পাৱর অমদি ন্যু অমসুং রিন্যুএবল ইনর্জী অমসুং স্কীল দিভেলপমেন্ত অমসুং ইন্তর্প্রিন্যুরশিপ(আই.সি.)গী কেন্দ্র মন্ত্রী শ্রী আর.কে. সিংহনা রাজ্য সরকারশিং অমসুং য়ুনিয়ন তেরিতোরীশিংগী মন্ত্রীশিংগা ঙসি ভিদিও কনফরেন্স চত্থরিঙৈগী মতমদা পাৱর সেক্তরদা প্রধান মন্ত্রীগী আত্মনির্ভর ভারত অভিয়ানগী মীৎয়েং অসিগী মথৌ তাবগী মতাংদা অকনবা মীৎয়েং থম্লদুনা ৱাফম ফোংদোকখ্রে।  ঐখোয়গী পাৱর সেক্তরগী তোঙান-তোঙানবা ইক্বীপ্মেন্তশিং শাবগী খুদোংচাবা অমসুং থবক তৌবা ঙম্বগী চাং অসি লৈবা তারগসু ২০১৮-১৯গী ওইনা চাইনাদগী ইম্পোর্ত তৌরকপা লুপা কোতী ২,০০০ য়াওনা লৈবাক অসিগী পাৱর ইক্বীপ্মেন্তশিংগী বিল অসি চাওরাক্না লুপা কোতী ৭১,০০০মুক্নি হায়না মহাক্না ফোংদোকখি। পাৱর সেক্তরদা লান্থোংশিনবা অমসুং তঙাই ফদবা মওং ওইবগী মথৌ তাবা অসিগী মরম্না সাইবর এতেক তৌরকপদা শোইনিংঙাই ওই। মরম অসিনা ইম্পোর্ত তৌরকপা ইক্বিপ্মেন্তশিং অসি ত্রোজান্নচিংবা ফত্তবা পোৎশিংগী ঈচেলশিং অসি থিংনবগীদমক্তা তেস্ত তৌগনি হায়না মখা তানা ফোংদোকখি। ঐখোয়গী লৈবাক অসিদা পাৱর ইক্বীপ্মেন্তশিং শাবদা থৱায় য়াওনা শৌগৎকদবনি হায়না মহাক্না হায়খি।  

ইং কুমজা ২০১৪দা চাওরাক্না মেগাৱাত্ত ১৫০০০ হাপচিন্দুনা অমসুং লেহ অমসুং লদাখকুম্বা অরাপ্পা মফমশিং য়াওনা লৈবাক পুম্বদা গ্রীদকা শমজিন্নবা য়াওনা পাৱর সেক্তরদা মায় পাক্না থবক কয়া পাংথোকখি হায়না শ্রী সিংহনা ফংদোকখি। ভারতকী গ্রীদ সিস্তেম অসি এপ্রীল ৫, ২০২০দা মীয়ামদা য়াম্না অতেনবা মতমগী ওইনা মৈ ককখিবা মতমদা ঐখোয়গী গ্রীদ অসি য়াম্না অতেনবা মতমদা দিমান্দ তৌরকপা অসি থুনা হন্থরকপা অমসুং দিমান্দ অসি য়াম্না য়াংনা ফীভম অদু লাকশিনবা ঙমখিবা মালেমদা খ্বাইদগী অফবা গ্রীদ সিস্তেমশিংগী মনুংদা অমনি। হৌজিক পাৱর সেত্করদা চাওনা মায়োক্নগদৌরিবা শিংনবা অসি পাৱর পীরিবা কম্পনিশিং অসি হিঙ্গৎহনবা ঙম্বা অমসুং পাৱর সেক্তরগা মরি লৈনবা ইক্বীপিমেন্তশিং শাবদা মরোমদোম শাজবা ঙম্বনি হায়না মহাক্না ফোংদোকখি। ভারত সরকারগী মায়কৈদগী লাওথোকখিবা পেকেজ অসিদগী মার্চ ৩১, ২০২০ ফাওবদা পুত্থখিবশিং অদু মেনখৎনবগীদমক্তা দিস্কোমগীদমক্তা লুপা কোতী ৯০,০০০ ফাওবা পীখ্রে। মসিদগী রাজ্যশিং/য়ুনিয়ন তেরিতোরীশিংদগী চাওরাক্না লুপা কোতী ৯৩,০০০ দিমান্দ তৌরকখিবদা হৌজিক ফাওবদা লুপা কোতী ২০,০০০গী শেনফমগী অয়াবা পীখ্রে অদুগা অৱাৎপশিং অদুগীসু য়াংনা থবক পাংথোক্লগনি।

ভিদিও কনফরেন্স অদুদা ৱা হাংলদুনা মন্ত্রীনা রাজ্যশিং/য়ুনিয়ন তেরিতোরীশিংগী সরকারশিংদা পুত্থবশিং অসি মেনখৎপা ঙম্নবা কেন্দ্র সরকারগী পেকেজগী মতম অসি জুন ২০২০ ফাওবা শাংদোক্নবা হায়খ্রে। শৌগৎপা অসি মখা তাহন্নবগীদমক্তা রাজ্যশিং/য়ুনিয়ন তেরিতোরীশিংগী সরকারশিংনা দিমান্দ তৌরকপদা কেন্দ্র সরকারনা খন্নগনি। 

