২০২৪ অমসুং ২০২৮ ওলেম্পিক্সতা সরকারনা মিৎয়েং থম্লিবা অমসুং কোচ অমগী মখাদা ভারতকী ওলেম্পিক্স-বাউন্দ শান্নরোইশিংনা লেপ্পা লৈতনা ত্রেন তৌবা ঙম্নবা অমসুং মখোয়গী পর্ফোমেন্স অদু হেঙ্গৎনবগীদমক ওলেম্পিক্স সাইকল অসিদা ফোরেন্দ অমসুং ভারতকী কোচশিংনা চহি ৪গী কন্ত্রেক অমা ফংলগনি৷

ৱারেপ অসিগী মতাংদা ৱা ঙাংলদুনা য়ুথ এফিয়স অমসুং স্পোর্তকী কেন্দ্রগী মন্ত্রী শ্রী কিরেন রেজিজুনা অসুম্না ফোংদোকখি মদুদি, “ লৈবাক অমগী স্পোর্তিং ইকোসিস্তেমদা কোচশিংনা য়াংলেন শরু ওইরি অমসুং ওলেম্পিক্স য়াওনা অচৌবা ইন্তরনেস্নেল তুর্নমেন্ত খুদিংমক্তা ভারতকী খুদোংচাবাশিং অদু হেঙ্গৎনবগীদমক ঐখোয়গী মচং ওইবা শান্নরোইশিংবু অচুম্বা কোচিং অমা ফংহন্নবগীদমক খোংথাং অসি য়াম্না মরু ওই৷ হায়রিবা ৱারেপ অসি ২০২৪ অমসুং ২০২৮কী ওলেম্পিক শরুক য়ানবগী শেম শাবদা ভারতকী লোং তর্ম মেপকী শরুক ওইরি৷ হায়রিবা খোংথাং অসিদগী ঐখোয়গী শান্নরোইশিংনা কানবা শোইদনা ফংগনি হায়না ঐনা থাজৈ৷”

কোচশিংগী চহি মরিগী কন্ত্রেক অসি কোচ অমগী মহাক্কী পর্ফোমেন্স অমসুং এন.এস.এফ.শিংগী রিকম্মেন্দেসন অদুগী মতুং ইন্না পীগদৌরি৷ কন্ত্রেক অদু চহি ৪ ওইবা তারবসু চহি খুদিংগী য়েংশিনগনি অমসুং অচৌবা ইন্তরনেস্নেল ইভেন্তশিংদা পীবা শান্নরোইশিংগী পর্ফোমেন্স অদুগী মতুং ইন্না কোচ অমগী ওবরওল পর্ফোমেন্স অদু য়েংলগা কন্ত্রেকগী মতম অদু শাংদোক্কনি৷

সরকারগী ৱারেপ অদুদা ইন্দিয়ন ওলেম্পিক এসোসিয়েসনগী প্রসিদেন্ত দা. নরিন্দর দ্রুব বত্রনা অসুম্না ফোংদোকখ্রে, “ ৱারেপ অসি ঐহাক্না ইকাই খুম্নৈ অমসুং স্পোর্ত মন্ত্রী, মন্ত্রালয় অমসুং সাইবু থাগৎচরি৷ স্পোর্ত মন্ত্রী, তোঙান তোঙানবা এন.এস.এফ.শিংগী মীহুৎশিং য়াওবা মমাংগী মীফম অমদা ইসু অসি পুথোকখ্রে অমসুং ফোরেন্দ কোচশিংগী কন্ত্রেক্কী মতম অদুসু শাংদোক্নবা হায়জখ্রে৷ হায়রিবা ৱারেপ অসিনা শান্নরোইশিংবু অচৌবা মওং অমদা মরু ওইনা থা খরগী ফোর্স ব্রেক লৈরিবা মতম অসিদা কান্নবা পীরগনি৷ হৌজিক লৈরিবা কোচশিং অসিনা শান্নরোইশিং অসিবু মশক ফজনা খঙই অমসুং মখোয়বু শোইদনা শেমগৎলগনি৷” মখা তানা দা. বত্রনা ফোংদোকখ্রে মদুদি, “ কোচশিং য়াম্না তোইনা হোংদোক হোংজিন তৌবা অসিনা নৌনা থেংনরিবা কোচ অমসুং শান্নরোই অমগী মরক্তা অনৌবা শাজৎ অদু মতৌ তমগদৌরিবনি৷ মসিনা তোইনা শান্নরোই অদুগী পর্ফোমেন্সকী লেভেল অদু অথিংবা পী৷ হায়রিবা ৱারেপ অসি ২০২২দা পাংথোক্কদৌরিবা এসিয়ন গেম্স অমসুং ২০২৩দা লৈরিবা ৱল্দ চেম্পিয়নশিফ অসিদা পোজিতিব ইম্পেক ফংগনি হায়বগী থাজবা লৈ৷ কোচশিংনা লেপ্পা লৈতনা হোৎনবা অসিনা শান্নরোইশিংগী পর্ফোমেন্স অদু শোইদনা হেঙ্গৎহল্লগনি অমসুং ভারতকী অহেনবা মেদলশিং ফংবা ঙম্লগনি৷”

২০২০গী তোকিও ওলেম্পিক্সনা মথংগী চহিদা য়ৈথোকখিবা অসি য়েংলগা মীরমগী কোচশিংগী কন্ত্রেক্কী মতম অদুসু ২০২১গী সেপ্তেম্বর ৩০ ফাওবা শাংদোক্লগনি৷

*****