ঙসি দিল্লীগী রাস্ত্রপতি ভৱনদগী ভারতকী রাস্ত্রপরি শ্রী রাম নাথ কোবিন্দনা ধর্ম চক্র নুমিৎ হায়না পাঙথোকপা অসাধ পুর্নিমাগী পাল্লন তৌবা হৌদোকখ্রে। প্রধান মন্ত্রী শ্রী নরেন্দ্রা মোদীনসু ভিদিওগী খুত্থাংদা থৌরম অসিদা অখন্নবা ৱারোল পীখি। মোঙ্গোলোয়াগী রাস্ত্রপতি, ঐচ. ই. খাল্তমাগিন বতুলগানা পীবা অখন্নবা পাউজেল অদু ভারতকী মোঙ্গোলিয়াগী এম্বেসেদর ঐচ.ই. গোনচিং গনবোইদনা পাথোকখি। কলচর (ইন্দিপেন্দেন্ত চার্জ)গী স্তেৎকী মন্ত্রী শ্রী প্রহলাদ সিংহ পতেল অমসুং মাইনোরিতি এফিয়র্সকী স্তেৎকী মন্ত্রী শ্রী কিরেন রিজিজুনা থৌরম হৌদোকপদা ৱা ঙাংখি।

লায়চৎ অসিনা মালেম পুম্বদা মীওইবগী পুন্সি অমসুং শেন্মীৎলোনবু মাংহন-তাকহল্লিবা অসিদা, বুদ্ধগী পাউতাকনা ইঙ্গিৎ অমা পীরি হায়না ভারতকী রাস্ত্রপতি শ্রী রাম নাথ কোবিন্দনা ফোঙদোকখি। লোর্দ বুদ্ধনা মীওইবদা কল্লকপা, নুংশিনদবা, হিংসা, মীহৌবা অমসুং অতোপ্পা ফত্তবা গুনশিং হরাও-নুংঙাইনা লৈনবা থাদোক্কদবনি হায়না তাক্লম্মি। মসিগী পাউতাক অসিগী তাইওন্নবদা হিংসা অমসুং মহৌশাদা অকায়বা পীবগী অপাম্বাদা য়াওশিনবদা মীওইবনা নিংঙমদবা নুংঙাইতবা পোক্তে। কোরোবাভাইরসকী খুদোংথিবা হন্থরকপা মীকুপ অদুদা ঐখোয়না অইং-অশাদা চাওনা অহোংবা লাকপগী খুদোংথিবা ঐখোয়গী মাংদা লৈরি হায়বা ঐখোয়না খংই।

রাস্ত্রপতি ভৱনদা ধর্ম চক্র পাল্লনগী থৌরম ওইনা ইন্তরনেস্নেল বুদ্ধিস্ত কনফিদরেসননা শিনবা ভরচ্যুল থৌরমদা অমদা ঙসি (জুলাই ২, ২০২০) রাস্ত্রপতিনা ৱা ঙাংখি। ‍

ভারত অসি বুদ্ধগী পোক্নফম লমদম ওইবা অসিদা ভারতনা চাওথোকচৈ হায়না রাস্ত্রপতিনা ফোঙদোকখি। ভারত্তা লোর্দ বুদ্ধগী অরান খুবম ফংখিবা অমসুং মহাক্না তাক্লমবা মরী লৈনবা পাউতাক অসি দিকেদ মরি অসিদা ইন্তেলেকচ্যুল লিবরেলিজম অমসুং স্পিরিচ্যুল কয়াগা লোয়ননা ভারতকী ইকাইখুম্নবগী চৎনবী অসিগা পুন্না চৎমিন্নদুনা লাক্লি। হৌজিক্কি মতম অসিদা ভারতকী তোপ-তোপ্পা লুচিংবা অনি- মহাত্মা গন্ধী অমসুং বাবাসহেব এম্বেদকর- অসিনা বুদ্ধনা তাক্লম্বা অদু ঙাক্তুনা অমসুং লৈবাক অসিগীদমক তৌখি।

মখোয়না চৎলম্বা লম্বেলদা ঐখোয়না চত্তুনা বুদ্ধনা তাক্লমবা অদু ইন্দুনা মসিগী অফবা লম্বেলদা চৎনবা হোৎনসি হায়না রাস্ত্রপতিনা ফোঙদোকখি। মালেম অসি অৱাবনা থল্লি, মসি মতম খরগী লোয়ননা মতম শাংনা ওইবা য়াই। নিংথৌশিং অমসুং শেল পাইবা মীওইনা ৱাখল লায়না নাবদগী পুন্সিগী অকি-তুজংবশিং অসিদগী ঙাকথোক্নবা বুদ্ধদা চংজফম লৌকিবগী ৱারী কয়া লৈরি। বুদ্ধগী পুন্সি অসিনা মমাংদা লৈরম্বা ফত্তবশিংবু শীংনৈ লোয়ননা মহাক্না অশোইবা অরানবনা থল্লবা মালেম অসিদা অৱাবা কোক্নবা লম্বী অমা থীখি।

