রোদ ত্রান্সপোর্ত অমসুং হাইৱে মন্ত্রালয়
মৈধ্য প্রদেশকী চীফ মিনিস্তরগা লোয়ননা গাদকরিনা চম্বল এক্সপ্রেসৱে প্রোজেক য়েংশিনখ্রে
এনবাইরনমেন্ত ক্লিয়ারেন্স, লম লৌশিনবা অমসুং রোয়েলতি/লোকেল তেক্স কোমথোকপগী থবকশিং লোইশিন্নবা য়ুনিয়ন মিনিস্তরনা তকশিনখ্রে
এম.পি., য়ু.পি. অমসুং রাজস্থান ফাওদুনা চৎলিবা লুপা ক্রোর ৮২০০০গী প্রোজেক অসিনা ভিন্দদগী কোতা ফাওবা শম্নগনি
গোল্দন ক্বাদ্রিলেতরেলগী দিল্লি-কোলকাতা কোরিদোর, নোর্থ-সাউথ কোরিদোর, ইস্ত-ৱেস্ত কোরিদোর অমসুং দিল্লি-মুম্বাই-এক্সপ্রেসৱেগা শম্নগনি
রাজ্যগী অকক্নবা ৱাথোকশিং লোইশিন্নবা রাজ্যগী থাক্তা অৱাংবা থাক্কী কম্মিতি অমা শেম্নবা চীফ মিনিস্তরশিংদা হায়জখ্রে
Posted On:
04 JUL 2020 3:14PM by PIB Imphal
রোদ ত্রান্সপোর্ত , হাইৱেজ অমসুং এম.এস.এম.ইগী য়ুনিয়ন মিনিস্তর নিতিন গাদকরিনা মৈধ্য প্রদেশকী চীফ মিনিস্তর শিবরাজ সিংহ চৌহান, এগ্রিকলচর অমসুং ফামর্স ৱেলফিয়ারগী মিনিস্তর নরেন্দ্র সিংহ তোমার অমসুং এম.পি জয়তিরাদিত্য সিন্দিয়াগা লোয়ননা ভিদিও কনফরেন্সকী খুৎথাংদা পায়খৎনবা থৌরাং তৌরিবা চম্বল এক্সপ্রেস প্রোজেক্কী ফিবম অমুক হন্না য়েংশিনখ্রে ।
মীফ মনুংদা প্রোজেক অসি অথুবদা থবক হৌনবা ইনভাইরোনমেন্ত ক্লিয়ারেন্স, লম লৌশিনবা অমসুং রোয়ালতি/লোকেল তেক্স কোমথোকপগী থবকশিং লোইশিন্নবা য়ুনিয়ন মিনিস্তরনা তকশিনখ্রে । মহাক্না হায়খি চৎথোক-চৎশিন নুংঙাইহনবগী মথক্তা, প্রোজেক অসিনা হায়ৱেজ মপান্দা লৈবা চাউখৎত্রিবা মফমশিংগী মীওইশিংদা কান্নবা কয়া ফংহনগনি । লম লৌশিনবা মতমদা লম্বী নাকল অনিমক্তা ইন্দস্ত্রি অমসুং ললোন-ইতিক্কী থবকশিং পায়খৎপা য়ানবা য়েংশিনগদবনি ।
প্রোজেক অসিনা ফাওদুনা চৎলিবা জিলাশিং অমসুং নক্নবা মফমশিংদা থবক য়াম্না ফংহনগনি হায়না মহাক্না মখা তাখি ।
এম.পি, য়ু.পি অমসুং রাজাস্থান ফাওদুনা চৎলিবা লুপা ক্রোর ৮২০০০গী প্রোজেক অসিনা বিন্দদগী কোতা ফাওবা শম্নগনি । গোল্দন ক্বাদ্রিলেতেরেলগী দিল্লি-কোলকাতা কোরিদোর, নোর্থ-সাউথ কোরিদোর, ইস্ত-ৱেস্ত কোরিদোর অমসুং দিল্লি-মুম্বাই-এক্সপ্রেসৱেগা শম্নগনি ।
মহাক্না হায়খি প্রোজেক অসিগী চঙগদবা শেনফম হন্থহনবা দরকার ওইবা মরম্না প্রোজেক্কী মচাকশিংদা রোয়ালতি অমসুং তেক্স লৌদ্রবদি লুপা ক্রোর ১০০০ কনবা ঙমগনি ।
য়ুনিয়ন মিনিস্তরনা হায়খি য়াম্না থুনা থবক হৌবা য়ানবা রাজ্যগী অকক্নবা ৱাথোকশিং লোইশিন্নবা রাজ্য থাক্কী অৱাংবা থাক্কী কম্মিতি অমা শেম্নবা চীফ মিনিস্তরশিংদা হায়জখ্রে । মৈধ্য প্রদেশনা মাংজৌননা প্রোজেক অসিগীদমক মিনরেলশিংদা রোয়ালতি কোমথোক্লে ।
অথুবদা দি.পি.আর শেম্নবা এন.ঐচ.এ.আইগী চেয়রমেন্দা মহাক্না খঙহনখ্রে । লম লৌশিল্লবা চহি ২গী মনুংদা প্রোজেক অসি লোইশিনগনি হায়বগী থাজবা থম্লি ।
মহাক্না হায়খি লমদম অসি চাউখৎহন্নবা চম্বাল দিবলপমেন্ত ওথোরিতি অমা শেম্বা য়াই অমসুং রাজ্যশিংনা মরুওইনা লৌদুনা উমং, ইনভাইরোনমেন্ত অমসুং লম লৌশিনবগী ৱাথোকশিং লোইশিনগদবনি ।
মিনিস্তরনা হায়খি প্রোজেক অসিগা লোয়ননা ইন্দোর, জবালপুর অমসুং জয়পুরদা ঐখোয়না লোজিস্তিক পার্কশিং শেমগৎপা য়াই । কিলোমিতর ৪০৪ শাংবা প্রোজেক অসিনা এম.পি ফাওরগা কানপুরদগী কোতা ফাওবা চৎনবগী লম্বী পীগনি অমসুং মসিনা দিল্লি-মুম্বাই কোরিদোরগা শম্নহনগনি
মীফম অদুদা মৈধ্য প্রদেশ, রাজস্থান, উত্তর প্রদেশ, রোদ ত্রান্সপোর্ত অমসুং হাইৱেজ মিনিস্ত্রিগী সেনিয়র ওফিসিএলশিং শরুক য়াখি ।
*****
(Release ID: 1636628)
Visitor Counter : 150