সাইন্স অমসুং তেক্নোলোজী মন্ত্রালয়

“ ঐগী মিৎয়েংদা সাইন্স” হায়বা থিমদা দি.এস.তি-এস.ই.আর.বিনা ইনসাগা লোয়ননা পাংথোক্কদবা ফোতো অমসুং ফিল্ম চাংদম্নবা হৌদোক্লে

Posted On: 30 JUN 2020 5:29PM by PIB Imphal

ইন্দিয়ান নেস্নেল সাইন্স একাদেমি(ইনসা) অমসুং সাইন্স এন্দ ইঞ্জিনিয়ারিং রিছর্স বোর্দ(এস.ই.আর.বি)না ফোতো/লাই য়েকপা অমসুং মিনিত ১ শাংবা ফিল্ম চাংদম্নবা অমা শীল্লি । চাংদম্নবা অসিগী পান্দমদি মীয়াম মখোয়না পাংথোক্লিবা থবকশিং অদুগী ৱাংমদা লৈরিবশিং উনবা মতেং পাংবা অমসুং মখোয়গী অকোয়বদা লৈরিবশিং উবা, খঙবা অমসুং সাইন্স খঙহনবদা মতেং পাংনবনি । নৈনবা অমগা লোয়ননা য়েংবা অসিনা সাইন্সকী ওইবা ৱাখল্লোনশিং লৈহনগনি অমসুং রিছর্স অমসুং অফবা অনৌবা থবকশিং পায়খৎনবা পুক্নিং থৌগৎনি ।

চাংদম্না অসিগী পান্দমদি “ঐগী মিৎয়েংদা সাইন্স” হায়বনি । মসিগী মরুওইবা পান্দম অসিগী মখাদা চুনবা সব-থিম অমা হেক্তা খনবা য়াগনি । সব-থিমশিংগী খুদম খরদি লেব, চাকশঙ, শান্নবা, হোস্পিতাল, য়ুম, থবক মফমদা সাইন্স অসিনি । কোবিদ-১৯, হকচাং ফনা লৈবা পুন্সি, জিও-হেরিতেচ, হকশেল, স্পেস অমসুং সব-থিমগী মখাদা কোনশিনবা হিরম অমদা হেক্তা চাংদম্নবা অসিগী থবক পায়খৎপা য়াগনি ।

দিপার্তমেন্ত ওফ সাইন্স এন্দ তেক্নোলোজিগী সেক্রেতরি প্রোফেসার অসুতোস শর্মনা হায়খি মফম খুদিংদা সাইন্স অমসুং মী খুদিংমক্কী সাইন্স হায়বা অসিগী খুৎথাংদা খুন্নাই অসি সাইন্সকী ৱাখল্লোন লৈহন্নবা, নহারোলশিং মগুন লৈনবা লৌশিং ফংহন্দুনা চাউখৎ-থৌরাংদা মতেং পাংহন্নবা অমসুং অত্মানির্ভর ভারত অমগী শেন-থুমগী দরকার ওইবশিং ফংনবা সাইন্স অসি মী খুদিংমক্কী ওইহনবা তঙাইফদে ।

 চাংদম্নবা অসিদা ভারতমচাশিং খক্তা শরুক য়াবা য়াগনি । শরুক য়াবগী ফি লৌরোই । শরুক য়াগদবশিং অদু কাংলুপ অহুম-দোক্তোরেল মহৈরোইশিং(পিঐচ.দি)অমসুং পোস্ত-দোক্তোরেল ফেল্লোশিং, এম.বি.বি.এস, এম.এস, এম.দি, এম.তেক, এম.বি.এনচিংবা প্রোফেসনেল দ্রিগ্রি তম্লিবশিং অমসুং দোক্তরশিং, ইঞ্জিনিয়ারশিং, তেক্নিকেল স্তাফশিং, ফিল্ম মেকরশিং, পেরা-মেদিকোশিং হায়না খাইদোক্লি । মীওই অনিগী কাংবু অমা শেম্বদু থবক তৌবা য়াগনি । এন্ত্রি অদু লনাই ওইনা নৎত্রগা মীওই অনিগী কাংবু অদুগী মিংদা শরুক য়াবা য়াগনি ।

 এন্ত্রিশিং ইলেকত্রোনিক ওইনা ২০২০গী জুন ৩০গী অয়ুক পুং ১১ অমসুং ২০২০গী জুলাই ১৫গী নুংথিল পুং ৫ ফাওবগী মনুংদা পীশীনবা য়াগনি ।

অকুপ্পা মরোলশিং খঙবা য়াগনি :

http://www.insaindia.res.in/scroll_news_pdf/INSA_SERB_Competition.pdf)

*****



(Release ID: 1635450) Visitor Counter : 61


Read this release in: English , Hindi , Marathi , Tamil