কম্পিতিসন কম্মিসন ওফ ইন্দিয়া (সি.জি.আই.)নাজাধু হোলদিংস এল.এল.সি.না জিও প্লেৎফোর্মশিংগী ৯.৯৯%গী স্তেক লৌশিনবগী অয়াবা পীখ্রে। হৌদোক্ললিবা ৱাফম অসিদা জিও প্লেৎফোর্ম লিমিতেদকী (জিও প্লেৎফোর্মস) চাউরাকপা ৯.৯৯%গী স্তেক অসি জাধু হোলদিংস এল.এল.সি. (জাধু)না লৌশিনবা হায়না পল্লি।

জাধু অসি ফেসবুক্না নাকোয়ননা মপুং ওইনা মপু ওইবা সবসিদী অমনি। জাধু অসি য়ুনাইতেদ স্তেৎসকী দেলাৱেয়র স্তেৎকী আইনগী মখাদা মার্চ ২০২০দা শেমখিবা অনৌবা কম্পেনী অমনি। ফেসবুক অসি য়ুনাইতেদ স্তেৎসকী কেলিফোর্নিয়াদা ময়ায় লোয়শং ওইবা নাসদাক্তা য়াওবা পব্লিকলি ত্রেদেদ ওইবা কম্পেনী অমনি। ফেসবুক অসি ইং ২০০৪দা হৌদোকখিবনি। মসিগী মপুং ওইবা পান্দমদি মীয়ামদা খুন্নাই শেম্বগী শক্তি পীদুনা মালেমবু নকশিলহন্নবা হোৎনবনি। ফেসবুক গ্রুপ্না তোঙান তোঙানবা পোত্থোক অমসুং সেবাশিং পীদুনা মীয়াম্বু মরুপ-মপাংশিং অমসুং ইমুং-মনুংগা হেন্না নক্নহন্নবা হোৎনবা, খুন্নাই কয়া থিদোকপা অমসুং ললোন ইতিক চাউখৎহনবদা তেংবাংই।

জিও প্লেৎফোর্মস অসি ভারতকী আইনগী মখাদা শেমদুনা লৈরিবা কম্পেনী অমা ওইবতা নত্তনা আর.আই.এল.গী মনুং চনবা কম্পেনী অমনি। জিও প্লেৎফোর্মসনা (হকথেংননা অমসুং নাকোয়ননা) মপু ওইবতা নত্তনা দিজিতেল এপ্লিকেসনশিং চলায়বা অমসুং তেক্নোলোজীগা মরী লৈনবা পোৎলম কয়াগী শেল থাদবদা চুক্লি পায়রি। জিও প্লেতফোর্মসনা রিলাএন্স জিওইনফোকোম লিমিতেদ (আর.জে.আই.এল.)গী ফোংলবা অমসুং মপুং ওইবা শেয়রদ কেপিতেলগী ১০০%গী মপুসু ওইরি। আর.জে.আই.এল. অসি ভারত্তা শেম্বা কম্পেনী অমনি অমসুং তেলেকম্ম্যুনিকেসন ওপরেতরগী লাইসেন্স ফংদুনা লৈবাক শিনবা থুংনা তেলেকম্ম্যুনিকেসন সর্বিস পীরি।

সি.সি.আই.গী অকুপ্পা মরোল য়াওবা ওর্দর অমা মখা তানা লাকখিগনি।

*****