অনৌবা ত্রেন ১৫১ হৌদোক্তুনা ১০৯ ওরিজিন দিস্তিনেসন(ও দি) লম্বীশিংদা মী পুবা ত্রেনশিং চেনবদা লনাই মীওইশিং শরুক য়ানবা রেলৱেজ মিনিস্ত্রিনা রিক্বেস্ত ফোর ক্বালিফিকেসন(আর এফ ক্বিউ) কৌরি।

লনাই ওপেরেতরশিংনা চেনগদৌরিবা ত্রেন ১৫১ খনবগী থবক হেক লোইবগা হৌজিক লৈরিবা ত্রেনশিং অসিগী মথক্তা হাপচিনগনি।

হৌজিক লৈরিবা অসিদগী ত্রেন মশিং য়াম্না চেনবা দরকার ওইবা লম্বীশিংদা হায়রিবা ত্রেনশিং অসি চেনগনি।

ত্রেনশিংগী দ্রাইভর অমসুং গার্দ রেলৱেজগী ওফিসিএলশিং ওইগনি। ত্রেনশিং অশোই-অঙাম থোক্তনবা ক্লিয়ারেন্স রেলৱেজ খক্তনা পীগনি।

ভারত রেলৱেজগী নেতৱার্ক শীনবা থুংনা ক্লস্তর ১২দা ও.দি জুরা ১০৯ শেম্লে। ত্রেন অমমমদা য়ামদ্রবদা কোচ ১৬ লৈগনি।

প্রোজেক অসিদা লনাই কাংবুশিংনা লুপা ক্রোর ৩০,০০০ থাদগনি। ভারত রেলৱেজগী নেতৱার্ক শীনবা মী পুবা ত্রেনশিং চেন্নবা লনাই শেন থাদবা অসি মসিনা অহানবনি।

ত্রেনশিং অয়াম্বা ভারত্তা শাগনি। শেন থাদবা, পোৎ লৈবা, থবক তৌবা অমসুং ত্রেনশিং শেমজিনবগী থবক লনাই কাংবুনা পাংথোক্কনি।

ত্রেনশিং পুং অমা কিলোমিতর ১৬০ ফাওবা য়াংনা চেন্নবা দিজাইন তৌগনি। মসিনা লম্বীগী মতম হন্থহনগনি। ত্রেন অমনা লৌগদবা মতম অসি ভারত রেলৱেলগী লম্বীশিংদা চেল্লিবা খ্বাইদগী য়াংবা ত্রেনশিংদগী হেন্না নৎত্রগা চাংদম্নবা য়ানবা চেনগনি।

থৌরাং অসিগী পান্দমদি অনৌবা তেক্নোলোজি শীজিন্নবা হৌদোকপা, চৎথোক-চৎশিনগী মতম হন্থহনবা, থবক ফংবা হেনগৎহনবা, অশোই-অঙাম থোকহন্দনবা, পেসেঞ্জরশিংদা মালেম থাক্কী খুদোংচাবা ফংহনবা অমসুং মী পুবগী থবকশিংদা দরকার ওইবশিং ফংহন্নবা ঙমদ্রিবা অসি মেনখৎপনি।

লনাই কাংবুনা ভারত রেলৱেজদা হৌলেজ চার্জশিং, শীজিন্নখিবা ইনর্জিগী চার্জ পীগনি অমসুং অরোন-অথুপ লৈতবা বিদিং পাংথোক্তুনা য়েন্নগদবা রিভিনিয়ুগী চাকথুং লেপথোক্কনি।

লনাই কাংবুনা চেনগদৌরিবা ত্রেনশিং অদু মতম চানা, ফজনা অমসুং ত্রেনশিং লু-নান্না চেনগনি।

ভারত রেলৱেজ নেতৱার্ক অসি কিলোমিতর ৬৮,০০০গী লম্বীশিংনি। ২০১৮-১৯দা অপুনবা নন-সবঅর্বান পেসেঞ্জরশিং(বিল্লিয়ন ৩.৬৫)গী মনুংদা রিজার্ব পেসেঞ্জর চাদা ১৬(বিল্লিয়ন ০.৫৯) ওইখি। চাউরাক্না ৱাইতিংলিস্ত পেসেঞ্জর ক্রোর ৮.৮৫ রোম ত্রেন তোংবা ফংখিদে।

মী পুবা ত্রেন চেনবগী থবকশিংদা লনাই কাংবু শরুক য়াহনবা অসিনা অনৌবা তেক্নোলোজি শীজিন্নবা য়াহনগনি অমসুং মগুন লৈবা অফবা থবকশিং পাংথোক্কনি, অফবা কোচ তেক্নোলোজি শীজিন্নগনি অমসুং ত্রেনগী খোঙচৎকী মতম হন্থহনগনি হায়না ভারত রেলৱেজনা থাজবা থম্লি। মসিগীদমক মী পুবা ত্রেন চেনবগী থবকশিংদা লনাই কাংবু শরুক য়াহনবা মাংজৌননা আর.এফ.ক্বিউ কৌখ্রে।

হায়রিবা ত্রেনশিং অসি ভারত রেলেৱজগী মী অমসুং পোৎ-চৈ পুবা ত্রেনশিং চেল্লিবা কম্মন ত্রেক্তদা চেনগনি। মরুওইবা ত্রং রুতশিং অহাংবা লৈত্রে অমসুং চেনফম থোকপা ত্রেনশিং চেল্লি। অদুবু ২০২১দগী হৌনা থৌরাং তৌরিবা দেদিকেতেৎ ফ্রেদ কোরিদোরশিং অমসুং অতোপ্পা শেমগৎলিবশিং অসিনা অহেনবা মী পুবা ত্রেনশিং চেন্নবগী অহেনবা লম্বীশিং ফংহল্লগনি।

রিক্বেস্ত ফোর ক্বালিফিকেসন(আর এফ ক্বিউ) অমসুং রিক্বেস্ত ফোর প্রোপোজেল(আর এফ পি)য়াওবা তাঙ্কক অনি লৈবগা কম্পেতিতিব বিদিং পাংথোক্তুনা প্রোজেক অসিগীদমক লনাই কাংবুশিং খনগনি। প্রি-ক্বালিফিকেসনগীদমক রিক্বেস্ত ফোর ক্বালিফিকেসনগী থবক পাংথোক্কনি অমসুং মখোয়গী শেন-থুমগী ফিবমদা য়ুম্ফম ওইরগা বিদরশিং খনগনি , প্রোজেক অসি পায়খৎনবা মখোয়না গ্রোস রিভিনিয়ু য়েন্নবা দরকার ওইগনি।

***