মুহম্মদ ফৈয়াজ অনৱর, সাইন্তিস্ত, বিজ্ঞান প্রসার সাইন্স পোর্তেল

নেস্নেল সেন্তর ফোর পোলর অমসুং ওসিন রিসর্,(এন.সি.পি.ও.আর.)না লুচিংদুনা পাংথোকপা মাইক্রোসকোপিক ওইবা অরিবা সমুদ্রগী অলগী(কোক্কোলিথোপোরশিং)কী নৈনবা অমদা সমুদ্রগী ওইবা কেলসিয়ম কোর্বোনেৎ(CaCO₃) অসি খা-থংবা হিন্দ মহাসাগরদা কুংবগী চাং অসি হন্থরক্লে হায়বা ফংখ্রে। CaCO₃ তাথরক্লিবা অসি অতোপ্পা সেল অমখক্তংগী ওইবা দাইএতোমশিং হায়না খংনবা অলগীগী অকুংবা হেনগৎহনবদা মরম ওইরি। মসিনা অমুক চাওখৎহনবদা অমসুং মালেমগী মহাসাগরগী ইকোসিস্তেমগী অখন্নবা মঙমগা লোয়ননা কোক্কোলিথোপোরশিংগী শরু পোলাংগী মশক-মওংদা শাফু পীগনি।

কোক্কোলিথোপোরশিং অসি মালেমগী মহাসাগরশিংগী মথক থংবা ইমাইদা লৈবা সেল অমখক্তংগী ওইবা অলগীনি। মখোয় অসিনা শমুদ্রগী ইকোসিস্তেমদা অমসুং মালেমগী কার্বোন সাইকলদা চহী মিলিয়ন কয়াদগী য়াম্না মরু ওইবা থৌদাং অমা লৌদুনা লাক্লি। কোক্কোলিথোপোরশিংনা চাদা ৪০ ফাওবগী ওপন ওইবা মহাসাগরগী কোলসিয়ম কার্বোনেৎ পুথোকপা শমুদ্রগী ফাইতোপ্লেঙ্কতন অদু শুনু ওলহল্লি অমসুং অপুনবা মহাসাগরগী মরুওইবা পোত্থোক পুথোকপদা চাদা ২০ থৌদাং লৌই।

কোক্কোলিথোপোরশিংনা চোক য়াওবা অমমমতগী ওইবা CaCO₃ গী প্লেৎশিংদগী একজোস্কেলেতনশিং অসি শেম্মি অমসুং কোংগ্রেংশিমনা মখোয়গী মপান্থংবা শরুক্তা য়াম্না পীকপা প্লেৎশিং শেম্মি। অদুম ওইনমক মসিগী প্লেৎশিং অসি শেম্লিঙৈগী মতমদা কোর্বোন দাইওক্সাইদ থোকই, কোক্কোলিথোপোরশিংনা মসিগীশিং অসি নুংশিৎকী কুয়োমদগী অমসুং মহাসাগরদগী ফোতোসিন্থেসিস তৌরিঙৈগী মতমদা চুশিন্দুনা মসি লৌথোকপদা মতেং পাংই। মসিগা চাং মান্নবদা, কোক্কোলিথোপোরশিংনা মহাসাগরগী ইকোসিস্তেমগীদমক কান্নবা ওইবা মখোয়না পুথোকপদগী হেন্না কার্বোন দাইওক্সাইদ অদু চুপশিল্লি। এন.সি.ও.পি.ও.আর., নেস্নেল ইন্সতিত্যুত ওফ ওসিনোগ্রাশি(এন.আই.ও.), অমসুং গোৱা য়ুনিভর্সিতীনা খা-থংবা হিন্দ মহাসাগরদা কোক্কোলিথোপোরশিং অসি য়াম্না মরাং কাইনা অমসুং মখল-মখলশিং য়াম্না হেনগৎহল্লক্লিবা অসি য়াম্না চাং ৱাংনা মতমগী মখা পোল্লি অমসুং সিলিকেৎ কন্সেনত্রেসনশিং, কেলসিয়ম কার্বোনেৎ কন্সেন্ত্রেসন, মরাং কাইবা দাইএতোম, মঙাল য়ৌশিনবা ঙম্বা অমসুং মেক্রো অমসুং মাইক্রোন্যুত্রিয়েন্তশিং ওইরকপা য়াবা কন্সেন্ত্রেসনশিংনা ইথিল পীবা অসি মরাং কাইনা লৈ হায়বসি খংবা ঙমখ্রে।

