নীতি আয়োগ

পি.এম.গী দিজিতেল ইন্দিয়া-আত্মনির্ভর ভারতকী মঙলান মঙফাওননবা মৈতি-নীতিনা দিজিতেল ইন্দিয়া আত্মনির্ভর ভারত এপ ইনোবেসন চেলেঞ্জ হৌদোকখ্রে


হৌজিক লৈরিবা এপশিং এপ ইনোবেসন চেলেঞ্জকী ত্রেক ১দা পুখৎলগনি

চেলেঞ্জ অসিগী ত্রেক-২না অনৌবা এপশিং পুথোকপদা মীৎয়েং থমগনি

Posted On: 04 JUL 2020 6:21PM by PIB Imphal

ভারতকী ওইবা এপশিংগী অফবা ইকোসিস্তেম অমা শেমগৎনবা অমদি শৌগৎনবা পান্দম অমগা লোয়ননা মৈতিনা অল ইনোবেসন মিসিন – নীতি আয়োগকা পুন্না চুংশিন্নদুনা ভারতকী তেক ওন্তর্প্রিনোরশিং অমসুং স্তার্ত-অপশিংগীদমক দিজিতেল ইন্দিয়া আত্মনির্ভর ভারত এপ ইনোবেসন চেলেঞ্জ হৌদোকখ্রে। মসিনা প্রধান মন্ত্রীগী দিজিতেল ইন্দিয়া অমা অমসুং আত্মনির্ভর ভারত অমা দিজিতেল তেক্নোলোজীশিং শীজিন্নরগা শেমগৎপগী মঙলান অদু মঙফাওননা মতেং অমা ওইরগনি।

মসিদা ত্রেক ২ থোক্নবা খাইদোক্লি : হৌজিক লৈরিবা এপশিং ফগৎহনবা অমসুং অনৌবা এপশিং পুথোকপা।

ঙসি হৌদোকখিবা ত্রেক ১ এপ ইনোবেসন চেলেঞ্জকী পান্দমদি প্রজানা হৌজিক শীজিন্নরিবা খ্বাইদগী ফবা ভারতকী এপশিং অদু খঙদোকপা অমসুং মখোয়গী মশাগী কাংলুপ অদুদা ফগৎপা ঙম্বা অমদি মালেমগী থাক্তা এপশিংগী মরক্তা চনহনবা অসিনি। মসিগী অনৌবা পুথোক্নবা চাংদম্নবা অসিদা মখল কয়াগী শেলগী মনাশিং অমসুং লীদর বোর্দশিংদা এপশিং য়াওনবা মতেং কয়াগা লোয়ননা ভারত মনুংগী প্রজা খক নত্তনা মালেমগীসু য়াওনা অনৌবা ৱাখল, ইনকুবেৎ, শেমগৎপা, য়েংশিনবিবা অমসুং তেক্কী কান্নবশিংগী য়োকখৎনবা ভারতকী ওন্তর্প্রিনোরশিং অমসুং স্তার্তঅপশিংদা মতেং পাংলি। মসি ভারতকীদমক অমসুং মালেমগীদমক ভারত্তা পুথোকচনবা মন্ত্রানি। মসি থা অমগী মনুংদা থবক লোইশিনগনি।

মসিগী এপ ইনোবেসন চেলেঞ্জকী মথংদা, সরকারনা আত্মনির্ভর ভারত এপ ইনোবেসন চেলেঞ্জকী ত্রেক-২সু হৌদোক্কনি মসিনা ভারতকী স্তার্ত অপশিং/ওন্তর্প্রিনোরশিং/কম্পনিশিং খঙদোক্নবা অমসুং মখোয়বু নৌবা ৱাখল, ইনকুবেসন, প্রোতোতাইপিং অমসুং এপ্লিকেসনশিং পুথোক্নবা থৌনা হাপকনি। মসিগী ত্রেক অসি মতম চাংনা চৎকন অকুপ্পা ৱারোল তোঙান্না পীরক্কনি।

আত্মনির্ভর ভারত এপ ইনোবেসন চেলেঞ্জকী ত্রেক ১ অসি মখাদা পীরিবা কেতগোরি মখল ৮ অসিদা হৌদোকখি:

১. ওফিসকী থবকশুনবা অমসুং য়ুমদগী থবক শুনবা

২. সোসিএল নেতৱার্কিং

৩. ই-লর্নিং

৪. এন্তর্তেনমেন্ত

৫. হকশেং অমসুং হকচাং ফনবা

৬. এগ্রিতেক অমসুং ফিন-তেক য়াওনা বিজিনেস

৭. ই-পাউ

৮. গেমশিং

কেতদোরিশিং অসিগী মনুংদা সব-কেতগোরি কয়া য়াওবা য়াই।

অনৌবা পুথোক্নবা চাংদম্নবা অসি জুলাই ৪, ২০২০দগী innovate.mygov.in/app-challengeদা ফংগনি। এন্ত্রীশিং পীশিনবগী অরোইবা তাং অসি জুলাই ১৮, ২০২০ ওইগনি। এপ্লিকেন্তশিংনা মখোয়গী প্রপোজেলশিং থাজিল্লক্নবা ওনলাইনা রেজিস্তর তৌবা মথৌ তাগনি অমসুং মাইগোভ পোর্তেলদা - www.mygov.in. লোগ ওন তৌগদবনি।

ত্রেক অমমমগী ওইনা লনাই সেক্তর অমসুং একাদেমিয়াদগী এক্সপর্তশিংগী অখন্নবা জুরীনা এন্ত্রীশিং অসি ইভাল্যুএৎ তৌগনি। খনখৎলবা এপশিং অদু মনা পীগনি অঞসুং প্রজানা খঙনবা লীদর বোর্দশিংদসু হাপকনি। সরকারনসু চান্নবা এপশিং লৌখৎকনি মখোয়বু মপুং ফাদ্রিবা ফাওবা লমজিংগনি অমসুং সকারগী ই-মার্কেৎপ্লেস (জি.ই.এম.)দা হাপকনি।

মরু ওইবা ইবাল্যুএসন পারামিতরশিং খরা অদুদা ইজ ওফ য়ুস (য়ু.আই./য়ু.এক্স.), রোবস্তনেস, সেক্যুরিতি অমসুং স্কেলেবিলিতি য়াওগনি।

*****



(Release ID: 1636638) Visitor Counter : 113


Read this release in: English , Urdu , Hindi