প্রধান মন্ত্রী গ্রাম সরক য়োজনা (পি. এম. জি. এস. ৱাই.)গী মেন্তেনেন্সকী মতাংদা এফ. সি.-১৫না মখোয়গী ২০২০-২১গী রিপোর্ততা পীরিবা জেনরেল ফ্রেমৱর্ককী মতাংদা রুরেল দেবেলপমেন্ত মন্ত্রালয়গী (এম. ও. আর. দি.) ৱাখল্লোন লৌনবগীদমক চেয়রমেন এন. কে. সিংহনা লুচিংবা ১৫শুবা ফাইনান্স কম্মিসনগী মেম্বরশিংগা ঙসি রুরেল দেবেলপমেন্ত মন্ত্রী, শ্রী নরেন্দ্র সিংহ তোমার অমদি মন্ত্রালয়গী মকোক থোংবা ওফিসিএলশিংগা মীফম পাঙথোকখ্রে‍। মীফম অদুনা রুরেল দেবেলপমেন্তকীদমক ভারত লৈঙাক্না হন্দক্তা লাউথোকখিবশিংগা লোয়ননা পি. এম. জি. এস. আই. লম্বীশিংগী মেন্তেনেন্সকীদমক কম্মিসনগী তি. ও. আর.গী প্রোভিজন মনুংদা ২০২১-২৬কী ওইনা স্তেতশিংদা পীগদবা গ্রান্ত/পর্ফোর্মেন্স ইন্সেন্তিবশিং এফ. সি.-১৫না খন্ননবগীদমক এম. ও. আর. দি.না পুখৎলকখিবা ৱাফমসু খন্নখি‍।

তরামঙাশুবা ফাইনান্স কম্মিসননা মখোয়গী ইং ২০২০-২১গী রিপোর্ততা প্রধান মন্ত্রী গ্রাম সরক য়োজনাগী খুত্থাঙদা খুঙ্গংগী লম্বী থোংগী ফীভম ফগৎহনবগী ৱাফম অমদি হৌখিবা চহী কুনসিদা থৌরাং অসিগী মখাদা শেমগৎলকখিবা লম্বীশিং নীংথিনা থম্নবগীদমক ফন্দ লেপ্তনা লাকহনবগী মথৌ তাবা ৱাফমশিং পনখি‍। মখোয়গী রিপোর্ত অদুদা কম্মিসননা পনখিবশিংদি:

“খুঙ্গংগী লম্বীশিং অসি খুঙ্গংদা চাওখৎপা পুরক্নবগীদমক অমদি লায়রবা মুত্থৎনবগী মরুওইবা পাম্বৈ অমা ওইনা শকখঙলি‍। প্রধান মন্ত্রী গ্রাম সরক য়োজনা (পি. এম. জি. এস. ৱাই.)গী মখাদা ঙসিফাওবদা কিমি ৫,৫০,৫২৮ শাংবা লম্বী শেমখ্রে অমদি ইলিজিবল ওইবা খুনশিংগী চাদা ৮৯দি শম্নহল্লে‍। য়াম্লবা এসেতশিং অসি মেন্তেনেন্স তৌনবগীদমক চাং নাইবা অমদি মাঙজৌননা হায়বা ঙম্বা ফন্দগী ইচেল অমা লৈবা মথৌ তাই‍। রুরেল দেবেলপমেন্ত মন্ত্রালয় য়াওনা তোঙান তোঙানবা স্তেকহোল্দরশিংগা ঐখোয়না খন্নবদা দেবেলপমেন্ত ৱর্ককীদমক কাইথোক্লিবা অপুনবা মচাক মথুমশিংদা লাইবকথিবদি পি. এম. জি. এস. ৱাই. লম্বীশিং মেন্তেনেন্স তৌনবগীদমক প্রাইওরিতী নেম্না থম্মী হায়বসি ঐখোয়না খঙবা ঙম্লে‍।

মরম অসিনা ঐখোয়গী মীৎয়েংদা চহী মঙাগী কন্ত্রেক্ত লোইরবা মতুংদা পি. এম. জি. এস. ৱাই. লম্বীশিং নীংথিনা থম্নবগীদমক ফন্দ পীবা তশেংনমক মথৌ তাই‍ হায়বসিনি‍। ৱাফম অসি অসিগুম্বা লনশিংগী মেন্তেনেন্সকীদমক স্তেতশিংনা মখোয়গী ফাজিন পুনশিন্দবা সিসোর্সশিংদগী ফন্দ কাইথোকপগী মতাংদা উৎলিবা থৌওং অমদি মপুং ওইনা লৈরিবা রিসোর্সতা য়ুম্ফম ওইরগা পুথোকপা ঐখোয়গী অরোয়বা রিপোর্ততা মরম চানা পল্লক্কনি‍।”

