সাইন্স অমসুং তেক্নোলোজী মন্ত্রালয়

হকচাংদগী থোকপা মহি অসিনা ঙন্না থীরিলগী কেন্সর খংদোক্নবা লংলা-লংজিল পীবা ঙম্মি

“ঐখোয়না থবক পাংথোক্লিবা এক্সপরিমেন্তেল তুল অসি শিজিন্নবদা লাই, ফংবা ঙম্মি, মমল তাংদে, অমসুং এক্সপরিমেন্তশিং অসি পুং খরগী মনুংদা পাংথোকপা ঙম্মি। মসিগী বাইওফিজিকেল ওইবা মওং অসি শিজিন্নদুনা মহিগী বাইওপ্সিদগী ই.ভি. কেন্সর বাইওমার্করগী ক্লিনিকেল ত্রান্সলেসনগদমক নিংথিজবা মওংদা পাংথোকই।” হায়না দা. তাতিনি রক্ষিৎনা ফোংদোকখি

Posted On: 20 JUL 2020 6:42PM by PIB Imphal

অচৌবা থিবোং-থীরিল(থীরিল) অমসুং রেক্তম অসি শোকপদগী থোরকপা কোলোরেক্তেল কেন্সর অসি ভারত্তা কেন্সরনা মী খ্বাইদগী য়াম্না শিহল্লিবা, মরুওইনা থেংনা খংবা ঙম্বনা ফগৎহনবা ঙম্বগী খুদোংচাবা অসি চাং নেম্বনা মরম ওইদুনা মমাং থানা ৫শুবদা লৈ। হৌখিবা চহি খরসিদা লৈবাক অসিদা কোলোতরেল কেন্সর নাবগী চাং অসি নহা ওইরিবা মীশিংদা নিংথিজনা চা-থকপগী হৈনবী ৱাৎপা, হকচাংনা ফজনা লেং-ওত্তুনা থবক তৌবা ৱাৎপা, কা হেন্না হকচাং চাওবা, য়ু কা হেন্না থকপা অমসুং মৈখু কা হেন্না থকপদা লাইচুবনা চাং ৱাংনা নাবা হেনগৎলি হায়বা খংবা ঙমখ্রে। হৌজিক্কী খংদোক্নবগী মওংশিং অসিদা লান্দাবগী মওংদা বাইওপ্সিশিং তৌবা অদুগা মতুংদা অখন্নবা মওংদা পাংথোকপা ইভাল্যুএসনগী তৌবা চংই। মতম চানা লায়না অসি খংদোকপদা থেংথবনা অথুবা অমদি অহোংবা লায়েং চত্থবদা অকক্নবা ওইহল্লি। 

এস.এন. বোস নেস্নেল সেন্তর ফোর বেসিক সাইন্সেসকী ভারত সরকারগী সাইন্স অমসুং তেক্নোলোজী(দি.এস.তি.)না ইন্সপায়র ফেলোশিপ মনা ফংখ্রবা দা. তাতিনী রক্ষীৎনা মাগী রিসর্স কাংবু অসিগা লোয়ননা ঈ, হক্কী ঈশিং অমসুং অমাংবনচিংবা হকচাংদগী থোকপা মহিশিংদগী য়াম্না ঙনবা তাঙ্কক অমদা থীরিলগী কেন্সর অসি খংদোকপদা কান্নবা খুৎলায় অমা শাখ্রে। পোলিমরেজ চেন রিএক্সন(পি.সি.আর.), এঞ্জাইম-লিঙ্ক ইম্যুনোসোর্বেন্ত এসে(ইলিজা), ইলেক্ত্রোফোরেসিস, সর্ফেস প্লাসমোন রেজোনেন্স(এস.পি.আর.), সর্ফেস-ইনহেন্স রমন স্পেক্ত্রোসকোপী(এস.ই.আর.এস.), মাইক্রোকেন্তিলিভর্স, কোলোরিমেত্রিক এসে, ইলেক্ত্রোকোমিকেল এসে, অমসুং ফ্লোরেসেন্স মেথদনচিংবা হৌজিক লৈরিবা মেথদশিং অসিদগী চুম্না ফংবগী চাং অসি হেন্না স্কোর ফংবগী মতাংদা হন্দক্তা ‘জর্নেল ওফ ফিজিকেল কেমিস্ত্রী লেতর্স তা ফোংখ্রে।  

দা. তাতিনীগী রিসর্স কাংবু অসি এক্সত্রাসেলুলর ভেসিকল(ই.ভি.)শিংগা ভেসিকলগী থাক অমত্তংদা লান্দারকপা ঙমদবা বাইওমার্করশিং মশক খংদোক্নবা থবক তৌরি।  হৌরকপদা মসিগী ই.ভি.শিং অসি সেলনা পামদবা পোৎচাকশিং ফত্তবা হাপ্নবা খাওগুম্না খন্নরমখি। মহাক্কী কাংবুনা কেন্সর সেলশিংদগী থোরকপা লিপিদ সেকশিংগী লৈমায়দা য়াওবা থোকহনবা ঙম্বা থীরিল কেন্সর বাইওমার্কর মোলিক্যুল, হ্যালুরোনান(ঐচ.এ.) অসি থিদোকপা ঙমখি।

