---মোহম্মদ ফৈয়াজ অনৱরনা ইবা

নেস্নেল সেন্তর ফোর পোলার এন্দ ওসীন রিসর্চ (এন.সি.পি.ও.আর.) অমসুং গোৱা য়ুনিবর্সিতী (জি.য়ু.)না নন-তোক্সিক, শেল য়াম্না চংদবা অমসুং ইকো-ফ্রেনলি ওইবা থৌওংগী খুত্থাংদা সাইক্রোতোলরেন্ত অন্তার্তিক বেক্তরিয়া শিজিন্নদুনা গোল্দ নেনোপার্তিকলশিং (জি.এন.পি.) মায় পাক্না শুংদোকপা ঙমখ্রে। এন.সি.পি.ও.আর. অমসুং জি.য়ু.না স্তদী অমগী খুত্থাংদা স্ফেরিরিকেল মওং ওইবা এন.এম. ২০-৩০ চাউবা জি.এন.পি.শিং অসি লাকশিল্লবা অকোয়বগী মনুংদা শুংদোকপা য়াই হায়না খংবা ঙমখি। মসিগী জি.এন.পি.শিং অসি এন্তি-কেন্সর, এন্তি-ভাইরেল, এন্তি-দাইবেতিক অমসুং কোলেস্তেরোল হন্থহন্নবা হিদাকশিংগী ওইনা কম্পোজিৎ থেরাপ্যুতিক এজেন্ত ক্লিনিকেল ত্রাইএলদা শিজিন্নবা য়াই।

এন.সি.পি.ও.আর.-জি.য়ু.গী স্তদী অমদা সলফেৎ রিদ্যুসিং বেক্তরিয়া (এস.আর.বি.)দা ওইহনবা জি.এন.পি.গী জেনোতোক্সিক ইফেক্ত পুথোকখি। এস.আর.বি. চাওখৎহনবা থিংদুনা অমসুং মসিনা সলফাইদ পুথোকপগী থৌওংবু বেক্তরিএল সেলগী দি.এন.এ.গী জেনেতিক্কী ই-পাউশিংবু মাংহন্দুনা জি.এন.পি.শিংনা মতিক চাবা এন্তি-বেক্তরিএলগী গুনশিং উৎলি। জেনোতোক্সিসিতী হায়বদি কেমিকেল এজেন্ত অমনা দি.এন.এ.গী জেনেতিক্কী ই-পাউশিং মাংহন্দুনা কেন্সর ওইহল্লকপা য়াবা সেলগী ম্যুতেসন তৌবা থিংবা ঙম্বগী মতিক অদুবুনি।

নেনোপার্তিকলশিং (এন.পি.শিং) অসি বাইওমেদিকেল, ওপ্তিকেল অমসুং ইলেক্ত্রোনিক্সকী থিজিনবদা পাক শন্না শিজিন্নবা য়াই। মেতাল্লিক এন.পি.শিং অসি বাইওমেদিকেল এপ্লিকেসনগী থৌওং কয়াগী ওইনা নিংথিনা শিজিন্নরি অমসুং মসিগী মনুংদা জি.এন.পি.শিং অসি বাইওমেদিকেল রিসর্চতা য়াম্না কান্ননা শিজিন্নবা য়াই হায়বা খংলে।

হৌজিক, নেনোতেক্নোলোজী অমসুং নেনোপার্তিকল হায়বসি করিনো? নেনোতেক্নোলোজী হায়বসি লাকশিনবা মওংদা এন.এম. ১ (নেনোমীতর) অমসুং এন.এম. ১০০ (এন.এম. ১গা এম. ১০^-৯গা মান্নৈ) গী মনুংদা লৈদুনা চাওবা অনৌবা অমসুং নোভেল মেতরিএলশিং পুথোকপগী তেক্নোলোজী অমনি। অমসুং এন.পি.শিং অসিনা নেনোমীতর ১০০দগী য়ামদ্রবদা দাইমেন্সন অমা তাথবা মেতরিএলশিংনি। এন.পি.শিং অসি য়াম্না ৱাংবা সরফেস-তু-ভোল্যুম রেসিও লৈ অমসুং মখোয়না দিফ্যুসন, মরু ওইনা হেনগৎপা তেম্পেরেচরদা, তৌনবা অকনবা শাফু পীবা ঙম্মি। সিন্তরিং, লিক্বিফেক্সন য়াওদনা মৈশা পীদুনা মপঙ নত্ত্রগা পোরস মাস ওলহনবা, অসি অচৌবা পার্তিকলশিংগা চংদম্নবদা অতেনবা মতমদা অনেম্বা তেম্পেরেচরদা পাংথোকপা ঙম্মি। জি.এন.পি.শিং অসি সনাগা (১০৬৪^০ সি.)গা চাংদম্নবদা য়াম্না নেম্বা তেম্পেরচর (৩০০^০ সি.)দা শৌদোকই। এন.পি.শিং অসিনা নুংতিগী শিজিন্নবা পোত্থোকশিংদা তোঙান তোঙানবা অপাম্বা অমসুং কান্নবা মতিক মগুন হাপ্পা ঙম্মি হায়বা খংলে। খুদম ওইনা হায়রবদা জি.এন.পি.শিং অসিনা নুমিৎকী রেদিএসন সনা মতুম অমদগী হেন্না চুপশিনবা ঙম্মি খংবা অসিনা ফোতোভোলতাইক সেল শাবগী ইন্দস্ত্রীশিংদা শিজিন্নবা য়াবা চান্নবা পোৎশক অমা ওই।

