগী থাক্তা লৈবগী মতিক চেনবা মগুনশিংগী মওংদা শেমগৎকনি।

হাইয়র এজুকেসনগী মখল খুদিংদা পাঙ্গল লৈবা রিসর্চকী চৎনবী লৈহন্নবা নেস্নেল রিসর্চ ফাউন্দেসন অসি মকোক থোংবা বোদী অমা ওইনা শেম্লগনি।

রীগ্যুলেসন

হাইয়র এজুকেসন কম্মিসন ওফ ইন্দিয়া (ঐচ.ই.সি.আই.) অসি মেদিকেল অমসুং লীগেল এজুকেসন য়াওদনা অতোপ্পা হাইয়র এজুকেসনশিং য়েংশিন্নবা অমত্তা ঙাইবা বোদী ওইনা শেম্লগনি। ঐচ.ই.সি.আই.না নিং-খা তম্না লৈবা মশা মরি লৈগনি- রেগ্যুলেসনগীদমক্তা নেস্নেল হাইয়র এজুকেসন রীগ্যুলেতরী কাউন্সিল, স্তেন্দর্দ সেত্তিংগীদমক্তা জেনেরেল এজুকেসন কাউন্সিল (জি.ই.সি.), ফন্দিংগীদমক্তা হাইয়র এজুকেসন গ্রান্তস কাউন্সিল (ঐচ.ই.জি.সি.) অমসুং এক্রেদিতেসনগীদমক্তা নেস্নেল এক্রেদিতেসন কাউন্সিল (এন.এ.সি.)।ঐচ.ই.সি.আই.না তেক্নোলোজীগী খুথাংদা শক উহন্দনা য়েংশিনগনি অমসুং কাংলোনশিং অমসুং চৎনবী ইন্দবা ঐচ.ই.সি.আই.শিং চৈরাক পীবগী মতিক লৈগনি। সরকারগী অমসুং লন্নাইগী ইন্সতিত্যুসনশিং খুদিংমক মান্নবা রীগ্যুলেসন, এক্রেদিতেসন অমসুং একাদমিক স্তেন্দর্দকী কাংলোনগী মতুং ইন্না য়েংশিনগনি।

রেস্নেলাইজদ ইন্সতিত্যুস্নেল আর্কিতেকচর

হাইয়র এজুকেসন ইন্সতিত্যুসনশিং অসি অচৌবা, রিসোর্স য়াম্না লৈবা, অ ৱাংবা থাক্কী মহৈ তম্বীবা, রিসর্চ অমসুং খুন্নাইবু শরুক য়াহনবা ভাইব্রেন্ত ওইবা মলতিদিসিপ্লিনরী ইন্সতিত্যুসন্দা ওন্থোক্লগনি। য়ুনিবর্সিতীগী ৱাহন্থোক অসিদা রিসর্চতা হেন্না পুক্নিং চাংবদগী তাকপীবদা হেন্না পুক্নিং চংবা অমসুং মশাগী ওইবা দিগ্রী পীবা য়ুনিবর্সিতী মখল কয়া অমসু য়াওহল্লগনি।

কোলেজ অমগী এফিলিএসন অসি চহি ১৫গী মতুংদা লোয়গনি অমসুং কোলেজশিংগী থাক খায়বা ওতোনোমী পীনবা রাজ্যগী ওইবা থৌওং অমসু শেমগনি। মতম খরগী মতুংদা কোলেজ খুদিংমক মশাগী দিগ্রী পীজবা কোলেজ নত্ত্রগা য়ুনিবর্সিতী অমগী মপুং ওইবা কোলেজ ওইরগনি।

