কেন্দ্রগী জল শক্তি মন্ত্রী, শ্রী গজেন্দ্র শেখাৱৎনা ভিদিও কনফরেনশিংগী খুত্থাংদা মনিপুরগী মুখ্য মন্ত্রী শ্রী এন. বিরেন সিংহগা রাজ্যসিদা জল জীবন মিশন থবক ওইনা পাংথোকপগী হীরম খুদিংমক্কী মতাংদা ৱারী শাখ্রে। মসি রাজ্যগী ঈশিং পীবগী স্কিমবু য়েংশিন্দুনা খুঙ্গং খুদিংদা তোতি ঈশিং ফংহন্নবা মমাংগী থা অহুমদগী জল শক্তি মন্ত্রালয়গী দিপার্তমেন্ত ওফ দ্রিঙ্কিং ৱাতর এন্দ সেনিতেসন্না রাজ্য/য়ু.তি.শিংগা তান্নদুনা অকনবা মওংদা থবক কয়া পায়খৎলিবা অসিগী মখা তারকপনি। ভারত সরকারনা রাজ্যশিংগা খুৎশম্নদুনা পুন্সি মহিং নুঙাইনা হিংবদা চংগদবা চাংদা খুঙ্গং খুদিংদা মতম চানা অমসুং মতম অপুম্বগী ওইনা শেল য়াম্না চংদনা ফংস্নেল হাউশোল্দ তেপ কনেক্সন (এফ.ঐচ.তি.সি.) ফংহন্নবগীদমক্তা ‘জল জীবন মিশন’ কৌবা ফ্লেগশিপ প্রোগ্রাম অমা থবক ওইনা পায়খৎলি। কোবিদ-১৯গী ইরাং মরকসিদা মীওইশিংনা মীয়াম তিনবা মফমশিংদা ঈশিং শোকপা চত্তনবা হায়দুনা য়ুম্থোং খুদিংদা তোতি ঈশিং ফংহনবা হায়বসিদা অৱাংবা মিৎয়েং অমা থম্লিবনি।

সি.এম.না ইং ২০২২ ফাওবগী মনুংদা রাজ্যশিগী য়ুম্থোং খুদিংদা তোতি ঈশিং ফংহনগনি হায়বগী থাজবা পীখি। লায়রবা অমসুং তোখায় তানা লৈবা ইমুং খুদিংদা ঈশিং ফংহনবা ঙম্নবা হায়দুনা পাইপ শমদুনা ঈশিং পীবগী খুত্থাংদা খুঙ্গংদা লৈরিবা য়ুম্থোং খুদিংদা ঈশিং ফংহনগনি। লৈবাক্কী ইং ২০২৪ ফাওবগী মনুংদা থম্লিবা পান্দম অসিগী মমাংদা শেনবা চহী ২০২১-২২ ফাওবগী মনুংদা ১০০%দা ঈশিং ফংহনগনি হায়রি। অসিগুম্না চত্থদুনা মনিপুরনা অৱাং-নোংপোক্কী রাজ্যশিংগী মনুংদা খুঙ্গং খুদিংদা ঈশিং ফংহনবা ঙম্বা অহানবা রাজ্য ওইরগনি।

মনিপুরদা লৈরিবা খুঙ্গংগী ইমুং লাখ ৪.৫১গী মনুংদা লাখ ০.৩২ (৭.১৭%)দি এফ.ঐচ.তি.সি.গী পীরবনি। লেমহৌরিবা লাখ ৪.১৯গী মনুংদা ইং ২০২০-২১ ফাওবগী মনুংদা ইমুং লাখ ২দা তোতি ঈশিং ফংহনগনি। হৌজিক চৎলিবা চহীসিগী ওইনা রাজ্যসিনা জিলা ১, ব্লোক ১৫ অমসুং খুঙ্গং ১২৭৫তা ১০০%গী ওইনা ঈশিং ফংহন্নবা থৌরাং তৌরি।

