ইলেক্ত্রোনিক্স এন্দ আই.তি., কমুনিকেসন এন্দ লো এন্দ জস্তিসকী কেন্দ্র মন্ত্রি শ্রী রবি শঙ্কর প্রসাদনা হায় মদুদি দিজিতেল খোংচৎনা এমপৱরমেন্ত, ইনক্লুসন অমদি দিজিতেল ত্রান্সফোর্মেশনদা পুক্নিং চিংশিন্দুনা ভারতকী প্রজা মীয়ামগী পুন্সিগী মাইকৈ খুদিংদা কান্নবা ফংহল্লে। ভারতকী দিজিতেল ইন্দিয়া প্রোগ্রাম চহী ৫ খোংচৎকী থৌরম পাংথোকপদা ভিদিও কনফরেন্সিংগী খুৎথাংদা মহাক্না হায় মদুদি হৌজিক ওইরিবা লাইচৎকী ফিভম অসিদা জাম ত্রিনিতি (জন ধন, আধার অমসুং মোবাইল)বু থাগৎপা ফোংদোক্লি মরমদি মসিনা মীয়ামবু য়ুম-য়ুমদগী থবক শুহনবা অমদি দিজিতেল পেমেন্ত তৌহল্লে, মহৈরোইশিংবু তিভি, মোবাইল অমদি লেপতোপকী খুৎথাংদা লাইরিক তম্বা ফংহল্লে, অনাবাশিংশু মোবাইলগী মতেংনা দোক্তরগা অদুমক তান্নবা ফংহল্লে অমদি ভারতকী অথাপ্পদা লৈবা খুংগংগী লৌমীশিংদশু - পি.এম. কিসানগী খুদোংচাবশিং মশা-মশাগী বেংক একাউন্ততা হাপতুনা ফংহল্লে।

কনফরেন্স অদু দিজিতেল ইন্দিয়া প্রোগ্রামনা চহী ৫ শুরকপদা দিজিতেল ভারত- আত্মানির্ভর ভারতকী মায়কৈদা চংশিল্লকপা খোংথাংগী থৌরম অমা ওইনা ইলেক্ত্রোনিক্স এন্দ ইনফোরমেসন তেক্নোলোজি মন্ত্রালয়না পাংথোকপনি। থৌরম অদুদা ইনফোরমেসন তেক্নোলোজিগী মন্ত্রি শ্রী রবি শঙ্কর প্রসাদ, ইলেক্ত্রোনিক্স এন্দ ইনফোরমেসন তেক্নোলোজিগী স্তেত মন্ত্রি শ্রী সনজয় ধোত্রে, এদিসনেল চিফ সেক্রেতরি শ্রী নন্দন নিলকেনি, স্তেত খুদিংমক্কী আইতি সেক্রেতরিশিং, মিনিস্ত্রিশিংগী থৌপুবশিং, ইন্দস্ত্রি অমদি একাদেমিয়াশিং। কনফরেন্স অদুদা মালেম পুম্বদগী দিলিগেত ১৫০০ না শারুক য়াখি।

হৌখিবা চহী ৫গী দিজিতেল ইন্দিয়া খোংচৎ অসি এমপৱরমেন্ত, ইনক্লুসন অমদি দিজিতেল ত্রান্সফোর্মেশনদা য়ুমফম ওইবনি। মসিনা আধার, দাইরেক্ত বেনেফিত ত্রান্সফর, কমন সর্বিস সেনতরশিং, দিজিলোক্কর, মোবাইলদা য়ুমফম ওইবা উমং সর্বিসশিং, মাইগোভকী খুৎথাংদা পার্তিসিপেতরি গোভরনান্স, জিৱন প্রমান, য়ু.পি.আই., অয়ুশমান ভারত, ই-হোসপিতাল, পিএম-কিসান, ই-নাম, শোইল হেল্ত কার্দ, স্বয়ম, স্বয়ম প্রভা, নেস্নেল স্কোলরশিপ পোরতেল, ই-পাথশালানচিংবা কয়াশিং অসিনা ভারতকী প্রজা মীয়ামগী পুন্সিগী মাইকৈ খুদিংদা কান্নবা ফংহল্লে। তুংদা লাক্কদবা এআই পৱরদা য়ুমফম ওইবা ‘নেস্নেল এআই পোর্তেল’ অমদি ‘রেসপোনসিবল এআই ফোর য়ুথ’ হায়বা থৌরাংশু ইকুই-কুইদ্রিবা মতমদা হৌদোকখ্রে। দিজিতেল ইন্দিয়াগী অনৌবা থৌরাংশিংনা কোভিদ-১৯গী মতম অসিদসু য়াম্না চাউবা থৌদাং লৌরি, মরু ওইনা আরোগ্য সেতু, ই-সনজিভনি, মাইগোভগী খুৎথাংদা সেন্সিতাইজেসন অমদি সোসিয়ল মেদিয়াগী ফম্বাকশিং অসিনচিংবনি।

