ধর্মচক্র নুমিৎ পাংথোকপা ওইনা হয়েং নই দিল্লীগী রাস্ত্রপতি ভাবন্দা ভারতকী রাস্ত্রপতি রাম নাথ কোবিন্দনা অসাধ পুর্নিমা থৌরমশিং হৌদোক্কনি। থৌরম অসিদা ভিদিও মেসেজগী খুৎথাংদা থৌরম অসিদা প্রধান মন্ত্রী নরেন্দ্র মোদীনা ৱা ঙাংগনি। হয়েং রাস্ত্রপতি ভাবন্দা পাংথোক্কদৌরিবা থৌরম অসিদা ভারত্তা লৈবা মোঙ্গোলিয়াগী এম্বেসেদর গোনচিং গানবোইদনা মোঙ্গোলিয়াগী রাস্ত্রপতি খালমাগিন বাতুলগাগী অখন্নবা পাউজেল পাথোক্কনি।

ভারত সরকারগী কলচর মিনিস্ত্রীগা লোয়ননা ইন্তরনেস্নেল বুদ্ধিস্ত কাউন্সিলনা ধর্মচক্র নুমিৎকী থৌরমশিং পাংথোকপনি। কাউন্সিল অমসুং কলচর মিনিস্ত্রী অনিনা ২০২০গী মে ৬-১৬দা মাইপাক্না ভর্চুএল ভেশাক অমসুং গ্লোবেল প্রয়ার ৱিক পাংথোকখ্রবা মতুংদা থৌরম অসি পাংথোকলকপনি।

হৌদোকপগী থৌরমদা কলচর মিনিস্তর (মনিংতম্বা) প্রহলাদ সিংহ পতেল অমসুং মাইনোরিতী এফেয়ার্সকী রাজ্য মন্ত্রী কিরেন রিজিজু ৱা ঙাংগনি।

নুমিৎ অদুগী অতৈ লেমহৌরবা থৌরমশিং মহাবোদ্ধি সোসাইতি ইন্দিয়া অমসুং বুধ গয়া তেম্পল মেনেজমেন্ত কম্মিতনা শীন্দুনা মুলাগন্ধা কুতি বিহারা, সর্নাথ অমসুং মহাবোধি তেম্পল, বোদ্ধ গয়াদগী শন্দোক্কনি। থৌরম অদুগী লাইব https://youtu.be/B5a2n1iX0M8 দা য়েংবা ফংগনি।

মালেমগী মফম কয়াদগী লাকপা অঙম-অথৌশিং, বুদ্ধিস্ত সঙ্গশিংগী লুচিংবশিং, শক্নাইরবা অখঙ-অহৈশিং অমসুং ইন্তরনেস্নেল বুদ্ধিস্ত কাউন্সিলগী মেম্বরশিং থৌরম অসিদা শরুক য়াগনি।

*****