লৌউ-শিংউ মন্ত্রালয়
কৌজেং কন্ত্রোল তৌনবা থবক রাজস্থান, এম.পি. য়ু.পি., হরিয়ানা, গুজরাত, পঞ্জাব অমদি মহারাস্ত্রদা চঙশিল্লি; এপ্রিল ১১, ২০২০দগী হৌজিকফাওবদা হেক্তর ১,২৭,২২৫দা কন্ত্রোল তৌখ্রে
ঙরাং রাজস্থানগী ঝুনঝুনুদগী হরিয়ানাদা পাইখিবা কৌজেং শঙ্গু অদু হৌজিক য়ু.পি.রোমদা চৎখ্রে
হরিয়ানা অমদি য়ু.পি.গী স্তেত এগ্রিকলচর দিপার্তমেন্তশিংনা শঙ্গুশিংদুনা চৎলুরিবা মফমশিংদা কন্ত্রোল তৌননবা লৌখৎফম থোকপা থবক লৌখৎলি; হরিয়ানাদা শীজিন্নরিবা গ্রাউন্দ কন্ত্রোল কাংবু অনিসিগী মথক্তা রাজস্থানদগী কাংবু ৫না য়ু.পি.দা কন্ত্রোল তৌবগী থবক্তা মতেং পাংলি
কৌজেং কন্ত্রোল তৌননবগীদমক দ্রোন, ত্রেক্তরদা হাপ্পা স্প্রেয়রশিং অমদি ফাইর তেন্দর গারীশিং শীজিন্নরি
Posted On:
27 JUN 2020 9:40PM by PIB Imphal
কৌজেং কন্ত্রোল তৌবগী থবক রাজস্থান, মধ্য প্রদেশ, উত্তর প্রদেশ, হরিয়ানা, গুজরাত, পঞ্জাব অমদি মহারাস্ত্রদা পায়খৎলি। লোকস্ত সর্কল ওফিসশিংগী অপুনবা গ্রাউন্দ কন্ত্রোল কাংবু ৬০ অমদি দ্রোন ১২ কৌজেং কন্ত্রোল তৌবগী থবক্তা শীজিন্নরি। রাজস্থান অমদি গুজরাতকী খন্দোক্লবা লৈকংলাগী মফমশিংদা লোকস্ত ৱার্নিং ওর্গনাইজেসন অমদি লোকস্ত সর্কল ওফিস ১০না স্তেত লৈঙাকশিংগা খুৎশম্নদুনা কৌজেং কন্ত্রোল তৌবগী থবক চত্থরি। স্তেত লৈঙাকশিংনা মখোয় মখোয়গী লৌউ শিংউ দিপার্তমেন্তশিংগী খুত্থাঙদা মহৈ মরোং থাবা মফমশিংদা কৌজেং কন্ত্রোল তৌননবা থবক পায়খৎলি। চহী অসিদা এপ্রিল ১১, ২০২০দগী হৌরগা কুম অসিগী ওইনা জুন ২৬, ২০২০ ফাওবদা হেক্তর ১,২৭,২২৫দা কন্ত্রোল তৌখ্রে।
ঝুনঝুনু দিস্ত্রিক্ত (রাজস্থান)দা জুন ২৬, ২০২০দা হান্ননা কন্ত্রোল তৌখ্রবা কিমি ২ x কিমি ৪গী শঙ্গু অমা হরিয়ানাগী রেৱারি দিস্ত্রিক্তলোমদা চঙশিনখি। হায়রিবা রেৱারিদা চঙখিবা শঙ্গু অসি স্তেততুগী লৌউ শিংউ দিপার্তমেন্তনা ত্রেক্তর ৪০ অমদি ফাইয়র ব্রিগেদ গারী ৪ শীজিন্নদুনা কন্ত্রোল তৌখ্রে। গ্রাউন্দ কন্ত্রোল কাংবু অনি অমদি লোকস্ত সর্কল ওফিসগী ওফিসরশিংনা মফমদুদা চত্তুনা থবক্তুদা য়াওশিনখি। কন্ত্রোল তৌবগী থবক অদু অহিং নোংয়াইদগী হৌরগা জুন ২৭গী অয়ুক অঙনবা ফাওবা চত্থখি।
লেমহৌবা শঙ্গুদুনা অহানবদা অয়ুক্তা ঝজ্জর দিস্ত্রিক্তলোমদা চৎখি অদুগা তুংদা নুংশিৎকী মরম ইন্দুনা নোংপোক্লোমদা মমায় লৈখ্রে। শঙ্গু অসিনা খরা পীকথবা শঙ্গু ৩-৪ থোকখ্রে। অমনা নুহ (হরিয়ানা) অমদি অনি অমনা গুরুগ্রামলোমদা, মখা তানা য়ু.পি.রোমদা চৎখ্রে।