দীনদয়াল গ্রাম জ্যোতি য়োজনা(দি.দি.য়ু.জি.জে.ৱাই) অমসুং ইন্তিগ্রেতেদ পাৱর দিভেলপমেন্ত স্কীম(আই.পি.দি.এস.) অসি লুপশিন্না তৌরবা মতুংদা অনৌবা স্কীম অমা য়াম্না থুনা হৌদোক্লগনি হায়না মন্ত্রীনা পাওদমখি।  অনৌবা স্কীম অসিদা কেন্দ্রনা রাজ্যশিংদা শেন্থং পীথগনি। দিস্কোমশিং মাংজদবা রাজ্যশিং নত্রগা য়ুনিয়ন তেরিতোরীশিংনা শেন্থং অসি ফংবদা অপনবা অমত্তা লৈরোই অদুবু দিস্কোমশিং মাংজবা রাজ্যশিং/য়ুনিয়ন তেরিতোরীশিংনা  শেন্থংশিং অসি ফংনবা মাংজবা অসি মতৌ করম্না লৈহল্লোইদবগে হায়বদু নিংথিনা থৌরাং য়াৎকদবনি। রাজ্যশিং/য়ুনিয়ন তেরিতোরীশিংগী সরকারশিংনা মখোয়গী তাংদাংবা মথৌ তাবা অদুগী মতুং ইন্না থৌরাং য়াৎপা ঙম্নবা অনৌবা স্কীম অসিদা খরা কোমথোক্কনি হায়না মহাক্না মখা তানা ফোংদোকখি।   রাজ্যশিং অমসুং য়ুনিয়ন তেরিতোরীশিংদা পাৱর সেক্তরদা ইনফ্রাস্ত্রকচর অসি ফগৎহন্নবা চহি ৩-৪ খুদিংগী চাওরাক্না লুপা কোতী ১.৫  পীখি হায়না শ্রী সিংহনা মখা তানা ফোংদোকখি। মরম অসিনা অনৌবা মওংদা শেমদোক্লবা অসিগা শমজিন্নহন্নবগীদমক্তা অনৌবা স্কীম অসি হাপচিল্লকপনি।

শ্রী সিংহনা কোবিদ-১০গী লায়চৎ অসিনা লোকদাউন থম্লিঙৈগী মনুংসিদা পাৱর সেক্তরগা মরি লৈননা শিংথানিংঙাই ওইবা থবক তৌবগীদমক  ওফিসিএলশিংনা মফমদা নুংঙাইবা ফোংদোকখি। হৌজিক ঐখোয়না মেগাৱাত্ত লাক্ষ ১.৮৫ দিমান্দ তৌরকপদা মেগাৱাত্ত লাক্ষ ৩.৭গী পাৱর মায় পাক্না পুথোকপা ঙমখ্রে হায়না মহাক্না ফোংদোকখি। ঐখোয়না লৈবাক কয়াদা পাৱর সপ্লাই তৌরি।

ভিদিও কনফরেন্সকী অনিশুবা সেসন্দা ন্যু অমসুং রিন্যুএবল ইনর্জী(এন.আর.ই.)গী মতংদা ৱা খন্নখি। মহাক্না ‘কুসুম য়োজনা’দা অনৌবা ইদিসন অমা হৌদোক্নবা থৌরাং শেম্লি, মসিদা লৌউ-শিংউগী সেক্তরদা সোলর ইনর্জীগী মওংদা ওইহল্লগনি।  মসিনা মথংগী চহি ৩-৪ ফাওবদা রাজ্য সরকারশিংদা ইথৈ-লৌখোংগীদা পীবা সবসিদিগী পোৎলুম অদুসু কোকহনবা ঙম্লগনি।  

মহাক্না মুখ্য মন্ত্রীশিং, উপ-মুখ্য মন্ত্রীশিং অমসুং পাৱর অমসুং এন.আর.ই.গী মন্ত্রীশিং পুম্নমক্তা কনফরেন্স অসিদা শরুক য়াবিবগীদমক অমসুং মমল য়াম্লবা ৱাফম থম্বীদুনা রাজ্যশিং অমসুং য়ুনিয়ন তেরিতোরীশিংগী চিংনবশিং অদু খন্নদুনা কোকহন্বগীদমক থাগৎপা ফোংদোকখি। মন্ত্রীনা তোঙান-তোঙানবা রাজ্যশিং/য়ুনিয়ন তোরিতোরীশিংগী সরকারশিং অমসুং অতৈ স্তোকহোলদরশিংনা থাঙ্গৎলকপা ইলেক্ত্রিসিতী এমোন্দমেন্তস বিল, ২০২০গী মতাংদা তোঙান-তোঙানবা ৱাফমশংগী মতাংদা খন্নখি অমসুং মীফম অসি পাংথোক্লিঙৈগী মতমদা থমখিবা ৱাফমশিং অদু নোৎ তোশিনখি অমসুং য়ুম্ফম য়াওদবা চিংনবশিং অদু কোকহনখি।