কন্দ্রগী জল শক্তিগী মন্ত্রী, শ্রী গজেন্দ্রা সিংহ শেখাৱাৎনা গৱাগী চীফ মিনিস্তরদা ইখিবা মহাক্কী চিথীদা স্তেৎ অসিনা ২০২১ ফাওবদা খুঙ্গংগী মফমশিংদা ফঙ্কস্নেল হাউসহোল্দ তেপ কন্নেক্সনশিং (এফ.ঐচ.তি.সি.শিং) ১০০% পীনবা থৌরাংবা অসিদা নুংঙাইবা ফোঙদোকখি।

প্রধান মন্ত্রীনা মমাং চহিদা হৌদোকখিবা, জল জীবন মিসন অসিনা খুঙ্গংগী য়ুমথোং খুদিংদা ক্বালিতি লৈবা থক্নবা অফবা ঈশিং মরাং কাইনা চাং নায়না অমসুং মতম শাংনা চৎকদবা মওংদা অহোংবা সর্বিস দেলিবরি চার্জশিংদা ফংহন্দুনা খুঙ্গংগী মীয়ামশিংগী হিংবগী মওং অসি ফগৎহনবা ঙম্নবা পান্দম থম্লি। খুঙ্গংগী ৱাতর সপ্লাইগী ললোং, ঈশিং তুংশিনবা অমসুং ঈশিংগী ইনফ্রাস্ত্রকচর অসিগী স্তেৎশিংনা পোরম য়াৎপদা মতেং পীনবা, থৌনা হাপ্নবা অমসুং খুদোংচাবা পীবা জল শক্তি মন্ত্রালয়না স্তেৎশিং/য়ু.তি.শিংগা লোয়ননা পুন্না থবক তৌমিনরি। অফবা থক্নবা ঈশিং ফংহনবনা নুপী অঙাংশিংদা অৱাবা থবক তৌহনবা হন্থহন্দুনা খুঙ্গংগী মীয়ামগী হকশেল ফগৎহল্লগনি।

২০২১ ফাওবদা গৱানা খুঙ্গংগী য়ুমথোং পুম্নমক্তা এফ.ঐচ.তি.সি. ১০০% পীনবা থৌরাং তৌরি। য়ুমথোং লাখ ২.২৯দা হাউসহোল্দ তেপ কন্নেক্সন (এফ.ঐচ.তি.সি.) হান্ননা পীখ্রে। গৱাগী দ্রিঙ্কিং ৱাতর অমসুং সেনিতেসনগী সেক্রেতরীনা চিয়র তৌদুবা ফমখিবা মীফম অমদা ২০২০-২১গী জে.জে.এম. ইমপ্লিমেন্ত তোবগী চহিগী এক্সন প্লান উৎখি, মসিদা গৱাগী চীফ সেক্রেতরীনা ২০২১ ফাওবদা তোতি কন্নেক্সন ১০০% পীগনি হায়না থজবা পীখি অমসুং মসি ঙম্লবদি থবক অসি মাই পাকখ্রবা অহানবা স্তেৎ খরগী মরক্তা গৱাসু ‘হর ঘর জল’ ১০০% ফংবা স্তেৎ ওইরগনি।

কেন্দ্রগী মন্ত্রীনা নৌহৌননা অমুক হন্না হায়খি মসুদি জে.জে.এম.গী পান্দম ফংনবা হোৎনবদা স্তেৎ সরকারদা অঙম্বা মতেং কেন্দ্র সরকারনা পীগনি। স্কিম অসিগী ফন্দ থাদবা অসি এফ.ঐচ.তি.সি.শিং ফংহনখিবগী মশিং অমসুং লৈরিবা কেন্দ্র অমসুং স্তেৎকী মেচিং সিয়র অদু শীজিন্নবদা য়ুম্ফম ওইরগা ভারত সরকারনা কায়থৈ। মন্ত্রীনা মহাক্কী চিথীগী খুত্থাংদা লৈবাক অসিগী সরকারগী পান্দমদি থক্নবা ঈশিং ফংহনবা হায়বা অসিনি হায়না ফোঙদোকখি। গৱাদা থাদবা ২০২০-২১গী ফন্দ অসি লুপা কোতি ৩.০৮তগী লুপা কোতি ১২.৪০দা হেনগৎখ্রে।

জে.জে.এম. ইমপ্লিমেন্ত তৌবা অসি খোংজেল য়াংশিন্দুনা খুঙ্গং মফমশিংদা লৈরিবা মীয়ামদা মরাং কাইনা অফবা ক্বালিতি লৈবা থক্নবা ঈশিং চাং নায়না মখোয়গী য়ুমথোংদা মতম শাংনা ফংহনবা ঙমগনি; মসিনা খুঙ্গংগী নুপীশিংগী পুন্সি অসি ৱাদনা অমসুং ইজৎ লৈনা মখোয়না ফংফম থোকপা অদু ফংহন্দুনা হিংবা ঙম্লগনি হায়না কেন্দ্রগী মন্ত্রীগী চিথী অসিদা থজবগা লোয়ননা আশা তৌরি। স্তেৎনা থবক অসি লাক্লিবা থা ৪-৬ অসি ‘কেম্পেন মোদ’তা পাইখৎতুনা অমসুং লাইরবা অমসুং খুন্নাইগী শোত্থরবা শরুকশিংদা মখোয়গী য়ুমথোংদা তোতি কেন্নেক্সন ফংহন্নবা মন্ত্রীনা মহাক্কী চিথিদা হায়খি। খুঙ্গং ৩৭৮দা ৱাতর সপ্লাই স্কিমশিংগী শেমজিন্দুনা অমসুং চাওথোকহন্দুনা মসি লাইনা ফংবা ঙমগনি। থৌরাং অসিদা ঈশিং ফংদবা মফমশিং, ঈশিং ফত্তবা ফংবা মফমশিং, শোত্থরবা দিস্ত্রিক্তশিং, এস.সি./এস.তি.না নম্না খুন্দবা মফমশিং/খুঙ্গংশিং, অমসুং সান্সদ অদর্শ গ্রামিন যোজনাগী মখাদা লৈবা খুঙ্গংশিং হান্না খুদোংচাবা ফংহনগনি।