জি.এন.পি.শিং অসি ওপ্তিকেলগী মগুনশিংশু লৈ। খুদম ওইনা হায়রবদা, এন.এম. ১০০গী ম্থক্তা লৈবা পার্তিকলশিংনা ঈশিংদা হিগোক নত্ত্রগা ভায়োলেৎ মচু উৎলি অমসুং এন.এম. ১০০গী গোল্দ কোলোইদেল পার্তিকলশিংদনা অঙাংবা মচু ওই। মখোয়শিং অসি থেরাপ্যুতিক ইমেজিং তৌবদা শিজিন্নবা য়াই। জি.এন.পি.শিং অসি য়াম্না তোঙানবা ফিজিকোকেমিকেলগী গুনশু চেল্লি। মখোয়গী বাইওকম্পেতিবিলিতী, সর্ফেস এরিয়া ৱাংবা, স্তেবল ওইবা উমসুং নন-তোক্সিসিতী ওইবা অসিনা লায়না খংদোক্তুনা লাইওং পুথোকপা ঙম্বা, বাইও-লেবেলিং উমসুং তার্গেতেদ দ্রগ দেলিবরী তৌবা য়াওনা থেরাপ্যুতিক্কী হীরম কয়াদা শিজিন্নবদা চান্নৈ। জি.এন.পি.শিং অসি নেনো-কেরিয়র ওইনা পেপ্তাইদশিং, প্রোতিনশিং, প্লাস্মিদ দি.এন.এ.শিং, অপিকপা ইন্তর্ফরিং আর.এন.এ.শিং অমসুং কেমোথেরাপ্যুতিক এজেন্তশিংদগী শাবা হিদাকশিংবু মীওইবগী হকচাংদা য়াওরিবা অনাবা সেলশিংদা চংহনবা য়াই।

জি.এন.পি.শিং অসি ইলেক্ত্রোনিক্স ইন্দস্ত্রীশিংদশু শিজিন্নবা য়াই হায়বা খংলে। সাইন্তিস্তশিংনা জি.এন.পি.শিং অসি পোরস মেঙ্গানিজ ওক্সাইদতা রুম তেম্পেরেচর কেতালিস্ত ওইনা হাপ্তুনা নুংশিত্তা য়াওবা ভোলাতাইল ওর্গানিক কম্পাউন্দশিংবু কায়থহন্দুনা অমসুং ওর্গানিক মোলিক্যুলশিংগা পুনশিন্নদুনা নোম্ফেৎ (নেনোপার্তিকল ওর্গানিক মেমোরী ফিল্দ ইফেক্ত ত্রাঞ্জিস্তর) হায়না খংনবা ত্রাঞ্জিস্তর অমা শাখ্রে। নোম্ফেৎশিংনা প্লাস্তিসিতী হায়না খংনবা মীওইবগী সাইনেপ্সকী মওং মতৌশিং নত্ত্রগা ন্যুরোন অমদগী ন্যুরোন অমদা চেল্লিবা ইথিলগী খোংজেল অমসুং মপাঙ্গলগী মতৌ তম্বা ঙম্মি। মসিগী নোভেল ত্রাঞ্জিস্তরশিং অসিনা হৌজিক্তি মীওইবগী কোগ্নিতিব প্রোসেসকী অখন্নবা মখল খরগী মওং-মতৌশিং, খুদম ওইনা হায়রবদা মমিবু মশক খংদোকপা ঙমদুনা আর্তিফিসিএল ইন্তেল্লিজেন্সতা শিজিন্নবা য়াহনবা, চপ মান্ননা পুথোকপদা তেংবাংবা ঙম্লে।

এন.সি.পি.ও.আর. অমসুং জি.য়ু.না অকোয়বদা শিজিন্নবা য়াবা গ্রীন কেমিস্ত্রীগী থৌওংশিংগী খুত্থাংদা সাইক্রোতোলরেন্ত অন্তার্তিক বেক্তরিয়া শিজিন্নদুনা গোল্দ আইওনবু জি.এন.পি.দা হন্থহল্লি। মসিদা নত্তনা মখোয়না সিন্থেতিক কেমিকেল এদিতিবশিংবু স্তেবিলাইজিং নত্ত্রগা রিদ্যুসিং এজেন্ত ওইনা শিজিন্নদ্রবশু য়ারে। সাইক্রোতোলরেন্ত অন্তার্তিক বেক্তরিয়া শিজিন্নবা অসি মাইলদ রিএক্সন কন্দিসন্না গোল্দ আইওনবু নিংথিনা দিস্পর্সন তৌবা ঙম্বা গোল্দ নেনোপার্তিকল (জি.এন.পি.শিং)দা হন্থহনবা ঙম্বগী অখন্নবা কান্নবা কয়া অমা লৈ হায়বা খংবা ঙম্লে।

এন.সি.পি.ও.আর.গী ইনবাইরন্মেন্তেল ইম্পেক্ত এসেসমেন্ত সেলগী দাঃ কিরতি রঞ্জন দাসনা লুচিংবা রিসর্চ তিম অসিদা এন.সি.পি.ও.আর.গী সাইন্তিস্ত দাঃ অনুপ কুমার তিৱারি উমসুং গোৱা য়ুনিবর্সিতীগী বাইওতেক্নোলোজী বিভাগকী প্রোফঃ সবিতা কেরকর য়াওই। মখোয়গী রিসর্চ পেপর অসি জর্নেল ওফ প্রিপেরেতিব বাইওকেমিস্ত্রী এন্দ বাইওতেক্নোলোজীদা হন্দক্তা ফোংখ্রে।

*****