রিসর্স তীম অসিনা কালেনগী অঙনবা মতমদা অমসুং অথেংবা কালেনগী মতমদা সমুদ্রগী ঊনশিংনা কায়থরকপনা নুংশীৎ-নুংসা হোংহল্লকপা অমসুং মহাসাগরদা এসিদ চেলহল্লিবা অসি কোক্কোলিথোপোরগী তোঙান-তোঙানবা মখলশিং অসি হন্থরক্লিবসি দাইএতোম অলগী য়াওবা হেনগৎলকপননি অমসুং খাথংদা মহাসাগরদগী ঈশিংশিংদা সিলিকা য়াওবা কন্সেন্ত্রেসন হেনগৎলকই হায়বা খংবা ঙমখ্রে। বৈজ্ঞানিকশিংনা সবত্রোপিকেল জোন(এস.তি.জে.) অমসুং সব-অন্তার্কতিক জোন(এস.এ.জে.)দা কালেনগী ময়ায়দা চাং ৱাংখৎলক্লিবা সিলিকেৎশিং, অনেম্বা তেম্পরেচর অমসুং হন্থবা সেলাইনিতীগী ফীভমশিংনা লাকপা কোক্কোলিতোফোরশিংগী খ্বাইদগী য়াম্বা মখলশিং চাংয়েং তৌদুনা য়েংশিনখ্রে।

বৈজ্ঞানিকশিংনো খা থংবা হিন্দ মহাসাগরগী কোক্কোলিথোপোরশিংগী বাইওজিওগ্রাফিক ওইবা মপানশিং অসি মখল কয়া থোক্না খাইদোকপা য়াই অমসুং অঙনবা অমসুং ময়ায়থংবা খা-থংবগী কালেন্দা অকোয়বদা লৈরিবশিংনা অমসুং অথেবা খা-থংবা কালেন্দা শজিক চাবগী শাফুনা লাকশিল্লি হায়বা খংবা ঙমখ্রে। অদুগা অৱাংবা লেতিচুদশিংদা মখারোমদা শন্দোকখ্রিবা কোক্কোলিথোপোরশিং অসি য়াম্না মরু ওই অমসুং কালেন্দা অতেনবা মতম খরগী ওইনা থোকপা য়াই হায়বসি তাক্লদুনা মপান্দগী পীরকপা শাফুশিংনসু কোক্কোলিথশিং অমসুং কোক্কোসফিয়রশিং অসি পুথোক-পুশিন তৌবদা য়াম্না মরু ওইবা থৌদাং লৌই।

নৈনবা অসিদী ফমংলকপা ফলনা নুংশীৎ-নুংশা হোংবা অসি কোক্কোলিথোপোর অসি শুনু ওনবগী চাংগী অচৌবা মরম্নি হায়বা তাকই। তোঙান-তোঙানবা অকোয়বগী ফেক্তরশিং অমসুং অকোয়বগী ফীভম হোংলকপদা জীবশিং অসিনা হিংবা ঙম্বা অসিনা অরোইবা মওংদা তুংদা ওইরক্কদবা কোক্কোলিথোপোরনা শুনু পুথোকপা অদু তাকই। মসিগী থিজিনবশিং অসি সমুদ্রগী ইকোসিস্তেম অমসুং মালেমগী কার্বোন সাইকলদা অহোবা লাকপদা খুৎ চংবদা মরু ওই।

শ্রমিক এম.পতিলনা লুচিংলিবা রিসর্স তীম অসিদা এন.সি.পি.ও.আর.গী সথিশ রাহুল মোহন অমসুং সাহিনা গাজী, গোৱাগী আর্থ সাইন্স মন্ত্রালয়, এন.আই.ও.গী সুহাস এস. শেত্যে অমসুং গোৱা য়ুনিভর্সিতীগী পল্লবী চৌধরি য়াওই। রিসর্স পেপর অসি দীপ-সি রিসর্স পার্ত-IIগী জর্নেলদা ফোংখ্রে।

কোক্কোলিথোপোরগী ত্রান্সমিসন ইলেক্ত্রোন মাইক্রোস্কোপ(তি.ই.এম.)গী শক্তম

*****