কোবিদ-১৯গী মালেমগী লাইচৎ অসিগী মতুংদা লুপা করোর লাখ ২০গী মরিশুবা তাঙ্কক্তা ভারত লৈঙাক্না থবক পীবগী চাং হেনগৎহন্নবগীদমক এন. জি. এন. আর. জি. এস.গী এল্লোকেসন লুপা করোর ৪০,০০০ হেনগৎপগী ৱাফম লাউথোকখি‍। মসিনা অপুনবদা পর্সন দেজ করোর ৩০০গী ময়াদি জেনেরেত তৌবা ঙম্লগনি হায়না কম্মসিন অসিনা লৌই‍। মসিনা নোংজু মতমসিদা মপান্দগী হল্লকপা মাইগ্রেন্ত শিন্মীশিংগী য়াওনা থবক হেন্না মথৌ তারকপগী ৱাফম কোকহনগনি লোয়ননা ঈশিং য়োক্নবগী লন য়াওনা তুং কোইগদবা অমদি পুন্সি হিংনবগী লন মশীং য়াম্না শেমগৎপদা মতেং ওইগনি‍। মসিনা প্রদক্সন হেনগৎহন্দুনা খুঙ্গংগী শেন্মিৎলোনদা ইনোৎ পীগন‍ি‍।

কম্মিসনগী রিকম্মেন্দেসন মতমগী ওইন লুপা করোর ৮২,৯৪৬ (চহী ৫গী) মথৌ তাগদবা উৎলিবা এৱার্দ পিরিয়দ ২০২০-২১ দগী ২০২৫-২৬ ফাওবগী মেমোরেন্দম এম. ও. আর. দি.না এফ. সি.-১৫দা থাগৎখ্রে‍।

এম. ও. আর. দি.না পি. এম. জি. এস. ৱাই. লম্বীগী মেন্তেনেন্স ফন্দগী দিতেল প্রপোজেল অমা থমখি‍। প্রপোজেল অদুদা সেন্সস ২০১১গী মতুং ইন্না মীওই ২৫০+ খুন্দাবা মফম ৪৫,৬১৪ হৌজিক ফাওবগী ওইনা শম্নহল্লে‍ হায়না পল্লি। লেমহৌরিবা শম্নহনবা ঙমদ্রিবা মফমশিং শম্নহন্নবগীদমক লুপা করোর ১৩০,০০০গী শেনফম মথৌ তাগনি‍।

পি. এম. জি. এস. ৱাই. লম্বীশিং মেন্তেনেন্সকীদমক চঙগদবা শেনফমশিং মখাগী অসুম্না এম. ও. আর. দি.না উৎলি –

মন্ত্রালয়না মখাদা পীরিবা ৱাফমশিং অমদি কন্দিসনশিং অসিদা ১৫শুবা ফাইনান্স কম্মিসনগী রিকম্মেন্দেসনদা মেন্তেনেন্স গ্রান্ত য়াওহনবিনবা ৱাফম থমখিঃ

• মেন্তেনেন্সকীদমক সেক্তোরেল ইন্তরভেন্সন ওইনা এফ. এফ. সি. গ্রান্ত ইন এদ পীবা
• স্তেতশিংগী শোত্থবা অমদি পি. এম. জি. এস. ৱাই. লম্বীশিংগী অশাংবা অসি স্তেতশিংগী ইলিজিবিলিতী হোৎনবা মচাক ওইনা শীজিন্নবা
• চীংগী লম্বীশিংগীদমক্তদি কোস্তকী মওং মতৌ অসি নোর্মেল কোস্তকী ১.২ ওইহনবা
• স্তেতশিংগী মেন্তেনেন্স পোলিসী, ই-মার্গ, স্তেতশিংগী মশাগী বদজেত কন্ত্রিব্যুসননচিংবা অফবা লৈঙাক্কী লৈফম থোকপশিং চঙদ্রবা য়াদ্রবা ওইহনবা
• খুঙ্গং/পি. এম. জি. এস. ৱাই. লম্বীগী তোঙানবা বদজেত হেদ
• ফন্দশিং থবক একজেক্যুত তৌরিবা দিপার্তমেন্তশিংদা ত্রান্সফর তৌবা
• স্তেতশিংগী শেয়র হায়বা য়াই
• মথঙ চহীগী থাদোকপদি ফন্দ শীজিন্নবগী মতুং ইন্না তৌবা‍।

কম্মিসননা মপুং ফানা খন্ন-নৈনবা থৌরম পাঙথোকখি অমদি হীরমসিদা মখোয়গী রিকম্মেন্দেসন শেম্বদা মন্ত্রালয়গী সজেসনশিং অসি খন্নগনি হায়না ৱাশকখি‍।

******