নেস্নেল বী বোর্দ (এন.বি.বি.)গী মতেংগা লোয়ননা নেস্নেল দাইরী দিবেলপমেন্ত বোর্দ (এন.দি.দি.বি.)না অনন্দ (গুজরাত)তা লিংখৎপা ‘মালেমগী থাক্কী অহানবা খোইহী তেস্ত তৌনবা লেবোরেতরী’ অসি ভিদিও কনফরেন্সকী খুত্থাংদা ফিসরিস, এনিমেল হসবেন্দরী অমসুং দাইরিয়িংগী কেন্দ্রগী মন্ত্রী শ্রী গিরিরাজ সিংহ, কেন্দ্রগী লৌউ-শিংউগী মিনিস্তর ওফ স্তেৎ, শ্রী পর্শোতম রুপল অমসুং শ্রী কাইলাশ চৌধরী,  কেন্দ্রগী (এফ.এ.ঐচ.এন্দ দি.)গী মিনিস্তর ওফ স্তেৎ দা. সঞ্জিব কুমার বলয়ান অমসুং লৌউ-শিংউ, কোওপরেসন অমসুং লৌমীশিংগী য়াইফ থৌরাংগী বিভাগ অমদি ফিসরিস, এনিমেল হসবেন্দরী অমসুং দাইরিয়িং বিভাগকী মকোক থোংবা ওফিসরশিং য়াওরগা কেন্দ্রগী লৌউ-শিংউ অমসুং লৌমীশিংগী য়াইফ থৌরাং মন্ত্রী শ্রী নরেন্দ্র সিংহ তোমরনা ঙসি হৌদোকখ্রে।

থৌরম অসিদা কেন্দ্রগী লৌউ-শিংউ অমসুং লৌমীশিংগী য়াইফ থৌরাং মন্ত্রীনা প্রধান মন্ত্রী শ্রী নরেন্দ্র মোদীবু থাগৎপা ফোঙদোকখি অমসুং লৈবাক অসিদা মশিং য়াম্লবা লৌমীশিংনা খোইহী পুথোকপা অমসুং য়োনবা হেনগৎহন্দুনা স্বীৎ রিভোলুসন পুরক্নবা অমসুং লৌ্উ শিংউদা শেন্দোং তাননবগী মহাক্কী ৱাখল্লোন অদুসু থমখি। মীফম অসিদা ভি.সি.গী থোংদা ৱা ঙাংবদা মহাক্না হায় সরকারনা লৌমীশিংগী ইনকম হেনগৎনবা হোৎনরি অমসুং খোই য়োকপগী ইন্তরপ্রাইজ অসিনা লৌমীশিংগী ইনকমদা মতেং পাংবদা অচৌবা থৌদাং অমা লৌরি। নেস্নেল বী বোর্দ অমসুং রাজ্যশিংগী খুত্থাংদা ‘মিসন ওন ইন্তিগ্রেতেদ দিবেলপমেন্ত ওফ হোর্তিকলচর’ অমসুং ‘নেস্নেল মিসন ফোর বীকিপিং’ ইমপ্লিমেন্ত তৌরি অমদি মসিগী মখাদা খোই য়োকপা হেনগৎনবা মন্ত্রালয়না তোঙান তোঙানবা খোঙথাংশিং লৌখৎলি হায়না মহাক্না মখা তাখি।

শ্রী তোমরনা সাইন্তিফিক ওইবা মওংদা খোই য়োক্না ত্রেনিং পীবা অমসুং অফবা ক্বালিতীগী খোইহী অমসুং খোইগী ওইবা পোত্থোকশিং পুথোকপদা মীৎয়েং চংবা অমসুং লৌমীশিংগী মরক্তা, খোই য়োক্লিবা মীওইশিং অমসুং লম লৈজদবা শীন্মীশিংদা মখোয়দা অহেনবা ইনকম লাক্নবা লম্বী ওইনবা খোই য়োকপী ইন্তরপ্রাইজগী কান্নবা অদুগী মতাদা এৱের্নেস পীবা মথৌ তাই  হায়না ফোঙদোকখি। লৌউ-শিংউ, কোওপরেসন অমসুং লৌমীশিংগী য়াইফ থৌরাংগী বিভাগনা নেস্নেল বী কীপিং এন্দ হনী মিসন (এন.বি.ঐচ.এম) অসি চহি ২গী মতমগী অয়াবা পীখ্রে হায়না মহাক্না খঙহনখি। ইকাই খুম্নরিবা প্রধান মন্ত্রীগী খুঙ্গং, লাইরবা অমসুং লৌমীশিংগী য়াইফনবা ৱাখল্লোন অসিগা লোয়ননা খোই য়োকপগী ইন্তরপ্রাইজ অসিনা লৌমীশিং অমসুং খুঙ্গংগী লাইরবশিংগী হিংনবগী পাম্বৈদা অহোংবা পুরক্তুনা সস্তেনেবল এগ্রিকলচর দিবেলপমেন্তদা পুরক্কনি।

