রিসর্স ইন্তর্নশিপশিং, কেপাসিতী বিল্দিং প্রোগ্রামশিংগী ওইবা প্লেৎপোর্ম ফংহন্নবা অমসুং লৈবাক শিন-থুংনা ৱর্কশোপশিং পাংথোক্নবা সাইন্স অমসুং ইঞ্জিনিয়রিং রিসর্স বোর্দ(এস.ই.আর.বি.)না ‘এসেলরেৎ বিজ্ঞান’(এ.ভি.) কৌবা অনৌবা য়োজনা অমা হৌদোকখ্রে। মসিগী মতাংদা অকুপ্পা ৱারোলশিং য়োজনা অসিগী ৱেব পোর্তেল www.acceleratevigyan.gov.in. দগী ফংবিগনি। মসিগী য়োজনা অসিগী ‘অভ্যাস’ হায়বা শরুক অসিগী মনুংদা ইংথমথাগী ওইনা এপ্লিকন কৌবা হৌখ্রে।

মন্ত্রালয়শিংগী ওইবা য়োজনা অসিগী পান্দমদি সাইন্তিফিক রিসর্সশিংগী মগুন হেনগৎহনবা অমসুং সাইন্তিফিক মেনপাৱর শেমগৎপা হেনগৎহন্দুনা রিসর্সকী কেরিয়রশিং অমসুং ৱাখব-লৌশিংদা য়ুম্ফম ওইবা শেন্মিৎলোন হেনগৎহনবনি। রিসর্সশিং পুম্নমক অসিগী মগুনশিং ফগৎহন্নবগী হৌরকফম অমসুং নিংথিনা মহৈ-মশিং হৈরবা রিসর্স তৌরিবশিং অদু মশক খংদোক্লদুনা এ.ভি. অসি হৌদোক্তুনা   রিসর্স অসিনা ওইহল্লকপা য়াবশিং, লমজিংবদা, তাকপি-তম্বিবা অমসুং থবক ওইনা পাংথোকপা ৱর্কশোপ অসি মশক খংদোক্তুনা জাতীগী থাক্তা থবক তৌগনি।

“ভিজন অসি রিসর্সকী য়ুম্ফম অসি অচৌবা পান্দম অহুম,মিং ওইনা পল্লবদা সাইন্তিফিক প্রোগ্রামশিং অসি চেৎশিলহল্লকপা/পুনশিন্নরকপা, হাই-এন্দ ওরিএন্তেসন ৱর্কশোপশিং অমসুং রিসোর্সশিং/খুদোংচাবশিং ফংহনবা ঙমদবশিংদা রিসর্স ইন্তর্নশিপকী খুদোংচাবশিং ফংহন্দুনা হেন্না পাকথোক-চাওথোকহনবনি,” হায়না এ.ই.আর.বি.গী এদভাইজর দা. রজীব মেহাজন্না ফোংদোকখি। ইন্সতিত্যুসন অসিনা লাক্কদৌরিবা থা অনিসিদা এপ অমা হৌজৃদোক্নবা থৌরাং তৌরি।

‘অভ্যাস’ থৌরাং অসিগী ওইনা লৈবাক অসিদা তোঙান-তোঙানবা লমদা খনগৎলবা হিরমদা মখোয়গী রিসর্স তৌবগী হৈ-শিংবা অদু হেনগৎহন্দুনা পি.জি./পি.ঐচ.দি. তৌবা ঙমহন্নবা রিসর্স অমসুং খুমাং চাওশিনবা খংহেন হেনগৎহন্নবনি। মসিগী মচল অনি লৈঃ হাই-এন্দ ৱর্কশোপশিং(‘কার্য়শালা’) অমসুং রিসর্স ইন্তর্নশিপ(‘বৃতিকা’। মসি মরুওইনা অসিগুম্বা তম্নবগী পাঙ্গলশিং/খুদোংচাবশিং/ইনফ্রাস্ত্রকচরশিংনচিংবা ফংবগী খুদোংচাবা অসি অকক্নবা মওংদা লৈবা রিসর্সরশিংগীদমক্তদি য়াম্না মরুওই। ইংথবথাগী(দিসেম্বর ২০২০-জনুৱারী ২০২১)’কার্য়শালা’ অমসুং ’বৃতিকা’গী ওইনা রিসর্স তৌগদবশিংদগী হৌজিক এপ্লিকেসনশিং কৌরি। 

