মন্ত্রীমন্দল

‘এগ্রিকলচর ইনফ্রাস্ত্রকচর ফন্দ’গী মখাদা ফেসিলিতীশিংদা শেন থাদনবা সেন্ত্রেল সেক্তর স্কিম মন্ত্রীমন্দলনা অয়াবা পীখ্রে

Posted On: 08 JUL 2020 4:30PM by PIB Imphal

প্রধান মন্ত্রী শ্রী নরেন্দ্র মোদীনা থৌরম মপু ওইদুনা পাঙথোকখিবা কেন্দ্রগী মন্ত্রীমন্দলনা ঙসি অনৌবা ভারত পুম্বগী ওইবা সেন্ত্রেল সেক্তর স্কিম-এগ্রিকলচর ইনফ্রাস্ত্রকচর ফন্দ অমা অয়াবা পীখ্রে‍। স্কিম অসিনা শেন্দোয়দা তেংবাং পীবা অমসুং শেনথুমগী ঙাক্লৌগী মওংদা লৌরোক মতুংগী মেনেজমেন্ত ইনফ্রাস্ত্রকচরগী লৌখৎপা য়াবা প্রোজেক্তশিংদা মেদিয়ম-লোং তর্ম দেব্ত ফাইনান্সিংগী খুদোংচাবা পীগনি‍।

স্কিম অসিগী মখাদা, বেঙ্ক অমসুং ফাইনান্সিএল ইনস্তিত্যুৎশিংনা লুপা করোর লাখ ১গী শেনফম লোন ওইনা প্রাইমারী এগ্রিকলচরেল ক্রেদিত সোসাইতীশিং (পি.এ.সি.), মার্কেতিং কোওপরেতিব সোসাইতীশিং, ফার্মর প্রদ্যুসর্স ওর্গনাইজেসনশিং (এফ.পি.ও.), সেল্ফ হেল্প গ্রুপ (এস.ঐচ.জি.), ফার্মর্স জোইন্ত লাইএবিলিতী গ্রুপ্স (জে.এল.জি.), মল্তিপর্পজ কোওপরেতিব সোসাইতীশিং, এগ্রি-ওন্ত্রপ্রিন্যুরশিং, স্তার্তঅপশিং, এগ্গ্রিগেসন ইনফ্রাস্ত্রকচর প্রোভাইদরশিং অমসুং কেন্দ্রগী/স্তেতকী এজেন্সী নৎত্রগা লোকেল বোদীনা স্পোন্সর তৌবা পব্লিক প্রাইভেত পার্তনরসিপ প্রোজেক্তশিংদা পীগনি‍।

লোনশিং অসি চৎলিবা চহীসিদা লুপা করোর ১‍০,০০০ থাদোক্লগা অমদি লাক্কদৌরিবা চহী ৩সিদা চহীদা লুপা করোর ৩০,০০০গী চাংদা থোদোক্তুনা চহী মরি চুপ্না পীগনি‍।

হায়রিবা ফাইনান্সিং ফেসিলিতী অসিগী মখাদা পীবা লোন খুদিংমক্তা চহীদা চাদা ৩গী চাংদা য়াম্লবদা লুপা করোর ২ ফাওবগী চাংদা শেন্দোয়দা তেংবাং পীগনি‍। হায়রিবা তেংবাং অসি য়াম্লবদা চহী ৭ ফাওবা লৈগনি‍। মখা তানা অমুক, ক্রেদিত গরেন্তী ফন্দ ত্রস্ত ফোর মাইক্রো এন্দ স্মোল এন্তরপ্রাইজেস (সি.জি.তি.এম.এস.ই.)গী মখাদা ইলিজিবল ওইবা বোরোৱরশিংদা লুপা করোর ২ ফাওবগী লোনগী ক্রেদিত গরেন্তী কভর ফাইনান্সিং ফেসিলিতী অসিদগী ফংহনগনি‍। কভরেজ অসিগী শেনফম লৈঙাক্না থিগনি‍। এফ.পি.ও.শিংগী মতাংদদি ক্রেদিত গরেন্তী অসি দিপার্তমেন্ত ওফ এগ্রিকলচর, কোওপরেসন এন্দ ফারমর্স ৱেল্ফ্যার (দি.এ.সি.এফ.দব্লিউ.)গী এফ.পি.ও. প্রমোসন স্কিমগী মখাদা শেমবা ফেসিলিতীশিংদগী ফংবা য়াগনি‍।

ভারত লৈঙাক্তগী (জি.ও.আই.) বদজেতকী তেংবাং ওইনা ফংগদবা অপুনবা আউতফ্লো অসি লুপা করোর ১০,৭৩৬ ওইগনি‍।

হায়রিবা ফাইনান্সিং ফেসিলিতী অসিগী মখাদা লোন শিংগৎপদা মোরেতরিয়ম য়ামদ্রবদি থা ৬তগী হৌরগা য়াম্লবদা চহী ২ ফাওবা লৈগনি‍।

প্রোজেক্ত অসিনা ফার্ম অমসুং ফার্ম প্রোসেসিংদা য়ুম্ফম ওইবা থৌওংশিংদা ফোর্মেল ওইবা ক্রেদিত ফংহন্দুনা খুঙ্গংগী লমশিংদা মশিং য়াম্লবা থবক্কী খুদোংচাবা ফংহনগনি হায়না থাজরি‍।

এগ্রি ইন্ফ্রা ফন্স অসি ওনলাইন মেনেজমেন্ত ইন্ফোর্মেসন সিস্তেম (এম.আই.এস.) প্লেতফোর্ম অমগী খুত্থাঙদা চলাইগনি অমদি য়েংশিনগনি‍। মসিনা ক্বালিফাইদ ওইরবা এন্তিতী খুদিংমক্তা ফন্দ অসিগী মখাদা লোন থাবা ঙমহনগনি‍। ওনলাইন প্লেতফোর্ম অসিনা তোঙান তোঙানবা বেঙ্কশিংনা পীরিবা শেন্দোয়গী চাংগী মতাংদা তরু তরুবা শক্তম উৎপা, শেন্দোয়গী মতাংদা তেংবাং অমদি পীরিবা ক্রেদিত গরেন্তীগী ৱাফম য়াওনা স্কিমগী অকুপ্পা ৱারোলশিং, চে-চাং হন্থনা চঙবা, হেন্না থুনা অয়াবা পীবগী থৌওং অমসুং অতৈ স্কিমগী কান্নবশিংগা পুনশিনবনচিংবা কান্নবা কয়ামরুমসু পীগনি‍।

রিএল-তাইম ওইনা য়েংশিন্ননবা অমদি ফীদবেকশিং নীংথিনা লৌখৎনবা লৈবাক্কী, স্তেতকী অমদি দিস্ত্রিক্কী থাক্তা মোনিতরিং কম্মিতীশিং লিংখৎকনি ‍।

স্কিম অসুগী মতম শেনবা চহী ২০২০ দগী শেনবা চহী ২০২৯ (চহী ১০) ফাওবা ওইগনি‍।

******



(Release ID: 1637250) Visitor Counter : 51