ইথিল লৈবা, থৱাই য়াওবা অমসুং মতিক লৈবা ফেকলতী

এন.ই.পি.না নিংথিনা খঙহল্লবা, নিং-খা তম্বা, ময়েক লাবা থবক খনবগী থৌওং, মহৈ তম্বীবগী মওং শেমদোকপদা অনিংবা তৌবা য়াবা, থবক নীংথিনা পাংথোকপগী ইন্সেন্তিব পীবা থৌওংগী খুত্থাংদা ফকলতীশিংবু ইথিল পীবা, থৱাই য়াওহনবা অমসুং তৌবগী ঙম্বগী মতিক ফগৎহন্দুনা ইন্সতিত্যুসনশিংগী মকোক ওইহন্নবা ৱাফম কয়া থম্লি। চৎনগদবা কাংলোনশিং ইন্দবা ফেকলতীশিং অসি মরাল লৈ হায়না লৌগনি।

তিচর এজুকেসন

এন.সি.তি.ই.না এন.সি.ই.আর.তি.গা তানরবা মতুংদা অনৌবা অমসুং পাক চাউবা নেস্নেল করিকলম ফ্রেমৱর্ক ফোর তিচর এজুকেসন, এন.সি.এফ.তি.ই., ২০২১ শেম্লগনি। ইং ২০৩০ ফাওবগী মনুংদা ওজা ওইবগী চংদ্রবা য়াদ্রবা মহৈগী থাক অসি চহি ৪গী বি.ই.দি.গী দিগ্রী ওইরগনি। য়ানবা থাক্কী মখাদা লৈবা তিচর এজুকেসন ইন্সতিত্যুৎ (তি.ই.আই.)শিংগী মায়োক্তা অকনবা থবক লৌখৎলগনি।

মিসন য়েংশিনবা

হীরমশিং অসি য়েংশিন্নবা নেস্নেল মিসন অমা শেমগনি অমসুং মসিদা মমিং লৈবা অহল ওইরবা অমসুং থবক্তগী পোত্থারবা ভারতকী লোলশিংদা তাকপী তম্বীবা ঙম্বা অমসুং য়ুনিবর্সিতী অমসুং কোলেজগী ওজাশিংদা অতেনবা অমসুং অশাংবা মতমগী ঙাক্লৈ পীবা ঙমগদবা ফেকলতীশিং য়াওগনি।

মহৈরোয়শিংদা শেলগী তেংবাং পীবা

এস.সি., এস.তি., ও.বি.সি. অমসুং অতোপ্পা এস.ই.দি.জি.শিংগী মনুং চনবা মহৈরোয়শিংগী হৈ-শিংববু পুক্নিং থৌগৎনবা ইন্সেন্তিব পীবগী থবক হৌরে। নেস্নেল স্কোলার্শিপ পোর্তেল অসি স্কোলার্শিপ ফংবা মহৈরোয়শিং অসিদা ঙাক্লৌ পীবা অমসুং মখোয়গী ফিভম ফগৎপগী চাং য়েংশিনবা ঙম্নবা পাক চাউথোক্লগনি। লন্নাইগী ঐচ.ই.আই.শিংনসু মখোয়গী মহৈরোয়শিংদা স্কোলার্শিপ অমসুং লেম্না পীবা তেংবাং কয়া পীনবা পুক্নিং থৌগৎলগনি।

ওপন অমসুং দিস্তেন্স লর্নিং

হায়রিবা অসি জি.ই.আর. হেনগৎহনবদা মরু ওইবা থৌদাং লৌনবগীদমক্তা পাকথোক চাউথোক্লগনি। ওনলাইন কোর্স অমসুং দিজিতেল রিপোজিতরী, রিসর্চকীদমক্তা শেল থাদবা, মহৈরোয়দা পীবা সেবা ফগৎহনবা, ক্রেদিত্তা য়ুম্ফম ওইদুনা এম.ও.ও.সি.নচিংবা থৌদাং কয়া কয়া অমা ক্লাসরুমদা তম্বীবা মহৌগী মগুনগা মান্ননা লৈনবা খোঙথাং কয়া অমা পায়খৎলগনি।

