এন.বি.এফ.সি.শিংগা লোয়ন-লোয়ননা ঐচ.এফ.সি.শিংগী শেল-থুমগী ফীভম ফগৎহন্নবদা মীৎয়েং অমদা ফাইনান্স অমসুং কোর্পোরেৎ এফেয়র্সকী কেন্দ্র মন্ত্রী শ্রী নির্মলা সিতারমন্না মার্চ ১৩, ২০২০দা লুপা কোতী ৩০,০০০গী অখন্নবা লিক্বিদিতী স্কীম অমা হৌদোকখি। আর.বি.আই. ত্রস্ততগী থোকপা সরকারগী গরেন্তিগী ওইবা অখন্নবা সেক্যুরিতীশিং অসি লৈদুনা স্কীমসিগীদমক্তা শেনফমশিং পীগনি। অসিগুম্বা সেক্যুরিতীশিং অসিগীদমক্কী অপুনবা শেনফম অদু কৈদোনুংদা লুপা কোতী ৩০,০০০দগী শুকহেন হোল্লোই। ভারত সরকারগী ত্রস্তগী পীবা অখন্নবা সেক্যুরিতীশিংসিগীদমক্তা ৱাফম অমত্তা য়াওদনা অমসুং হোংবা লৈরোইদবা গরেন্তী ফংহনগনি। মসিগী স্কীম অসি জুলাই ১, ২০২০দা এস.বি.আই.গী কেপিতেল মার্কেৎস লিমিতেদ(এস.বি.আই.কেপ.)তগী লিংখৎখিবা এস.এল.এস. ত্রস্তকী ওইনা স্পিসিএল পর্পজ ভিহিকলগী মওংদা হৌদোক্কদৌরি।

রিজর্ব বেঙ্ক ওফ ইন্দিয়াএক্ত, ১৯৩৪(মরুওইবা ইনভেস্তমেন্ত কম্পনিগী মওংদা রেজিস্তর তৌবা নত্তবা)গী মখাদা আর.বি.আই.দা রেজিস্তর তৌরবা মাইক্রোফাইনান্স ইন্সতিত্যুসনশিং য়াওনা এন.বি.এফ.সি. অমা হেক্তনা অমসুং নেস্নেল হাউসিং বেঙ্ক এক্ত ১৯৮৭গী মখাদা নেস্নেল হাউসিং বেঙ্ক(এন.বি.এফ.)তা রেজিস্তর তৌরবা মখাদা পীরিবা ৱাফমশিং অসি ঙাক্না চৎপা ঐচ.এফ.সি. অমা হেক্তনা হায়রিবা ফন্দ অসি লৌবদা মতিক চাবা ওইগনিঃ

1. কেপিতেল কোন্ননবগী মতাংদা আর.বি.আই.গী চৎন-কাংলোনশিং ঙাক্না চৎপা।

b. ৩১.০৩.২০১৯গী মতুং ইন্না অপুনবা এন.পি.এ. অসি চাদা ৬তগী হন্থবা।

c. হৌখিবা শেনবা চহিসিদা য়ামদ্রবদা অপুনবা খুদোংচাবা অমা ফংবা।

d. রেতিং এজেন্সিদগী ইনভেস্ত গ্রেদকী রেতিং অমা ফংবা।

e. ০১.০৮.২০১৮দগী চহি অমগী মমাংদগী মতমদা বেঙ্ক অমদগী হেক্তা পুনবগীদমক এস.এম.এ.- ১ নত্রগা এস.এম.এ.-২ গ্রেদকী মখাদগী রিপোর্ত তৌখিদ্রিবা।

সব্সক্রিপ্সনগীদমক মসিগী স্কীম অসি ত্রস্তনা থা ৩ ফাওবা হাংদুনা থমগনি। ত্রস্ততগী শেল পুগদবগী মতম( এন.বি.এফ.শিং/ঐচ.এফ.সি.শিংগী সি.পি.শিং/এন.সি.দি.শিংগী অতেনবা মতমগী ওইনা নুমীৎ ৯০) নুমীৎ ৯০ ফাওবা ওইগনি। শেল পীগদবা অসি এন.এফ.বি.সি শিং/ঐচ.এফ.সি.শিংনালৈরিবা লিএবিলিতিশিং অদু শিঙ্গৎলক্নবখক্কী ওইনা শিজিন্নগনি অমসুং এসেৎশিং অদু শাংদোকহনবগী ওইনদি শিজিন্নরোই। মসিদা নত্তনা লেমহৌরিবা নুমীৎ ৯০নিগী নুমীৎ শুগদবা ৱাৎলিবা অদুগা লোয়ননা চৎনবা য়ারবা ইনভেস্তমেন্ত অদুদগী থোরকপা পাম্লগদি মখোয়শিং অদুসু এস.এল.এস. ত্রস্ততা পাও ফাওনবা য়াগনি।

মসিগী খুদোংচাবা অসি ভারত সরকার অমসুং রিজর্ব বেঙ্ক ওফ ইন্দিয়ানা মসিদগী সেক্তর অসিদা ফন্দ পীদুনা মার্কেত্তা শরুক য়ারিবশিংগী অৱাবশিং অদু হন্থনবা হোৎনখিবশিং অদুগী শরুক্নি। স্কীম অসিদগী শেল লৌবা পাম্বশিংনা info@slstrust.inদা এপ্লাই তৌবা য়াগনি। স্কীম অসিগী মরিক চুম্বা ৱারোলশিং অদু এস.বি.আই. কেপিতেল মার্কেৎসকী ৱেবসাইত্তা য়েংবা য়াগনি।

এন.বি.এফ.এস./ ঐচ.এফ.সি.গীদমক্তা অখন্নবা লিক্বিদিতি স্কিমদা আর.বি.আই.গী মায়কৈদগী জুলাই ১, ২০২০দা থোকপা স্রকুলর অমা হাপ্লি।

*****