ইং ২০২০-২১দা রাজ্যগী শরুক য়াওনা লুপা কোতি ১৩১.৮০ কায়থোকখ্রে অমসুং লুপা কোতি ২১৬.২দি শোইদনা ফংলগনি। থবক ওইনা পাংথোকপা অমসুং শেল থুমগী থবক্কী মতুং ইন্না রাজ্যসিনা অহেনবা শেনফম ফংবগী ওইথোকপসু লৈরি। ১৫শুবা ফাইনান্স কম্মিসন্না পি.আর.আই.দা পীথবা লুপা কোতি ১৭৭ অসি মনিপুরগী ওইনা কায়থোক্তুনা লৈরবনিনা অমসুং মসিগী মনুংদা ৫০%দি ঈশিং পীবা অমসুং সেনিতেসনগী ওইনা শিজিন্নগদবনি। মরম অসিগী ওইনা কেন্দ্র মন্ত্রালয়না সি.এম.দা খুঙ্গংদা ঈশিং পীনবা, গ্রে-ৱাতর মেনেজমেন্ত অমসুং য়াম্না মরু ওইনা মতম কুইনা অমসুং ঈশিং পীবগী স্কিমশিং অসিবু শেন্ননবগীদমক্তা থাদরক্কদৌরিবা ফন্দ অসি নীংথিনা শিজিন্ননবা থৌরাং তৌনবসু হায়খি।

কেন্দ্রগী মন্ত্রীনা সি.এম.দা খুঙ্গংগী ঈশিং অমসুং সেনিতেসন কমিতী/পানী সমিতী কয়া য়ামদ্রবদা নুপীশিংনা ৫০%গী শরুক য়াদুনা থৌরাং শিনবা, মওং শেম্বা অমসুং খুঙ্গংদা ফংবা ঈশিং পীবগী ইনফ্রাস্ত্রকচরশিংবু শেন্নবা অমসুং চলায়নবা গ্রাম পঞ্চায়ৎকী সব-কমিতী অমা শেম্নবসু হায়খি। থক্নবা ঈশিং ফংফমশিং, ঈশিং পীবদা চংগদবা মচাকশিং, গ্রে-ৱাতর মেনেজমেন্ত অমসুং থৌওংশিং অসি চলায়বদা চংবা পোৎলমশিং ফগৎহনবগী থৌদাং লৌগদবা বিলেজ এক্সন প্লান (ভি.এ.পি.) অমা শেমগদবনি হায়নসু য়াম্না মরু ওইনা হায়খি। মিশন অসিদা অহেনবা মিৎয়েং চংনবা অমসুং জল জীবন অসি মীয়ামগী ইহৌ অমা ওইহন্নবা খুন্নাইশিংনা শরুক য়াবা আই.ই.সি. কেম্পেন অমসু চত্থনবা সি.এম.দা হায়খি।

চহী খুদিংগী ওইনা থক্নবা ঈশিং খুদিংমক কেমিলেগী হীরমশিংগী ওইনা অমুরক অমসুং বেক্তরিয়ানা মহিক শন্দোক্তনবা (মোন্সুনগী মমাং অমসুং মতুংদা) অনিরক ওইনা চাংয়েং পাংথোক্কদবনি হায়নসু হায়খি। খুঙ্গং খুদিংমক্তা ঈশিংগী মগুন অসিবু ফিল্দ তেস্ত কিৎশিংগী খুত্থাংদা চাংয়েং তৌনবা য়ামদ্রবদা মীওই মঙাবু ত্রেনিং পীনবা, নুপীনা মশিং হেন্না, রাজ্যদা মখা তানা হায়খি।

কোবিদ-১৯গী লায়চৎসিগী মনুংদা ইমুং খুদিংদা তোতি ঈশিং ফংহনবা অসিনা মরু ওইনা নুপীশিং অমসুং নুপীমচাশিংগী পুন্সি মহিংবু অৱাবা থবক তৌবগী চাং হন্থহন্দুনা তেক্ত কায়দবা অমসুং ইকায় খুম্নবা পুন্সি মহিং অমা হিংবা ঙমহনগনি।

***