ওপন অমসুং দিস্তেন্স লর্নিং

হায়রিবসি জি.ই.আর. হেনগৎনবা হোৎনবদা অচৌবা থৌদাং অমা লৌনবগীদমক পাকথোক চাউথোকহল্লগনি। ওনলাইন কোর্স অমসুং দিজিতেল রিপোজিতরীশিং, রিসর্সকীদমক শেল থাদবা, মহৈরোইশিংগী সর্বিস হেনগৎহনবা, এম.ও.ও.সি.শিং খঙবীবদা ক্রেদিৎতা য়ুম্ফম ওইবা অসিনচিংবশিং অসি খ্বাইদগী ৱাংবা ক্লাস মনুঙ্গেএ প্রোগ্রামশিংগা মান্ননবা থাক্তা পায়খৎকনি।

ওনলাইন এজুকেসন অমসুং দিজিতেল এজুকেসনঃ

হৌজিক মতমদা অতৎ অখম লৈতনা তোইনা লাইচৎ কয়া শন্দোক্লক্লিবা ফিবম অসি য়েংলগা শক্কা শক্কা উন্নদুনা মহৈ তাকপী তম্বীবা ওইথোক্লোইদবা মীকুপশিংদা অতোপ্পা উপাই অমা শীজিন্নদুনা মহৈ তম্বীবা লেপতনবগীদমক ওনলাইন এজুকেসন পীবা য়ানবগীদমক রিকমেন্দেসনশিং য়াওখ্রে। দিজিতেল ইনফ্রাস্ত্রকচর, দিজিতেল কন্তেন্ত, অমসুং কেপাসিতী বিল্দিংশিং শেমগৎনবগীদমক অখন্নবা য়ুনিৎ অমা ই-এজুকেসনগীদমক স্কুল অমসুং হাইয়র এজুকেসনগী সেক্তরদা য়েংশিন্নবগীদমক এম.ঐচ.আর.দি.দা শেমগৎলগনি।

এজুকেসন্দা তেক্নোলোজী

নেস্নেল এজুকেসনেল তেক্নোলোজী ফোরম কৌবা ওতোনোমস বোদী অমা তেক্নোলোজী শীজিন্নদুনা ৱাখল্লোন লৌশিং য়েন্থোক্তুনা লর্নিং, এসেস্মেন্ত, প্লানিং, এদমিনিস্ত্রেসন হেনগৎহন্নবগীদমক শেমগৎলগনি। তেক্নোলোজীবু চুন্নবা মওংদা পুনশিন্দুনা ক্লাসরুম প্রোসেস ফগৎহনবা, ওজাগী প্রোফেসনেল দিবেলপমেন্ততা মতেং পাংবা, খুদোংচাদ্রবা কাংবুদা মহৈ-মশিংগী থবকশিং ফগৎহনবা অমসুং এজুকেসনেল প্লানিং, এদমিনিস্ত্রেসন অমসুং মেনেজমেন্তশিং স্ত্রিম্লাইন তৌবা।

ভারতকী লোলশিং শকখঙহনবা

ভারতকী লোল খুদিংমকপু লীদুনা থম্বা, চাউখৎহনবা, অমসুং মশক থোকহন্নবগীদমক, এন.ই.পি.না ইন্দিয়ন ইন্সতিত্যুৎ ওব ত্রান্সলেসন এন্দ ইন্তর্প্রিতেসন (আই.আই.তি.আই.), নেস্নেল ইন্সতিত্যুৎ ফোর পালি, পর্সিয়ান, অমসুং প্রাকৃৎ, লিংখত্তুনা সংস্কৃৎ অমসুং অতোপ্পা লোলশিংগী দিপার্তমেন্তশিং ঐচ.ই.এস.শিংদা মপাঙ্গল কলহনবা, অমসুং ঐচ.ই.আই.গী প্রোগ্রামশিংদা মমা লোলশিং শীজিন্নহনবনি।