হরিয়ানাদা শীজিন্নরিবা কাংবু অনিনা হায়রিবা শঙ্গুশিং অসি তুং ইন্নরি। অহেনবা গ্রাউন্দ কন্ত্রোল কাংবু মঙা অমসু রাজস্থানগী নাগৌর অমদি জয়পুরদগী য়ু.পি.দা ওপরেসন অদুদা য়াওশিন্নবা চঙশিনখ্রে। জয়সলমরদগী দ্রোনশিংসু ওপ্রেসন য়াওনবা চঙশিনখ্রে। হরিয়ানা অমদি য়ু.পি.গী স্তেত এগ্রিকলচর দিপার্তমেন্তশিংদা পাউ লেপ্তনা পীদুনা মফমদুদা কৌজেং শঙ্গুদুনা তারকপা মতমদা মখোয়না মথৌ তাবা থবকশিং লৌখৎনবা থবক পায়খৎলি।
পনবা য়াবদি ২৭৭গগী অয়ুক্তা রেৱারিদা চত্থখিবা কন্ত্রোল ওপরেসনগী মথক্তা রাজস্থানগী জয়সলমরদা মফম ২, বার্মরদা মফম ৬, জোধপুরদা মফম ৬, বিকানেরদা মফম ৪, নগৌরদা মফম ৪, জয়পুর অমদি সিকর দিস্ত্রিক্তা মফম ১দা স্তেত লৈঙাক্কী লৌউ-শিংউ দিপার্তমেন্তকী ওফিসিএলশিংগা খুৎশম্নদুনা লোকস্ত সর্কল ওফিসশিংগী গ্রাউন্দ কন্ত্রোল কাংবুনা কৌজেং কন্ত্রোল তৌবগী থবক পায়খৎখি। মখা তানা য়ু.পি.গী মফম অমদসু কন্ত্রোল ওপরেসন চত্থখি।
চৎন-কাংলোন লেপথোক্তুনা অমদি মথৌ তাবা অয়াবশিং লৌরবা মতুংদা দ্রোন শীজিন্নদুনা কৌজেং কন্ত্রোল তৌবা অহানবা লৈবাক ভারতনা ওইরে। অচৌবা ওপরেসনশিংদি মচাক মথুম অয়ামবা শীজিন্নদুনা রাজস্থানদা তাশিন্দুনা লৈরি। স্তেত লৈঙাকশিংনা ত্রেক্তরদা স্প্রেয়র হাপচিন্দুনা অমদি ফাইয়র তেন্দর গারীশিং মশীং য়াম্না শীজিন্নদুনা মহৈ মরোং থাবা মফমশিংদা কৌজেং কন্ত্রোল তৌবগী থবক পায়খৎলি।
কৌজেং কন্ত্রোল তৌবগী কেপাসিতী কনখৎহন্নবা লৌখৎলিবা খোঙথাংশিং –
- ভারত্তা কৌজেং কন্ত্রোল তৌবা ঙম্বগী মঙম কনখৎহন্নবগীদমক, জনুৱারী ২০২০দা মাইক্রোন, য়ু.কে.দগী গ্রাউন্দ স্প্রে খুৎলায় ১০ অমদি জুন ২০২০দা খুৎলায় ১৫ লৌখি। জুলাই ২০২০ মনুংদা অহেনবা গ্রাউন্দ স্প্রে খুৎলায় ৪৫সু য়ৌরক্লগনি অমদি জুলাই ফাওবদা লোকস্ত সর্কল ওফিসশিংদা গ্রাউন্দ কন্ত্রোল খুৎলায় ১০০ হেন্না লৈরগনি।
- হৌজিক্কী ওইনা কন্ত্রোল কাংবু ৬০ অমদি কেন্দ্র লৈঙাক্কী থৌমী ২০০ হেনববু কৌজেং কন্ত্রোল তৌবগী থবক্তা শীজিন্নরি।
- অৱাংবা উ পাম্বীশিং অমদি য়ৌশিনবা ঙমদবা মফমশিংদা নীংথিনা কৌজেং কন্ত্রোল তৌনবগীদমক কম্পেনী ৫ দ্রোন ১২ শীজিন্নদুনা কৌজেং কন্ত্রোল তৌনবা তিলহাৎ হিদাক কাপথোক্নবগীদমক শীজিন্নরি। মথৌ তাবা চৎন-কাংলোনশিং লেপথোক্লবা মতুংদা কৌজেং কন্ত্রোল তৌনবগীদমক দ্রোন শীজিন্নবা লৈবাক ভারতনা অহানবা ওইরি।
