কেন্দ্রগী লৌউ-শিংউ অমসুং লৌমীশিংগী য়াইফ-থৌরাং মন্ত্রী শ্রী নরেন্দ্র সিংহ তোমারনা ঙসি হায়খ্রে মদুদি লৌমীশিংগী প্রদ্যুসর ওর্গনাইজেসন লীশিং তরা শেমদুনা লৌমীশিংগী কাংলুপতা অনৌবা মাইওন অমা হাপ্পীরগনি। মহাক্না হায়খি, লৈবাক অসিদা লৈরিবা লৌমী চাদা ৮৬তি অপীকপা কাচিন্দা লৈবা লৌমীশিংনি, মখোয়না হায়রিবা এফ.পি.ও.শিং অসিগী মখাদা খুঙ্গংগী শেন্মিৎলোন চাউখৎপা পুরকপা, লৌউ-শিংউগী হীরমদা চাউখৎপা পুরকপদা নত্তনা লৈবাক পুম্বা ওইনা চাউখৎনবা লম্বী অমসু পীরগনি। কেন্দ্রগী লৌউ-শিংউ অমসুং লৌমীশিংগী য়াইফ-থৌরাং মন্ত্রীনা রাজ্যগী লৌউ-শিংউ অমসুং লৌমীশিংগী য়াইফ-থৌরাং মন্ত্রী, শ্রী পুরুশোত্তম রুপালা অমসুং শ্রী কাইলাশ চৌধুরী, অমসুং কেন্দ্রগী ৱাতর রিসোর্সকী রাজ্যগী মন্ত্রী শ্রী অর্জুন রাম মেঘৱালসু শরুক য়াখিবা লাঘু উদ্যোগ ভারতি অমসুং সাহাকর ভারতিগী মীফমদা ৱা ঙাংখি।

শ্রী তোমারনা হায়খি মদুদি অহৌবদা, এফ.পি.ও.শিংগী মেম্বরশিংগী খ্বাইদগী য়ামদবা মশীং অসি তম্পাক্তা ৩০০ ওইগনি, অমসুং অৱাং নোংপোক অমসুং চীংগী মফমশিংদনা ১০০ ওইগনি। অপীকপা, কাচিন্দা লৈবা, অমসুং লম লৈজদ্রবাশিংদা কান্নবা ফংজনবা শেমখিবা এফ.পি.ও.শিং অসি হায়রিবা লৌমীশিং অসিদা তেক্নোলোজিগী ওইবা কান্নবা পীনবা অমসুং মখোয়গী পোত্থোকশিংগী কৈথেল অমসুং মমল হেন্না ফবা মওংদা পীবীদুনা শ্রী নরেন্দ্র মোদীনা মঙজবা মংলান, ২০২২ ফাওবদা লৌমীশিংগী ইঙ্কম শরুক অনী হেনগৎনবা হোৎনরিবদু মঙফাওনবা ঙমহল্লগনি। মসিগী এফ.পি.ও.শিং অসিনা পোত্থোক পুথোকপা অমসুং কৈথেলদা থাদোকপা মতমদা চঙবা শেল হন্থহল্লগনি, অমসুং মসিনা লৌউ-শিংউ অমসুং হোর্তিকলচরগী পোত্থোক পুথোকপা হেনগৎহল্লগনি। মসিনা থবক ফংবগী খুদোংচাবসু হেনগৎহল্লগনি।

শ্রী তোমারনা হায়খি, ২০২০-২১গী বজেত্তা, হোর্তিকলচরগী পোত্থোকশিংবু ক্লস্তর ওইবা মওংদা 'জিল্লা অমা- পোত্থোক অমা'গী খুত্থাংদা ভেল্যু হেনগৎনবা, কৈথেল ফগৎনবা অমসুং মপান্দা থাদোকপগী চাং ৱাংখৎনবা হোৎননবা ৱাফম হৌদোকখি। হায়রিবসি কেন্দ্র সরকারগী অপুনবা বজেৎ লুপা কোতি ৬,৮৬৫ ওইবা স্কিম অমনি। এফ.পি.ও. খুদিংমক্তা চহী মঙাগী ওইনা প্রোফেসনেলগী ওইবা খুদোংচাবা অমসুং হেন্দহোল্দিংগী খুদোংচাবা পীগনি। এফ.পি.ও.শিংগী চাদা ১৫দি হেন্না থৱাই য়াওবা জিল্লাশিংদা পীগনি অমসুং সেদ্যুল ত্রাইবনা তাবা মফমশিংদনা হান্না মীৎয়েং থমদুনা শেমগনি। হায়রিবসি প্রদ্যুস ক্লস্তরদা য়ুম্ফম ওইবা স্কিম অমনি। এফ.পি.ও.শিং অসিনা ওর্গানিক অমসুং নেচরেল ফার্মিংদা হেন্না চাথোক লৈহল্লগনি।

স্কিম অসিগী মতাংদা হেন্না শন্দোক্না হায়রদুনা, হায়রিবা স্কিম অসি নাবার্দ, এস.এফ.এ.সি. অমসুং এন.সি.দি.সি.গী মখাদা পায়খৎকনি হায়খি। মখোয়দা ইক্বিতীগী শেন্থং ওইনা শেলথুম চাং নাইনা লৈনবা মেতচিং ইক্বিতীদা য়ুম্ফম ওইরগা লুপা লাখ ১৫ পীগনি। মসিদা ক্রেদিৎ গরেন্তী ফন্দ ওইনা নাভার্দ অমসুং এন.সি.দি.সি.গী মখাদা ক্রেদিৎ গরেন্তী ওইনা লুপা কোতি ২ ফাওবা এফ.পি.ও. অমমমদা পীগনি। স্তেকহোল্দরশিংগী কেপাসিতী বিলদিং, ত্রেনিং, অমসুং স্কিল দিবেলপমেন্তকী তঙাইফদবা লৈরিবসি য়েংলদুনা ওর্গানাইজেসনেল মেনেজমেন্ত, রিসোর্স প্লান্নিং, মার্কেতিং অমসুং প্রোসেসিংগী ওইনা নেসনেল অমসুং রিজনেল লেবেল ইন্সতিত্যুসনশিংগী মখাদা পীবগী খুদোংচাবসু লৈ।

শরুক য়ারিবা ওর্গনাইজেসনশিংগী মীহুৎশিংদগী পাউতাক কয়া অমসু ফংলে অমসুং তোঙান-তোঙানবা সমশ্যাশিংগী মতাংদসু খন্ন-নৈননবগী মীফমশিংসু পাঙথোকখ্রে।

*****