কেন্দ্রগী লৌউ-শিংউ মন্ত্রীনা হোৎরিবা অসিদা শীংথানিংঙাই ওইনা কত্থোকপা অমসুং লেপ্তনা তেংবাং পীবগীদমক নেস্নেল দাইরিয়িং দিবেলপমেন্ত বোর্দ, নেস্নেল বী বোর্দ, খাদি এন্দ ভিলেজ ইন্দস্ত্রীস কোর্পোরেসন, পোলিসী মেকর্স, লৌমীশিং অমসুং খোই য়োক্লিবশিংবু থাগৎখি। লৌউ-শিংউ মন্ত্রীনা বী কোলোনিশিং, খোইহী পুথোকপা, প্রোসেস তৌবা, মার্কেতিং অমসুং এক্সপোর্ত হেনগৎহন্নবনা জি.দি.পি. শীংথানিংঙাই ওইনা হেনগৎহন্নবা অমসুং খুঙ্গংগী শেন্মীলোন ফগৎহন্নবা মখা তানা ফোঙদোকখি।

থৌরম অসিদা ৱা ঙাংলদুনা শ্রী গিরিরাজ সিংহ, ফিসরিস, এনিমেল হসবেন্দরী অমসুং দাইরিয়িংগী কেন্দ্রগী মন্ত্রীনা হায় খোইহিদা পোৎয়ান হাপ্পা অসি অচৌবা সমস্যা অমা ওইরি অমসুং অহোংবা অমসুং ফিজিকো-কেমিকেল গুনশিংদা খোইহীগা মান্নবা ফ্রক্তোস কোর্ন সিরপ নত্রগা চেং, মংগ্রা, চু অমসুং বীৎ সিরপনা খোইহীদা য়ানশিল্লি।

প্রধান মন্ত্রীনা অসিগুম্বা খোঙথাং লৌখত্তুনা লৈবাক অসিদা ‘স্বীৎ রিভোলুসন’ পুরক্নবা মীৎয়েং থম্লকপা অসিবু মহাক্না থাগৎপা ফোঙদোকখি। মহাক্না মখা তারদুনা হায়খি মদুদি অসিগুম্বা খোইহী তেস্ত তৌনবা লেবোরেতরী অসিনা ক্বালিতী লৈবা খোইহী পুথোকপা অমসুং মসি অতোপ্পা লৈবাকশিংদা এক্সপোর্ত তৌবদা মতেং পাংলগনি। মহাক্না ফ্লোরাদা য়ুম্ফম ওইবা মহৈ মরোংশিং থাদুনা খোইহী অমসুং খোইগী পোত্থোকশিং পুথোকপা হেনগৎহন্নবা মহাক্কী ৱাখল্লোন ফোঙদোকখি।

শ্রী পর্শোতম রুপল, শ্রী কাইলাশ চৌধরী, অমসুং দা. সঞ্জিব কুমার বলয়ান কেন্দ্রগী মিনিস্তর ওফ স্তেৎ ওইরিবশিং অসিনা মখোয়নগী ওইবা ৱাখল্লোন ফোঙদোকখি অমসুং লৈবাক অসিদা খোইহী তেস্ত তৌনবা লেবোরেতরীশিং হেন্না লিংখৎনবা অপাম্বসু ফোঙদোকখি।

এফ.এস.এস.এ.আই.না পীবা চৎনা কাংলোনশিংদা য়ুম্ফম ওইরগা এন.দি.দি.বি.না  খুদোংচাবা পুম্নমক য়াওরবা মালেমগী থাক্কী লেব অসি লিংখৎখি অমসুং নেস্নেল এক্রিদিতেসন বর্দ ফোর তেস্তিং এন্দ কেলিবরেসন লেবোরেতরীস (এন.এ.বি.এল.)না  এক্রিদিতেদ তৌরবা তেস্ত মেথদশিং/প্রোতোকলশিং দিবেলপ তৌখি। এফ.এস.এস.এ.আই.না খোইহী, খোইরু অমসুং রোয়েল জেলীগী অনৌবা স্তেনদর্দশিং পীখ্রে।

নেস্নেল দাইরিয়িং দিবেলপমেন্ত বোর্দ (এন.দি.দি.ব.)না পাঙথোকপা ‘নুমিৎ অনিগী সাইন্তিফিক হনী-বী প্রদক্সনদা ওনলাইন ত্রেনিং প্রোগ্রাম’ অসিসু কেন্দ্রগী লৌউ-শিংউ মন্ত্রীন হৌদোকখি অমসুং হায়রিবা প্রোগ্রাম অসিদা শরুক বারিবা ত্রেনীশিংদা কমপ্লিমেন্তশিং পীখি।

*********