জল শক্তিগী মন্ত্রালয়না স্তেৎকা লোয়ননা কেন্দ্‌র সরকারগী অচৌবা প্রোগরাম ওইরিবা জলজীবন মিসন (জে.জে.এম.) ইমপ্লেমেন্ত তৌনবা শেম শাদুনা লৈবাক অসিদা ২০২৪ ফাওবদা খুঙ্গংগী য়ুমথোং খুদিংমক্তা নোংমদা মীওই অমদা থক্নবা ঈশিং লিতর ৫৫ পীনবা পান্দম থম্লি। জে.জে.এম.না খুঙ্গংগী পুন্সি মরু ওইনা নুপী অঙাংশিং মখোয়গী অৱাবা থবক অদু হন্থহন্দুনা পুন্সি মহিং ফগৎহন্নবা পান্দম থম্লি।

প্রোগ্রাম অসি মখা চৎথনবা রাজাস্থাননা জল জীবন মিসনগী চহিগী এক্সন প্লান অদু উৎখি। কেন্দ্রগী জল শক্তি মন্ত্রী, শ্রী গজেন্দ্রা সিংহ শেখাৱাৎনা রাজাস্থানগী চীফ মনিনিস্তরদা শ্তেৎ অসিদা জল জীবন মিসনগী থবক থৌরমদা শোত্থরকপা অসিদা নুংনাংবা পোকপগী চে মমাংদা ইরকখ্রে। স্তেৎ অসিগী খুঙ্গংগী য়ুমথোং কোতি ১.১ লৈবগী মনুংদা য়ুমথোং লাখ ১২.৩৬দা তোতি কন্নেক্সন (এফ.ঐচ.তি.সি.শিং) মমাংদা ফংহনখ্রে। ২০১৯-২০দা তোতি কন্নেক্সন লাখ ১.০২ খক্তা ফংহনখি। ২০২০-২১দা স্তেৎ অসিনা য়ুমথোং লাখ ২০.৬৯দা তোতি ঈশিংগী কন্নেক্সন পীনবা থৌরাং তৌরি।

২০২০-২১দা কেন্দ্র সরকারনা রাজাস্থানদা জল জীবন মিসন ইমপ্লিমেন্ত তৌনবা লুপা কোতি ২,৫২২.০৫গী ফন্দ কায়থবদা অয়াবা পীখ্রে, মসি ২০১৯-২০দগী লুপা কোতি ১,০৫১ হেনগৎখি। জে.জে.এম.গী মখাদা ওপনিং বেলেন্স ওইনা লুপা কোতি ৬০৫.৮৭ অমসুং এন.দবল্যু.ক্ব্যু.এস.এম.গী মখাদা লুপা কোতি ৩৮৯.২ লৈবগা লোয়ননা স্তেৎ অসিগী ঈশিং ফত্তবা ফংবা মফমশিংগীদমক লৈরে অমসুং মসিগী মথক্তা চহি অসিগী কেন্দ্রগী ফংফম থোকপা অমসুং স্তেৎকী মেৎচিং সিয়র য়াওরগা অপুনবা লুপা কোতি ৭,০৫৯.৮৫ রাজাস্থানদা জল জীবন মিসন ইমপ্লিমেন্ত তৌনবা ফংলগনি। প্রোগ্রাম অসি ইমপ্লিমেন্ত তৌবদা তোতি কন্নেক্সন পীবগী মশিং অমসুং মসিগা চান্ননা ফাইনান্সতগী চৎখিবা অসিগুম্বা ফিজিকেল আউৎপুৎশিং অসি য়াংশিনহন্ননবা স্তেৎতা খঙহল্লক্লি মসিনা থবক থৌরমগী ফীভমগী মতুং ইন্না স্তেৎ অসিনা অহেনবা ফন্দশিং ফংগনি।

রাজাস্থাননা স্তেৎ অসিগী মীশিং লাখ ৫৭.৭৭না লৈরিবা ফ্লোরাইদ, থুমহি চেনবা, নাইত্রেৎ অমসুং আইরননা শোকহল্লবা খুঙ্গং ৫,৮৬৪দা থক্নবা ঈশিং পীনবা থৌরাংশিং তৌরি। দেসেম্ব ২০২০ ফাওবদা ফ্লোরাইদনা শোকহল্লবা মফম ৩,৭০০দা থক্নবা ঈশিং পীনবা থৌরাংখ্রে। ঈশিং ফংদবা মফমশিং, ঈশিং ফত্তবা ফংবা মফমশিং, শোথরবা দিস্ত্রিক্তশিং, এস.সি./এস.তি.না নম্না খুন্দবা মফমশিং/খুঙ্গংশিং, অমসুং সান্সদ অদর্শ গ্রামিন য়োজনাগী (এস.এ.জি.ৱাই.) মখাদা লৈবা খুঙ্গংশিং য়ৌহন্ননবা অহেন্না মীৎয়েং চংলি।