- কন্ত্রোল তৌবা ঙম্বগী মঙম হেনগৎহন্নবগীদমক অহেনবা গারী ৫৫সু লৈরে।
- লোকস্ত কন্ত্রোল ওর্গনাইজেসনশিংদা তিলহাৎ হিদাক মরাং কায়না থম্লি অমদি স্তেত লৈঙাকশিংদসু মরাং কায়না লৈরি।
- গৃহ মন্ত্রালয়না পেস্ত কন্ত্রোলগীদমক পাম্বী ঙাকথোক্কদবা কেমিকেলশিং কাপথোক্নবগীদমক গারীশিং, সপ্রে হাপ্পা ত্রেক্তর ৱায়বা; ঈশিং তেঙ্কর ৱায়বা; এস.দি.আর.এফ. অমদি এন.দি.আর.এফ.গী অনৌবা চৎন-কাঙলোনগী মখাদা কৌজেং কন্ত্রোল তৌনবগীদমক পাম্বী ঙাকথোক্নবা কেমিকেলশিং লৈবগী অয়াবা হাপচিল্লে।
- সব-মিসন ওন এগ্রিকলচর মেকানাইজেসনগী মখাদা রাজস্থান স্তেত লৈঙাক্তা ত্রেক্তরদা হাপ্পা স্প্রে খুৎলায় ৮০০ লৈননবগীদমক তেংবাং কাইথোকখ্রে। (করোর ২.৮৬)
- রাজস্থান স্তেতকীদমক গারী, ত্রেক্তর ৱায়নবা অমদি তিলহাৎ হিদাক লৈননবগীদমক আর.কে.ভি.ৱাই.গী মখাদা লুপা করোর ১৪গী শেনগী তেংবাং কাইথোক্কদৌরে।
- গুজরাত স্তেততা গারী, স্প্রে খুৎলায়, সেফতী য়ুনিফোর্ম, এন্দ্রোইদ এপ্লিকেসন, লৈননবা অমদি কৌজেংগী মতাংদা ত্রেনিং তৌননবগীদমক শেনগী তেংবাং লুপা করোর ১.৮০ কাইথোকখ্রে।
- তোঙান তোঙানবা থাক্তা (ইকায়খুম্নরবা লৌউ-শিংউ মন্ত্রী, কেবিনেত সেক্রেতরী, দি.এ.সি. এন্দ এফ.দব্লিউ. সেক্রেতরী) য়েংশিন মীফমশিং শীনখ্রে, তোঙান তোঙানবা স্তেত লৈঙাকশিংগা ভি.সি.শিং পাঙথোকখ্রে অমদি কৌজেং কন্ত্রোল তৌবগী শেম শারিবশিং য়েংশিনখি। লম-লমগী ওইবা এৱ্যারনেসকী চেরোল, অয়াবা পীরবা তিলহাৎ হিদাকশিংগী এস.ও.পি. অমদি এৱ্যারনেস ভিদিওশিং স্তেকহোল্দর স্তেতশিংদা শেয়র তৌখ্রে অমদি স্তেত খুদিংমক্তা এস.ও.পি.গী মতুং ইন্না মথৌ তাবা চেকশিন থৌরাং খুদিংমক লৌখৎনবা ৱাফমসু থমখি।
- গুজরাত, উত্তর প্রদেশ, মধ্য প্রদেশ, মহারাস্ত্র, ছত্তিসগর, বিহার অমদি হরিয়ানাদা কা হেন্না মহৈ মরোং মাংবা থোক্তে। অদুম ওইনমক রাজস্থানগী দিস্ত্রিক্ত খরদা মহৈ মরোং খরা মাঙবগী পাউ লৈ।
- খা-নোংচুপ এসিয়ান লৈবাকশিং (অফঘানিস্তান, ইন্দিয়া, ইরান অমদি পাকিস্তান)গী তেক্নিকেল ওফিসরশিংগা চয়োলগী ওইনা ভর্চুএল মীফম পাঙথোকখি। হৌজিকফাওবদা এস.দব্লিউ.এ.সি.-তি.ও.সি. মীফম ১৪ চহীসিগী ওইনা পাঙথোকখ্রে। লমশিং অদুদা কৌজেং কন্ত্রোল তৌবগী তেক্নিকেল ইনফোর্মেসন শেয়র তৌনরি। থৌরাংসি এফ.এ.ও.না কোওর্দিনেত তৌরি।
*******
(Release ID: 1634915)
Visitor Counter : 147