“য়াংশিলহন্নবগী খোংজং অসিগী শরুক অমা ওইনা পোস্তগ্রেজুএৎ অমসুং দোক্তরেল মহৈরোই ২৫০০০রোম মথং  চহি মঙাসিদা মাংজিল থারিবা সাইন্তিফিক ইন্সতিত্যুসনশিং অমসুং লেবোরেতরীশিংগা খুৎশম্নরগা হাই-এন্দ ৱর্কশোপ ১০০০রোম(অকক্নবা থীমশিংদা) পাংথোক্নবা থৌরাং তৌরি,” হায়না দা. মেহাজন্না হায়খি। অদুগা মসিগী ইন্সতিত্যুসনশিং অসিদা ইন্তর্নশিপ তৌনবগীদমক্তা কেন্দ্রগা খুৎশম্নদুনা চহি খুদিংগী পোস্ত গ্রেজুএৎ তৌরিবা মহৈরোই ১০০০দা খুদোংচাবা পীরগনি। এ.ভি. অসিনা মিশনগী মওংদা মরুওইনা লৈবাক অসিদা অচৌবা সাইন্তিফিক্কী থৌরমশিং পুম্নমক্ক চেৎশিলহল্লকপা/পুনশিন্নরকপগা মরি লৈনবা মচাকশিংদা থবক তৌগনি। মতৌ অসুম্না এ.ভি. য়োজনা অসি মায় পাক্না থবক পাংথোকহন্নবগীদমক্তা এস.ই.আর.বি.বু শৌগৎনবগীদমক্তা সাইন্তিফিক মন্ত্রালয়/বিভাগশিং পুম্নমক অমসুং অতোপ্পা খরা য়াওবা ইন্তর-মিনিস্ত্রেল ওভরসিইং কমিতি(আই.এম.ও.সি.)শিং শেমখ্রে।

হৈ-শিংনা থবক তৌনবশিং শেম-শানবগী থবক-থৌওং অসি লৈবাক অসিগী কেপাসিতী বিলদিংগা মরি লৈননা স্তেকহোলদরশিংগীদমক্তা মরুওইবা অমা ওইবা য়াই। মসিগী য়োজনা অসি লৈবাক অসিগী সাইন্তিফক কাংলুপশিংনা খুন্নাই অসিগীদমক লৌবা থৌদাং অদুদা পুক্নিং থৌগৎহন্নবনি। শম্না হায়রবদা, এ.ভি. প্লেৎফোর্ম অসিদী কেরিয়রগী লম্বি শেমহোনবগী অমুং হৈথোৎ-শিংথোইবা মীশিংগী পাঙ্গল অদু শেমগৎনবগীদমক্তা পরিং নাইনা মতেং পাংনবগীদমক্তা মাইয়োন হোংদোকহনবা ঙম্বা অমা ওইরক্নগী ৱাখল্লোন লৈ। এ.ভি. অসিদা নত্তনা য়োজনা অসিবু পাংথোকহল্লিবা ‘সমুহন’ হায়বা অতোপ্পা থৌরাং অমা লৈ, মসি শরুক অনি থোক্না খাইদোকই-   ‘সংয়োজিকা’ অমসুং ‘সঙ্গোস্থী’। সংয়োজিকা অসি লৈবাক অসিগী সরকারগী ফন্দিং এজেন্সী পুম্নমক্তগী শোগৎলকপা সাইন্স অমসুং তেক্নোলোজীগী থবক পাংবগী মঙম অসি শেমগৎপদা পরিং নাইনা শেম্নবগীদমক্তা থবক তৌবা হৌদোকখিবা থৌরাংনি। অদুগা ‘সঙ্গোস্থী’ হায়বসিনা এস.আই.আর.বি.দগী থবক পাংথোকহনবা অতোপ্পা তৌরাং অমনি।

***