এম.জি.এন.আর.ই.জি.এস., জে.জে.এম., এস.বি.এম.(জি), পি.আর.আই.শিংগী ১৫শুবা ফাইনান্স কম্মিসন গ্রান্তশিং, দিস্ত্রিক্ত মিনরেল দেবেলপমেন্ত ফন্দ, সি.এ.এম.পি.এ., সি.এস.আর. ফন্দ, লোকেল এরিয়া দেবেলপমে্ন্ত ফন্দ অসিনচিংবা তোঙান তোঙানবা প্রোগ্রামশিং অসিগী খুত্থাংদা লৈরিবা রিসোর্স অদু স্তেৎনা ফগৎনবা লৈরিবা ফন্দ অদু মফম খঙনা শীজিন্ননবা কেন্দ্রগী মন্ত্রীনা খঙহনখি।

২০২০-২১দা পঞ্চায়তি রাজ ইন্সিতি্যুসনশিংনা ১৫শুবা ফাইনান্স কম্মিসন ওইনা গৱানা লুপা কোতি ৭৫ ফংলগনি অঞসুং ফন্দ অসিগী ৫০% অসি শুকশোই শোইদনা ৱাতর সপ্লাই আমসুং সেনিতেসনগী থবক থৌরমদা শীজিন্নগদবনি। এস.বি.এম.(ই)গী মখাদা থাদরকপা ফন্দশিং অসি গরে ৱাতর ত্রীৎমেন্ত অমসুং অমুক হন্না শীজিন্নবা য়ানবগা মরী লৈনবা থবক্তা শীঝিন্নগদবনি।

খুঙ্গংশিংদা ৱাতর সপ্লাই সিস্তেমশিংগী প্লানিং তৌবা, ইমপ্লেমেন্ত তৌবা, শীল-লাংবা, চল্লাইবা অমসুং য়েংশিনবা অসিদা খুঙ্গংগী মফম অদুগী মীয়াম/গ্রাম পঞ্চায়েৎশিং অমসুং নত্রগা শীজিন্নরিবা কাংলুপশিংনা য়াওশিন্দুনা মতম শাংনা চৎনহন্ননবা জল শক্তিগী মন্ত্রীনা চীফ মিনিস্তরদা খঙহনখি। জে.জে.এম. অসি মীয়ামগী খোংজং অমা ওইনবা কম্ম্যুনিতি মোইলাইজেসনগা লোয়ননা আই.ই.সি. কেম্পেন পাংথোকপা মথৌ তাই।

রিএল তাইমদা ৱাতর সপ্লাইগী চাং, ক্বালিতি অমসুং চাংচৎ অদু য়েংশিন্নবা ঙম্নবা খুঙ্গং খুদিংমক্তা স্তেৎ হেদক্বাতরশিংদগী মোদর্ন কম্মানদ অমসুং কন্ত্রোলগা লৌবন্না ৱৱাতর সপ্লাইগী সর্বিস ফংহনবা অসি য়েংশিন্নবা ‘সেন্সরদা য়ুম্দম ওইবা আই.ও.তি’ সোলুসন হৌবদা গৱা অসি চান্নবা স্তেৎ অমা ওইরি।

হৌজিক কোবিদ-১৯ লায়চৎনা ওইহল্লিবা অৱাবা ফীভম অসি য়েংলগা মন্ত্রীনা চিথী ইরকপা অসি মতাং চাবা অমা ওইরে। লমচৎ শাজৎতা অহোংবা চাওনা পুরক্তুনা মখোয়দা সোসিএল দিসতেন্সিং থম্বদা অমসুং নিয়ম চুম্বা লুনান্না লৈবদা মতেং ওইগনি। জল জীবন মিসন অসিনা ঈশিংগী অৱাবা মায়োক্নবা কোকহনবদা ন্তনা মসিনা মফম অদুগী মীয়ামসু থবক পীবদা মতেং ওইরগনি। মন্ত্রিওনা মহাক্কী চিথী অদুদা চীফ মিনিস্তরদা মতেং পুম্নমক পীগনি হায়না থাজবা পীবগা লোয়ননা অমসুং মতুং তারকপদা ভিদিও কনফরেন্সকী খুথাংদা সি.এম.গা জে.জে.এম. প্লানিং অমসুং ইমপ্লিমেন্তেসন তৌবগী মতাংদা খন্ননবা অপাম্বা ফোঙদোকখি।

******