জে.জে.এম.অসি দিসেন্ত্রেলাইজ ওইবা, মথৌ তাবগী মতুং ইন্না তৌবা, মীয়ামনা য়েংশিনগদবা প্রোগ্রাম অমা ওইনা খুঙ্গংশিংদা ৱাতর সপ্লাই সিস্তেমশিংগী প্লানিং তৌবা, ইমপ্লেমেন্ত তৌবা, শীল-লাংবা, চল্লাইবা অমসুং য়েংশিনবা অসিদা খুঙ্গংগী মফম অদুগী মীয়াম/গ্রাম পঞ্চায়ৎশিং নত্রগা শীজিন্নরিবা কাংলুপশিংনা য়াওশিন্দুনা থকনবা ঈশিং মাংহন্দনা মতম শাংনা চৎনহন্ননবা ঙমগনি। খুঙ্গং পুম্নমক্তা, জে.জে.এম. অসি মীয়ামগী ওইবা ইহৌ অমা ওইহন্নবা আই.ই.সি কেম্পেনগা লোয়ননা মীয়ামগী মোবিলাইজেসন তৌবা তাই। নুপীগী সেল্ফ হেল্প গ্রুপশিং অমসুং ভোলুন্তরী ওর্গানাইজেসনশিংনা খুঙ্গং মনুংগী ৱাতর সপ্লাই ইনফ্রস্ত্রকচর শেমগৎনবা লোয়ননা চল্লাইনবা অমসুং য়েংশিন্নবা খুঙ্গংগী মীয়ামবু মোবিলাইজেসন তৌগদবনি।

পি.আর.আই.শিংগী ১৫শুবা ফাইনান্স কম্মিসন গ্রান্তশিংগী ৫০% ঈশিং অমসুং সেনিতেসনদা শীজিন্নগদবনি। রাজাস্থাননা ২০২-২১গী এফ.সি. গ্রান্তদা লুপা কোতি ৩,৮৬২ ফংলগনি। এম.জি.এন.আর.ই.জি.এস., এস.বি.এম.(জি), পি.আই.আর.শিংগী ১৫শুবা ফাইনান্স কম্মিসন গ্রান্তশিং, দিস্ত্রিক্ত মিনরেল দেবেলপমেন্ত ফন্দ, সি.এ.এম.পি.এ., সি.এস.আর. ফন্দ, লোকেল এরিয়া দেবেলপমে্ন্ত ফন্দ অসিনচিংবা তোঙান তোঙানবা খুঙ্গংগী থাক্কী প্রোগ্রামশিং অসিগী মখাদা স্তেৎনা পুনশিল্লগা প্লানিং তৌবা মথৌ তারি। স্তেৎ অসিনা খুঙ্গং খুদিংদা ভিলেজ এক্সন প্লান (ভি.এ.পি) শেমগৎনবা খুদোংচাবা পীদুনা লৈরিবা অসিগুম্বা রিসোর্সশিং অসি শীজিন্নদুনা ঈশিং মাংহন্দনবা থবক থৌরমশিং তৌদুনা ঈশিং লাকফম হেনগৎহনবা অমসুং থক্নবা ঈশিং ফংহনবা ঙম্লগনি।

স্তেৎ অসিগী পব্লিক হেল্থ ইঞ্জিনিয়রিং বিভাগশিংনা ঈশিংগী ক্বালিতি সর্বিলেন্স তৌবগী থবক থৌরমশিংগীদমক মফম অদুগী মীয়াম য়াওহনবা মথৌ তাই। মসিগীদমক, মতম চানা কিৎশিং লৈশিনবা, মীয়ামদা কিৎশিং সপ্লাই তৌবা, খুঙ্গং খুদিংদা য়ামদ্রবদা নুপী মঙা খন্দোকপা, এফ.তি.কে. করম্না শীজিন্নগদগে হায়না নুপীশিংদা ত্রেনিং পীদুনা খুঙ্গংশিংদা পীরিবা ঈশিং অসি মফম অদুদা তেস্ত তৌবা য়াহল্লগনি। মসিগী ৱাখল্লোন অসি অফবা অমসুং থাজনা শিল লাংদুনা থক্নবা ঈশিং ফংহন্নবনি।

মী তাবা মফম/খুঙ্গংদা মতম শাংনা য়ুমথোং খুদিংদা ততি কন্নেক্সন পীবা ঙম্নবা মিসন অসিগী পান্দম অসি ফংনবা, চেক শুবা, পাইপ শেম্বা, ফিৎ তৌবা, মৈ শেম্বা অসিনচিংবা খুৎশা হৈবা থবকশিং অসিগী ঈশিংগী সপ্লাই তৌনবা স্কিমশিং শেম্বদা অমসুং মসি অসিবু চল্লাইনবা অমসুং য়েংশিন্নবা মথৌ তারি।। খুঙ্গংগী মফমশিংদা হৈথোই শীংথোইরবা মী কয়া লৈহন্দুনা খুঙ্গংশিং মীপাল তাংদনা ৱাতর সপ্লাই সিস্তেমশিং অসি চাং নাইনা চল্লাইবা অমসুং য়েংশিনবা ঙম্নবা পান্দম থম্লি।

কোবিদ-১৯গী লাইচৎ থোক্লিঙৈ মনুংগী ফীভম অসিদা, খুঙ্গংশিংদা ৱাতর সপ্লাইগী অমসুং ঈশিং তুংশিন্নবগা মরী লৈনবা থবকশিং খুদক্তা হৌনবা স্তেৎতা খঙহনখ্রে মসিনা মফম অদুগী মীয়ামদা থবক পীরগনি অমসুং খুঙ্গংগী য়ুমথোং থক্নবা ঈশিং ফংহন্দুনা অমসুং খুঙ্গংগী শেন্মীৎলোন ফগৎহল্লগনি।

অরোইবদা, স্তেৎ অসিনা জে.জে.এম.গী প্রোগ্রাম অসি থুনা য়াংনা ইমপ্লিমেন্ত তৌদুনা খুঙ্গংগী য়ুমথোং খুদিংদা মরাং কাইনা অমসুং ক্বালিতি লৈনবা থক্নবা ঈশিং চাং নাইনা অমসুং মতম শাংনা ফংহন্দুনা মিসন অসিগি পান্দমশিং মঙ ফাওনবা ঙমহন্নবা খঙহনখি।

*****