এজুকেসনবু ইন্তর্নেসনেলাইজ তৌবসি ইন্সতিত্যুসনেল কোলাবোরেসন অমসুং মহৈরোই অমসুং ফেকলতী মোবিলিতী অনীমক্না অমসুং মালেমগী মকোক থংবা য়ুনিবর্সিতীশিংনা ঐখোয়গী লৈবাক্কী য়ুনিবর্সিতীশিংদা কেম্পস হাংদোকহন্দুনা ফংহনগনি।

প্রোফেসনেল এজুকেসন

প্রোফেসনেল এজুকেসন খুদিংমক হাইয়র এজুকেসন সিস্তেমগী মরুওইবা শরুক অমা ওইরগনি। স্তেন্দ অলোন তেক্নিকেল য়ুনিবর্সিতী, হেলথ সাইন্স য়ুনিবর্সিতী, লিগেল এন্দ এগ্রিকলচরেল য়ুনিবর্সিতী অসিনচিংবশিং অসি দিসিপ্লিন কয়া য়াওবা য়ুনিবর্সিতী ওইহন্নবা পান্দম থম্লি।

এদল এজুকেসন

পোলিসী অসিনা নহা অমসুং অহল চাম্মদা ১০০ লাইরিক ময়েক চৎহন্নবা পান্দম থম্লি।

ফাইনান্সিং এজুকেসন

কেন্দ্র অমসুং রাজ্যশিংনা অপুনবা ওইনা হোৎনমিন্নদুনা এজুকেসন সেক্তরদা পব্লিক ইনভেস্তমেন্ত হেনগৎহন্দুনা জি.দি.পি. চাদা ৬ হেনগৎহন্নবা হোৎনগনি।

অনপ্রিসিদেন্তেদ কন্সলতেসন

এন.ই.পি. ২০২০ অসি গ্রাম পঞ্চায়ৎ লাখ ২.৫, ব্লোক ৬৬০০, য়ু.এল.বি. ৬০০০, জিল্লা ৬৭৬কা তান্নরবা মতুংদা শেমখিবনি। এম.ঐচ.আর.দি.না জনুৱারী ২০১৫দগী হৌদুনা অৱাংবা থাক্তা শরুক য়াবা কয়াগা তান্নদুনা লাক্লি। মে ২০১৬দা, লৈখিদ্রবা তি.এস.আর. সুব্রমনিয়ন, ফোর্মর কেবিনেৎ সেক্রেতরীগী মখাদা 'কম্মিতী ফোর ইভোলুসন ওব দি ন্যু এজুকেসন পোলিসী' না মখোয়গী রিপোর্ত পীশিনখি। মসিগী রিপোর্ত অসিদা য়ুম্ফম ওইদুনা, মন্ত্রালয় অসিনা 'সম ইনপুৎস ফোর দি দ্রাফ নেস্নেল এজুকেসন পোলিসী, ২০১৬'  শেমখি। জুন ২০১৭দা মমিং লৈরবা সাইন্তিস্ত, পদ্ম বিভুশন, দা. কে. কস্তুরিরঙ্গননা মীৎয়েং মখাদা 'কম্মিতী ফোর দি দ্রাফ নেস্নেল এজুকেসন পোলিসী' শেমদুনা দ্রাফ নেস্নেল এজুকেসন পোলিসী ২০১৯ ইকাই খুম্ননিংঙাই ওইরিবা হ্যুমেন রিসোর্স দিবেলপমেন্ত মন্ত্রীদা মে ৩১, ২০১৯দা পীখৎখি। দ্রাফ নেস্নেল এজুকেসন পোলিসী ২০১৯ অসি এম.ঐচ.আর.দি.গী ৱেবসাইত্তা অমসুং 'মাই গোব ইন্নোবেৎ'কী পোর্তেলদা মীয়াম য়াওনা স্তেকহোল্দরশিংগী মীৎয়েং/সজেসন/কম্মেন্তশিং কৌদুনা থাগৎখি।

********