দিজিতেল শিজিনবগী মশিংশিংদা পুক্নিং চিংশিল্লদুনা কেন্দ্র মন্ত্রিনা হায় ই-সর্বিসশিং ইং ২০১৪ দা ২,৪৬৩ওইরম্বদগী ইং ২০২০গী মে ফাওবদা ৩,৮৫৮তা হেনগৎলে অমসুং ইং ২০১৪ দা নোংমগী ওইবা ইলেক্ত্রোনিক ত্রাঞ্জেক্সন লাক্ষ ৬৬ ওইরমবদগী ইং ২০২০দা কোতি ১৬.৩দা হেনগৎলে, মীওই কোতি ১২৫.৭ দা আধার ফংহনখ্রে অমসুং মীওই কোতি ৪,২১৬ তা অশেংবা শক্তাক উৎনবগী খুদোংচাবসু ফংহনখ্রে। মিনিস্ত্রি ৫৬কী স্কিম ৪২৬কীদমক লুপা কোতি লাক্ষ ১১.১গী দাইরেক্ত বেনিফিৎ ত্রান্সফর তৌখ্রে অমদি মসিনা মরম ওইদুনা সেভিং লুপা কোতি লাক্ষ ১.৭ পুত্থরে। জন ধন একাউন্তকী খুদোংচবা ফংবা মশিং কোতি ৩৮.৭৩ য়ৌখ্রে অমদি মসিগা লোয়ন্না বেঙ্ক একাউন্ততা পুন্না লুপা কোতি লাক্ষ ১.৩৩গী খুদোংচাবসু ফংহনখ্রে।

মোবাইল অমসুং ইন্তর্নেত কনেক্সনশিং অসি মথংশিৎনা য়ুজর কোতী ১১৭ অমসুং কোতীনা৬৮.৮না শিজিন্নরি। জুলাই ১, ২০১৫দা হৌদোকখিবা দিজিতেল লোক্কর অসিগী ওইনা কোতী ৩৭৮কী চে-চাং পিখ্রে। য়ুনিফাইদ মোবাইল এপ ফোর ন্যু এজ গবর্নান্স(উমঙ্গ) অসিদা ৮৬০+ কী মথৌ পাংথোকপা সর্ভিসশিং অমসুং কোতী ৩দগী হেনবা দাউনলোদজশিং তৌখ্রে হাযনা মহাক্না মখা তানা ফোংদোকখি। প্রধান মন্ত্রীনা মন কী বাতকী খুদোংচাবশিং ফংহনবা মতমদুদা শরুক য়ারিবা মীওই কোতী ১.১৭না রেজিস্তর তৌরদুনা মাইগোভঅসি হৌদোকখি।

