সাইন্স অমসুং তেক্নোলোজী মন্ত্রালয়

আই. এন. এ. ই.না ইন্নোভেতিব স্তুদেন্ত প্রোজেক্তস এৱার্দ ২০২০গী নোমিনেসন কৌরি

নোমিনেসন লৌশিনবগী অরোয়বা মতম ওগস্ত ৩১, ২০২০নি

Posted On: 24 JUN 2020 6:17PM by PIB Imphal

ভারত লৈঙাক্কী দিপার্তমেন্ত ওফ সাইন্স এন্দ তেক্নোলোজীগী মখাদা লৈবা মনীং তম্বা ইনস্তিত্যুৎ অমা ওইরিবা ইন্দিয়ন নেসনেল একাদমী ওফ ইঞ্জিনিয়রিং (আই. এন. এ. ই.)না ইন্নোভেতিব স্তুদেন্ত প্রোজেক্তস এৱার্দ ২০২০গী নোমিনেসন কৌরি‍।

নোমিনেসন অসি ইন্নোভেতিভ স্তুদেন্ত প্রোজেক্তস এৱার্দ ২০২০গীদমক্তা কৌবনি‍। কেতগরী অহুমগী মহৈরোয়শিংগী প্রোজেক্তশিং শরুক য়াবা য়াগনি – একাদমিক চহী ২০১৯-২০২০গী ওইনা বি. ই., বি. তেক নৎত্রগা বি. এস.সি. (ইঞ্জিনিয়রিং) ফাইনেল ইয়র (৪শুবা চহী)গী জুলাই ৩১, ২০২০ ফাওবদা লোইশিল্লবা প্রোজেক্তশিং, একাদমিক চহী ২০১৯-২০২০গী মনুংদা জুলাই ১, ২০১৯দগী জুলাই ৩১, ২০২০ ফাওবদা একজামিন তৌবা এম. ই. নৎত্রগা এম. তেক, এম. এস.সি. (ইঞ্জিনিয়রিং)গী থেসিস, অমদি জুন ১, ২০১৯দগী মে ৩১, ২০২০ ফাওবদা একজামিন তৌখ্রবা অমদি মনাগীদমক য়াখ্রবা/রিকমেন্দ তৌখ্রবা পি.ঐচ. দি. থেসিস‍।

আই. এন. এ. ই.না ইন্নোভেতিব স্তুদেন্ত প্রোজেক্তস এৱার্দ অসি ইং ১৯৯৮দা তর্সরী ইঞ্জিনয়রিং ইদুকেসনগী তাঙ্কক অহুম মমীং ওইনা ইঞ্জিনিয়রিং ইনস্তিত্যুসনশিংদা লৈবা অন্দরগ্রেজুএত, পোস্ত-গ্রেজুএত অমদি দোক্তরেল লেভেলগী মহৈরোয়শিংনা পায়খৎপা অনৌবা অমদি ফজবা রিসর্চ প্রোজেক্তশিং মশক খঙদোক্নবগীদমক লিংখৎখিবনি‍। মনা অসিনা অখন্ননা ইন্দস্ত্রী, রিসরতচ লেবোরেতরীশিং অমদি একাদমিক ইনস্তিত্যুসনশিংগী মরক্তা পায়খৎবা অপুনবা প্রোজেক্তশিংবু পুক্নীং থৌগৎলি‍। মসিগী পান্দমদি নহা ওইরিবা তেলেন্তশিংবু পুক্নীং থৌগৎপা অমদি মখোয়বু শকখঙবিদুনা ইন্সেন্তিব পীবিবনি‍। এৱার্দ অসিগী রেসপোন্স হৌখিবা চহী ২০ অসিদা তশেংনা পুক্নীং থৌগৎনিংঙাই ওইরবসু একাদমী অসিনা কম্ম্যুনিতী অমদি প্রোফেসনগী হেন্না পাকথোক চাউথোকপা মফমশিংদা য়ৌশিনবা পাম্লি‍।

নোমিনেসনশিং অসি কেন্দিদেত অদুনা হৌজিক হৌজিক থবক তৌরিবা ওর্গনাইজেসনগী খুত্থাঙদা নত্তবা, কেন্দিদেত অদুনা মহাক্কী দিগ্রী ফংনবগীদমক প্রোজেক্ত/থেসিস তৌরম্বা ইঞ্জিনিয়রিং কোলেজ নৎত্রগা ইনস্তিত্যুসন অদুগী প্রিন্সিপাল, দীন, হেদ, রেজিস্ত্রার নৎত্রগা দাইরেক্তরনা থারকপা মথৌ তাই‍। নোমিনেসন অসি ইঞ্জিনিয়রিং কোলোজ/ইনস্তিত্যুসনশিংদগী বেসেলর্স, মাস্তর্স নৎত্রগা দোক্তরেল লেভেলগীদমক তৌখিবা প্রোজেক্ত/থেসিসশিংদগী কৌবনি‍। নোমিনেসন লৌশিনবগা অরোয়বা তাং ওগস্ত ৩১, ২০২০নি‍।

(হেন্না কুপ্পা ৱারোলগীদমক থৱায় য়াওবা কেন্দিদেতশিংনা আই. এন. এ. ই.গী ৱেবসাইত www.inae.in তা চঙদুনা লিঙ্ক https://www.inae.in/innovative-student-projects-award/ অসিদগী নোমিনেসন ফোর্ম দাউনলোদ তৌবা য়াগনি‍।

*****



(Release ID: 1634209) Visitor Counter : 7


Read this release in: English , Urdu , Hindi , Marathi