পেরেন্ত মেলিগেন্ত তিসুগী মতাংদা  এক্সত্রাসেলুলর ভেসিকলশিং(ই.ভি.)শিংগী মওংদা মোলিক্যুলর ওইনা পাউ খংহনবদা শিজিন্নৈ অমসুং কেন্সর খংদোক্নবা খুদোংচাহন্নবগীদমকম চাওনা থবক পাংথোকপা ঙমহল্লি।     তীম অসিনা হকচাং মনুংগী চহিশিং(খুদম ওইনা ঈ, হক্কী ঈশিং, অমাংবনচিংবা)কেন্সর সেল থোকহল্লকপা অসি ইভাল্যুএত তৌনবা অমসুং ত্যুমর অদু বাইওপ্সি তৌদনা লায়েং চত্থনবগী মতাংদা খংহনবা ঙম্বা অসিনা নিংথিজনা থবক পাংথোকপা ঙম্বা অমা অমসুং কেন্সর খংদোকপা ঙম্নবা লান্দারকপগী মওং নত্তবা অতোপ্পা মেথদ অমা পুথোকখ্রে।   

মখোয়না নেনোস্কেল এতোমিক ফোর্স মাইক্রোসকোপ শিজিন্নদুনা ই.ভি.এস.শিংদগী হ্যালুরোনান অসি খংদোকপা ঙম্নবা নেনোস্কেল খুৎশাশিং শিজিন্নৈ। মখোয়না ঐচ.এ.গী সিগ্নেচরশিংগী মওং-মতৌশিং অসি পুথোক্নবা স্পেক্ত্রোসকোপী চাংয়েংশিং(এফ.তি.-আই.আর., সি.দি. অমসুং রমন) অসি পাংথোকখি অমসুং দেতা সেৎ অনিমক চাং ৱাংনা অমগা-অমগা মরি লৈনৈ।

 

“ঐখোয়না চত্থগদৌরিবা থবক্কী লাল্লোং অসিনা ই.ভি.গী সেম্পলশিং য়াওবা অনাবা অদুদগী তোঙান-তোঙানবা হকচাংগী মহিশিং(খুদম ওইনা ঈ, হক্কী ঈশিং অমসুং অমাংবগী সেম্পলশিং অদু থীরিল, ওভেরী, ব্লেদর অমসুং প্রোস্ত্রেৎ কেন্সর অসি লায়না অসিগী য়াম্না ঙল্লিঙৈগী মতমদা থিদোক্নবা বাইওমার্কশিং খংদোকপদা কান্নগনি হায়না ঐখোয়না থাজৈ। চাংয়েং পাংথোক্নবা খুৎলায়শিং অসি “ঐখোয়না থবক পাংথোক্লিবা এক্সপরিমেন্তেল তুল অসি শিজিন্নবদা লাই, ফংবা ঙম্মি, মমল তাংদে, অমসুং এক্সপরিমেন্তশিং অসি পুং খরগী মনুংদা পাংথোকপা ঙম্মি। মসিগী বাইওফিজিকেল ওইবা মওং অসি শিজিন্নদুনা মহিগী বাইওপ্সিদগী ই.ভি. কেন্সর বাইওমার্করগী ক্লিনিকেল ত্রান্সলেসনগদমক নিংথিজবা মওংদা পাংথোকই।” হায়না দা. তাতিনীনা ফোংদোকখি। মহাক্না মহাক্কা খুৎশম্ননা থবক পাংথোকমিন্নরিবশিং, প্রোফেসর সমীর কুমার পাল, এস.এন. বোস নেস্নেল সেন্তর ফোর বেসিক সাইন্সেস, কোলকত্তা অমসুং প্রোফেসর দুলাল সেনাপতী, সাহ ইন্সতিত্যুত ওফ ন্যুক্লিয়র ফিজিক্স, কোলকত্তাবু মখোয়না লেপ্তনা তেংবাংগীদমক অমসুং অথোইবা রিসর্স ফন্দিং অমসুং ফেলোশিপকীদমক্তা দি.এস.তি.দা তৌবিমল খংবা উৎখি।

দা. তাতিনীনা হোসপিতাল অমগা খুৎশম্নদুনা বাইওফ্লুইদশিংগী সেম্পলশিংদগী ফংবা ই.ভি.শিংদা থবক তৌবা হৌনবা থৌরাং তৌরি।  মহাক্কী কাংবু অসিনা হেন্না ফবা মরি লৈনবশিং অসি ফংনবা মসিগী ই.ভি.শিংগী স্পেক্তোমেত্রী-বেজ প্রোতিওমিক্স মপংশিং অসিদা থবক পাংথোক্নিংলি।

http://pibphoto.nic.in/documents/rlink/2020/jul/i202072001.gif

 

[পব্লিকেসন লিঙ্ক:https://doi.org/10.1021/acs.jpclett.0c01018

 

মখা তাবা ৱারোলশিংগীদমক্তা দা,ৃ. তাতিনী রক্ষীৎকা পাও ফাওনবা য়াগনি (tatinirakshit@yahoo.com, tatini.rakshit@bose.res.in )]

 

****

 



(Release ID: 1640135) Visitor Counter : 16


Read this release in: English , Urdu , Hindi , Tamil