কোবিদ- ১৯গী ফীভম অসিদা অকনবা মীৎয়েং থমদুনা চয়োল ৩গী গ্রাওন্দ-ব্রেকিং ওইনা শেমগৎলকপগী মতমগীদমক্তা অরোগ্যা সেতু অমসুং কোই ও.এস.কী ওইনা অহেনবা কোতী ৩গা কোন্ননা ভারতকী লোন ১২দা কোতী ১৩ দাউনলোদ তৌবা য়াহনবা দিজিতেল ইন্দিয়াগী থবক-থৌরাংশিং অসিনা কোবিদ-১৯ হোৎস্পোৎ ৩৫০ মশক খংদোক্নবদা মতেং ওইখি হাযনা ফোংদোকখি। মহাক্না মখা তানা মাইগোব অমসুং সোসিএল মেদিয়াগী প্লেৎফোর্মশিংনা মাইগোভকী ৱেবসাইত্তগী য়ুজর ফ্রেন্দলি ওইবা গ্রাফিক্স, ভিদিও, কোতশিং অসিনা অমসুং ফেসবুক, ত্বীতর, ইন্সতাগ্রাম, লিঙ্কইন্দিযা,তেলিগ্রামঅমসুং য়ুত্যুবনচিংবা সোসিএল মেদিয়াগী চেনেল পুম্নমক অসিনা লায়চৎ অসিবু তেক্কল তৌবদা য়াম্না মরুওইবা থৌদাং লৌই হায়না মহাক্না মখা তানা ফোংদোকখি। মহাক্না ই-সঞ্জিবনি, সমহার-কোবিদ-১৯, আয়ুশ সঞ্জিবনি মোবাইল এপ অমসুং ভি.সি. অমসুং ই-ওফিসনচিংবা থবক-থৌরাংশিংগী মতাংদা মরিক চুম্না হায়খি।

থৌরম অদু লোইশিল্লকপদা মহাক্না দিজিতেল ইন্দিয়াগী মায় পাক্না পাংথোকপা ঙমকিবশিং অসি কেন্দ্র সরকার, রাজ্য সরকার, ইন্দস্ত্রীশিং অমসুং মহৈ-মশিংগী লমদা লৈরিবশিংনা তীম ইন্দিয়াগী মরুওইবা শরুক অপুম্বা ওইরিবশিংনা পুন্না হোৎনদুনা লৌমিন্নখিবা থৌদাংশিং অদু অমুক্কা হন্না পন্দুনা ৱাফম ফোংদোকখি। অরোইবা ওইনা মহাক্না ২১শুবা চহি চা অসিদা ভারতকী মীশিং অমসুং মালেম অসিগী য়াইফনবগীদমক্তা ভারতকী হৈথোই-শিংথোইরবা মীশিংগী তেলেন্ত পুল, তেক্নোলোজীনা মমাং থাবগী ওইবশিং অমসুং জিও-পোলিতিকেলগী খুমাং চাওশিনবশিং অসি মেক ইন ইন্দিয়ানা ইথিল পীবা ঙম্বা লৈবাক অমা ওইহনবনি হায়না ফোংদোকখি।

থৌরম অদুদা পব্লিক দিজিতেল প্লেৎফোর্মশিংগী মতাংদা পেনেল দিসকসন অমা তৌখি। মৈতিগী সেক্রতরী শ্রী অজয় সাওনেনা ‘তুংগীদমক্তা দিজিতেল ইকোনোমীগীদমক্তা সরকারগী দিজিতেল প্লেৎফোর্মশিং শেম্বা’গী মতাংদা ৱাফম ফোংদোকখি। ইনফোসিসকী নন-একজিক্যুতিব চেয়র্মেন শ্রী নন্দন নিলেকানিনা থবক পাংথোকপা ঙম্বা অমা ওইনা, তেক্নোলোজীগী কস্তমর অমা ওইনা, প্লেৎফোর্ম ফংহমনবা ঙম্বা ওইনা দাইমেন্সন মরী লৈবা অমসুং ৱাথোক কয়াগী ৱারোইশিন পুরকপা ঙম্বা সরকার ওইনা য়াওরবা ই-গবর্নমেন্ত শেমগৎপদা মীয়াম-লনাই শরুক য়ামিন্নবগী মোদেলশিংগা মরি লৈননা অমসুং মায় পাক্না পাংথোকপগী মতাংদা ৱা ঙাংখি। মহাক্না লৈবাক অসিদা দিজিতেল ইন্দিয়া অসি মায় পাক্না থবক পাংথোকপা অসিগীদমক ইকাইখুম্নরবা মন্ত্রীবু য়াইফ-পাওজেল পীখি। আত্মনির্ভর দিজিতেল সিস্তেমশিং শেম্বগী থবক অসি পাক-চাওনা পাংথোক্লি। ‘আত্মনির্ভরতা’ নত্রগা ‘ইরোমদোম লেপচবা ঙম্বা’ অসিনা লৈবাক অসিগী শেন্মিৎলোন অমদি খুন্নাই অসি চাওখৎহনবদা ইন-হাউসকী চাং অমসুং থবক পাংথোকপগী মঙম অদু ফগৎহনবা হায়বনি।

*****