ভারতকী রাস্ত্রপতিনা পীখিবা ৱারোল মপুং ফানা তানবা চানবীদুনা লিঙ্ক অসিদা নম্বীয়ু

ভারতকী প্রধান মন্ত্রী শ্রী নরেন্দ্রা মোদীনা মহাক্কী ভিদিওদা ৱা ঙাংবদা, গুরু পুর্নিমা হায়নসু খঙনবা অসাধ পুর্নিমাগী মহাক্না য়াইফ পাউজেল পীখি অমসুং লোর্দ বুদ্ধবু ইকাই খুম্নবা উৎখি।মোঙ্গোলিয়ন কঞ্জুরগী কোপিশিং মোঙ্গোলিয়াগী সরকারদা খুদোল তমখিবা অসিদা মহাক্না হরাওবা ফোঙদোকখি। লোর্দ বুদ্ধানা তাকপী-তম্বীরম্বশিং অমসুং মহাক্কী পন্দুম নিপালগী লম্বী অসিনা খুন্নাই অমসুং লৈবাক কয়া য়াইফনবা লম্বেলদা পুরি হায়না প্রধান মন্ত্রীনা হায়খি। মহাক্না হায় বুদ্ধ ধর্ম্মনা মীয়াম, নুপী, লাইরবা, শান্তি অমসুং অহিংসাবু ইকাই খুম্নৌ তাক্লম্মি অমসুং বুদ্ধি ধর্ম্মানা তাকপী-তম্বীরম্বা অসিনা গ্রহ অসিবু য়োকখৎনবা পাম্বৈ অমা ওইগনি। লোর্দ বুদ্ধানা আশা তৌবা অমসুং পান্দমগী মতাংদা হায়রম্মী অমসুং অনিসিগী মরক্তা অনকপা মরী অমা লৈ হায়বা খঙখি হায়না প্রধান মন্ত্রীনা হায়খি। মহাক্না ২১শুবা চহিচা অসিদা আশা কয়া তৌবা অমসুং মসিগী আশা অসি নহাশিংনা পীবনি হায়খি। ভারত অসি স্তার্ত-অপ খ্বাইদগী য়াম্না লৈবা অমা ওইরি মসিদা মঙাল লৈরবা নহা কয়াগী ৱাখলশিংনা মালেমগী অৱাবা কয়া কোকহল্লি হায়না মহাক্না ফোঙদোকখি।

ভারতকী প্রধান মন্ত্রীনা পীখিবা ৱারোল মপুং ফানা তানবা চানবীদুনা লিঙ্ক অসিদা নম্বীয়ু

থৌরম অসিদা ৱা ঙাংলদুনা কেন্দ্রগী কলচর (ইন্দিপেন্দেন্ত চার্জ) মন্ত্রী শ্রী প্রহলাদ সিংহ পতেলনা ইন্তরনেস্নেল বুদ্ধিস্ত কনফিদরেসন (আই.বি.সি.)না থৌরম অসি শীনবগীদমক মহাক্না থগৎপা ফোঙদোকখি। লোর্দ বুদ্ধগী ৱাখল্লোনশিং অসিনা লম কয়াগী ঙমখৈ লান্না শন্দোক্লি অমসুং ঙসি মহাক্কী পাউতাকনা মালেম পুম্বদা মঙাল পীরি হায়না শ্রী পাতেলনা হায়খি। কলচর মন্ত্রালয়না লৈবাক অসিদা অমদি মপালদা মোঙ্গোলিয়ন কঞ্জুরগী কোপী অমুক হন্না পুথোরক্লি হায়না মন্ত্রীনা মখা তাখি। শ্রী পতেলনা মোঙ্গিলিয়ন কঞ্জুরগী কোপীশিং ভারতকী রাস্ত্রপতি শ্রী রাম নাথ কোবিন্দ অমসুং ভারতকী মোঙ্গোলিয়াগী এম্বেসেদর ঐচ.ই. গোনচিং গনবোইদতা খুদোল তমখি অমসুং কলচর মন্ত্রালয়না মসিগী কোপীশিং অসি মোঙ্গোলিয়াগী মোনাস্ত্রী পুম্নমক্তা পীনবা ৱারেপ লৌখ্রে হায়না ফোঙদোকখি। শ্রী পতেলনা হায় মসি সেক্সন ১০৮ য়াওই অমসুং ঐখোয়না ভোল্যুম মঙা প্রিন্ত তৌরি অদুবু ঐখোয়না ৱাশক্লি মদুদি ভোল্যুম ১০৮ অসি ঐখোয়না মখোয়দা য়ৌহনগনি।

