দিপার্তমেন্ত ওব সাইন্স এন্দ তেক্নোলোজী, ভারত সরকারগী মখাদা লৈবা ওতোনোমস ইন্সতিত্যুৎ অমা ওইরিবা ৱাদিয়া ইন্সতিত্যুৎ ওব হিমালয়ান জিওলোজী (দব্ল্যু.আই.ঐচ.জি.), দেরাদুনগী রিসর্চরশিংনা লদ্দাখ হিমালয়দা লৈবা ইন্দস তুরেলগী হৌখ্রবা চহীশিংদা লৈরমগদবা অইং অশাগী ফিবম্বু কেনেলশিংদা ননশিন্নদুনা লৈরিবা গ্রেবেলশিংগী মতেংনা খোংগুল লীখ্রে।

মখোয়না মতম কয়া তুরেল অসিদা লৈঙোই তুংশিনলকপদগী তোংখৎলকপগী মতমদা থোকপা দিসচার্জ তৌরকখিবশিং অমসুং মদুগী ইন্সিজনশিং অদু নৈনখি।

তুরেলগী তেরেসশিং অসি চীংশাংশিংগী মতাইদা মতম চুপ্পদা লৈদুনা মীওইবা সমাজগী হৌখ্রবা, হৌজিক ওইরিবা অমসুং তুংদা লাক্কদবশিংদা হিংনবগী লম্বী পীরক্লি। মসিগী তেরেসশিং অসি হিমালয়াদা তুরেল মপানগী তম্পাক অমসুং ইন্সিজন হেনগৎলকপা খঙনবা নৈনরিবা তম্পাক্তা পাক্তক্ননা তুংশিনলক্লিবশিংগী শরুকনি। সাইন্তিস্তশিংনা হৌজিক ফাওবদা নোং চুবা হেনগৎলকপা অমসুং উন শৌদোকপা হেগৎলকপগা লোইননা চোৎ-চোৎ লাউবা অইং-অশাগী ফিবম্না তুরেল থেনগৎলকপরা নত্ত্রগনা মসিগী মহুত্তা ঈশিংগী চাংদা লৈঙোই তুংশিনবা হেঞ্জিনলকপনা থেনগৎলকপরা হায়বসি চমম্নরি।

থিজিল্লিবশিংনা লদ্দাখ হিমালয়গী ইন্দস তুরেলদা অথেংবদা ক্বাতর্নরী (হৌজিক হৌজিক অমসুং জিওলোজিকেলগী তাইম স্কেল অহুমদা খ্বাইদগী নৌবা পেরদ)দা তুরেল থেনগৎলকপা অমসুং ইন্সিজনগী মতমদা লৈবা দিসচার্জ নৈনখি। মখোয়না পৈশিল্লিবা কেনেলশিংদা ননশিন্নদুনা লৈবা গ্রেবেলশিংবু কে.এ. (থাউজন্দ ইয়র) ৪৭-২৩দা নেৎ তিবর এগ্রেদেসন থোক্লিঙৈ মতম অমসুং কে.এ. (চহী লীশিংদা) ১৪-১০দা তুংশিন্দুনা লৈরক্লবা স্লেক ৱাতরবু নেৎ রিবর ইন্সিজন্দা থোকপা পেলিওদিসচার্জ কন্ত্রেন্ততা পেলিওদিসচার্জ তৌবা হোৎননবা শীজিন্নখি।

মখোয়না হিমালয়গী তুরেলশিংদা থনগৎলকপগী মরম অসিগ্লেসিএল-ইন্তর্গ্লেসিএল ত্রাঞ্জিএন্তকী অশাবা অইং অশাগী ফিবম (কে.এ. ৩৩-২১ অমসুং ১৭-১৪)দা গ্লেসিএল ইবেন্ত থোক্লবা মতুংদা তুরেলগী সেদিমেন্ত বজেৎ হেনগৎলকপা মতমদা থোকই হায়বসি খঙবা ঙমখি।

জিওমোর্ফোলোজী হায়বা জর্নেল অসিদা ফোংখিবা মখোয়গী নৈনবনা উৎলি মদুদি ইন্দস তুরেল থেনগৎলকপসি ঈশিংদা লৈঙোই তুংশিল্লকপগী চাং অসি এম.আই.এস.-৩ (মেরিন আইসোতোপ স্তেজ (এম.আই.এস.), মেরিন ওক্সিজেন-আইসোতোপ স্তেজ, অসি পৃথিবীগী হৌখ্রবা চহীশিংগী অইং অশাগী ফিবমগী অশাবা অমসুং অইং ওন্নবা, ওক্সিজেন আইসোতোপ দেতাদগী খাইদোক্লকপা অইং অশাদা অহোংবা উৎপা, দীপ সী কোর সেম্পলদগী লৌরকপনি)গী মতমদা ৱাংই, অমসুং ইন্সিজন অসিনা পোস্ত গ্লেসিএল ওইবা ক্লাইমেৎনা চোৎ-চোৎ লাউবা তাংকক্তা (অর্লি হোলোসিন) ঈশিংদা লৈঙোই পৈশিল্লকপা মতমদা থোকই।

ফিগ ১ (ক) ইম্ব্রিকেসন এঙ্গল (θ) উৎলিবা ক্লাস্ত-সপ্পোর্তেদ গ্রেবেল। (খ) ক্লাস্ত দেতা উৎলিবা ফোতোঃ খ্বাইদগী শাংবা (D_L), ময়াই ওইবা (D_I) অমসুং খ্বাইদগী তেনবা ((D_S) দাইএমিতরশিং, ইম্ব্রিকেন্ত এঙ্গল (Ɵ) অমসুং লিথো তাইপ।

[ফোঙখিবগী অকুপ্পা ৱারোল;

কুমার, এ., স্রিবাস্তব, পি., এন্দ দেবরানি, আর. ২০২০। য়ুজিং ক্লাস্ত জিওমিত্রীস তু ইস্তাব্লিস পেলিও রিবর দিসচার্জেসঃ তেস্তিং রেকোর্দস ফোর এগ্রেদেসন এন্দ ইন্সিজন ফ্রোম দি অপ্পর ইন্দস রিবর, লদ্দাখ হিমালয়, জিওমোর্ফোলোজী, ভি. ৩৬২,পি.১০৭২০২. https://doi.org/10.1016/j.geomorph.2020.107202]

*****