বুদ্ধিস্তকী ভোল্যুল ১০৮কী কেনোনিকেল তেক্সত মোঙ্গোলিয়ন কঞ্জুর অসি মোঙ্গোলিয়াগী খ্বাইদগী মরু ওইবা লাইনিং-লাইশোনগী তেক্স অমনি। মোঙ্গোলিয়ন মরোলদা “কঞ্জুর”গী অর্থদি লোর্দ বুদ্ধগী ‘অতেন্বা ওর্দরশিং’ হায়বনি। প্রধান মন্ত্রী শ্রী নরেন্দ্রা মোদীনা থৌগৎপগা লোয়ননা, মোঙ্গোলিয়ন কঞ্জুর অসি প্রোফেসর লোকেশ চন্দ্রাগী লুচিং মখাদা নেসনল মিসন ফোর মেন্যুস্ক্রিপ্তসনা নৌনা নমথোক্কদৌরি।

মাইনোরিতি এফিয়র্সগী স্তেৎ মন্ত্রী শ্রী কিরেন রিজিজুনা ধর্ম চক্র অমসুং প্রবর্তন সুত্রা অসি সংস্কৃততসু অচুম্বা মরি অমসুং পন্দুপ নিপালগী লম্বেলনা শাবা চক্র অহানবা উংবা অদুবুসু খংনৈ হায়না ফোঙদোকখি। শ্রী রিজিজু বুদ্ধ ধর্মনা তাকপীরম্বা অমসুং কান্নবশিং অসি ভারতকী থৌনা লিংজেল অমসুং চৎন-লোনচৎকী মশক তাকপদা অচৌবা থৌদাং লৌরি হায়না হায়খি। মন্ত্রীনা মখা তারদুনা ঐখোয়গী মমিং লৈরবা লমদম অসি বুদ্ধনা অরান খুবম অমসুং জ্ঞান ফংখিবা লমদম ওইখিবা অসিনা ঐখোয়বু বুদ্ধিস্তশিং খক নত্তনা বুদ্ধ ধর্ম্ম চৎলিবা অমসুং মালেম অসিদা মীনুংশিং অমসুং থৌজাল পামজবা মীওই খুদিংমক্কা অনকপা মরী লৈহল্লি। মসিনা ঐখোয়বু বুদ্ধিস্ত লৈবাক খুদিংগা অচেৎপা মরী থমহল্লি। শ্রী রিজিজুনা হায় বুদ্ধ ধর্ম্মদা থা অসি অচুম্বা অমদি অরান খুবম ফংবগী খুদম ওইরি। মীওইবা খুন্নাইবু পুন্না চাংয়েং তৌবগী চহিনি হায়না লৌনরিবা অসাধ পুর্নিমা, খ্বাইদগী অফবা পুরনিমা অমা ওইরিবা অসি লাকপদা ঐখোয়না পুন্না অচুম্বা ৱাখল্লোনশিং অমসুং বুদ্ধনা তাকপী তম্বীরম্বশিং অদু পুখত্তুনা মীওইবা পুম্নমক পুন্না হিংমিন্ননবা অমসুং য়াই ফনাবা পুন্না হোৎনগদবনি।

ধর্ম চক্র নুমিৎকী পাল্লনগী অসি ইন্তর্নেস্নেল বুদ্ধিস্ত কনফিদেরেসন (আই.বি.সি.)না ভারত সরকারগী কলচর মন্ত্রালয়গা খুশম্নরগা শিনখিবনি। মসি আই.বি.সি. অমসুং কলচর মন্ত্রালয়না মে ৭-১৬, ২০২০ ফাওবা মায় পাক্না শিনখিবা ভর্চ্যুল বেসক অমসুং গ্লোবল প্রেয়রগী মখা চত্থরকপনি। রোয়ল্তিশিং, বুদ্ধিস্ত সংঘশিংগী খ্বাইদগী মকোকশিং অমসুং মালেম পুম্বদগী মমিং লৈরবা মাস্তরশিং অমসুং স্কোলরশিং, আই.বি.সি. চেপ্তরশিং, ওর্গনাইজেসনশিংগী মেম্বর শরুক য়ারি।

*****